ankawa
منتدى الهجرة واللجوء => الهجرة و واللاجئين => الموضوع حرر بواسطة: ستروبري في 18:49 30/05/2009
-
مرحبة اخواني اني رح احجيلكم مشكلتي والي يكدر يساعدني اكون ممنون منه خابروني IOM وبلغوني انو لازم اجي عمان اني وعائلتي باقرب وكت لان معاملتي صارت بعمان ( ديركت اكسس ) واجيت يوم 20 /3 /2009 وبلغت الاي او ام اني بعمان خابروني بعد اسبوع علمود المقابلة الاولى وبعد اسبوعين سويت المقابلةالثانية والثالثة بنفس اليوم شكد جميل وانتظرت موعد المحلفين واهنا المشكلة اني خابرتهم صدفة يوم 4/5 علمود سؤال على فد موضوع الشخص الي جاوبني كال انت اسمك بالجدول مال المقابلات المحلفين محد اتصل بيك جاوبتة لا محد اتصل كال زين لعد انتظر لي يوم 6/5/2009 ادا محد اتصل بيك خابرنه لهنا كلشي حلو الي مو حلو هو يوم 6/5 اتصلت الساعة 11 كالتلي الموظفة انت وين كتله بعمان بالبيت كالت اليوم عندك مقابلة مال المحلفين ليش ما جيت كتله اختي محد خبرني ولا احد اتصل بية واني التليفون يمي دائما بس محد اتصل واني لمن اتصلت كبل يومين الشخص الي جاوبني ما بلغني المهم كتله زين اكدر اجي هسة كالت لا الباب مقفول ميصير كتله زين شسوي اني هسة كالت انتظر كتله يعني شكد جاوبت يمكن شهرين او 3 او اكثر دزيت ايميل نفس اليوم جاوبوني انتظر اجابتنة وتا اخابر عليهم يكلولي انتضرو هاي تصير مو مشكلة زين اني بهاي الحالة شسوي والله تعبت والجهال اتبهداو شنو دنبهم وكلة تأخير بدون ما يكون صوجي اتمنى من الي يعرف شي على هشكل موضوع يفهمني وشكرا
-
الرب يساعدك
بس شلون مديتصلون بيك؟
روح الهم قدم شكوى او استفسار
شوف ليش هل الخربطة
اهنا ابتركيا يخبرون الواحد بمقابلة المحلفيين قبل شهرين
تحياتي
-
اخوية العزيز رحت ونطيت رسالة ودزيت ايميل وكل يومين اخابرهم وماكو غير جواب واحد انتظر
-
اخي العزيز
غباء الموضفين موهبه لايعلمها الا الله
عزيزي اشتكي وراجع وخملهم المسؤلييه لان الغلط غلطهم ولاتعوف الموضوع
تحياتي
-
الله يكون بعونك أخويه اسعي ولح عليهم وكلهم لسبب مو منك واهمال منهم لحد مايسولك حل وقدم شكوى خاصتا اذا المحلفين بعدهم موجودين
تحياتي
شيبو
-
مرحبا اخوان هاي كملت شهر وماكو اي موعد والله ما اعرف شسوي ناس يكولون لا تلحون وياهم لان بعدين يخبثون وياكم وهسة حتة خابرت عليهم كتله يعني شلون نسجل الجهال بالمدرسة بس كليلنة اطول الشغلة بعد كالت ما اعرف واني هم احتاريت ما اعرف شسوي طلعت روحي جماعتي خلصو فحص واني تا اراوح مكاني والله كريم
-
سلام عليكم شباب
خويه العزير لتهتم انشا ءالله خير
اني نفس الشغله صارت ويايه وبعمان همين
وخابرتهم بالصدفه دا اسال وجان يكولولي ليش مجاي محلفين
بس كالولي انتظر مقابله وكل اسبوع خابر
ورة شهرين بالضبط يالله خابروني مقابله محلفين مرة لخ
فانت خابرهم كل اسبوع لو اسبوعين والله كريم
-
تسلم اخوية عراقي 83 وحجايتك صحيحة لان قبل يومين خابروني نطوني موعد بعد ما كملت شهريييييييييييييييييييييييين بالضبظ
-
الحمد لله فضت همزين مشمروك على السنة الجاية هذولة كلشي توقع منهم و حصر زين للمقابلة و توكل على الله و عود اكتبلنة شراح يصير وياك موفق ان شاء الله