ankawa
منتدى الهجرة واللجوء => الهجرة و واللاجئين => الموضوع حرر بواسطة: اليائسه في 16:27 26/05/2009
-
السلام عليكم
شلونكم اخواني واخواتي
الرجاء من كل من انرفض من عمان وقدم استأناف ان يشارك لانه لحد الان ماكو اي خبر عن الاستأناف صار اكثر من 40 يوم ونريد كل من عنده معلومه او اي احد اتصلو بي الiom ان يخبرونا بما يحدث معهم لان والله تعبت اعصابنه من الانتظار ونريد نشوف حل لهذا الموضوغ
مع جزيل الشكر والموفقيه للجميع
-
الله يكون بعونك ويساعدك اختي ولا املك لكي غير الدعاء لك ولاخواننا الذين ينتظرون الاستئناف
يوجد رب اسمه كريم
-
مشكورة اختنا اليائسة على طرح الموضوع وان شاء الله يتصلون بيكم لابد من وضع حد للانتظار والى متى
انا قدمت استئناف قبل اربعين يوم واتصلت بيهم وقالوا لي نحن نتصل بك اذا تغير شي !!!
تسلم اخوناالعزيز عكعك على الدعاء والله يفرجها للجميع ونسمع خبر وصولك لارض الاحلام
-
شكرا للخ عكعك على مشاعره النبيله
وشكرا للاخ مهاجرين بلا حدود وان شاء الله الله يفرجها عن قريب بس حبيت لو انك تترك رقم تلفونك حتى نبقى على تواصل لان اني اعرف ناس هوايه مستأنفه ونريد نجمع الناس المرفوضين ونبقى على اتصال واذا انته تعرف احد يا ريت تسال حتى نضل نتابع الموضوع
-
اختي اليائسة
انا الان في سوريا وتقديمي من سوريا واحنه المرفوضين في سوريا كاعضاء فقط انا والاخ حمداني ودخوله قليل للمنتدى ليس مثل قبل ولكن جماعة عمان كان هناك الاخ ابو صقر وايضا مختفي هل الفترة
ولااعرف هل هناك ايضا اعضاء مرفوضين غيرهم ربما ذاكرتي تخونني الان والله اعلم
ان شاء الله يحولونه غير بلد بس شكوت مااعرف بيد الله
اخوك ابو محمد
-
السلام عليكم اختى اليائسة والاخ مهاجرين بلا حدود والله ياريت نبقى متواصلين حتى نعرف نهايته شنو انى سبق وان كتبت انو العائلة كلها انقبلت بس اختى الى كيسها وحدها انرفضت وقدمنا استئناف من يوم 8/4 ولحد الان ماكو شى والبارحة اتصلت اختى واحنة بسورية خبروها من يجى شى احنة نتصل بيكم ومدنعرف شنو نسوى لان اذا ماكو نتيجة نريد نقدملها على المانيه لان خالى هناك وعنده الجنسية الالمانيه وبنفس الوقت نخاف الاستئناف يتاخر والوفد الالمانى يغلق اخوانى الى عنده نصيحه النا يفيدنا والله يفرجها على الجميع
اختكم ام سما
-
اختي العزيزه احنه من جماعه المرفوضين ايضا من عمان لكن من شهر العاشر وبعد خمسه شهور دزوا عليه الاي او ام وكانوا طالبين اوراق جديده بقضيتي ودزيت اوراق اضافيه صار تقريبا سته اشهر وداتصل ويكولن بعد من يجي شي احنه نردلك والله كريم انشاء الله تسهل امور الجميع .
