ankawa
منتدى الهجرة واللجوء => الهجرة و واللاجئين => الموضوع حرر بواسطة: myiraq في 15:08 27/05/2009
-
مرحبا بالجميع...
البارحة 26 /5 قابلت محلفين وكنت خايفة جدا ...بس الاجراءات كانت اعتيادية ولحسن الحظ كان الجميع لطفاء من الحارس اللي عند البوابة الى المترجمة اللي بالمقابلة وهذا الي فعلا مخوفني ??? واللي خوفني اكثر انه المحلف كتب تقريبا خمس اوراق من المعلومات اللي اعطيتها بالرغم اني موصاحبة القضية ??? وطبعا بدأت الان مرحلة الانتظار القاتل بالرغم من اننا نعرف انه النتيجة يوم 11/7/2009 بس يبقى اسمه انتظار وترقب للنتيجة الحاسمة... انا حبيت ان استفيد من تجربة الاخ عراقي كرادي وادعوا كل شخص ينتظر قرار المحلف بنفس هذا التاريخ علما كنت متوقعة انه راح يكون موعد النتيجة يوم 4/7/2009 يعني مع الاخوان بجمعية الاخ عراقي كرادي لا وبعد كنت ماراضية لان الموعد بعيد شيصبرني فما بالك ب 11/7/2009 ولانها راح تكون ايام صعبة علي حبيت ان اكون معكم لكسب لدعم المعنوي :)
-
اختي العزيزه الف الف مبروك لمقابله المحلفين وانشاء الله قبول وسفر اللهم امين
اختي العزيزه ماعدنه غير الآنتظار اتمنى لكي الموفقيه0
اخوك 79 النرجس
-
انشاءالله خير والله يصبرنا ويصبرج
-
انشاالله خير وقبول قريب وسفر سريع
ابو فهمي
-
ألف مبروك الإنتهاء من المقابلة أختي العزيزة
إن شاء الله مقبولة و يا رب يكون السفر قريب
من حسن حظج أنه ما صرتي في جمعيتنا لأن لحد هسة كلنا كاعدين و الجمعية نايمة عليها الطابوكة :)
بالتوفيق أختي
بس لا تنسين إتبشرينا إذا إتصلو بيكم الIOM علمود فحص طبي أو شيء من هذا القبيل
-
السلام عليكم
الف مبروك المقابله وان شاء الله خير ومقبولين .
ابو انس
-
انشاءالله السفر للجميع والف مبروووووووووووووووك
-
شكرا جزيلا" اخي 79 النرجس وكلامك صحيح لامفر من الانتظار بس ان شاء الله الايام القادمة تحمل الاخبار السارة .
وشكرا للاخوان الكرام cooliraqi80 & good spiner & القرش العضو المخضرم بالمنتدى دائما تلفت انتباهي الصورة الي واضعها حضرتك كتوقيع :) والشكر الجزيل ل sony.sony يارب اهنيء الجميع على الوصول لامريكا بالسلامة. وبالنسبة للاخ wengo ....ان شاء الله استمر معكم لاعلامكم باي مستجدات لان بصراحة استفدت كثيرا من جمعيتكم (وان كانت نايمة عليها طابوكة :) ) بس ان شاء الله الايام القادمة تبشر بخير .
بس لحد الان ماكو احد عنده نفس الموعد معقولة احنا اول المنتظرين :)
-
مبروكاختنه العزيزه واحنه نتشرف بيج تنظمين لجمعيتنه ويارب الله يسهل عليج والموفقيه انشالله والله يسهل على كل الاعضاء
اخوج عراقي وكرادي
-
مبروك اختي راح الكثير وبقى القليلوان شاء الله بعد 20 او 15 يوم يتصلوا على شان الفحص اذا فعلاًمعناها خلصتي مرحلة الخطر والله ايوفقك !شقراء بغداد
-
الف مبر وك خلصتي المقابلة و ان شاء الله خير و يتصلون بيكم
-
مرحبابالجميع ... اخي العزيز عراقي وكرادي اختي شقراء بغداد والاخ عاشق تراب العراق آسفة جدا على التأخر بالرد وأشكركم على الكلمات الجميلة التي تبعث الامل وتخفف من مرارة الانتظار حيث كنت فى حالة قلق شديد ودرجة كآبة عالية نوعا ما :) الى ان استيقظت صباح البارحة على اتصال من ال IOM ليبلغوني ان اليوم موعد للفحص الطبي ومنذ البارحة وانا مترددة بشأن اخباركم بهذا الامر فبالوقت الذي احببت فيه ان اشارككم ارتياحي لهذا الخبر الا اني لا اريد ان ابعث الاحباط في نفس من ينتظر وخصوصا اعضاء جمعية الاخ عراقي كرادي باعتبارهم قابلوا محلفين قبلنا ولكن عندما ذهبت اليوم تعرفت على ناس كان موعد استلامهم الظرف يوم 4/7/2009 وايضا تعرفت على ناس كان موعد استلامهم الظرف يوم 11/7/2009 وهذا الي شجعني ان اكتب لكم يعني اكو امل ان شاء الله.
