منتدى الهجرة واللجوء => الهجرة و واللاجئين => الموضوع حرر بواسطة: صابر للابد في 15:39 21/05/2009
العنوان: البارحه قابلنه المحلفين وهاي التفاصيل
أرسل بواسطة: صابر للابد في 15:39 21/05/2009
السلام عليكم ورحمة الله وبركاته... شلونكم اخواني الكرام انشالله تكونون بخير وصحه وسلامه... طبعا انا اسف جدا لتاخري بكتابة الموضوع لانه البارحه رجعنه هلكانين وعدنا للبيت ساعه 7 العصر واليوم هسه يالله صارلي مجال اكتبلكم... على العموم...
اخواني الكرام البارحه كان موعد مقابلتنه ويه المحلفين (عمان طبعا) وصلنه ساعه 8 اله ربع... وطبعا القاعه الخارجيه كانت ماشاء الله مليانه عوائل... وره نص ساعه تقريبا بدو يصيحون على الارقام كل شخص يروح يمهم يكتبون على جوازه بورقه صغيره dh ويمهه رقم تبدي من 1 وهكذا فيصيحون على الارقام ... صاحو رقمنه دخلنه طبعا تم تفتيشنه والوالد كل ميعبر من الجهاز الجهاز يطوط ويفتشو ومبقه شي بجيبه ويعبر والجهاز يطوط يمعود جيك زين منا منا اخاف ناسي عمله معدنيه بجيبك ويعبر وهم يطوط تالي طلع البيم مال الساعه مكسور وواكع بجيبه وتخيلو البيم شكد صغير ههههههههه وتخيلو شكد دخنه...
المهم طبينه وره حوالي ربع ساعه صاحو اسمي حتى اوقع على اوراق كومه وكالولي انت ملفك مفصول عن اهلك اني كمت اكمز كالولي عادي لان عمرك اكثر من 21 سنه بس تسافرون سوه مياثر... المهم وقعت على كل الاوراق ووراهه صاحو باقي افراد عائلتي هم وقعوا... ورجعنه كعدنه وره ساعه تقريبا اجه موظف كال اللي وقعو يجون ويايه... صعدونه بالطابق الرابع اللي بي المحلفين وكعدونه بقاعة الانتضار وره حوالي نص ساعه اجتي موظفة اخذت عائلة على حتى تقابل وراهه اجه سرانه طبعا اللي اجتنه جانت اجنبيه وصاحت اسم والدي كمنه كلنه ووراهه عدل طلعت هاي المحلفه... طبعا جانت سبورت من جتي دتاخذنه الى ان وصلنه للغرفه اشو بس طبت للغرفه انكلبت طنطل... المهم حلفتنه رفعنه ايدنه اليمين وحلفنه انو نقول الحقيقه ولا شيء غير الحقيقه... وبدت بالاسئله اول مره معلومات عاديه وراهه طلعنه بقه الوالد والوالده وره ساعه طلعت الوالده وبقه الوالد وركزت المحلفه على مسالة الخدمه العسكريه واستفزته كم مره وشككت بكلامه وكل معلومه يكلهه عليهه بالعسكريه تكلله طللعلي بالدفتر هذا الحجي وسالته على نوع التهديد وشلون صار... وطولت وياه حوالي ساعتين ورادت منه حتى هويات الاحوال المدنيه الوالد كلهه مو عدنه بالعراق كالتله جيبهه الك اسبوع مهله كلهه انشالله كالتله ماكو انشالله كول يس!!!!!!!!!! المهم وراهه من طلع الوالد خللو بمكان غير مكان الانتضار المعتاد (قاعة الانتضار ) وصاحو عليه وقابلوني ايضا وركزت على قصة التهديد واستفزتني اكثر من مره واني ولا عبالك ريلكس (وهاي مهمه جدا بالمقابله) لو مرات تسوي روحهه عصبيه واني مغلس وراهه كالت خلصت المقابله وياك...
