ankawa
منتدى الهجرة واللجوء => الهجرة و واللاجئين => الموضوع حرر بواسطة: الهداف في 12:50 14/05/2009
-
السلام عليكم الى كل من يقرا هذه الكلمات اني شاب من بغداد شاغول وصحتي جيدة جدا ونضيف وامين اريد الذهاب الى لبنان او سوريا او الاردن للعمل لحين ضهور نتيجة الهجرة في اليو ان اعرف انهم لايسمحون للعراقي بلعمل لاكني اريد ان اعمل بدون اي اجور فقط الاكل والمبيت وانا اتحمل كل المسؤلية مستعد العمل في المطاعم او الفنادق او المحلات اتمنى العمل في البيوت حيث اجيد كل الاعمال التنضيف والطبخ والمشويات كباب سمك وغيرها الكثير بدون اجور فقط الاكل والمبيت اتمنى ان تتفهموا وضعيتي واتمنى من الله ان ايساعدكم ويساعدني مع جزيل الشكر وهذا ايملي و mnomno69@yahoo.com اتمنى ان ترسلوا ردودكم الى ايميلي لاني لااعرف قرائتها على الموقع اجد صعوبه ورقم جوالي 07704529231 بس مجرد سويلي مسكول واني اتصل اخوكم الهداف
-
الله ينطيك الصحه وبارك الله بيك اخي روح لاي دوله وانشاءالله تلكه شغله لان مبين انك شاغول وسبع مثل منكول واكيد تتوفق
-
يا ربي تكلي شغل وتتوفق والله ما اعرف شكلك ...مبين عليك شاغول ...زين انت ليش تريد تطلع ؟؟ ابقى هنا اكيد اكو شغل بالعراق علمود لا تتتبهذل..
-
السلام عليكم
الله يسهل كل امورك ويساعدك .. انت انسان طموح وكادح واكيد تتوفق بحياتك والله يكون بعونك وينور دربك ويحقق كل امانيك وبارك الله بيك .
ابو انس
-
اخوان اني اشكركم على هاي الردود الرائعة اخوان اني مجبور على الذهاب الى الدول المجاورة للتقديم على الهجرة هذا هدفي وبسبب ضروفي المالية التعبانه لازم ان اشتغل اي شغلة الى ضهور نتيج الهجرة واشجابرك على المر اتمنى اكو احد ايساعدني طبعا محضر القصة والمستمسكات وكل الامور اتمنى اكثر ردود منكم واتمنى اصير صديق الكم جديد
-
احنا نرحب بيك اخونا الهداف وانت تشرف باي وقت البيت بيتك واحنا ضيوفك
وان شاء الله تسافر لدول الجوار وتلكي شغل الي يعينك ويصبرك على غربتك
ونريد نسمع منك اخبار بتسجيل اول هدف بالمرمى مو بلعارضة انت موهداف ليش متسجل بنادي رياضي
وتشوفهم اللعب على اصولة يا بطل :D
ننضر منك اهداف تهز جبال .........مو :o
اخوك مهاجرين ببلا حدود
-
الله يعينك ويوكفلك ولد الحلال الي يساعدوك .. لا تشيل هم وذبها على ربك وتفرج بحيل الله
اختك ام تبارك
-
تحياتي الى الجميع واشكركم على الردود الرائعة بس اريد اسئل كم الفترة الى ان الواحد يحصل على ورقة اللجوء في اليوان العدم التعرض في سوريا والاردن ولبنان اخوكم الهداف
-
صديقي ليش متقدم من وين ما انته ؟؟؟؟؟
ليش هالبهذله ؟؟؟؟؟
هيه كلهه ايميلات!!!!!
