ankawa
منتدى الهجرة واللجوء => الهجرة و واللاجئين => الموضوع حرر بواسطة: biggie small في 18:25 17/05/2009
-
السلام عليكم اخواني في منتدانا الرائع
اخواني جماعة SIV و بالخصوص الي مستلمين الفيزا و منتظرين السفر ارجو من حظراتكم الي عنده رقم تلفون IOM في عمان الي مسئولين على السفر لجماعة SIV و ياريت لو اعرف من الأخوان الي مستلمين موعد سفر قبل شكد من موعد السفر يرسلون تفاصيل السفر و موعده و مكانه علما انه اني بالعراق
لأن اني صارلي اكثر من ستين يوم من دزيت الفيزا و لغاية الأن لم يرسلوا لي موعد سفر فقط ارسلوا لي بعض الأستفسارات و قالوا لي حالما يتأكد الحجز سوف نرسل لك التفاصيل و هذا الكلام صارله اكثر من شهر و لحد الأن ما مستلم اي شي و اني حاير اخاف مدة الفيزا تخلص و اذا احجز و اسافر وحدي وين اروح اول ما اوصل و اخاف ما احصل مساعدات ...شاكر الكم اخواني مساعدتكم
Biggie
-
اخي العزيز.....اتوقع والعلم عند الله ....وحسب ما سمعت من جماعتنه ...تقريبا قبل شهر ..واذا غلطان ارجو من اللي يعرف يصححلي شكرا
-
اني طابك عالسرة وراك...صارلي شهر من دزيتلهم الفيزا بس نهائيا ما مستلم شي منهم...سامع انه اكو ناس سافروا قبل اسبوعين وناس قبل شهر وناس قبل ايام بسيطة من نهاية الموعد...اتمنى الاخوان اللي عدهم معلومات يفيدونه بيهه.
-
شكرا على المرور اخواني الأعزاء بس محد يعرف رقم تلفونهم بعمان حتى الواحد يتصل و يتأكد
الأخ SIVandIOM
انا دزيت الفيزا قبل تقريبا 65 يوم
و بعد شهر تقريبا جاني رد منهم يطلب بعض الأستفسارات و نسخ من الفيزا
و منذ ذلك الحين و انا انتظر و ماكو شي
نتمنى من الأخوان الي مستلمين موعد سفر يفهمونه الوضعية
-
ازين انت ليش ماترسل الهم رساله تسئل بيها عن حالتك؟
-
اخي عميل1
انا دزيتلهم رسالة و رجعولي كالوا من يتحدد السفر ندزلك التفاصيل و هذا الكلام صارله 17 يوم
دزيتلهم مرة ثانية و مجاوبوني و ما ادري شنو الفلم اخاف تخلص الفيزا و ذولة ميدزولي شي بسبب نسيان او غباء الموظفين فأعتقد الكلام وياهم بالتلفون يمكن يجيب نتيجة.
-
شوف حبي
دز رساله الهم وخلي ايميل الواربسنت سي سب سي حتى اذا الموظف مغلس فابو الواربسينت يرزلة
-
اني استلمت يوم دزيت الهم الفيزا يوم 9-11-2013 علما انو فيزتي 6 شهور مدتهة على برنامج اس اي في
-
أخي العزيز اذا انت مستعجل على موعد السفر دزلهم رسالة مرة ثانية تبين بيها طلبك بتحديد موعد السفر ويفضل تعمل forward للرسالة السايقة مع اضافة كلمة تذكير على العنوان، اما اذا تم تحديد موعد السفر فالتفاصيل يرسلوها قبل اسبوع من موعد السفرة وبالنسبة لانتهاء الفيزا قأطمئن لانه هم المسؤولين على ترتيب سفرك قبل انتهاء الفيزا واذا لم تحصل على موعد السفر قبل انتهاء الفيزا باسبوع ابعثلهم رسالة تبين فيها انه راح تحجز على حسابك بسبب عدم ردهم وشوف شلون راح يتصلون بيك بلحظتها.
يعني أتعس الاحوال قبل اسبوع من انتهاء القيزا احجز على حسابك وبلغهم بتفاصيل حجزك برسالة.
-
نسيت أسألك اذا انت دزيتلهم موعد السفر اللي انت ترغب بيه؟ فعلى الاكثر راح يسفروك على موعدك والتفاصيل يدزوها قبل اسبوع من السفرة.