ankawa
منتدى الهجرة واللجوء => الهجرة و واللاجئين => الموضوع حرر بواسطة: المتمني في 20:34 26/05/2009
-
اخواناليوم تفاجئت بموضوع يمكن اني اعتبرة اكبر سخافة في حقوق الانسان العراقي اني كل مجنت اتصل يكولون انت بانتظار السفر واسمك على قائمة السفر ومصر كلولي قبل 50 يوم انت كاملة الموافقة الامنية بس باس باقي على ختم الملف اليوم من اتصلت بمصر وجان تكولي الموظفة وبكل برود انت بانتظار اكمال الموافقة الامنية كتلها اي موافقة وانتو بلغتوني انه كاملة كالت اي يجي تحديثات على الملفات ويمكن يبلغوك بيها كتلها سلميلي على ماما من تروحين للبيت ,اكو بيكم احد يكدر يشرحلي ترى اني تعذروني عقلي خف من الظهر ومداكدر اصدك اللي كالته هسة اني وين وصلت وشنو جان يكلولي مبروك وموافقة وانت على جدول السفر يعني معقولة صارت شغلة وعلسوني جاوبوني رحمة لاهاليكم !!!
اخوكم ابو ملك المتمني
-
اخويه الله يساعدك بس خابر باجر عليهم واتاكد من الموضوع مره ثانيه
-
مثل مكال اخي عكعك اتصل ونعم صوتك شوية بلكت تحن عليك وتنطيك جواب وافي ومابي اي علامات شحن مستقبلي
ابوملك تحياتي لك والله يعينك على الدوخة وان شاء الله تفض هل اليومين
-
حسب كلامك ان الموظفة خبرتك قبل 50 يوم واكدت ان ملفك كامل وبانتظار السفر فقط فباعتقادي ان كلام الموظفة الجديد غير دقيق وانا حصل معي تقريبا نفس الشي عندما اتصل معي كفيلي من كاليفورنيا وخبرني انه قد وقع اوراق كفالتي وبعد اسبوع اخبروه بيوم قدومي وحتى الساعة ومطار الترانزيت وعندها تفاجئت كيف ان مكتب الاي او ام في المزة لم يخبرني لكي اهيء نفسي وبعد 3 ايام ولاحظ الفترة "3 ايام" اتصلت انا بهم واخبرتهم عن هذه المعلومات فاخبرتني الموظفة ان معلوماتي خاطئة وان قسم السفر هو المسؤول ولم تستلم اي اشعار منهم حتى اني اصبحت مشوش بين الموظفة في الاي او ام وموظفة التوطين في كاليفورنيا وبعدها بايام قليلة اتصلت بي نفس موظفة الاي اوم لتاكد لي صحة المعلومة وانها كانت على خطا
بغدادي
-
ياجماعة ترة العملية صايرة شيش بيش على كل حال ماكو غير تكرر اتصالاتك ....وتقبل مروري
-
مساءالخير
اخوية العزيز باجر اربعاء وهم يستقبلوون من الساعة8 الصبح للساعه 4 العصر احسن شي روحليهم وافتهم منهم وجها لوجه لان هذولة حشاشة يمكن مأكلين فلافل
بس صدكني هم الغلطانين
اختك بغداد1975
-
شكرا اخي عكعك وجزاك الله خير انت اعلم بيهم وشكرا للبغدادي الاصيل وبلفعل هناك كثيرا من الاشياء غير مفهومة ابدا يعني شنو تكلي اجزاء من الموافقة الامنية مكاملة شكرا ابو محمد الوردة وانشالله اسوي بنصيحتك وتتسلم والله يعينك ويعين الجميع
اخوكم ابو ملك
-
اخي العزيز
الاخطاء جدا واردة بس هذا مو مبرر بحيث تكون طريقه باللعب بمشاعر الناس
ويجب عليك ان تتصل بهم ولاكثر من مرة واكد عليهم نت تاحيه المعلومات الي خصلت عليها قبل 50 يوم
ولاتستحي هذا حقك لان الموضفين مايهمهم شي المشكلهراح تكون علينا احنا الي دننتضر
والله يسهل امرك وترتاح وتبشرنا بيوم سفرك
تحياتي
-
والله يا اخي ما اعرف شاكلك
بس الله يساعدك على هذه المحنه
وهم صدك كاعد يتلاعبون باعصابنا
اخوك NOOR 2
-
هاي الشغلة واردة وصارت مع احد اصدقائي قبل فترة قريبة جدا نفس الشغلة والمشكلة لحد الان صديقي حاير واتصل بعمان وكالولة المكتب رجاءا لاتتصل هنا عدكم مكتب بالقاهرة
-
اخي العزيز
مثلما قال لك الزميل عكعك اتصل بهم لأن في بعض الاحيان الموظفة ماله خلك وقد حصل معي نفس الشيئ وقمت بالالحاح عليهم لحين حصولي على الجواب الشافي .. انا لا اقول لك مبروك .. بس متأكد مجرد وقت وتسافر وتصير هاي كله سوالف .
