ankawa
منتدى الهجرة واللجوء => الهجرة و واللاجئين => الموضوع حرر بواسطة: حلو الكلام في 13:35 24/05/2009
-
اهلا باحلا منتدى واعضاء ارجوا من الاخوان والاخوات الي عنده معلومات عن ولاية تكساس مدينه اوستن يكتبلي من حيث المساعدات والعمل واي شي والجو الحياه مع الشكر
-
اهلا وسهلا بيك وان شاء الله الاخوان في تكساس مراح يقصرون واكو هواية مواضيع بالمنتدى بالارشيف عن الولاية
-
هلا بابن ولايتي
تكساس بشكل عام الوضع بيها احسن من غير مناطق من حيث رخص الاسعار وتوفر فرص العمل
اني هم رايح لتكساس بس لمدينة سان انتونيو
تحياتي الى كل تكساسي
-
الف مبروك وارجوا ان تظطلعي على كتابات شبعت من الاهرامات فهو في نفس المدينه
-
وهذا الموقع يحوي على صور ومعلومات كثيرة عن المدينة تشمل احصائيات متنوعة بالاظافة الى اجور السكن والنقل والخدمات بانواعها
http://www.city-data.com/city/Austin-Texas.html (http://www.city-data.com/city/Austin-Texas.html)
بالتوفيق
-
الف مبروك اخويه حلو لكلام اني يمك بلقاهره وارايح أوستن اي شي تحتاجه اني حاظر تكساس جوها مثل لعراق اوستن سوها لعاصمه بلجديد لان مابيها عواصف مثل هيوستن فرص عمل جثيره وبصوره عامه رخيصه وايجارها مناسب وبلنسبه لموضوع اوركي لخاص بلوب هيوستن بي معلومات عن أوستن من اخونه شبعت من الأهرامات وباقي الاخوه
تحياتي
شيبو
-
شكرا حبايبي على التفاصيل الحلوة اخوية شبيو انتشرف بيك
واني يمك بمصر اخوكم حلو الكلام
-
السلام عليكم
الاخ العزيز حلو الكلام ..اوستن مدينه كلش حلوه والجو بيها حاليا الصبح والظهر شويه حاره والعصر وبالليل اصير الجو حلو بيها منتزهات وحدائق هوايه وحلوه الاسعار بصوره عامه ارخص من باقي الولايات وايجارات الشقق تترواح من 500 دولار غرفه وهول و 620 دولار غرفتين وانت صاعد الملابس الرجاليه والاطفقال اسعارها مو غالي ارخص من مصر وخصوصا بمحلات (walmart , ross , fallas) بس الملابس النسائيه للاخوات المحجات ماشفت لحد الان اكو محلات عربيه كلشي بيها وموجود ب H E B منتجات حلال
اكو منظمتين للاجئين (SRT , والكاريتاس)طبعا الكاريتاس احسن بهوايه من المنظمه الثانيه لان مساعداتها اكثر اذا تكدر من هسه كول لل اي او ام اني اريد الكاريتاس
بالنسبه للعمل متوفر ولحد هسه ماشفت عراقي كاعد بلا شغل وتكدر من انت توصل وتخلص اوراقك والهويات مالتك ادور على عمل وتكدر ايضا تبلغ المنظمه (اذا كانت الكاريتاس ) بان همه يلكولك شغل والرزق على الله
واي سؤال ثاني تريده اني حاضر
-
الف شكر لك اخي شبعت من الاهرامات
اثبت دائما انك متالق
وشكرا لك على هذا التواصل معنا
بارك الله بك اخي الحبيب
اخوك NOOR 2
-
شكرا اخي على هذة التوضيحات الحلوة شبعت من الاهرامات اني ممنون منك ممكن تكولي يعني شلون احصل كاريتاس من الي اوم يعن يصير همه منا يحددون وبالنسبة للملابس يعني الواحد ياخذ شي خفيف بس ومناك نشتري وبارك الله بيك
-
السلام عليكم
اخي العزيز انت عندك كفيل باوستن؟اذا عندك كفيل هو يروح ايسجل اسمك بالكاريتاس ويكوللهم صديقي طلعله توطين اوستن واريده على منظمتكم ..واذا ماعندك كفيل روح لاي او ام مصر وكوللهم اكدر احدد المنظمه من يمكم قبل السفر لان بصراحه اني ما اعرف يصير من مصر او ميصير
وبالنسبه للملابس انت بكيفك تريد تشتري من مصر او من تروح ان شاءالله لامريكا تشتري بس الاسعار بصوره عامه ارخص من مصر والنوعيه احسن للاطفال والرجالي واني تندمت لان اشتريت هوايه لاطفالي من مصر لان شفت هنا نوعيات احسن واسعار ارخص بالاضافه الى بهذلة الجنط وصعوبة شيلتها والحمدلله على كل حال .بس بالنسبه للاخوات المحجبات ماشفنه لحد الان ملابس مناسبه ويجوز اكو بس احنه لحد هسه مانندل الاماكن
اخواني ان شاءالله راح اجاوب كل الرسائل الي وصلتني على الخاص هاي الايام واعتذر على التاخير
وان شاءالله الموفقيه للجميع
اخوكم شبعت من الاهرامات
-
مشكورين على هاي المواضيع المفيدة و الرائعة
-
مشكور اخي واني احوال اتصل باي اوم مصر واسال والله يسهل امرك
-
معلومات حلوة انشاء الله من نصيبنا