ankawa
منتدى الهجرة واللجوء => الهجرة و واللاجئين => الموضوع حرر بواسطة: travler في 11:10 21/05/2009
-
الرجاء من أخواننا الذين وصلوا أمريكا عن طريق SIV أن يعطونا التفاصيل عن كيفية حصولهم على الكرين كارد وهل صحيح أنه يمكنهم الحصول على الجنسية خلال سنتين؟ أرجوا منهم بأن لا تبخلوا بشرح وضح بالتفصيل.
-
والله ياخوية خوش سؤال بس شو محد ديجاوب
-
والله اخويه خوش موضوع . بس ما اعرف هوا عتب لو قلق عتابي للاخوان الي يعرفون الاجابه ومغلسين وقلقي اخاف بعدهم ممستقرين والله يكون بعون الجميع .
-
اخواني انتو اول متقدمون الاستمارة لطلب ال فيزا الخاصة راح ايكون بيها مستطيل يسألكم اذا اتريدون اتقدمون على الكرين كارد وطبعا انتو اتحطون علامة بالمستطيل الي يقول نعم
وبعدها اتحط عنوان الشخص الي راح ايروح يمه الكرين كارد وبعد ان توصلون الى داخل اميركا ب 35 يوم اذا انت كنت بنفس الولاية الي حطيت بيها العنوان راح تستلمه بس اذا انت بغير ولاية مثل ما حصل معي الشخص الي انت حطيت عنوانه راح يبعث الك الكرين كارد بالبريد والري يسهلها عليكم
ولازم تنتظر 5 سنوات على الاراضي الاميركية يلا تاخذ الجنسية اني بقالي 4 سنوات(يومية نحسب اشكد بقالنا) هاهاهاها :D :D :D :D :D
الرب معكم جميعا
اختكم اوماها
-
حبيبي ترافلر .....
عاشت الايادي عالموضوع ...... ولكن همه بس اعضاء ثنين وصلوا على ال SIV و حاليا همه ملتهين الله يساعدهم ....... ان شاء الله مبقة شي بس شويه صبر و كلهه 37 سنه ويفرغون و ان شاء الله ميقصرون .......
-
اخوتي واخواتي
التقيت صدفه باخ عراقي داخل امريكا عن طريق الاس اي في حديثا وسالته عن الكرين كارت واخبرني انه استلم الكرين كارت خلال اسبوعين فقط من وصوله وايضا سالته على استلام الجنسيه بسنتين او استلام استماره الجنسيه مع ضرف الكرين كارت كما حدث مع صديق اخونا الكاوبوي العراقي واخبرني انه تحدث مع محاميه بهذا الشاءن واخبرته ان الخبر ليس صحيحا وبالنسبه له لم يستلم اي استماره للجنسيه مع بريد الكرين كارت ورجاءا لست لا سامح الله اشك في كلام الاخ الكاوبوي العراقي لكن يبدو هناك استثناءات لست متاكده ولا دليل لدي
تحياتي
احب العراق
-
أشكركم اعزائي بس ياريت أعزائنا ألي وصلوا عن طريق ال أس أي أف يكتبون التفاصيل, شلون وضعهم شنو الفرق مقارنة مع الي وصلوا عن طريق أي أو أم شنو الامتيازات؟ راجا لاتبخلوا علينا
-
اولا-الكرين كاردpermanent resident
1-سحب الاستماره رقم (I-485)
من الرابط التالي:
http://www.uscis.gov/files/form/i-485.pdf
المبلغ المطلوب لاكمال الاستماره هو $930+biometrics fee of $80
يعني المجموع=$1,010
ماعدا(القادمين للولايات المتحده بصفة لاجئين او هجره خاصه) حيث ستكون الاجراءات كلها مجانيه.
2-اطبع الاستماره
3-امليء المعلومات المطلوبه بالاستماره (وخليها بظرف)
4-
ثم قم بارسالها :
اذا كنت ساكن بوحده من الولايات التاليه:
Alaska, Arizona, California, Colorado, Guam, Hawaii, Idaho,Illinois, Indiana, Iowa, Kansas, Michigan, Minnesota, Missouri,Montana, Nebraska, Nevada, North Dakota, Ohio, Oregon,South Dakota, Utah, Washington, Wisconsin or Wyoming.