اوركي
-
نفس الحالة صارت مع اخي الي بسوريا هم خابروهم وكالو هو متحول للتوطين وهو انتظر منهم مقابلة الوفد بعدين الشغلة طولت شهرين من راح يستفسر عن سبب التاخير عن مقابلة الوفد كالوا منو كال انت متحولة اوراقك للتوطين ??? كال انتوا خابرتوا وكتولي انه اني اوراقي متحولة للتوطين الموظفة والابتسامة العريض بحيث حتى سن العقل طالع كالت لا اخي انت لا متحول ولا شي روح شوفلك حل ;D شفتوا شلون موظفين عدهم تحفة انشااللة اخي تكون بس منتظر السفر ربي يفرجها على العراقيين من هل العذاب
-
شلون حيرة وياهم اخى ترى بالتلفون ما افيد روح واوكف على راسهم وانشاءالله تمشى امورك بخير ,,,
-
شكرا اخت ايام ولكن للاسف نحن في سوريا ميدخلونا للمنظمة فقط بلتلفون وشكرا للاخت انجي وهاي فعلا مو جديدة الله يساعدنا هنا ويارب يفرج عنهم وعنا هلموضوع شكرا اوركي للرد واتمنالك افضل الاوقات في امريكا وشكرا خلدون للرد
وشكر نور ويارب نخلص ما النا غير التوجه لرب العالمين وكلام الاخ ماجك صحيح وشكرا الك راح احاول اشوف شنو هاي المشكلة من نخبر يزعلون
ابو ملك
-
اخويه المتمني مثل ما تفضل الاخ عكعك حاول الاتصال بيهم مره اخرى لان هم iom كل موظفه شكل تجاوبك اني مخلص مقابلة اولى ردت عليا موظفة تكول بعد الك مقابلتين غير المحلف وبعد شويه خابروني على المقابلة الثانية وسالتهم كالو لا بس الثانية والمحلفين يعني اكو خربطة كبيرة بالمنظمه
واسال الله العزيز ان يسهل امرك وتسافر وتخلص
اخوك ابو فهمي
-
متمني خلي اتصالك بمصر فقط علمود ليصير ارباك
اكو شغلة عرفتها حتا لو ختم يكولون تشييكات امنية تعال شوف جماعة الاردن احلا شي هو يسالني بعد عدة اتصالات ويدوب نحصل خط يصير هو يسالني عبالك طلسم افضل شي خذ زبدة من مصر ولدوخ اكو رب يفرجها
حاول اليوم بس بهدوء كولها وين وصل ملفي لتنطي تفاصيل
انشاء اللة خير
قطة
-
السلام عليكم اخى المتمنى والله يااخى الله يساعدك والله ملينة من اجوبتهم الروتينية البارحة اتصلت بيهم ونفس الكلام كلتلها والله حفظتا لكن من شهرين اتصلوا بزوج بنتى بتكساس ووقع على اوراقنا شنو هذا التاخير والى ورانة سافروا كالت كل كيس شكل اكو كيس شهر واكو ستة اشهر واكو سنة كلتلها مو احنة راح يصير سنة على توطينا كالت مو شرط واكو ناس استلمو الظرف يوم 12/4 وهم الان بامريكا اخوية لا موافقة امنية ولا اى شى من هذا الكلام كل ابيديهم وهسة الايام راح تثبتلك اكثر اصبر والله مع الصابرين
اختك ام سما
-
[اخي العزيز لاتخاف ---- اكو موظفين مايتعبون نفسم ومايجيكون بالحاسبه على الملف راساً يكولولك الامنيه لانه هاي دائماً تتاخر فيحكلون الناس بيها يعني تكلك الامنيه اني اعرف ناس اليو ان كللوهم ملفكم تحول للتوطين فأخذ الرقم وخابر المنظمه فهم كالولهه الامنيه بعدها مجايه ضحكككككككككك كللهم يمعودين ياأمنيه اني بعد ممقابل مقابله اولى كالوووووووو اه خلاص حنه غلطنه بالاسم صح انته ناطر المقابله الاولي وحنه نتصل بيك فشوففففففففففففففففففففففففففففف الشغل المخربط مال الموظفين الي دياخذون راتب براسنه
من عمان النسيم المهاجر لولا الامنيه r]
-
