ankawa
منتدى الهجرة واللجوء => الهجرة و واللاجئين => الموضوع حرر بواسطة: حنان عبد الاحد في 20:29 29/05/2009
-
مرحبا خواتي واخواني
اريد اسال عن موضوع حيث قدمت في سورية على اليو ان في تاريخ 22/8/2007 سويت مقابلة اولى وقالو لي انتظري لكني بعد فترة قصيرة رجعتو على اللعراق ومن ذالك الوقت وانا في العراق وحاليا اريد اروح على تركيا واقدم على اليو ان من جديد ماذا تنصحوني هل يمكن ان افتح ملفي القديم لو اروح على تركيا واقدم من جديد وما اذكر اني قدمت سابقا مع الشكر
-
اختي العزيزة
اول شي ممكن تتصلين باليو ان بسوريا وتشوفين وين وصل الفايل
واذا رحتي لتركيا اعتقد لو تفتحين فايل وتكلين على فايلك بسوريا لان يمكن اليو ان يعرفون اذا كان لديك فايل في دوله اخرى او لا
هذا الي اكدر افيدج بي وان شاء الله الاخوان ميقصرون وخاصه الي بتركيا الان
تحياتي
-
نعم اختي حنان مثل ما ذكر الاخ ماجك لازم تروحين تسالين عن فايلك وميصير ان تقدمين بدون ذكر انه انتي مقدم سابقا لانهم هما يعرفون كل شي وربي يوفقك
-
اختي الكريمة روحي لتركيا و قدمي فايل جديد ولاتقولي انه انت مقدمة مثل ما اني سويت لان كل منظمة بوحد ماالهه علاقة بالثانية فقط في حالة أذا متحولة للهجرة فهذا بحث اخر لان اني هيك سويت كنت بسوريا و هسة اني بالاردن وقدمت تقديم جديد و هسة اتحولت توطين لان اختي سوريا يأخذون الفايل منا وشمروه منا هذا رايي واني بالضبط مثل حالتك من ايست من سوريا وما متحول توطين سافرت على الاردن وهسة اني في مرحلة التوطين طبعا هاي فقط في حالة انه اذا ملفك مامتحول توطين و ما متحولة للهجرة خلي ابالك انه نقل ملفك من سوريا الى تركيا ضياع وقت و كتابنا و كتابكم هذا رايي الشخصي
شكرا اخوك رافد
-
بوية السلام عليكم
اني قبل مدة عبيت رصيد جبار وخابرت يون تركيا وحولوني على مترجم عربي وسالته اكدر احول ملفي من ماليزيا لتركياا الجواب كالتالي : ما في تحويل تجدي تقدم حالك حال اي لاجئ جديد وتنتظر سراك
الله كريم وتفرج
ابو الحسن
-
السلام عليكم
أني كنت بمصر وفتحت ملف بالامم المتحدة ومن سافرت منها غلقته. سجلت مرة ثانية بسوريا وكلتلهم عندي ملف سابق بمصر وانطيتهم الرقم.
ما اتخيل الموضوع يستحق ان الواحد يكذب ويكول انه ديسجل لاول مرة لان همه مراح ينطون الملف القديم اي قيمه تذكر ورح ياخذون معلومات والقصة من جديد.
تقبلوا مروري
عيني بغداد
-
هسه التقديم عل يو ان بتركيا مضمونه شغلته
واكو تحويل الى كندا اذا واحدد عنده كرايب هناك
لو بس امريكا ???