ankawa
منتدى الهجرة واللجوء => الهجرة و واللاجئين => الموضوع حرر بواسطة: ayoo11 في 22:31 22/05/2009
-
السلام عليكم ........
شباب عندي سؤال إذا احد سامع او مر بهيج تجربه .....
بعد استلام نتيجة المحلف من الشهر الرابع تم ابلاغي بأعاده مقابلت المحلف بالشهر السادس .....
هل هذا يعني رفض الموافقة الأمنية أو اعاده الملف إلي البداية ......
مع العلم اني قابلت المحلف الشهر الثالث بسوريا و سويت فحص .....
و ان شاء الله الكل تسافر بدون عراقيل مثلي ....
تحياتي
-
والله يااخوي العزيز موخوش خبر الواحد يالله يخلص من الامتحان الصعب هنوب يعيدون عليه الامتحان ..بس اطمئن انشالله ماكو اعادة مقابلة محلفين لان انا بنفس اليوم من قابلت المحلف شاهدت شخص مستلم الموافقات وفاحص ومكمل كل اموره وحتى مكمل الدوره التثقيفيه وهم طالبه المحلف وكان خايف انه يعيدون عليه المقابله من جديد ولكن من صعد ونزل سألته عن سبب استدعائه قال كان عندهم خربطه بمواليد جهالي وانت اطمئن انشالله ماكو بس الخير وقلبنا معك والله يوفقك[/size
-
اخي العزيز
اطمئن انشالله ماكو شي
اعتقد مجرد نقص بالمعلومات او نقص اوراق
مثل ماقال الاخ ابو خالد
وانشالله خير
--------------------------------------------------
تحياتي لكم
-
اخي ان شاء الله بس للتأكد ماكو شيء يخوف توكل على الله فهو حسبك.....اختك ايات
-
مشكورين اخوان على ردودكم ....
مشكور اخوي ابو خالد الله يطمنك ويفرحك مثل ماطمنتني ....
مشكور اخوي الاصيل ان شاء الله اخبارك كلها حلوه ومتشوف شي يزعجك ....
مشكورة اختي آيات ان شاء الله موفقه ومسهله امورك ... اكيد هو الله حسبنا ونعم الوكيل وماكو غيره منجي ومعين ....
شكرا على كلامكم الحلو ....
تحياتي
-
اخي اني نفس الحالة قابلت المحلفين بشهر اثالث ونتيجه بالموافقة ب 13ـ4ـ09 واتصلو بيامس وكلولي عندك ماباه ثانيه ويا المحلفين في 8ـ6ـ09 وماعرف السب والله كريم ....مازن
-
يارب لانسالك رد القضاء لكن نسالك اللطف فيه ماكو شي كولو يا الله جماعة سوريا زملائي بلانتظار ايوو ومازن لاتايسو من رحمة الله وكولو حسبنا الله وشوفو شلون تنحل وبسهولة
اخوكم المتمني
-
السلام عليكم اخوتى اليوم اخوية خابروا وكالولة عندك مقابلة وية الوفد بشهر السادس وهو مستلم ظرف الموافقة يوم 28/12/2008ومكمل فحص فشنو السبب منعرف والله قلقنة وارجومن يعرف شىء يطمنا
اختكم ام سما
-
الله يستر على اخوج ياام سما وانشالله تعدي الامور على خير وانشالله مجرد نقص بالمعلومات لا اكثر وبالتوفيق
-
انشالله ماكو الا الخير وربي يسهل عالجميع
-
أخويه الغالي عادي ولتشيل هم الموافقة اخذتها انت وخلص هاي اغلب لمرو بهيج حاله كان لسبب نقص بليود العفو نقص معلومات مثلا الأخ محمدرشيد هسه وصل لامريكا ولحمد لله من طلبو مقابلة محلف طلعو مضيعين ورقة الاسئله مال 'نعم او لا' وأغلب اجوبتها لالالا
تحياتي
شيبو
-
السلام عليكم
اخويه العزيز مسأله عاديه جذآ وسبق ان حدثت مع احد الاصدقاء وكان المحلف عنده نقص معلومات وحب يتأكد فقط .. الله يسهل امورك وان شاء الله ماكو شي .