-
الف مبروك اختي الكريمة
وانشاء الله يتصلون ببقية اخوتنا وخواتنا و الجميع يكملون فحص
وتحصلون الموافقة والسفر والاستقرار باسرع وقت وللجميع انشاء الله
ابو جيهان
-
مرحبا اخي العزيز ابو جيهان شكرا جزيلا على الكلام الطيب واضم صوتي لصوتك بالدعائ للجميع بالسفر القريب والتوفيق للجميع ان شاء الله
-
سلام عليكم
والله اخوتي الاعزاء اني من جماعه يوم 11
واتعجب على كلام العراقيين والطريقه الي ديحلمون بيه بامريكا ومفكرين بانه من راح يوصلون راح يلكون جنه الاحلام
واحد يدعي للخ واني شايل هم بكد الدنيا
واعرفه بانه مثل الخدمه العسكريه مال ايام زمان يعني شر لابد منه
واني وياكم بانه امريكا بيه مستقبل وبانه العراق صعب الحياه بيه والوطن العربي دمممار
بس امريكا وبظروفه هسه مو مال واحد يكتب للخ دعاء علمود يسافر
ما اعرف هذا راييه الخاص وخل اشوف أرائكم
تحياتي
-
اخي الكريم عراقي 83
طبعا هاذا يبقى رايك الخاص وكل انسان وظروفه
الاكثرية من عدنا عدهم الف سبب يخليهم يسعون للوصول لاي بلد ثالث مو شرط امريكا
الاكثرية منا هجرو او هددو او قتل لهم شخص من عائلته ولهاذا تركنا العراق و نريد نستقر بدولة حتى لو امريكا مو مشكلة
وانت اذا معاجبتك امريكا ليش متعب نفسك ورايح مقابلات وانتظار وحرك اعصاب عوف هاي الفرصة لغيرك اخي الكريم يكون صدك محتاجهة وماعندا بديل اخر
و طبعا انت رايك ( امريكا بيهة مستقبل والعراق بلدنا صعب الحياه بيه والوطن العربي دمار ) ???
يعني شنو رايك مافهمتك انتة شتريد مااعرف
احنا ندعي لاخونا واخوتنا ان ييسر عليهم رب العالمين ويستقرون ويشتغلون باسرع وقت لانهم محتاجين هاذا الدعاء وعدهم عوائل والتزام ومرايحيين هناك بطرا لو ونسة لو تغيير جو ويكفي الي عانوه في العراق او بدول الجوار وكل اخوتنا وخواتنا محتاجين للدعاء و ربنا يستجيب الدعاء
اخوك
ابو جيهان
-
مرحبا اخي العزيز iraqi83 .... اولا احب ارحب بحضرتك لانك تكرمت وشاركت بموضوعي وثانيا رأي حضرتك محترم وحضرتك طلبت آراءنا بهذا الموضوع فاتمنى ان يتسع صدرك لرأيي الشخصي المتواضع . اعتقد انه حضرتك انهيت النقاش بنفسك حين كتبت هذا السطر
واني وياكم بانه امريكا بيه مستقبل وبانه العراق صعب الحياه بيه والوطن العربي دمممار حيث انه هناك ثلاث خيارات امام كل شخص منا اما ان يرجع للعراق وانت تفضلت انه الحياة صعبة هناك او يبقى باحدى دول الجوار وأنا اشاركك الرأي انه فعلا دمممممار لانه اقل شي انه انت لو بقيت 100 سنه في هذه الدول سوف لن تمنحك الجنسية والخيار الاخير هو الذهاب الى امريكا ومثل ما تفضلت حضرتك انه هناك مستقبل والشخص يختار اما ان يكون مستقبله حافل بالنجاحات او مليء بالفشل والانحراف وفعلا هذا ماتقدمه امريكا انها تعطيك ماتريدولكن انت المسؤول عن نتائج ماتريد أنا معك في تفكيرك الجدي وهذا دليل على حرصك على حياتك وكل المقبلين على السفر لهم نفس المخاوف ولكن هذه هي الحياة . اما موضوع الدعاء :) فأنت تعرف انه طريق اليو ان طويل وحالات القلق والتفكير تلازمنا وانت اعرف بهذه المشاعر باعتبارك تنتظر مثلنا وبالتالي وأنا طبعا اتكلم عن نفسي اكون جدا سعيدة لمن اسمع دعوة من احد وبصراحة ابحث دائما عن ردود الاخ يوجد امل لان كلماته تبعث الامل وتخفف عني وطبعا اتفق مع الاخ ابو جيهان انه الدعاء ليس فقط بالوصول الى امريكا ولكن ايضا بالتوفيق هناك على كل الاصعدة . آنة طبعا راح ادعيلك (على عنادك ;) ) بان تجد الحياة السعيدة وان تتبدد كل مخاوفك واتمنى ان مااكون ازعجتكم وطولت عليكم
