منتدى الهجرة واللجوء => الهجرة و واللاجئين => الموضوع حرر بواسطة: BaghdadGhost في 04:17 04/05/2009
العنوان: اي مدينه و في اي ولايه ؟؟؟؟؟؟
أرسل بواسطة: BaghdadGhost في 04:17 04/05/2009
اخواني الاعضاء ...... السلام عليكم ...
لي صديق خارج المنتدى من ضمن المقدمين على ال SIV .. و لم يقدم على مزايا اعادة التوطين ... ولكن بعد خمس ايام من تاريخ استلامة للتاشيرة قام بالتقديم ... و لم يختار اي ولايه يرغب السكن فيها لان ليس لديه اي شخص .... قامت المنظمة بارسال ايميل له لتذكيره بان باستطاعته الاختيار حتى وان لم يكن لديه كفيل وهو الان في حيرة من امره .....
المطلوب منكم احبابي الاعضاء هو اعطاء الرأي و النصيحة ..... ماهي المدينه و في اي ولايه تنصحوه بان يختار ...... علما انه متزوج و لديه 3 اطفال ..... ويبحث عن رخص الايجارات و الامن لاسرته و المناخ الجيد لمعيشه عائلة عراقية ............
ارجوكم اخواني بان متترددون بالرد و متاجلون ردودكم لثاني يوم من انشاء الموضوع لان الولد بحاجة لان يرسل الايميل بعد اربع و عشرين ساعه ..........
شاكر لكم تعاونكم اخوتي و اخواتي .......
العنوان: رد: اي مدينه و في اي ولايه ؟؟؟؟؟؟
أرسل بواسطة: دنفوري في 04:40 04/05/2009
ولله اخويه حسب مسامع تكساس
العنوان: رد: اي مدينه و في اي ولايه ؟؟؟؟؟؟
أرسل بواسطة: مهاجرين بلا حدود في 04:44 04/05/2009
اولا مشكور اخونا الغالي شبح بغداد على مبادرتك بالمساعدة لصديقك + بارك الله بيك ثانيا : انت تعرف الولايات كلها جميلة ورائعة ...والمناخ حسب قربها من الشمال (بارد مثلج )او الوسط ( امطار وربيع وثلوج اقل ) او الجنوب (حر بس اكو كهرباء ) الحمد لله الولايات الساحلية على العموم غالية جدا (كاليفورنيا فلوريدا ... الخ ) ولايات وسط القارة تكون ارخص وكل ولاية بيها مناطق راقية جدا وبيها المتوسطة الحال والفقيرة لابد من استشارة المنظمة باختيار الولاية لانهم اعرف بوضع الولايات من حيث الخدمات المقدمة للاجئ كاول زيارة له ااهم نقطة في نظري ..هو مقدار المال والنقود التي يستطيع اخذها معه كبداية حياته وتحسبا لاسؤا الظروف ..من ناحية ( العمل او تغيير ولاية و تغيير سكن ) كلما كان المبلغ جيد كلما تترتب الامور بشكل افضل ..,... وكلها بيد الله وممكن يساعدونا الاخوان المتواجدين بامريكا واعطائنا النصيحة لاي بلد يفضل التوجه له كبداية وان شاء الله ميبخلون عنا بنصيحة مهما كانت بسيطة
اخوكم ابو محمد
العنوان: رد: اي مدينه و في اي ولايه ؟؟؟؟؟؟
أرسل بواسطة: Haider 67 في 06:04 04/05/2009
ممكن تكساس من ناحية رخص الأيجارات والعمل ولكن جوها حار وكاليفورنيا اغلى ولكن افضل من ناحية المميزات للأطفال وجوها رائع
العنوان: رد: اي مدينه و في اي ولايه ؟؟؟؟؟؟
أرسل بواسطة: ahmed.khalid_87 في 07:46 04/05/2009
عيني شبح حسب الكل يكولون ولاية تكساس احسن شي من ناحية الايجارات و وفرة الشغل اريزونا همين زينة تحياتي
العنوان: رد: اي مدينه و في اي ولايه ؟؟؟؟؟؟
أرسل بواسطة: BaghdadGhost في 10:21 04/05/2009
اخواني الاعضاء ........
