ankawa
منتدى الهجرة واللجوء => الهجرة و واللاجئين => الموضوع حرر بواسطة: Iron_man في 12:33 29/05/2009
-
شلونكم شباب ؟ انشاء الله زينين ....
شباب اريد منكم المقترحات والحلول لمشكلتي التي وقعت بها اليوم (والحقيقة فوجئت بها) ...
استلمت ايميل من جماعة اعادة التوطين يقول انه لا استطيع السكن في ميشيكان الا اذا كان كفيلي على صلة من الدرجة الاولى ... وطبعا اني كفيلي بس صديق لا كرايب ولا ابد ....
فهسة ينتظرون مني ان ازودهم بعنوان شخص اخر .... والا سيتكفلون هم بالموضوع وحسب رغبتهم (وطبعا هذا الشي اللي ما اريده) ....
اخي الشبح !! HELP
طبعا شبعت قهر من البارحة ودايخ بالسالفة ، لا وفوكاها اني كتبت اسم صديقي بكل مكان حتى بشغلة استلام الكرين كارد هناك ....
عندي صديق بفرجينيا ، وصديق بوسكانسن ، وصديق في الينوي ...
اريد رأيكم >>> وسويت زحمة عليكم واهذت من وقتكم .... ولكن تجي الشغلة اللي لا بالبال ولا بالخاطر !!!!
اخوكم
Iron_man
-
عيني الرجل الحديدي هوة غير نفتهم الفلم بالبداية ليش هذولة جماعة التوطين ماقبلوا بيك بولاية ميشكان؟؟؟ يعني ليش الا درجة اولى؟؟؟؟؟؟؟؟؟خاف يامعود الشغلة بيهة واسطات وتوصيات ؟؟!! تبقهة شغلة لخ وهية انه انتة اذا ماعندك خيار غير هذا فأرضهة بغيرهة(( واللي ايشوف الموت ترة يرضهة بالصخونة!!!!!!)) واشكركم
-
اخويه دائما نذكر بالمنتدى انه ميشكان الا كفيل درجه اولى وعشرات المرات المهم اخويه اتصل باصدقائك واحد واحد وبعدين قارن بين حجي كل واحد واخذ القرار واكو موضوع لاحد الاشخاص بفرجينيا
بالارشيف وحسب علمي الينوي (شيكاغو) بارده جدا جدا والعمل قليل ولكنها رخيصه
تحياتي وبالتوفيق انشاء الله
-
ابوية الرجل الحديدي ..لا يبوشوك من البداية مو انت حديدي..شوف اخوية بالنسبة لمشيكان اولا امتلئت لاجئين و صارلها اهواية يمكن قبل سنة ..على اية حال اكو شغلة صغيرة تكدر تسويها بس بيها تضحية و هي انو تتوطن باي ولاية و هاي هية المهم لان اهم شئ تضمن دخولك لامريكا كاول هدف..بعدين تكدر تبفى بتلك الولاية الي راح هم يختاروها لك لمدة شهر بين ماتكمل اوراقك..بعدها انت حر بس راح تخسر السكن الي راح يقدموا لك ..يعني راح تاجر بمشيكن على حسابك..و للعلم ايضا ترة ميشكان اسؤ ولاية من ناحية العمل .و بعد كيفك
قرش بغداد
-
نعم
اني نفس الايميل استلمته انه لااستطيع ان اذهب الى ميشكان الا اقارب درجة اولى
اتصور السبب صاير لود عليهم
-
حبي الرجل الحديدي ....
تتذكر من سولفنه بهذا الموضوع ...... اني مو كتلك حضرلك صديق ثاني لان ترة شغلتك مراح يقبلوهه ,,,, بس انته الله يسلمك راسك من حديد ......
المهم ...... الخيارات الي عندك هي التالي :
1. ان تستخدم واحد من اصدقاك الي ذكرتهم و تسكن بالقرب يمهم .... بالنسبه للولايه اني افضل فرجينيا (ولو معلوماتي عن سمع وليس عن شوف عين) و اذا اختاريت هذه الولاية تكدر تتصل بالاخوة نازكول او ابن بغداد و همه راح ينطول الزبدة لان ثنيناتهم واصلين عن قريب بيهه ...... ولو اني سمعت من الاخ نازكول كل الخير على هذه الولاية ,,, وحته اكو اعضاء عدنه يريدون يحولون من تكساس الى فرجينيا ....
