ankawa
منتدى الهجرة واللجوء => الهجرة و واللاجئين => الموضوع حرر بواسطة: ابو جابر في 00:00 17/05/2009
-
لاحظت خلال اليومين الماضيين ان هناك بعض الاخوة يطرجون اسئله واكثرهم من الاعضاء الجدد
ولكن عند مراجعه الردود لم اجد الا ردا واحدا او بعض الردود التي لاتتجاوز الخمسه
عندكا كنت زائر كنت الاحظ كثرة الاجابات واشعر بتماسك الاعضاء بغض النضر ان كان جديد او قديم
وصدقت نفسي حين قلت هذا فعلا بيت ثاني
ولكن خلال اليومين الماضيين تاكدت ان الردود تكون بين اهضاء المنتدى القدامى اي انه منتدى المهاجرين والمهجرين القدامى فقط
لذا اشكركم واشكر حسن الضيافه وسوف انسحب بكل هدوء
-
اخويه ابو جابر
ما اعتقد كلامك دقيق ما اعتقد اعضاء المنتدئ يقصرون بس اني احجي عن نفسي اذا موضوع ما اعرف بيه او ما اكدر اضيف اضافة جديده بيه ما ارد عليه بس مو معناهه انه ما احب اساعد اعضاء المنتدئ وحتئ الضيوف الكرام
وهذا الكلام ينطبق يمكن علئ اغلب اعضاء منتدانا واذا عندك اي استفسار اطرحه واحنه جاهزين
-
حكم مستعجل جدا
تريث قليلا او راجع ارشيف المنتدى لتعلم
بالتوفيق للجميع
-
ابو جابر
اخويه ابو جابر شنو القصه غير توضحلنه واعذرني اكلك كلامك غير دقيق لان الكل متقصر بالاجابه ابدا
ولكن هناك اسئله قد يطرحها احد الاخوان وليس لها جواب او ليس متاكدين من المعلومه او قد تكون اسئله مكرره بشكل غير طبيعي والعضو ميكلف نفسه شويه بالبحث واحنا بانتظارك لاي سؤال وميكون خاطرك الا طيب ومنقبل تنسحب بدون ما توضحنه الي صار وياك
تحياتي
-
اخونا انت في بيتك يعني مو بعيد من تحتاج اي استفسار ونعرف الجواب تجدا اسرع من البرق بس انت هم اعذرنا مرات كآبة ومرات مرضة ومشكال الحياة ومرات النت عاطل فلا تزعل لان ماكو احد يزعل من اخوته ........اختك ايات
-
احب اضيف شي انه ولاحظنا بلفترة الاخيرة اكو اسماء اعضاء جدد يدخل يسئل سوال والبعض يجاوبة ومن نسالة سوال واحد ميجاوب وخاصة عن النتيجة او موعد المقابلة ونشوف اسمة فقط باعلى الصفحة ومايتكرر ابدا ابدا للاسف فلهذا مابعد احد يجاوب او يتعب نفسة . وشكرا
المتمني
-
اخويه أحتمال سؤالك جان صعب وغريب ومحد رد عليه مو أكثر ولوقت هم يحكم أذا جان الجميع موجودين تشوف لردود سريعه وكثيره أرجو متحكم بسرعه وأحنه بخدمة كل عراقي اذا جان عدنه اي معلومه صدكني مانبخل بيها
تحياتي
شيبو
-
الاخوان الاعزاء اشكر ردودكم التي كانت ضمن الواقع والذي دفعني للكتابه هو عندما اسئل عن موضوع وجها لوجه للعراقيين الذين اتحدث معهم في الامم المتحدة اما لايعطون رد او يردون بانهم لايعرفون وحين كتبت في هذا المنتدى موضوع سابق لم اتلقى رد علما اني انتضرت لعدة ساعات
ولكن الذي اغضبني هو تجربتي مع بعض الاخوان العراقيين الذين يراجعون الامم المتحدة واذا سالتهم شي لايردون وكانما ازاحمهم على لقمه العيش او منصب لذا تذكرت مثل وهو الاخضر يحترق بسعر اليابس وقلت لنفسي اذا نحن في الدول العربيه نتعامل مع بعضنا بهذة الطريقه فكيف نكون جيرانا في دول غربيه هذا ماجعلني انزعج بصراحه
ولكن ردودكم التي قراتها اليوم ذكرتني بالمثل وهو لوخليت قلبت لذا ارجو تقبل اعتذاري واشكر كل من كتب ورد بهذة الصورة المقنعه على موضوعي وتقبلو شكري
-
ابو جابر الورد
ان شاء الله ميظل خاطرك الا طيب