اشكركم لمشاركتكم و ابداء النصيحة ..... لك عيني بس لا تطلع تكساس ام الدنيا ... هههههههه
رايدين اراء اكثر .... وغير تكساس لان هو الولد اول اختيار راح يكتبه هو هيوستن تكساس .... بس احنه رايدين نخلي اكثر من خيار ....... همتكم ويانه
العنوان: رد: اي مدينه و في اي ولايه ؟؟؟؟؟؟
أرسل بواسطة: ahmed.khalid_87 في 11:18 04/05/2009
عيني شبح ترة الولايات معظمهة زينة بس اكو ولايات غالية مثل كاليفورنيا واشنطن دي سي و اوهايو وفلوريداووو تحياتي
العنوان: رد: اي مدينه و في اي ولايه ؟؟؟؟؟؟
أرسل بواسطة: suzie83 في 12:10 04/05/2009
عيني تكساس تخوف اعرف ولد هناك من جماعتنا خطية ... فد يوم واحد من الشارع الى هو ساكن بيه انكتل ابنهم بالعراق هذولة التموا عليه وشبعوا ضرب لحد ما وصل للموت والمنظمة مالته نقلته لغير ولاية ... صح بيها فرص عمل بس ويه فرص العمل اكو مخاطرة
العنوان: رد: اي مدينه و في اي ولايه ؟؟؟؟؟؟
أرسل بواسطة: احلى بابليه في 13:23 04/05/2009
عيني تكساس تخوف اعرف ولد هناك من جماعتنا خطية ... فد يوم واحد من الشارع الى هو ساكن بيه انكتل ابنهم بالعراق هذولة التموا عليه وشبعوا ضرب لحد ما وصل للموت والمنظمة مالته نقلته لغير ولاية ... صح بيها فرص عمل بس ويه فرص العمل اكو مخاطرة
:o :o يا ساتر سوزي
فيرجينيا هم طبيعتها حلوه بس تكساس ارخص وفرص العمل اكثر ولحد الان ما سمعنه حوادث غير مره وحده حادث سرقه ( كسر زجاج السياره وسرقة جهاز من عدها ) ..
العنوان: رد: اي مدينه و في اي ولايه ؟؟؟؟؟؟
أرسل بواسطة: suzie83 في 13:32 04/05/2009
ههههههههههه خوفتج مو سوري بس احتمال كلامج صح انه حادث واحد صاير بيه ؟؟ كل شي يصير واحتمال انه الشخص الى اعرفه عجبه يهمبل براسي ويفر قوايشش بس والله اني نقلت الحدث مثلما هو لا فلفل ولا بهارات... لانه دائما احنا الجنس الناعم نتهم بانه نضيف فلفل وبهارات للحجي ههههههههه مو ؟؟
العنوان: رد: اي مدينه و في اي ولايه ؟؟؟؟؟؟
أرسل بواسطة: احلى بابليه في 13:36 04/05/2009
اي عيوني سوزي مو معروف علينه نسوي من الحبايه كبـــــــــــــــــــــايه و هاي الشغله تصير بأي ولايه ,, وان شاءالله رب العالمين يستر علينه وعلى كوووووووول العراقيين ..
العنوان: رد: اي مدينه و في اي ولايه ؟؟؟؟؟؟
أرسل بواسطة: maitham70 في 15:36 04/05/2009
حبي شبح بغداد اني عندي ابن عمي في ولايه تكساس مدينة دالاس دائما ينصحني اجي يمه واني حاليا مقدم على دالاس يكول الشغل متوفر والجوا مثل العراق تقريبا والايجارات بسيطة مو مثل باقي الولايات وها صارله من 1991 ولحد الان موجود ويشتغل واموره زينه
واعتقد قريت في هذا المنتدى احد الاخوان كاتب انه اهل جنوب امريكا ناس طيبين وعملين
يعني على العموم تكساس كله زينه والله يوفق صديقك ويلكي المدينه الي يرتاح بيه ويعيش بسلام
تحياتي الك شبح العراق مو بس بغداد
العنوان: رد: اي مدينه و في اي ولايه ؟؟؟؟؟؟
أرسل بواسطة: BaghdadGhost في 16:07 04/05/2009
اشكركم اخواني و اخواتي على المشاركة ......
حبي هيثم ... تسلملي يا ورد و هو هذا الكلام الي اني جنت منتظرة ... و حتى اخليكم بالصورة .... احنا راح نكتب التالي
دلاس , تكساس
هيوستن , تكساس
بورتلاند , اورغن
فيلادلفيا , بنسلفانيا
بس بعد اريد ارائكم .....
العنوان: رد: اي مدينه و في اي ولايه ؟؟؟؟؟؟
أرسل بواسطة: القرش في 16:45 04/05/2009
السلام عليكم
اخويه الغالي شكرآ على هاي المبادره الطيبه منك تجاه صديقك .. واعتقد لو يروح يم ابو قمر او يم اخويه نازكول لان اعتقد الايجارات رخيصه والعمل حسب ماعرفنا موجود .. واتمناله الموفقيه والرزق .