اخوج كومار
-
السلام عليكم
شكرا للأخت ام سما وان شاء الله تفرج على اختج وتسافرون سوى وبالنسبه للاخ كومار والله الانتظار صعب يعني اني صارلي 40 يوم وتلفت اعصابي شلون انتو الله يكون بعونكم يعني الظاهر شغله الاستأناف كلش طويله احنه جماعه المرفوضين يوم 8-4 وكل الي اعرفهم والي انرفضو لسه محد ماخذ نتيجه ومن اخابر يكولولي المحلف لسه ما انطه قرار وانو همه عليهم ضغط وطلبات استاناف هوايه يعني نبقه تحت رحمتهم شوكت يصير عدهم مجال يشوفون فايلنه , يعني والله حرام عليهم يشتتون عوائل ,واشهر واحنه نحلم بالسفر وبعدين ننصدم بالرفض والواحد ما يعرف شنو مصيره وياهم
الله كريم وهو اعلم بالحال وان شاء الله تفرج عالجميع امين
-
يا شباب وياكم اخوكم داني من لبنان مقدم عل يو ان صارلي سنتين و اني قبل 3 اشهر سويت مقابله الوفد الامريكي و لحد هسه ما انطوني خبر بس كالولي انته ملفك لا قرار يعني قيد الدراسه و مثل ما نعرف كلنه هايه بلتيقه جديد من اليو ان مال لا قرار ارجو منكم الي حالته مثل حالتي ينطينه خبر عن هذا الشيء او تنصحوني شنو الي اسويه لانه ما معقول ننتصر كل هايه الفتره و بعد سنه يكولون و الله شنو انته مرفوض . فا ارجوا منكم تنصحوني وتساعدوني...شكراا والله يفرجها عل الكل
-
Danny_81
اخويه العزيز ملفك قيد الدراسه وانشاء الله مقبول بس تاخذ وقت شويه واكيد قصتك بيه دفع فديه وخطف
تحياتي
-
اختي ارجو ان لا تيأسي رحمت الله كبيرة مالها حدود ان شاء الله الفرج قريب واللهم يسهل امورك وامور كل المستأنفين وتنقبلون باسرع وقت اميين يارب العالمين.....اختكم ايات
-
شكرا اختي ايات وان شاء الله الله يسمع منج ويسهل الامور لكل المستأنفين امين يا رب العالمين
-
اسال الله العزيز ان يفرجها عنكم جميعا وتنالون مبتغاكم وترتاحون وانشاالله الكل تسافر
ابو فهمي
-
و الله موقف مزعج و ظرف صعب الله يكون بعونكم و الله يقويكم و يصبركم على هذا الإمتحان
و إن شاء الله تاليها خير و توفيق و سعادة و راحة
نسأل الله عز و جل ان يفرج هذا الكرب عنكم و نسأله تعالى أن يزيح الهم و الغم عنكم و أن يرزقكم الموافقات و السفر في القريب العاجل
توكلوا على الله و هو القادر الذي إذا شاء قال كن فيكون
-
السلام عليكم اخوتى ان شاء الله اجة الفرج لحد ماكتبت الموضوع اتصلو الهجرةالدولية باربعة اشخاص مرفوضين وكالوهم نعيد مقابلتكم وية الوفد الامريكى ومن اسمع اخبار جديدة ابلغكم بيه وان شاء الله يتصلون بالكل ويعيدون مقابلاتهم ويقبلوهم كولوا يارب والله ارحم الراحمين
اختكم ام سما
-
الله يسهل امركم ويساعدكم بعونع تعالى
-
شكرا للاخت ام سما على هذا الخبر الحلو بس اريد اعرف هذوله الي خابروهم من اي بلد مرفوضين واشكد صارلهم مرفوضين وان شاء الله الله يسهل للجميع
-
السلام عليكم اختى اليائسة هذولة مستلمين الرفض بشهر الرابع من هاى السنة والبلد سورية والله يفرجها على الجميع
اختج ام سما
-
هلو اخوان شلونكم اخباركم انشاءالله زينين ورده
اني مسوي استناف من شهر 12 الحدلان ماكو شي استناف يطول بين 5 تشهر اذا سنه
تحياتي الجميع
-
السلام عليكم
اليوم اتصلو ال iom باحد المرفوضين الي بعمان من شهر الرابع وحددوله موعد مقابله محلفين الاسبوع القادم
نسأل الله ان بتصلون بكل المستأنفين عن قريب وتفرج كولو امين
-
السلام عليكم الاخت يائسه والاخوان الطيبين
ان شاء الله الكل يتصلون بيكم ويتيسر امركم وتسافرون وقولوا يارب وان شاء الله تفرج
-
نسال الله ان يسهل امر المرفوضين و تنحل قضيتهم باسرع وقت ممكن و يسافرون
vet2009