وطبعا اخذو بصماتنه ووزنه والطول واخذولنه صور وره حوالي نص ساعه جتي المحلفه كالت لوالدي خلص ماكو داعي تجيب الهويات (اخوان اريد اسالكم هنا انتو شتفسرونه من كلتله لتجيب الهويات يعني ليش كلتله اول مره جيبهن وبعدين بطلت)؟؟؟؟... وطلعنه حوالي ساعه 3 العصر وردو نزلونه بالقاعه الجوه احنه وكم عائله وخلونه ننتضر في حال احتاجو اي شخص للمقابله مره ثانيه... طبعا ظلينه لل 6 العصر
ووراهه طلعونه وكالولنه استلام النتيجه 4/7 ساعه 2 العصر والفحص همه يتصلون بينه عليه...
هذا اللي صار بالتفصيل واسف جدا على الاطاله بس ممكن اي كلمه من اللي نكتب تفيد كثير اعضاء...
ملاحظه مهمه دفتر الخدمه مهم جدا... عدم الارتباك خللي يعيدون السؤال اذا مفتهمت عادي جدا اذا سالتك على شغله وانت جاوبتهه ومتاكد من جوابك ورادك تغلطك لو حتى تعللي صوتهه وتكللك انت مكلت كذا بالمقابله السابقه كلت غير شي انت ظل مصر على كلامك لان صارت بينه...
مسالت انو تسوي نفسهه متنرفزه عادي جدا هاي همه متقصدين بيهه لان بس طلعنه كامت تظحك ويانه ورجعت حبابه ههههههههههههه... طبعا اني كاعد بالقاعه وكلسه اريد اكوم اكول منو بمنتدى عين كاووووووه بس استحي هههههههه بس نطيت اسم المنتدى لاكثر من عائله تعرفنه عليهم حتى الناس تستفيد....
وانشالله خير يا ربي وانشالله الكل مقبولين... واي سؤال اني حاضر...
اخوكم صابر للابد...
العنوان: رد: البارحه قابلنه المحلفين وهاي التفاصيل
أرسل بواسطة: Safaa Alkhrkhy في 15:51 21/05/2009
هاي هية اخوية بيهة الخير انتة هسة طبكت على السرة مال اللي داينتظرون الموافقة الامنية او ملفاتهم قيد الدراسة وفي كلا الحالتين انت تحتاج على الاقل الى كارتونتين مغذيات علمود اتكفيك تقبل تحياتي ويارب ماتطول شغلت ؟؟!!!!! اخوك صفاء الكرخي
العنوان: رد: البارحه قابلنه المحلفين وهاي التفاصيل
أرسل بواسطة: عكعك التطوى في 16:09 21/05/2009
الف مبروك وانشاء الله مقبولين اتمنالك التوفيق
العنوان: رد: البارحه قابلنه المحلفين وهاي التفاصيل
أرسل بواسطة: ابو لانا في 16:20 21/05/2009
الف مبرووووووووك وان شاء الله الموافقة من نصيبكم
العنوان: رد: البارحه قابلنه المحلفين وهاي التفاصيل
أرسل بواسطة: audesos في 17:09 21/05/2009
مبروك وانشالله تحصل الموافقة باسرع وقت
بالتوفيق
العنوان: رد: البارحه قابلنه المحلفين وهاي التفاصيل
أرسل بواسطة: باسل بلالو في 17:31 21/05/2009
الف مبروك
العنوان: رد: البارحه قابلنه المحلفين وهاي التفاصيل
أرسل بواسطة: Wingo في 18:19 21/05/2009
ألف مبروك إكمال المهمة :) إن شاء الله النتيجة مقبولين و إن شاء الله تسافرون قريباً و الله يوفقكم لكل خير بالنسبة لشغلة الهويات ما أظن بيها أي مشكلة ، لأن الظاهر هي إتأكدت بالجوازات و الوثائق الأخرى و شافت أنه ماكو داعي لجلب الهويات ، هي الظاهر بس رادت تشوف رد الفعل على طلبها.