ابو انس
العنوان: رد: اي مدينه و في اي ولايه ؟؟؟؟؟؟
أرسل بواسطة: ايات في 17:55 04/05/2009
اخي ان شاء الله يوصل بسلامة والاخوة ما قصروا كتبوا احسن الولايات واحسن الاماكن والتوفيق من الله .....اختك ايات
العنوان: رد: اي مدينه و في اي ولايه ؟؟؟؟؟؟
أرسل بواسطة: NOOR 2 في 21:35 04/05/2009
اخي عطر بغداد الغالي
بارك اله بك عبى هذه الشهامه
انا اسف ليس لي معلومات بذلك ولاكنني احببت ان كون متواجد في موضوعك هذا
اخوك NOOR 2
العنوان: رد: اي مدينه و في اي ولايه ؟؟؟؟؟؟
أرسل بواسطة: show في 22:26 04/05/2009
في البدايه احب اهنيك على التالق وانت من اهلها وكدها تكساس الولايه المرجحه من قبل الكثير حتى في موضوعك " اعرف جارك" الاغلبيه مصوتين على تكساس الي متواجد هناك حاليا و الي يرغب يروح هناك
بالتوفيق للجميع
العنوان: رد: اي مدينه و في اي ولايه ؟؟؟؟؟؟
أرسل بواسطة: BaghdadGhost في 23:45 04/05/2009
ابو انس ,,, ايات ,,, نور ,,, شو ,,,,
تسلمون يا ورود عالمرور و ربي يوفقكم ..... اني هم راح اخلي الموضوع و منتضر ان شاء الله فوته اخونا نازكول لان يهمني رايه .....
تحياتي الكم ......
العنوان: رد: اي مدينه و في اي ولايه ؟؟؟؟؟؟
أرسل بواسطة: طيور الجنه في 00:06 05/05/2009
والله اخويه وره تكساس اعتقد اريزونا يكولون عليها زينه و كلش مريحه لاصحاب العوائل بعد ما ادري الي بامريكه ممكن ينصحونه و ممكن يفيدوك اكثر
العنوان: رد: اي مدينه و في اي ولايه ؟؟؟؟؟؟
أرسل بواسطة: vincenzo في 01:11 05/05/2009
اخي العزيز واستاذ ال SIV مبروك عليك التالق لان انته تستاهلة من زمااااااااااااان ومبروك علينا مساعدتك النه ياشهم هاية المشكلة شخصية تخص عائلة الاخ الرايح بس اكو خطوط عامة ممكن الواحد ينصحه بيهه وتعتمد على هواية اشياء وينرادلهه هواية سوالف وبحث معلومات لازم اهمه يسووه ويتعبون نفسهم شوية واني برايي اهم شي الواحد يدخل لامريكا بالاول وبعدين يكدر يروح لاي ولاية تعجبة اللا اذا ما عندة كروة ههههههههههههههههههه واهم شي يحجون وية ناس ثقة وناجحين بحياتهم بكل الولايات المرشحة وليخلون اراء الاخرين تاثر هواية على توجهاتهم الاصلية اللي تعتمد على عوامل مثل
1-الطقس
2-اسعار السكن
3-تنسيقهم على الحصول على اعمال نتيجة علاقات شخصية مسبقا قبل ان يسافرون لامريكا
4- وجود اعمال مشهورة بها الولاية وقريبة من اختصاصاتهم اذا كانوا من اصحاب الاختصاصات الدقيقة كالجامعات المهمة والمصانع الكبرى وشركات معينة او ولايات زراعية مثلا اذا كانوا تعملون بالزراعة او ولايات فيها قواعد عسكرية كثيرة لمن يرغب بان يعمل في الجيش اما كعسكري او كمتعاقد او مترجم او اي شيء فيها او مثلا المناطق التي تشتهر بالفن للفنانين بينما لااعتقد ان العامل الغير ماهر مثلا او المدرس او جليس الاطفال او صاحب المهنة اليدوية او الحرة كالكهربائي او مصلح الاجهزة او السيارات او الخياط او الحلاق او السائق يمكن تحديده بولايات معينة
5- وجود اقارب مقربين منهم ويعتمدون عليهم او اصدقاء ثقة في منطقة ما
ان عملية اختيار الولاية الاولى التي يذهب لها اللاجئ من قبل منظمة اللاجئين الامريكية يعتمد على اشياء مقاربة لما ذكرته اعلاه ولكن اهم شي ان يكون الاخ صديقك او اي فرد من عائلته متقنا للغة الانكليزية لتتسهل امورهم كثيرا اينما ذهبوا
هذا هو رايي المحايد الذي اطبقه على نفسي وانصح به اصدقائي المقربين
وتقبلوا مروري
العنوان: رد: اي مدينه و في اي ولايه ؟؟؟؟؟؟
أرسل بواسطة: حداد السيوف في 12:12 05/05/2009
أخي العزيز شبح بغداد مبروك على عضويتك المتألقه دائما في المنتدى وانا جدا اسف لأبتعادي هذه الفترة عن المنتدى حيث كنت على المنتدى مدة لا تزيد عن 3 دقائق وبعدها أخرج بسبب اني مريض ب زكام والتهاب شديد في الحنجرة على العموم ,,,, اني أنصح ب تكساس لأن كثير من أصدقائي الي أعرفهم معرفة شخصية يمتدحون بتكساس ورخص أيجاراتها ,, وكثرة فرص العمل فيها ولو أني رايح الى ولاية كونيتكت ,, بس اني لان عندي خوش سبونسر هناك فراح اروح
العنوان: رد: اي مدينه و في اي ولايه ؟؟؟؟؟؟
أرسل بواسطة: BaghdadGhost في 12:49 05/05/2009
طيور الجنه ,,,,, فجنزو ,,,,, تسلمون يا ورود على المعلومات و النصيحة ......