-
السلام عليكم جميعا اشكر كل الي جاوبوني وانشاء الله السفر القريب بصراحة قررت السفر الى لبنان اتمنى اتكتبون كل الي تعرفوا عن لبنان وعن اليو ان فيها
-
وينكم ياجماعة محتاجيكم
-
السلام عليكم اخي الهداف
اخي بلنسبه للشغل لتهتم اكو شغل وين متروح والذي يرزقك في العراق هو الذي يرزقك في اي مكان فلاتهتم لهذا الموضوع وتوكل على الله وانا اخي سافر الى لبنان وهو لايحمل سوى 100 دولار وكان معه زوجته واولاده الاثنين وهو الان في امريكا توكل على الله سوف تلاقي الله اين ما تذهب بس تكون نيتك صافيه اخي لله
-
UNHCR Lebanon
Address:
Kammourieh Building
Abdallah Mashnouk Street
Verdan, Beirut
Telephone:
009611802460
-
اخي العزيز الله يسهلها ابوجهك ويفتحها وتنفرج عليك امين
تحياتي.. الك
-
الى عكعك و suzie83 و ابو انس والقرش وام تبارك ومهاجرين بلا حدود و vincenzo و كمال الشاطيء و iraqi jealous والى كل المتواجدين والقراء في هذا الموقع اشكركم كل الشكر والله ايريح كلبكم بصراحة حسيت انه اكو ناس ويايه ترة الواحد بهاي الضروف يحتاج الى ابسط معلومة واتمنة من الله اينور ايامكم ويسهل اموركم ويحقق كل امنياتكم يارب وخليكم على تواصل وياية والي عندة اي معلومة لايتعاجز والله محتاجكم
-
اخ الهداف عادي تكدر تشتغل بدون علمهم يصير بس لازم تنتبه لنفسك بوقت الشغل
والله يسهلها عليك
تحياتي
-
ربي يوفقك باي مكان تروح وانشااللة تشوف شغل وتكمل معاملتك وتسافر وتستقر وتبني حياتك ربي يوفقك من كل الجهات بالتوفيق اخي الهدف
-
السلام عليكم الى hannan.s family و AnGie اشكركم و اشكركم الجميع وانشاء الله يكتبلكم افضل حياة ويحقق كل امنياتكم الي عندة اي معلومة عن العمل او السكن او اليو ان وعن كل الامور اليوم يومة وانشاء الله يجي اليوم الي اخدمكم فيه
-
السلام عليكم اشلونكم يااخواني لاتهملوني ترة محتاجيكم اريد توضيح اذا الواحد عندة ورقه الحماية مال اليو ان هل من حق الامن في لبنان اعتقاله ولماذا وشلون انتوا امشيه والله ايسهله عليكم واسف عن الازعاج
-
زين انت ليش ما تقدم من بغداد ؟؟؟؟ مو احسن لك من الامن وهوسة لبنان كل يوم ؟؟؟
والقضية كلها ايميلات وتنفض وانت هنا همين اساسا بلكي تلكي شغل
-
اختي سوزي مو سالته وما جاوبني
صديقي صاحب الموضوع...راح انصحك نصيحة وارجو ان تصفن بيهه
انته متردد بكلشي ومداتعرف شتسوي باي شي
وعلاج التردد هو جمع المعلومات
وعندك فرصة مو طبيعية بارشيف هذا المنتدى عدد هائل من المواضيع اللي تخبل ومتلكاهه باي مكان ثاني بالعالم
واكو هم خاصية بحث راقية جدا ممكن تلكالك كل اللي تريده بسهولة ولو اني انصحك ان تستلم المواضيع من البداية للنهاية وقرائتها مع جميع الردود مع اهمال المواضيع اللي متخدمك من نوع باركولي والحكولي وادعولي وتسويلك دفتر ملاحظات زغير تسجل بيه ملاحظاتك
ولتظل مجلب بهذا الموضوع لان انته بصراحة ما عندك مشكلة غير القلق والتردد وهاي تشبه حالة اللي عنده امتحان بموضوع صعب وهو ما عنده جراه يبدي يقرا فيضل يلف ويدور حول المشكله ويضيع وكته وبعدين كلشي ميسوي
يمعود تدري اني ضليت حوالي 3 اشهر بس اقرا بارشيف المنتدى اللي كان موجود قبلي يلله اتجرات اكتب اول كلمه كرد اصلا مو كموضوع
-
اخي العزيز العيشه بالبنان صعبه جدااا جدااا لان الحياة غاليه يعني من تكول اشتغل واكلي ونومتي عليهم يمكن تكدر بس الحياة مو بس اكل ونوم يعني رح تحتاج بعد اني مقدمه على اليو ان من لبنان وصارلي سنه وهسه قابلت المحلفين وبعد الحبل على الجرار
يعني نجرد جيتك اللبنان لازم شايل ٢٠٠٠$ وحجز فندقي وتكتك روحه رده يالله ينطوك فيزه بالمطار اما بري فتحلم طب واذا اكو اذا فنفس المبلغ والحجز. وهم ميقبلون تدخل اله جوي