شكرا لردودكم ومشاركاتكم والله اختي ام سما انا تعبان نفسيا صدكيني اليوم قررت كلت اذا لنهاية هذا الصيف ماطلع النا سفر يعني ماكو سفر لان لان تقرون موضوع جمعية انتظار الامنية راح تعرفون اني شقصد والله اخت قطة فد خربطة اكو المشكلة اني سمعت اخبار من شخص بس ماريد اعتمد عليها يكول الموافقات تجي وهم بكيفهم اللي يريدون يسفرو يسفرو يسفرو واللي ميريدون يركنو على الرف وخاصة اذا اكو بعض الحاح والاتصالات والاميلات اللي يكتبها لمصر المهم الله يفرجها علينا لان هو حسبنا واذا مقدر متصير فميريد لااعتراض على حكمتة وشكرا للنسيم المهاجر وشكرا لكل من رد وخفف عني ومن الله التوفيق
اخوكم المتمني
-
أخي العزيز المتمني
الله يكون بعونك ،و الله يقيك من مكائد هؤلاء الناس
أسأل الله الرحيم أن يفرج كربك و أن يزيل همك و غمك
أخي إلا ما تفرج لا تشيل هم
"فإن مع العسر يسراً ،إن مع العسر يسراً"
"وقل حسبي الله عليه توكلت و هو رب العرش العظيم"
أكثر من الإستغفار و إن شاء الله ما تشوف إلا و المشكلة إنحلت
إن شاء الله نسمع منك أخبار طيبة قريباً جداً
-
شكرا الك اخي العزيز وبارك الله بيك واني فعلا ما الي غير رب العالمين وانا فوضت امري لله لامنجا ولاملجا الا اليه لااه الا الله اني كنت من الظالمين ورحمة الله على والديك ويارب تفرج على كل عراقي شريف امين رب العرش العظيم
ابو ملك
-
الله يساعدك ويساعدنا على اجوبتهم التضليليليه بس عبالك هم من يصير عدهم زخم ولود وما يكدرون يمشون معاملات سفر يذبوها براس الامنيه ويسكتونا
حسبي الله ونعم الوكيل
-
الله يساعدك أخويه هاي سالفة الأمنية مكيفين عليها موظفين مصر كل وحده حاطه علج بحلكها وتعلج وتكلك بكل سهوله 'لسا مكتش' النا الله
-
والله اخواني قبل 50 يوم كالو الي بعد ايام ونحط اسمك على السفر والبارحة يكولون في اجراءات امنية
ابو ملك
-
متمني
اذا نسمع ذاك وفلان رح نتعب واحنة اعصابنا تالفة
كو ل ياللة
ماكو هيجي حجي وعيونك القرار يجي من امريكا همة يكولولهم هاي حالة جاهزة لسفر ويدكون عليك
بالنسبة لاخوة الي تتطلع قبلنا اكو حالات الها اولية وهاي قوانين دولية كل دولة تستخدمها ومنكدر نحجي
هدي برحمن وكو ياللة هي وحدها تجي شلون مادكو علينة بمقابلات سابقة نفس شي طبعا اكيد متابعة منك كل فترة فد اتصال اكو رب كبير هو يقسم الارزاق
سلامي وتحياتي لك اخي ومثل مكتلك اتصال بمصر واتصال بدولة الي انت بيها واني افضل مصر بحكم تجربتي لان مصر بس تنطيها رقم ملف تكولك حضرتك وصلت لكذا وكذا يفندم وبس
قطة
-
اخي الله يساعدك وان شاء الله كلشي ماكو ومعاملتك كاملة بس انت ظل اتصل بيهم وان شاء الله تاخذ النتيجة الصحيحة .............اختك ايات
-
السلام عليكم
اني اؤيد قطة بالكلام قعلا هي تجي مناك وفعلا ما الهم دخل الموظفين بدائرة الهجرة والدليل اليوم رحنا 28 بالشهر ووكفت نيفين تجاوبنا بكل احترام وتفهمنا بانه بعد موافقتنا الامنية مجاية بس كالت مدام اكو موافقات بالعائلة جاية يعني اطمئنوا ديشتغلون بيها وكالت بس تجي الامنية ختم الملف وراها ميطول شهر وكاءنه تريد تكولنا ان الامنية بداية دخول لامريكا بس اجراءاتهم هيجي تطول وجسب قضية كل واحد. وشكد عدنا اسئلة ساءلناها ولا تعاجزت ابدا زوجي يساءل من ناحية واني من ناحية الى ان اكتفينا وطلعنا مقتنعين باءنه المساءلة تجي هي جاهزة بدون تدخلنا بس مجرد بين فترة وفترة تخابر حتى لا تتعبون تفسك تروحون وان شاء الله متشوفون الا والموافقة جاية للكل وتظل هاي تصير سوالف وفق الجميع يارب المتوكلة _ مصر
-
شكرا قطة وشكرا ايات وشكرا متوكلة والله كلامكم على راسي وكل متكتبون الي كل ميزول كل همي
المتمني