ankawa
منتدى الهجرة واللجوء => الهجرة و واللاجئين => الموضوع حرر بواسطة: سندباد u.s.a في 23:28 27/05/2009
-
مرحباً
شلونكم شباب وبنات عساكم بخير ان شاء الله امورك شلونه مشتاقلكم والله صاري فتره ماكو اخبار عني اعرف انقرضت بعض الوقت :) بس الحمدلله اتكاثرت هسه المهم ما اريد اطولها عليكم محتاجكم اليوم بسؤال وأكيد اكيد واحد منكم يعرف اجابته وضروري جداً المهم السؤال كالاتي :-
اكوا عائله عراقيه اجوي متكونه من الام وبنتها من سوريا والاب رفضو لان بالمقابله مالت المحلفين كاللهم اني شاركت في حرب الكويت وعلمود هذا الموضوع رفضوا وقبوا بس زوجته وبنته والام والبنت حيل حيل متأذين ومحتاجين ابوهم هسه وابوهم حالياً بسوريا اكو فد طريقة لو شي يسوا او الاب يسوي حتى يجي عليهم لاميركا انظر منكم اجابه واكون شاكر الكم لان الناس خوش ناس وجيرانه ومحتاجين ابوهم حيل
انتظر منكم الرد واعرف بيكم ما راح تخيبوني
تحياتي لكم جميعاً
سندباد u.s.a
-
من اول يوم يوصلون امريكا يكدرون يسوون معاملة لم شمل
-
اخي العزيز هاي الحالة حصلت بصورة مقاربة لصديق لي قبا اكثر من سنة وعائلة الاب بعد وصولها الى امريكا واستقرارها سوت معاملة للم الشمل واخذت بحدود 7 اشهر ولكن للأسف انرفضت والسسب كان ان الاب كان قد صرح في المقابلة للمحلفين انه كان ضمن الناس الاوائل اللي دخلوا للكويت وانه كان من الناس المقربين لقائد الحرس الجمهوري ..... وهسة العائلة سووا حيلة قانونية دلاهم بيهة محامي هجرة في امريكا وهي كالاتي ..... العائلة طلبوا من المنظمة انه اترجعهم للعراق وعندما سألوهم عن السبب كالولهم بانه همة مايكدرون ايعيلون نفسهم بدون الاب لانه المعيل الوحيد الهم هذا من جانب والجانب الاخر انه الرجل ظل عايش وحدهة بسوريا ورجع قدم طلب للمنظمة انه هو مريض وعايش لوحدهة بسوريا ومايكدر يبقهة على هذا الوضع اي لايكدر يرجع للعراق لانه هو مهدد بالموت ولايكدر يروح الى امريكا ولايكدر يبقهة لوحدهة بسوريا والمنظمة رجعت سوتلهة ملف جديد ومشت الامور بشكل جيد والمحلف اللي قابلهة هسة انطاه موافقهة بقت شغلتهة بس فحص طبي وامور اخرى فحبيبي خلي ايحاولون ولاييأسون واني اشكركم اخوك صفاء الكرخي
-
هلو سندباد شلونك حبيبي اخبارك اتعقد لم الشمل ممكن وانشاالله تتسهل
تحياتي
ابو فهمي
-
خويه سندياد ...... شنو السالفه
وين هالغيبة .... بمعود حمد لله على سلامتك .......
-
خويه سندياد ...... شنو السالفه
وين هالغيبة .... بمعود حمد لله على سلامتك .......
الاخ سندباد كان متواجد بالمنتدى طول اليوم
بس من سافر اختفى !!!!!!
