-
(http://th08.deviantart.com/fs21/300W/f/2007/238/0/f/19_by_betceemay.jpg)
زعلان انه منك وابد ما حاجيك
ماريدن احبك بطلت اهواك
انساك ابقه احاول وانسه تعب الروح
ولو ادري جذب ما اكدر انه انساك
عشت وياك دمعه وما ضحكت هواي
وما شفت الفرح لسبوع ابد وياك
تعرفني ولك يفلان كلش زين
وتدريني شكثر اتحيير بملكاك
ياسر البواجي والدمع بالعين
يا دفتر شعر وك معرفت اقراك
ارعاك بوريدي وتشعل انت دماي
رغم كل هذا واتصبر وارد أرعاك
اكتل وكتي لجلك حته اجيلك شوك
ولامهتم اشوفك بييه لا مشتاك
تضل تحجي ويه غيري تضحك وفرحان
( واخوي تكلي هاذ وتبتسم عيناك )
من كل البشر وك انه اغار اعليك
من امك وابوك وربك السواك
ما اكدر بعد حدي انختم لهنااا
ضل عايش حياتك بين هاذ وذاك
لتفكر بعد شاعر يوصفك يوم
محد مثلي يوصف شكلك الفتاك
محد مثلي يوصف عينك ورمشيك
يامن الخمر ربك شهد صفاك
لتفكر بعد شاعر يوصفك يوم
ومثل تاج الملك فوك الغزل خلاك
من شعرك وصفتك انه حد رجليك
وصلت المشيتك .. صاب القلم ارباك
ذبيت القلم وبلا قلم كتبـــــــــــــيت
قطيت انه اصبعي ووصفت ممشاك
انطيتك عشك بس الك حب انطيت
اتراهن انه ومحد ابكدي انطاك
اذا عينك بجت اكلب جروحي بساع
وادرولك ضحك بييه واكلك هاك
كلشي تلزمه بيدك جنت اضمه وياي
كاغد عندي منك احفضه لذكراك
واليوم اليمر وما اشوفك بي
احضن الكاغد انه وما احس بفراك
حته ويه الحلم لازم اشوفك طيف
واذا اضيعك اغمض بالجفن الكاك
كل هاي المحبه وماتحن شبيك ؟!
ولا مره اغلطت او قصرت وياك
ما اكدر بعد حدي انختم لهناا
ضل عايش حياتك بين هاذ وذاك
زعلاااااان انه منك بعد ما احاجيك
ماريدن احبك بطلت اهواك
انساك انه احاول وانسه تعب الروح
ولو ادري جذب للموت ما انساك
منقول
-
عاشت الايادي على النقل الرايع
-
موضوع مميز بحروفه وكلماته ومعانيه
سلمت يمناك وردة للموضوع الحلو
-
ميرسي ياورود على المرور والرد الحلوووو
-
عاشت الايادي على النقل الرايع
-
عاشت الانامل
كلام رائع
تحيتي ومحبتـــي
الاشـــــــــــــــ 10 ــــــــــــوتي
-
عاشت الانامل اللي نقلت النا هذه الكلمات الحلوه
(http://dl3.glitter-graphics.net/pub/1593/1593263vsjebiewln.gif)
تقبلو مروري اللــــقشــنيـــثه ;)
-
عاشت الايادي ع الكلمات الحلوه
-
ميرسي ياورود على المرور والرد الحلوووو
-
عاشت الايادي
-
ميرسي ياوردة على المرور الحلوووو
-
عاشت الايادي