مرحباً بك في جمعيتنا "جمعية إستلام الظرف في 4-7" :) و إن شاء الله يطلع حظك أحسن من عدنا لأن إحنا لحد هسة لا خبر لا جفية لا حامض حلو لا شربت :) بالتوفيق أخي العزيز
العنوان: رد: البارحه قابلنه المحلفين وهاي التفاصيل
أرسل بواسطة: القرش في 18:47 21/05/2009
السلام عليكم
الف مبروك يااخي وان شاء الله مقبولين 100% .
ابو انس
العنوان: رد: البارحه قابلنه المحلفين وهاي التفاصيل
أرسل بواسطة: هنوة في 23:49 21/05/2009
الف مبروك وان شاء الله مقبولين بالتوفيق
العنوان: رد: البارحه قابلنه المحلفين وهاي التفاصيل
أرسل بواسطة: ★AbN✰BaGhDaD★ في 00:38 22/05/2009
الف مبروك اخي العزيز صابر للابد ..واتمنالك الموفقية
تحياتي الك ابن بغداد
العنوان: رد: البارحه قابلنه المحلفين وهاي التفاصيل
أرسل بواسطة: NOOR 2 في 00:43 22/05/2009
العنوان: رد: البارحه قابلنه المحلفين وهاي التفاصيل
أرسل بواسطة: كمال الشاطيء في 00:51 22/05/2009
الف الف مبروك اخي العزيز وان شاء الله بوجهكم القبول
العنوان: رد: البارحه قابلنه المحلفين وهاي التفاصيل
أرسل بواسطة: khldoon2000 في 13:48 22/05/2009
بالتوفيق ان شاء الله
العنوان: رد: البارحه قابلنه المحلفين وهاي التفاصيل
أرسل بواسطة: ايات في 14:04 22/05/2009
اخي مبروك خلصت من مرحلة وان شاء الله الوافقة والسفر السريع.....اختك ايات
العنوان: رد: البارحه قابلنه المحلفين وهاي التفاصيل
أرسل بواسطة: ابو جيهان في 14:44 22/05/2009
الف مبروك اخي العزيز عالمقابلة وانشاء الله القبول والسفر عالسريع واهم شي خلصت من الامتحان الصعب مال المحلفين بارك الله بيك اخي العزيز لان فعلا ممكن تفاصيلك تفيد كثير من الاخوة والاخوات
اخوك ابو جيهان
العنوان: رد: البارحه قابلنه المحلفين وهاي التفاصيل
أرسل بواسطة: good sniper في 15:00 22/05/2009
اخي صابر للابد الف مبروك وانشاالله السفر القريب ونتمنى الك التوفيق
القناص
العنوان: رد: البارحه قابلنه المحلفين وهاي التفاصيل
أرسل بواسطة: عاشق تراب العراق في 15:50 22/05/2009
الف مبروك على المقابلة و عادي اخوية اني هم مجايب اي هويات و لا شهادات جنسية ويانة و مشت و اصلا مطلبوهة و حتى دفتر الخدمة مرادت تشوفة اكتفت بالمستنسخ
العنوان: رد: البارحه قابلنه المحلفين وهاي التفاصيل
أرسل بواسطة: ام تبارك في 15:53 22/05/2009
الف مبروك اخوية خلصتو من هالشغله المتعبة والمقلقة وهاهية لا تفكر انت نقبلت انشالله واهلا بك في امريكا ام الدنيا
اختك ام تبارك
العنوان: رد: البارحه قابلنه المحلفين وهاي التفاصيل
أرسل بواسطة: roea في 17:32 22/05/2009
مبروك أخوية العزيز بالموفقية أن شاء الله ننتظر أخبارك الحلوة و أن شاء الله موفقين دوم و توصلكم الموافقة أن شاء الله و تفرح و تفرحنا بيها
أختــــك رويــــــــــــة
[/font]
العنوان: رد: البارحه قابلنه المحلفين وهاي التفاصيل
أرسل بواسطة: يوجد امل في 17:40 22/05/2009
الف مبروك اخي نشكر الله لاجل المقابلة ان شاء الله تاتي الموافقة قريبا سلام الله معاكم اخوك يوجد امل
العنوان: رد: البارحه قابلنه المحلفين وهاي التفاصيل
أرسل بواسطة: صابر للابد في 11:07 23/05/2009
السلام عليكم... شكرا لكم اخواني الكرام على الردود الكريمه والله يبارك بيكم ويحفظكم لاهلكم ياربي وانا ممنون منكم جدا...