شكرا لمشكله هذه العائله الي خلتنا نشوفه من جديد
بالتوفيق للجميع
-
اخوية سندباد
انت مبين عليك خوش ولد وعلى نياتك لأن لو كنت عكس ذلك كان دخلتنة من غير باب مثل البقية
تكول اخوان عذروني اني كنت مشغول ورجعت حاضر لأي مساعدة وبعدين تزحلكنة سؤالك بنص الموضوع
بس مال تكلي محدق 24 ساعة بالمنتدى ويومية صور وبالاسكندرية وتهاني وتبريكات وثم تختفي من توصل وهسة تريد مساعدة فشوية زحمة ولتستغرب تشوف هلكد قروا الموضوع ومحد جاوب لأن اليزرع يحصد والله يهدي الجميع
-
اولاً اشكر كل من رد على موضوعي شكر خاص وهم كلاً من (( النورس الحزين - صفاء الكرخي - كود سنايبر )) واشكر اخوي العزيز (( بغداد كوست )) على سؤاله عني وايضاً اخوي الغالي (( شو ))
أما بالنسبه للاخ سبع صنايع اذا انت تشوفها زحمه شوية تجاوب على سؤال فمو محتاج جوابك حبيبي الشباب كفوا ووفوا والنعم منهم ما يقصرون بس انت احتمال جديد هنا وما تعرف شي فما محتاج مساعدتك تسلم خلي مساعدتك الك واني يعرفون الشباب ما كنت اقصر من احد يسألني بشي مو شرط كان غايب لو ما يسأل لو شي على كل حال مشكور وانت لو ما تريد تجاوب اصلاً ليش دخلت على الموضوع
تحياتي للشباب كلهم
سندباد u.s.a
-
اخي سندباد
شلون عرفت الاخ سبع صنايع جديدّّّّ!!!!!!!
اقراء التعليق مالته وراح تفتهم انه مو جديد يمكن اقدم منك بعدين رده الك رد عتب و الي يحب يعتب
خصوصا بعد مشفنا اغلب الاعضاء الي يصلون لامريكا بعد ميدخلون المنتدى وصارت ظاهره شائعه
ارجو منك مسح ردك القاسي و كلنا اخوه ونرجو المساعده و الحاجه هنا
بالتوفيق للجميع
-
ارجوا من المسؤلين غلق الموضوع أو حذفه
حتى تعرفون ليش ما ادخل المنتدى من هيج سوالف
تحياتي
-
اخوان بداية المنتدى ليس حكرا لأحد (مع كل تقديري وأحترامي للأخوة المشرفين)
ثانيا الاخ سندباد لم يخطيء!!
ثالثا الاخ سندباد طرح موضوع لعائلة عراقية يعرفها (يعني مو موضوع شخصش له)
رابعا وهذا المهم أن المشاركة وابداء الاراء في المنتدى والدخول والتسجيل (طوعي) وليس بالغصب او القوة .......... دعونا نتعامل بما يظهر لنا من تصرفات اعضاء المنتدى فقط ولاعلاقة لنا ببواطن الامور والقيل والقال وووووووووووووووووووووووووووووو ...... مع عظيم شكري للأدارة والاخوة الاعضاء
-
والله يا جماعة اني م ااشوف الاخ سندباد غلط بشي يعني هوة نزل موضوع ما الة داعي الاخ سبع صنايع يرد عليه هيجي على الاقل يكولة يابة وينك شو ما تبين فيدنة مثل ما نفيدك بس مو هيجي
هنا كلنة اخوة بالمنتدى
تحياتي الكم
-
اخي سندباد ماكو غير حل الا اذا الام او البنت ياخذون جنسية ويعملون معاملة سحب بس هذة الطريقة اكو
-
اخي سبع صنايع يعني لتحكم راسا على الناس يجوز الرجال مشغول وعنده ضروف ماعنده مجال هسه لانه تعرف اهناك اليروح لازم يشتغل ويدور على شغل يلة يكدر يعيش مو مثل مجان ابسوريا او اباي دولة عربية عطال بطال بس كاعدين على النت فيا اخوية كل واحد اله ضروفه وانت انشاء الله من اتروح اهناك واتجرب راح تعرف شلونها الحياة اهناك وتحياتي اللك وانحنا اهنا كلتنا اخوان ملازم يصير هل الكلام بيناتنا كل واحد منه اله ظروفه وشكرا اللك
-
سندباد اخوية كلام اخونة Safaa Alkhrkhy صحيح 100% بس الشغلة اطول واذا يكدر يروح دراسة لامريكا ومناك يقدم على لجوء
او يستانف بالمنظمة و يقابل المحلف مرتلخ
او من ياخذون كرين كارت يسوي لم شمل لان ابوهم
والله يوفقكم
اخوان دخول سندباد وموضوعة حتى لو كان هوة يستفسر ويريد الجواب من عدنة هوة بنفس الوقد ديفيدنة لان اكو عالم تستفاد من سوالة واجوبتنة