ankawa
منتدى الهجرة واللجوء => الهجرة و واللاجئين => الموضوع حرر بواسطة: شقندح في 21:44 26/05/2009
-
السلام عليكم
اود بالبداية ان اتقدم بالشكر الجزيل لهذا المنتدى الرائع واتمنى ان تقبلوني صديق لكم
انا احد المتقدمين لبرنامج الهجرة الجديد SIV5000
واكملت معاملتي بالصورة التالية:
6/11/08 حصلت على موافقة السفارة
7/12/08 ارسلت المستمسكات لولاية نبراسكا
31/12/08 استلمت الرد مع الموافقة
26/1/09 ارسلت الاوراق المطلوبة لدائرة الهجرة NVC
3/3/09 استلمت رقم الخاص بالمساعدات IZ xxxx
24/4/09 استلمت موعد المقابلة
1/5/09 اجريت الفحص الطبي
20/5/09 اجريت المقابلة وتمت بنجاح
المشكلة هي بعد اجراء المقابلة اخبرني القنصل باني سوف استلم الفيزا خلال اسبوع واحد واعطاني ايصال مع ورقة مكتوب فيها بالعربي والانكليزي انه خلال ثلاثة ايام سوف استلم ايميل يوضح متى وكيفية استلامي للجواز مع الفيزا وخلافه يتوجب علية ارسال ايميل الى العنوان المذكور بالورقة
المشكلة هي انه لحد الان لم استلم اي ايميل ولقد قمت بمراسلتهم ولكن لم احصل على اي اجابة بعد
فهل هنالك اشكال ام يتوجب علية الانتظار لوقت اضافي
مع فائق شكري وتقديري
-
اخي العزيز
اكو موضوع مثبت
براس قائمه مواضيع الهجره و اللاحئين عنوانه هو:
"ارشيف لمعاملات ال SIV و اخر الاخبار و نماذج للمقابلات و اساله و اجوبة حول الكيس.......SIV "
الاخ baghdadghost
يعتبر موسوعه كامله عن برنامج siv
وهذا رابط الموضوع :
http://www.ankawa.com/forum/index.php/topic,267544.0.html
بالتوفيق للجميع
ادخل على الموضوع عسى ان تجد اجابه لسؤالك واذا لم تجد اجابه اطرح سالك وسيجاوبك الاخوه عليه
بالتوفيق للجميع
-
حبي ....
اول شي تاكد من انك داز الايميل بصورة صحيحة .....
ثاني شي دز ايميل مرة ثانيه و اذكر بي اسمك الثلاثي حسب الجواز و تاريخ الميلاد لان هذا الشي مهم و اشرحلهم بالتفصيل شنو الي صار بالضبط .....
زين انته ما اخذت تلفون واحد من الولد الي قابلوا وياك بنفس اليوم ..... هاي شون فاتتك ......
-
انشااللة اخي يجيك رد منهم باسرع وقت وتسافر وتستقر بالتوفيق اخي
-
اخي العزيز
لاتشيل اي هم
عندي معلومات اكيدة انوا الفيزا والجواز يسلمونها يوم الخميس من كل شهر
ما عدا الخميس بنهاية كل شهر
وانت قابلت يوم 20 -5-2009
والخميس باجر يصادف 28-5 -2009
-
اخوية العزيز
عندي صديق قابل قبلك بيومين وكالوله عدنة زخم هواية وبعده دينتظر ايميل ولحد اليوم ماكو شي
ولتنسه الربع بعدهم جدد على الشغلة وصار زخم بالمقابلات لان سهلوا الاجرائات الادارية يعني مو مثل كبل هسة اسبوعين ثلاثة ويجيك موعد مقابلة
فالصبر مطلوب...........
-
حبي شقندح...
اني نفس حالتك بالضبط... ولا تروح بعيد ولا تدور
همه راح يدزولك ايميل... مابيهه مجال للشك...
وازيدك علم راح يدزون اول شي ايميل مباشرة بي #Ref... ووراهه انت شكد ما دازلهم ايميلات راح يسوون Reply عليهم بنفس الايميل الاول اللي بي #Ref... فلا تدوخ
تحياتي
-
اخ untitled.man
اصور احنا مشاوفين يوم الفحص الطبي اذا تذكرني اني صاحب الاطفال الاثنين الي كانوا مسويين هوسة
بس اريد اعرف شكد بعد اصبر حتى لا يصير عندي احباط
وشكري للاخوان الي جاوبوني فردا فردا وان شاء الله الموفقية للجميع
-
مرحبا شباب قابلت يوم 29\4 ولحد الان ما اتصلوا بية على الفحص بيدت اقلق كثير شنو الحل ؟؟؟؟؟
-
حبي شقندح...
اكيد متشاوفين... بس وداعتك ولا صغرا بيك.. ما داتذكرك... ولا حتى الناس اللي جانت ويانه بالفحص... عدى شخص مترجم جنت كاعد اسولف وياه وصدفت انه قابلنه بنفس اليوم واستلمنه الفيز بنفس اليوم... لذلك اتذكره... على اي حال...
اخوية العزيز...
انت جيك ايميلك اليوم... لو اليوم لو باجر راح يوصلك شي، واذا ماكو اكيد الاحد الجاي راح يوصلك الايميل لانه بصراحة هاذي سالفة اخر خميس من الشهر ما يسلمون بي الفيز ما ادري بيهه... بس اذا صحيحة، اكيد الاسبوع الجاي راح تفرج...
اني هم جنت مثلك قلق... ودزيت ايميل ورة اربع ايام عمل من يوم المقابلة وثاني يوم دزولي ايميلين مثل ما وضحتلك... ولا يصير عندك احباط ولا اي شي...
تحياتي
-
هل الي ما يتصلوا علية للفحص مرفوض ام هذا مو قياس
-
اخي العزيز عمر ......
يمكن انته مقدم على ال اي او ام ...... هنا الجماعه جاي يسولفون على مقابلة ال اس اي في ....
اذا تحب سوي موضوع جديد بالاساله الي عندك و ان شاء الله الولد جماعه ال اي او ام ميقصرون وياك ...
-
الاخ شفندح
انت ما قريت رسالتي