انشالله الكل يقابلون وينقبلون وبالتوفيق للجميع...
اخوكم صابر للابد
العنوان: رد: البارحه قابلنه المحلفين وهاي التفاصيل
أرسل بواسطة: myiraq في 14:28 23/05/2009
الف الف مبروك اخي صابر للابد ...وان شاء الله تسمعون اخبار حلوة قريبا ...واني شخصيا اشكرك جدا على المعلومات الوافية لانه انا بعد يومين عندي مقابلة محلفين ...وكالعادة قلقة... بس بصراحة هذا المنتدى مفيد جدا وينطي للشخص تصور كامل تقريبا عن ما راح يشاهده ...انا اشكر المنتدى والاعضاء واشكر حضرتك ...وبلكي انا راح اصف على السره وي جماعة 4/7 ...الله يسهل على الجميع ان شاء الله...^_^
العنوان: رد: البارحه قابلنه المحلفين وهاي التفاصيل
أرسل بواسطة: عراقي وكرادي في 14:46 23/05/2009
انشالله يارب مقبول وتستلم نتيجه القبول والسفر السريع يارب وللعلم اني هم نفس اليوم النتيجه مالتي اخوك عراقي وكرادي
العنوان: رد: البارحه قابلنه المحلفين وهاي التفاصيل
أرسل بواسطة: abu shahed في 23:07 23/05/2009
اخي العزيز صابر للابد الف الف مبروك على انهاء مقابله المحلفين وانشاء الله السفر القريب اخي العزيز اني متاكدمليار بالمليار الي قابلتكم هي نفسه الي قابلتنه انا وعائلتي بتاريخ 3_5 في عمان وكل الي صار وياكم صار ويانه باستثناء موضوع هويات الاحوال اتمنى لكم الموفقيه اللهم امين0
اخوك 79 النرجس
العنوان: رد: البارحه قابلنه المحلفين وهاي التفاصيل
أرسل بواسطة: ayadkoo في 18:52 24/05/2009
والله ياخويه فرحتلك لان احس اني قابلت وبالعافيه عليك وانشاء الله تسافر ويسهل عليك توصل انت واهلك بالسلامه مبروووووووووووووووووووووووك من كل قلبي
العنوان: رد: البارحه قابلنه المحلفين وهاي التفاصيل
أرسل بواسطة: صابر للابد في 17:52 28/05/2009
شكرا للاخوه والاخوات الكرام على الردود والله يوفقكم جميعا وانشالله كلنه نسافر بطيارة وحده
اخوكم صابر للابد
العنوان: رد: البارحه قابلنه المحلفين وهاي التفاصيل
أرسل بواسطة: ابو تبارك في 18:35 28/05/2009
الف مبروك اخوية الغالي لا تشيل هم سفرك قريب وطيارتك محجوزة وهذا الاستفزاز شي طبيعي واما شغلة الجناسي شي عادي رادت تتأكد من الاوراق شغلة روتينية نتمنالك التوفيق والنجاح بحياتك المستقبلية
اخوك ابو تبارك
العنوان: رد: البارحه قابلنه المحلفين وهاي التفاصيل
أرسل بواسطة: صحفي محترف في 20:35 28/05/2009
أخويه صابر أنته صبرت بس أنشاء الله فات الكثير وبقى القليل .. موفقين باذن الله