حبيبي حداد السيوف ....
ما عندك غير العافية وان شاء الله تكوم بالسلامه ..... ننتظر مشاركاتك مثل قبل ... شايل جاكوجك و تكسر بالمواضيع .... ههههههههههه
العنوان: رد: اي مدينه و في اي ولايه ؟؟؟؟؟؟
أرسل بواسطة: damn siv في 14:43 05/05/2009
والله هي تكساس بشكل عام تمتاز برخص الايجارات وفرص عمل لا بأس بها
بس الشغلة انو اغلب الي يروحون لتكساس يروحون لهيوستن لو دالاس ويغفلون عن مدينه حلوه ومجكنمه الي هي سان انتونيو هاي المدينه تمتاز بحجمها المتوسط، رخص الايجارات بالاظافة الى طبيعتها الخلابة وقيمتها التاريخية
هاي نصيحتي الشخصية وبالتوفيق ان شاء الله
العنوان: رد: اي مدينه و في اي ولايه ؟؟؟؟؟؟
أرسل بواسطة: BaghdadGhost في 16:47 05/05/2009
تسلم حبيبي siv ..... عالنصيحة ....
اني هم لاحظت هذا الشي و اني هم راح ادرج الخيار الي انته انطيتنيا ....
العنوان: رد: اي مدينه و في اي ولايه ؟؟؟؟؟؟
أرسل بواسطة: ahmad.13 في 21:52 21/07/2009
اللة يخليكم اريد اعرف اخبار ولاية ايلنوي مدينة روكفورد
العنوان: رد: اي مدينه و في اي ولايه ؟؟؟؟؟؟
أرسل بواسطة: Iron_man في 23:03 21/07/2009
حبي الشبح ... مبروك لك اولا سلامة الوصول .. . ونقول الحمد لله عالسلامة ....
الصراحة ... ما عندي شي اضيفه على الموضوع .. واتفق تماما مع جميع الاخوة اللي ذكروا شي عن ولاية تكساس ... وسواء مدينتي دالاس او هيوستن او غيرها ... فهي عموما تمتاز بأيجاراتها المناسبة والرخيصة مقارنه ببقية الولايات .... كما وتمتاز بتنوع وظائف العمل وتوفرها .....
واذا اردتم كخيار اخر ... وبموجب الظروف التي يريدها الشخص ( عائلة و 3 اطفال .. و و و ... ) فيمكن ايضا اختيار كاليفورنيا لجوها الرائع ورخص الايجارات (نوعا ما) ووسائل الحياة الاخرى كالنقل والمعيشة ...
تقبلوا مروري مع فائق الاحترام
اخوكم Iron_man
العنوان: رد: اي مدينه و في اي ولايه ؟؟؟؟؟؟
أرسل بواسطة: Iron_man في 23:08 21/07/2009
حبي الشبح ... مبروك لك اولا سلامة الوصول .. . ونقول الحمد لله عالسلامة ....
الصراحة ... ما عندي شي اضيفه على الموضوع .. واتفق تماما مع جميع الاخوة اللي ذكروا شي عن ولاية تكساس ... وسواء مدينتي دالاس او هيوستن او غيرها ... فهي عموما تمتاز بأيجاراتها المناسبة والرخيصة مقارنه ببقية الولايات .... كما وتمتاز بتنوع وظائف العمل وتوفرها .....
واذا اردتم خيار اخر ... وبموجب الظروف التي يريدها الشخص ( عائلة و 3 اطفال .. و و و ... ) فيمكن ايضا اختيار كاليفورنيا لجوها الرائع ورخص الايجارات (نوعا ما) ووسائل الحياة الاخرى كالنقل والمعيشة ...