ankawa
منتدى الهجرة واللجوء => الهجرة و واللاجئين => الموضوع حرر بواسطة: ام عبد الله في 06:44 27/05/2009
-
السلام عليكم
احب ان اسأل سؤال محيرني واتمنى احد يجاوبني
اذا واحد اجة من بغداد لامريكا مباشرة عن طريق السفارة مو اليو ان...يعني مثل حالتي... ورة ميحصل عالكرين كارد او حتة خلال فترة ال5 سنين يكدر يرجع للعراق يشوف اهلة مثلا لو لا لان اني سامعة بصراحة انه يكدر اللاجئ وخصوصا اللي جاي من بغداد يسافر لاي مكان عدا العراق لان يسقط الكيس مالتة لان هو مهدد وطلع ومن يرجع يعني جذاب اكو هيج حجي لو لا
واكو سؤال ثاني مهم لازم اللاجئ يبقة عالاقل 2 سنة ونص تواجد فعلي في امريكا لكي يحصل على الجنسية
اتمنة من الاخوان احد يجاوبني بالتفصيل رجاءا
اختكم ام عبد اللة
-
شنو معنى طلع من بغداد على امريكا بعد ما حصل على الكرين كارت؟
الغانمي
-
السلام عليكم اختي العزيزة
اذا انتي مقدمه على SIV وطلعتي من بغداد فما اتحيل اكو مشكلة ترحين لبغداد بعد حصولج على الكرين كارد لانك مهاجرة.
أما موضوع الجنسية فالبقاء الفعلي لمدة خمس سنوات في أميركا بعدها تمنح الجنسية.
تقبلي مروري
عيني بغداد
-
اختي اذا حصلتي على الكرين كارد ف تكدرين ترجعين البغداد بعدها عادي لانه تحولتي من صفة اللاجئ الى مقيم اما قبلها ف صحيح متكدرين السفر الى العراق الا بعد تحصيل الكرين كارد
و بالنسبة للجنسية لازم تبقين 5 سنوات متواصلة اما اذا غادرتي خلالها ف فتره المفادرة ترجعين تحسبيها على الخمس سنوات يعني ترجعين تحسبين الى تصير 5 سنوات
و بالتوفيق
-
اختي وين متريدين تسافرين سافري وطبعا طريقه السفر من امريكا بيه تفاصيل كثيره وطويله
والعراق اذا تحسن فلسبب يزول بزوال المسبب
اما بخصوص منح الجنسيه فلازم عندك اقامه خمس سنين فعليه في امريكا بعد عده اختبارات ل للغه
والتاريخ وان يكون سجلك كلير
-
الاخت العزيزة ام عبدالله
انا اضيف شيء الى مشاركات الاخوان الافاضل ويمكن هناك بعض الاختلاف.كما اخبرونا في الدورة التثقيفية بالاضافة الى تجربة بعض اصدقائي في ولاية كاليفورنيا فبالنسبة الى السفر فبعد 12 شهر على الاقامة في امريكا فبامكانك التقديم على الكرين كارد وبعدها وهنا بيت القصيد يجب التقديم على وثيقة سفر امريكية من اجل السفر وهي تستغرق بحدود 8-12 اسبوع ومكتوب فيها جميع الدول ما عدا العراق ولهذا فان السفر الى العراق يكون رسميا وبدون اي مشكلة بعد الحصول على الجنسية الامريكية ومعلوماتي مستندة الى ما اخبرونا به في الدورة التثقيفية واعتقد ان الاختلاف بالنسبة للمسافرين على برنامج ال SIV هو حصولهم المباشر بعد فترة 8-12 اسبوع على الكرين كارد وتقبلي تحياتي
بغدادي
-
أخوان حبيت بس اصحح معلومة واني متأكد منهة كما أني متأكد من أسمي (( بالنسبة للأقامة بالولايات المتحدة فأنت تستطيع المغادرة أذا كنت مقيما وعندك الكرين كارت لفترة يجب أن لاتتجاوز 6 اشهر خارج الولايات المتحدة وأن لايكون مجموع ماقضيتهه خارج امريكا خلال الخمس سنوات يتجاوز ال ستة اشهر متقطعة لأغراض الحصول على الجنسية الامريكية ويستثنى من ذلك العاملين مع الحكومة الامريكية بصورة مباشرة خارج الولايات المتحدة فأنها تحتسب لهم أقامة في أمريكا )) وأشكركم أخوكم صفاء الكرخي
-
اشكر جميع الاخوان على ردودهم بس عندي سؤال يعني العراق منكدر اندخلة الى ان نحصل عالجنسية؟؟؟؟
واذا عدنة كرين كارد ونحصل وثيقة سفر نروح بيهة لاي مكان عدا العراق؟؟؟؟
-
اي اختي ام عبدالله .. ماعندج روحة للعراق اذا كنت لاجئة .. لانه راح يكولون ما دام تكدرين تروحين للعراق وما صار بيج شي اذاً راح ينسحب منج اسم اللاجئ مراح تكدرين ترجعين لاميركا ..حسب الي افتهمته من المواضيع الموجودة في المنتدى .. تكدرين تروحين الا في حالة انه عندج جنسية لانه بوكتها محد يكدر يحجي وياج لانه انت امريكية يعني حقج يجي لحد باب البيت محد يكدر ينطخ بحضرتج او اهلج ..اما في حال مهاجرة فاكو امكانية انه تكدرين تروحين للعراق ..لانه صفة مهاجر عندج مو لاجئ ...اللاجئ معناها هو خايف على حياته بالعراق لهذا قدم على اللجوء .. اما المهاجر فغير شي معناها .. يا ريت هم الاخوة يكدرون يساعدوج بهذا الموضع جماعة الى عايشيين هناك ..
تقبلي مروري .....
-
اشكر جميع الاخوة على مساعدتي في هذا الموضوع وانشاالله الموفقية للجميع
اختكم ام عبد الله
-
اختي ام عبدالله اذا طلعتي كرين كارد تكدرين تروحين للعراق واكو طرق معروفه يستخدمه العراقيين الموجيدين في الدول الاوربيه