2. اذا معجبك ان تسكن باي من الولايات الي ذكرتهه ..... تكدر تذكرلهم اسم الولايات الي ترغب بالسكن بيهه و الاختيار راح سكون حسب الترتيب .... يعني يحاولون يسكنوك باول اختيار الك .... اذا مرهمت ينتقلون للاختيار الثاني و هكذا ....
-
ايرون مان ليش حاير ...بدل من هسه وفضها..اتاخر هنا و لا انه تتبهذل هناك يمعود..اتفق ويه صديق بولاية حلوة ومرتبة وبيها شغل واكعد هناك اني حسب الي سمعته من الاخت اوماه ابولاية نبراسكا مدينتها حلوة وبيها شغل واسعارها حلوة ...احجي وياها على الخاص وافهم تفاصيل اكثر ...
يا ربي تخلص سالفتك على خير ويصفى بالك ..اتمنى اكون ساعدتك لو بشوية الله يكون بعونك يا رب
-
[اخويه العزيز
اني اهلي بمشكان وصارلي 8 اشهر دانتضر الامنيه بس هاي معروفه مال ميشكن انو الا صله درجه اولى بس اذا تريد نصيحتي اذا تريد تروح روح يم الصديق الي يكون اله شغله الخاص او يكون متمكن من هاي الناحيه او يكون عنده ناس عدهم اشغال
وانشاء الله التوفيق r]
-
واللة يااخوان هي مو بس مشكن مابيها شغل كل الولايات تقريبا ماكو شغل وحتى كل الدول بسبب الازمة الاقتصادية الي اثرت على العالم وهي كلها تعتمد على اللغة وعلى اذا عندك شخص ساكن من مدة طويلة ويعرف ناس او هو عنده اي مشرع عمل ووين ما يقسمها ربك كول الف حمداللة والشكر لفضلة احسن بالف مرة من عدم الاستقرار وربي ابد ما ينسى عبده والارزاق بيد رب العالمين 000000000
-
اخي ماجلان تكدر تراسل الاخ ابن بغداد الحبيبة وهو ينطيك عنوانه لانه هو ذكر بموضوعة اي شخص يحتاج مساعدة للعنوان اني حاضر انت اقراه موضوعه اخي ماجلان الدنيا بعدها ابخير مثل ما اكو ناس مو زينة اكو ناس زينة وتحب تساعد اذا خليت قلبت يااخي
-
الاخوة الاحبة ....
شكرا لكل من شاهم وشارك ولو بشيء قليل من المقترحات والنصح ...
اخي العزيز Safaa Alkhrkhy
شكرا لك ... ونعم كما ذكروا في الايميل الا اقارب من الدرجة الاولى (اب، ام، اخ، اخت، زوج، زوجة، ابن، بنت) .. ما اعرف ليش هيجي مصعبيها بمشيكان .... والله حتى كرهتها ...
اخوي عكعك التطوى
والله حقك تلومني ... اني ما اطب هواية واقرة وخصوصا اذا اكو هيجي توضيح على سالفة مشيكان .. اشكرك
اخي قرش بغداد ..
شكرا لك على النصيحة ... ومثل مكلت العمل بيها كلش قليل او حتى معدوم ..
اخي الغالي والحبيب BaghdadGhost
شكول لك .... اخخخخخخخخخخ مسمعت كلامك ... كان المفروض احضر عنوان ثاني ... شمدريني تطلع هيجي السالفة .. راح اخذ بنصيحتك .. وراح ارسللهم عنوان ثاني ... شكرا جزيلا على كل كلمة كتبتها .
اختي العزيزة suzie83
مثل مكلتي ... راح اتفق وية صديق ثاني عندي ونشوف تاليتها .... شكرا لك عالدعاء والمساندة ...
اخي baraya
شكرا على تقديم النصيحة والمرور الجميل .... الله يسهل امرك بالمقابل ....
اخي النسيم المهاجر
اشكر على النصيحة .... ونعم هذا صديقي اللي راح اروحله بيه المواصفات اللي كلتها .. اشكرك
اخي ماجلان ... لا منطوني IZ نمبر لحد الان
الاخت AnGie
شكرا لك على المرور
اخواني تقبلوا تحياتي وشكرا مرة ثانية وادعوا لي الله ان يقبلوا العنوان الثاني اللي راح ارسله..
اخوكم
Iron_man