للعنوان التالي الواقع في ولاية نبراسكا:
USCIS - Nebraska Service CenterP.O. Box 87730Lincoln, NE 68501-7730
او اذا كنت تعيش باحدى الولايات التاليه:
Alabama, Arkansas, Connecticut, Florida, Georgia, Kentucky,Louisiana, Maine, Maryland, Massachusetts, Mississippi, NewHampshire, New Jersey, New Mexico, New York, NorthCarolina, South Carolina, Oklahoma, Pennsylvania, PuertoRico, Rhode Island, Tennesse, Texas,Vermont, Virginia, U.S.Virgin Islands, West Virginia or Washington, DC.:
فيمكنك ارسال الاستماره والوثائق للعنوان التالي "تكساس":
USCIS - Texas Service CenterP.O. Box 852824Mesquite, TX 75185
ثانيا-احد الزوجين الراغبين بلم الشمل مع زوجاتهم او ازواجهم.
1-أسحب الاستماره رقم (I-730)
من الرابط التالي:
http://www.legallanguage.com/legalForms/forms/us/I-730.pdf
2-اطبع الاستماره
3-امليء المعلومات المطلوبه بالاستماره (وخليها بظرف)
قم بارسالها لنفس العناوين التي ذكرتها اعلاه (وطبعا حسب ولايتك)
ثالثاً-سحب احد اعضاء العائله او الوالده والوالد (اخوك او اختك"اقرباء الدرجه الاولى" للحاصلين على الجنسيه الامريكيه فقط).
1-أسحب الاستماره رقم (I-730)
من الرابط التالي:
http://www.legallanguage.com/legalForms/forms/us/I-730.pdf
3-اطبع الاستماره
4-امليء المعلومات المطلوبه بالاستماره (وخليها بظرف)
5-قم بارسالها لنفس العناوين التي ذكرتها اعلاه (وطبعا حسب ولايتك)
رابعاً- التقديم على اللجوء لاصحاب الدراسات المقيمين بالولايات المتحده من خلال فيزا دراسيه تنتهي بانتهاء الدراسه.
1-أسحب الاستماره رقم(I-589)
من الرابط التالي:
http://www.uscis.gov/files/form/I-589.pdf
2-اطبع الاستماره
3-امليء المعلومات المطلوبه بالاستماره (وخليها بظرف)
4-قم بارسالها لنفس العناوين التي ذكرتها اعلاه (وطبعا حسب ولايتك)
خامساً-التقديم على الجنسيه الامريكيه:
الخطوات هي:
1-المستمسكات المطلوبه:
-Cover letter-Optional but recommended
يعني رساله "بخط اليد او مطبوعه تتضمن طلب رسمي من المتقدم+سبب التقديم+عنوانك وتلفونك ايميلك
-الاستماره رقم N-400
من الرابط التالي:
http://www.uscis.gov/files/form/N-400.pdf
-مبلغ (من خلال صك معنون لمنظمة الهجره والاجئين) او Money Order
مقداره-$595
-صورتين شخصيه (بحجم صور الباسبورت او الجواز بخلفيه بيضاء)
-نسختين من (الكرين كارد) الوجه والكفه
يعني السايدين: على ورق حجمها 8.5" × 11" paper
2-بعد مليء الاستماره وتكملة باقي المطاليب
3-يتم ارسالها للعناوين الموجوده اعلاه
وأي سؤال او استفسار اني حاضر
انشالله المعلومات كانت مفيده
حاولت اجمع اهم (الفورمات) لكن طبعا اكو بعد غيرها وكل واحده منها تختص بمجال معين
تحياتي وتمنياتي بالتوفيق للجميع.
منقوول من موضوع الاخ العزيز فالكون...الرابط: http://www.ankawa.com/forum/index.php/topic,272748.0.html
وتدلل
-
والله اتمنى من الله ان يهدي لنا احد الاخوه
ويكتب لنا بعض الامور بخصوص الكرين كارت والجنسيه
يالله يالله يالله يالله
اخوكم NOOR 2
-
أجزم جزم و متأكد تأكيد بأن الواصلين على برنامج SIV أصبح عددهم بالعشرات...