دشوف نزلت موضوع كبل ساعتين ولي هسة بس يدخلون ويتفرجون عليه ويطلعون ولا عبالك امنزل موضوع واني عود عضو قديم حاسب نفسي هههههه
االجماعة لابسيني يجوز من الحر محد ديركز .... يراد نفتح مبردة بالمنتدى علمود نبورد شوية
تحياتي وسلامي
اخوك ابو محمد
-
اهلا بك اخي ابو جابر بين اهلك و اخوتك
اي شي تحتاج تسال اسال
بالتوفيق للجميع
-
يعتمد على صيغة السؤال و عنوان المشاركة ... اذا واضحه و السؤال جديد أو غير مكرر بشكل صريح تتم الاجابه عليه فورا ... و العكس صحيح ... تبقى مسألة المشاركة و المساعدة شخصية و تخضع لحرية الشخص و تقييمه للمشاركة اللي بيه الاستفسار
تحيات .. حيدور
-
الصراحه.....اني مرات احس نفسي مصلحجي لانه مرات هوايه احتاج اشياء...اجي اكتبها بالمنتدى...ويجاوبون عليه مع العلم اني مو مجاوب اي شخص......مع العلم اني مو معروف كلش بالمنتدى...لذل قررت قبل كم يوم ان ارد بعض الجميل لهذا المنتدى واجاوب اللي اكدر عليه....والصراحه ...بديت اشعر براحه من اجاوب ...... لذلك يجوز صدفت ان كان هناك رسائل كثيره نزلت بسرعه ومحد شاف رسالتك
الله يوفق الجميع
-
أخي الكريم صاحب الموضوع
ميصير خاطرك الا طيب ...و صدكني كلامك مو صحيح و الأعضاء اذا يعرفون شي دائما سباقين للأجابه و بالمعلومه الصحيحة ...
بس ما عرفنه شنو سؤالك ؟
و الأعضاء ميقصرون
-
تدلل اخي
ومايصير خاطرك الا طيب واسئل ونجاوبك
-
ابو جابر الورد
كلامك مو دقيق و غير صحيح بالمرة
انا كنت جديد على المنتدى و الآخوة فادوني هواية و الحمد الله وصلت امريكا و كلشي اوكي
-
مرحبا اخ ابو جابر ... ترى هذا بس حجي يعني مو بكيفك تنسحب الي يدخل للمنتدى بعد ميكدر يطلع :) ... صدقني قد تكون المعلومة مو دقيقة وانت تعرف ربما كلمة وحدة تغير مصير عائلة يعني انا بصراحة ما اجازف و افتي بشي ما اعرفه بس ممكن احجي عن تجربتي لاني متأكدة منها ومرات مثل ماتفضلت الاخت آيات ظروف الشخص تحكمه يعني مريض حالته النفسية تعبانة (ويامكثرها) ...
وطبعا ابدا ماكو فرق بين جديد وقديم يعني المهم اهمية المشاركة وماتحتوي من فائدة للاخرين.
-
كلك خير وبركه يا اخي الغالي
اما عني انا اذا لا اعرف الاجابه اضيف اي رد حتى يصعد الموضوع للاعلا لكي يشاهده الجميع
ولك مني كل التقدير
اخوك
مشوار
-
عيني انشالله احنا العراقيين الظروف الصعبة تجمعنا مو تفرقنا
وباذن الله احنا عائلة وحدة ويفرقنا اي شي ونبقى دائما اخوة ونساعد بعضنا البعض
-
الاخ ابو جابر المحترم
بصراحة انا كنت حاسب نفسي اعرف كل شيء عن الحمايه و والتوطين وiom والمقابلات الاوله والثانية والمحلفين والتجيك الامني وختم الملف وموعد السفر لاكن ؟من انضميت الى اسرتي الجديدة (عنكاوا )وخاصتا (الهجرة والاجئين )عرفت كثير من الاسئلة والمعلومات التي وافاني بها الاعضاء ولم يبخلو بها لاحد وانا شخصيا لمستها بوضوح ولم يقصر معي اي عضو .
لاكن ممكن ينطرح سؤال او تسأل يكون معاد او الاعضاء الذين يعرفون الاجابه عليه سبق وان ردو عليه اكثر من مرة ويعتبر من الاسئلة او التسائلات المكررة لا اكثر وليس انت المقصود والاعضاء الذين لا يعرفون او غير متاكدين من الجواب لا يردو لكي لا يعطون معلومة غير متاكدين منها او لهم تجارب شخصيه معهم .
تقبل مني ردي الشخصي المتواضع ,وانا مستعد للرد على جميع تسألك حسب معلوماتي الشخصية من تجربتي الطويلة في مواضيع الحماية والتوطين .
raad rami
-
حكم مستعجل جدا