-
خويه العزيز
اول شي اشكرك على ردك
وبعدين اني كتلك من البدايه احنه كلنه شباب وعراقيين وعشنه وعايشن نفس المعاناه بصور مختلفه
واني بالنسبه الي من اول الناس الي اريد هجرة من سنين وحاولت مليون مرة ومصارت قسمه
بس اني قصدي بانه حاليا وضع امريكا واكيد انت تعرفه يخليني افكر مليون مرة لان هناك اني بالنسبه الي مثلا مهندس و رضينه نشتغل عمال وهسه دا اسمع بانه العامل شغلته متتحصل والعراقيين ديقبلون برواتب قليله جدا واكيد دتسمع اشكد ناس دترجع
واسال الناس الي راحت كله تكلك الوضع صعب و مقابيله الناس الي دتسافر تشوفهم بالمنظمه عبالك رايحين يشتغلون بالكونغرس وكل واحد وياه 3 جهال و3 نسوان وكلمه انكليزي ميعرف
هذا قصدي بانه يا عراقيين على كيفكم ترة 3 اشهر ويكولوكم الله وياكم
والله العظيم البارحه خابرت جماعه من امريكا كالوا جنه سامعين شي وانصدمنه بشي اخر
اني مدا احبط اي واحد لان هذا الحجي معروف جدا والكل دتكوله واني من الناس مستحيل ارفضه لامريكا بس دايخ وحاير من هسه شراح اسوي لان الموضوع نهائيا مو سهل
تحياتي الك وانشاء الله موفق وتشوف كل الخير بحياتك
واشكرك هوايه على دعائك
وانشاء الله يصير الي بيه الخير للكل امريكا لو غيره
-
اخي العزيز عراقي 83 اولا اتمنالك الموفقية و النجاح بحياتك القادمة و ثانيا صدكني هاي صارت مودة مال وصلو لامريكا و انصدمو , اشو الكل مصدومة و نسبة اللي ديرجعون لا تقارن باللي وصلو و بعدين اخوية العزيز كل اللي وصلو و اني اعرف منهم ناس اول اشهر ضاجو وكالو راح نرجع و هسة ورة فترة حجيت وياهم و كالو لا احنة هسة استقرينة و بدينة نرتب حياتنة و انت حاول تقرة تجارب اخوان النة هنا بالمنتدى وصلو لامريكا و اشتغلو و من اول شهر و شغل مو مثل منسمع ميليق بيهم و مثل مكلت نشتغل عمال و الحمد لله و العافية ترة درجات و بعدين ورة فترة من نتعود و تتحسن لغتنة و نرتب امورنة اكيد كلشي يبدي يتحسن و الله العظيم اني اعرف مرة راحت هية و جهالهة ووحدهم و ما شاء الله عليهة هسة صارلهة سنة و تكول ليهسة الفلوس اللي جبتهة وياية مصارفة منهة و اموري المادية الحمد لله و طبعا حتى زوجت بنتهة لعراقي ايضا واصل توطين و هسة راح تصير بيبي و الحمد لله فكول يا الله و معليك بالحجي كلمن يسعى و يتعب الله ميضيع تعبة
اخوك ابو نور
-
اشكرك اخويه العزيز على اسلوبك الراقي
شويه واحد من يسمع هيج كلام يرتاح نفسيا
لان تعرف فراك الاهل مو سهل نهائيا وهم كبار
فلهذا الغربه صعبه حيييل وخاصه من يكولوك وضع هيج وهيج
مرات واحد يكول الدنيا متسوة
بس على امل واحد هناك يتوفق فمن يحجولك على الوضع هناك تكول اني شدا اسوي بروحي
وبس على كولتك كلمن وحظه وانشاء الله منسمع غير الاخبار الطيبه عن الكل
شنريد احنه
وانشاء الله تتحسن هل الازمه الماليه وترجع امريكا مثل قبل ونلكه بيه فرص
تحياتي الك وللكل