بس ممكن تلكه بمطعم او ويا واحد عراقي مثلا والله يسهلك يعني انت لازم سافر وجرب اكو هوايه اني شايفه عراقيين يشتغلون بمطاعم وياخذون راتب وعايشين بس انت لازم تخطي الخطوه لان هيجي ميفيد الحجي الكل هنا ساعدك بخبراتها بس خبرتك انت وينها ؟؟؟؟؟
تحياتي
ساسي
-
السلام عليكم الى suzie83 vincenzo Sasy اولا مشكورين ويجازيكم الله على هاي النصايح اخواني واخواتي بصراحة الي اعرفة الي ايقدم من العراق اكثر شي ماتنجح وتطول فترة طويلة لو اتصير لو واني وضعيتي ماتتحمل اكو شغلة حبيت اضيفة اخواني اصدكون لو اكللكم اني خمس مرات وصلة للموت للموت وبقدرة الله القادر على كل شيء الي شغتة مااعتقد احد مرة بي وفلوسي راحت وغيرها وغيرها مااريد ادوخكم اني انسان طموح جدا وعمري مااستسلمت بس ضروفي الخيرة اذتني ومع ذالك اريد ابدي من جديد اعتقد من حقي ان اتاكد لسبب واحد لانه مااريد مشواري هذا يفشل لنه ماعندي غير طريق اني بعد اقل من شهر سوف اخرج مهما كانت الضروف في الدول العربية لكن لدي سؤال واحد ومحدد بالنسبة لملاحقة العراقيين من قبل الامن وبالنسبة للعمل في اي دولة تكون افضل من هذه الدول لبنان سوريا الاردن انا اخترت لبنان الاخوان والاخوات ماقصروا ويجاريهم الله بكل خير بس للاطمانان ومرة ثانية اكللكم اسف عن الازعاج وتحياتي للكل في هذا الموقع الراقي
-
الأخ الهداف ..
طبعا أني جدا متعاطف و ياك و الله يسهل أمرك و يدفع عنك كل بلاء ..
الأخوان و الأخوات مقصروا و شرحوا كل شي ...
بالنسبه لبنان ...أني شخصيا زرت لبنان مرتين مره 2007 و أخر مره 2009 حيث كانت مقابلتي في بيروت ..
ملتقي بالكثير من العراقيين هناك .....أكو شغل بس قليل..و أكثره العمل في المطاعم ..أجور قليله بس السكن عله صاحب المطعم ...
بس الوصول الى لبنان مكلف أخي الكريم ...مثل متفضلت الأخت ساسي ...
مصاريف طياره ....و لازم عندك بجيبك لا يقل عن 2000 دولار (ألفين دولار ),,,الخ ...
هاي ظلت يمك بعد .....و الله يسهل عليك ...
و صدك لو كال أبو المثل ..."شجابرك على المر غير الأمر منه "
و تقبل مروري
-
و الله اخي احييك على روح المثابرة اللي عندك و ان شاء الله ربك يسهلهة عليك بس بالنسبة لروحتك لبنان فلبنان جدا غالية و مكلفة و ثانيا فكر تروح لدولة اقلها عندك بيهة احد بالبداية يساعدك او ينصحك بافضل منطقة تكعد بيهة او ممكن تلكة بيهة شغل و غيرها من الشغلات اللي تسهل امورك مبين متخلص بحيل الله امور اللجوء مالتك يعني مو تختار هيجي شلون مجان ادرس و شوف يا دولة ارخص و احسن بالعيشة و بصراحة هية قبل فترة كانت كل دولة الهة سرعة معروفة بالتوطين يعني كانت سوريا ابطا شي و كنا نسمع انه روحو لبنان و ناس تكول روحو لتركيا اسرع و ناس تكول جماعة الاردن كلهة طلعت و هسة كلشي تغير يعني صارت كلهة نفس الشي فانت اذا سامع تروح لبنان لانه اسرع فلتاخذهة من هاي الناحية و تقبل مروري و تحياتي
اخوك ابو نور
-
اخي العزيز الهداف اخذ نصيحه من اخوكسافر اينما نويت واعلم ان رزقك لن ياكله غيرك لان الله سبحانه وتعالى هو الرزاق هو الذي يرزق الحيتان في قعور البحار ويرزق الطير في الهواء وهو الذي رزقنا ونحن في الارحام فلا تكن في شك ابا وقال الامام الباقر عليه السلام (علمت ان رزقي لن ياكله غيري فاطمان قلبي) فتوكل على الله حبيبي وهو يحرسك بعينه التي لاتنام مع امنياتي لك بالتوفيق والنجاح (اخوك ابو نور)
-
اهلا اخ هداف بلنسبة لليو ان معروف عنها 8 اشهر ويكطع كلشي بس يصير فود ستام بطاقة مال تسوق
بس اذا حسو بيك تشتغل يكطعوها حتى الفود ستام
وبلنسبة للمعيشة نشالله ادبرها