نعم بالعشرات و ليش أثنين فقط ...مثل ما كال شبح ....وقسم منهم من المنتدى
و سافرو و لم ينطقوا بكلمه و احده ....و كانوا يستخدموون المنتدى من أجل مصلحتهم فقط ..
و الأن وصلوا الى أميركا .....و سكته .....مع الأسف ...
بس ان شاء الله لو خليت قلبت ....وأكيد أكو ناس خيريين ..و الدنيا بعدهه بخير ..
-
شكرا اخي على طرحك الموضوع وشكرا لكل من ساهم بمعلومة
بالنسبة الي ان شاء الله رح اسافر بعد اسبوعين تقريبا وعهد بركبتي انزللكم التفاصيل اول باول،،
تره ماكو احلى من التعاون ووكفة الاخ لاخوه
وبالتوفيق للجميع
-
الغريب انه قسم منهم متالقين سابقا
ودينزلون هواية مواضيع عجيبة غريبة
بس ابد ميكولون شديشتغلون
او استلموا الكرين كارد لو لا
الله يهدي الجميع
-
اخوان لا ما اقبل تحجون على اخوتكم يعني قابل همة مصلحجية وكملت شغلتهم لو همة عطالة بطالة ويستحون يحجون لو حصلوا شغل ومغلسين يخافون من العين
المهم الله ميكطع
شغلة الكرين كارد اخذت اكبر من حجمهه انت من توصل بامطار يسئلك الموظف اتريد اندزلك الكرين كارد على العنوان اللي ماشرة بالفورمة يمكن230 لو 234 ما اتذكر تكله اي وخلص انتهت المعاملة وورة 15-30 يوم يوصلك
اني اعتقد الاخوة ميحجون بيه لان مفرق وياهم من اخذوه يعني محصلوا بية فد فائدة اوشغل يعني ابو الجواز ميشتغل ابو الكرين كارد يشغلوا يعني مو فد شي مهم وبالمناسبة الكرين كارد حسب مسمعت مو اخضر لونة بيجي او حليبي ممتاكد
-
يا أخ سبع ....
يعني ما شاء الله همه الأخوان من يكتب ينزل جريده مال حجي ...بقت عله هاي الجم حجايه يكتبهه ..
أي أخذت الكرين كارد .....لا ما أخذت الكرين كارد و أبوك الله يرحمه ...شنو علم الذره خو مو علم الذره
...أرقى شاب ..أني شخصيا متفائل بيك ...ووجهك خير عالمنتدى ...
نعتمد عليك ..كفو والله
-
اخواني الاعزاء مع الاسف اني عندي جماعه الي جان يشتغلون ويايه قسم من عدهم استلم فيزه وقسم متانين المقابله دزيتلهم اللنك مال موقع عنكاوه عن طريق الماسنجر وره فتره اكله ها بشر سويت اشتراك بيه يكلي لا بس هوا موقع توب مقصد حجيي من هال مال حمل جمال .
يعني شكللكم اني شفت العجب اكو يجون للشغل بس يس ونو ويتلوكون للامريكان وبعدين يريد يصير ابو عليه اني اتمنى الي راسلتهم على الماسنجر انه يشوفون تعليقي حتى شويه يستحون لان تقديم المعلومات فائده للكل مو حكر يعني هوا يريد بس يستفاد ميريد يفيد عيب والله والمشكله الاخ متصل وميجاوب يجوز هوا عباله وصل وهاي هيا مو اذا اشوفك بعدين حتى سلام ما اسلم عليك ومتعرف منو يصير فوك ومنو يصير جوه واتعتبون على جماعتكم الي وصلو لامريكا ومالهم خلك خطيه بعدهم ممتاقلمين .
حتى بالمطار اكو انترنيت اشو قسم من اصدقائي الي مالهم شغله بالجوء يلزكون بالحجي وياي اكللهم ها اتريدون اتضيعون وكت يكوللولي اي . عيب . عيب . عيب
-
يابة ست لينا علكيفج
ترة يمكن غلطتي وطبيتي هنا شنو لغوة شنو فالكون
يابة الدردشة فوك
هنا بس شغلات الهجرة الخاصة
اتمنى تمسحين الرد كبل ميرجعون الولد ويلزوك بتنبيه المراقب
-
تم ايقاف الردود في هذا الموضوع نظرا لخروجه عن حدود النقاش والحوار المتعارف عليها....