ابو انس
-
لا اخوتي ان شاء الله ماكو شي غير الخير و اني من قابلت محلفين هم جان اكو ولد ومن دياخذولنة صور كاللهم ترة بعد تعبت و ما اريد اجي غير يوم و سالتة ليش شكو كال اني مقابل محلفين و هسة طلبوني مقابلة ثانية و طلع المحلف معبر ورقة و اني مموقع عليهة فطلبوني فلحد يخاف و ان شاء الله خير
-
اخي ااني مثلك كنت مستلم الظرف بشهر الواحد ودزوا علية المحلفين وحدي بدون العائلةكنت جدا خايف بس طلع مجرد تشابه بالاسم وجم سوال وكلولي روح احنا ندز عليك وهسة اني بامريكا
-
اخي الكريم لتقلق انشاء الله ماكو شي لان اني هم سويت اعادة مقابلة بعد مرور تقريبا السنة على المقابلة الاولى ورحت بس كانت اسئلة عامة عن الاسم والمواليد واذا سبق ان دخلت الولاتيات المتحدة سابقا من هل الاسئلة وطول المقابلة كان خمس دقائق بس وانشاء اللله ماكو شي
-
السلام عليكم اخوانى قابل اخى مرة ثانية المحلفين وكانت عندة نقص معلومات من سنة 1985 من جان بالعسكريةوكان عده نقص بهاى المعلومات وكانت نفس المحلفة وكالتلة من اسبوع اسبوعين ونخابرك وسالها انى ماخذ موافقة كالت ميهم كانت موافقة اولى وكان معه شخص اخر مكايللهم انه كان عسكرى اخوان همه يسالون على الشخص بامريكا لو بالعراق الى يعرف شى يفيدنا والتوفيق من الله
اختكم ام سما
-
السلام عليكم شباب ......
الحمد لله قابلنا المحلف ..... والاسئلة كانت بس على الوالد يعني( حجينا)..
سألو بس على العسكرية عدهم نقص بالمعلومات وكان واحد ويانه هم دزو عليه مره ثانية بس هو مسجون وماكايللهم ....
سؤالي شباب هسه حالتنا ننتظر موافقه ثانية يعني من الصفر لو شلون ?
علما هما كالو شهر اذا ماخابرناكم راجعونا ......
ان شاء الله الكل تسافر ومتشوف عراقيل ....
تحياتي
-
مبروك اخوي العزيز والحمدلله انك طمنتا والله كان بالي وياك وبالتوفيق انشالله وماعتقد بعد تطول شغلتك وترجع من الصفر مستحيل ويجوز اذا الله سهل عليك هاي الاسبوعين يتصلون عليك وانشالله تروح وتاخذ دوره تثقيفيه وبالتسهيل يارب بس حبيت اسألك اللي قابلك نفس المحلف اللي قابلك اول مره لو غيره وكان يوم خميس لو اي يوم لان اختي وزوجها ايضا عدهم اعادة محلف
-
شكرا حبيبي أبو خالد ......
كلامك كله حلو مثلك الله يخليك و يسهل امرك ...
بالنسبة للمحلف قابلنا واحد غيره يعني مو نفس الاول واحد جديد بس الحمد لله أحسن منة انسان مثقف ومؤدب ...
واحنا قابلنا يوم الاربعاء يوم 3 /6
تحياتي
-
السلام عليكم
اخوان انتظار من 2/2 والحمد الله واليوم اتصلو واخيرا على شنو؟؟؟؟؟؟؟؟؟؟؟؟؟؟؟
اعادة مقابلة المحلف 4 شهور انتظار واليوم يدك التلفون كلت ياالله منظمة الهجرة وزفولي خبر طلب الوفد لي هيجي اشتاقولي ويريدون يشوفوني الحمد الله على كل الشي ولكن السوال شنو بعدها وشكد ننتظر؟؟؟؟؟؟؟؟
اخوكم المتمني