ankawa
منتدى الهجرة واللجوء => الهجرة و واللاجئين => الموضوع حرر بواسطة: دمي خفيف في 19:37 30/05/2009
-
أخواني ولو صار لي جم يوم ما طبيت المنتدى ( ظهري اسم الله عليكم لا زمني ) .ز اخواني اني بعد كم يوم انشاء الله عندي اول مقابله بس اريد أعرف اول مقابله شنو ؟ يعني يسألون على القصه لو بس اسئله عامه لو شنو حتى أعرف .. جاوبوني بسرعه رحمه لوالديكم حتى ارتب نفسي
-
ولو اني مو هلكد عندي معلومات بهذا الموضوع ولكن الذي اعرفة وان شاء الله يطلع صحيح
راح يكلولك احجي قصة حياتك يعني من اول يوم بحياتك الى هذا اليوم ولكيد راح يركزون على الاحداث بعد سقوط النظام وسبب خروجك من العراق وشنو كان عملك بالعراق وشلون طلعت وظروفك المادية شلونها هنا وليش ماترجع يعني الاسئلة تقريبا الي سئلوك بيها اليوان واكيد راح يتطرقون الى الحالة الصحية بما انه متحول كحالة انسانية صحية وراح تاخذ وياك كل الاوراق والمستمسكات الضرورية والتقارير الطبية طبعا مع الجوازات والهويات وكل مستمسكات وان شاء الله تكون المقابلة سهلة عليك وان شاء الله الاخوان مايقصرون وياك
تقبل تحياتي
-
الاخ دمي خفيف ارجو توضيح اي مقابلة بالضبط تعني حتى انساعدك بالمعلومات..اذا قصدك مقابلة توطين اولى بالامم المتحدة فطبعا راح ياخذون منك كل المعلومات الشخصية بالاضافة الى قصتك الرئيسية لتقديم اللجوء واذا قصدت المقابلة الاولى بالمنظمة الدولية للهجرة فبهالمقابلة راح ياخذون فقط معلومات شخصية تتعلق بكل سيرةحياتك من الصفر الى مجيئك الى مصر وتاريخ دخولك كللششششششششششششي وبالمقابلة الثانية تحجي قصة اضطهادك وتقديمك للجوء فارجو التوضيح اكثر حتى نعطيك معلومات اكثر
تحياتي
بغدادي
-
انشاء الله اتكون مقابله خفيفه مثل دمك الشربات
-
اخويه خلدون اشكرك وبشرني انشاء الله ابنك عبد الرحمن صار احسن بشرني اخوي وصار شي على قضيتكم ..
أخويه بغدادي ؟؟ أني قصدي اول مقابله با Iom لان الامم المتحده قابلوني وكشروني تكشير بالاسئله وداعتك .. عاد بال IOM هم راح ايكشروني لو النوبه ايفلسوني مثل الباجله ؟؟؟
أخوي ابو منذر .. أنت الشربت أخوي ودمك أخف واحلى من دمي عمي .. اشكرك
-
اخوية دمي خفيف
اكيد المقابلة الاولى ب iom يفلسوك مثل الباجلة (اسأل مجرب ولا تسأل حكيم )
احفظ التواريخ زين ومن تطلع من المقابلة اكتب اجاباتك والتواريخ على ورقة حتى تحفظها لان رح يصير تطابق بالكلام عند مقابلة المحلفين ان شاء الله
تحياتي
ام انس
-
أخويه أبو دم لخفيف عزيزي بما أنه أنت متحول من ليو أن الى الاي أو ام فهذا معناها عبرت مرحلة التقدووم يعني لو يسولك مقابلة واحده وتحجي مراحل لدراسة وسنينها وكل أعمالك وتواريخها وسفراتك وتواريخها ولحرف ولمهن لتعرفها وعسكريتك ودرجتك لحزبية وحت مشاركاتك في يوم النخوه ولقدس أذا جنت حزبي مناضل أخو خيتههه واذا دمجولك المقابلة الثانية خيرا على خير راح تحجي لقصة ولتهديد وهاي أهمشي لازم ترتب لتواريخ والأحداث بلتسلسل
تحياتي
شيبو
-
http://www.ankawa.com/forum/index.php/topic,294296.0.html
-
حبيبي راجع واكتب شكو تاريخ بحياتك بالاضافه للي ذكروه الاخوان
يعني يسالوك على شكو مدرسه طبيتها اسمها وبا سنه جنت بيها من الابتدائيه وليوين ما واصل
واخوك اني حتى تاريخ زواج امي وابويه هم سالوني عليه ....
اكتب ياحسين ..........
-
عزيزي انت لازم تكون محنك بسرد قصه مقنعه وبيها تواريخ مظبوطه بعني مثل مكلولك الاخوان هو تركز اكثر شي على الاحداث بعد ٢٠٠٣ وين شنو شوكت ليش وراها راسا تكتبها بورقه وقلم واذا انت تنسى هم تكدر تطلع على الاوراق الوياك اذا عندك ورق يسند القضيه مالتك وارجع وكلك تكتب ودون كلشي بعد المقابله لان كل مره رح تحجي نفس الحجي بالظبط اضيف مابيها شي تحذف تغير تتعرقل امورك ولترتبك كون مسيطر وليكون دمك خفيف بالمقابله لان يعتبروها نوع من انواع الاستهزاء او عدم الاهتمام ابجي وكسر الخاطر من تحجي ونفعل.
تقبل مروري
ساسي
-
السلام عليكم اخى احنا قابلنا يوم 13 من شهر الخامس 2009 ومتحولين من اليوان طبعا مصر وكانت المقابلة الاولى والثانية بنفس اليوم يعنى دمج اطونا استراحة بيناتهم ساعة واخذونا صور وطبعا للمحجبات لازم تطلع الاذان يعنى تدفع الربطة واطلع الاذان والمقابلة الاولى تكون عن تواريخ الزواج الك والوالدك وشكم اخ وشكم اخت وين هما ومزوجين لو لا وبعدين تبدى بالزوج الدراسة مفصل من اول ابتدائى الى حد الان وبعدين الزوجة كذلك وبعدين المقابلة الثانية الى هى القصة وطبعا الزوج فقط الى يتكلم ممسموح للزوجة اضيف وعلى العموم احنا من قابلتنا كانت الموظفة ايمان وكانت كلش زينة اول شى ابتدات الكلام بانها موظفة لخدمتنا ومساعدتنا واذكرو اى شى ايفيدكم وطبعا الاطفال حيكون وياك بنفس الغرفة يطوهم اوراق رسم ويكولولهم رسمو يعنى المقابلة طويلة حتكون هاى اذا دمجوكم سوا مقابلتين وارجو ان تكون مقابلة سهلة لك
-
اخي ان شاء الله بالموفقية واحفظ الفقرات الي كاتبها اخونا عكك والاخوان ماقصروا وتوكل على الله فهو حسبك .....اختك ايات
-
أخواني واخواتي رحمة الله على والديكم واحد واحد وبارك الله بيكم وربي يكتبلكم الخير واني وياكم انشاء الله ويسهل أمور الكل بجاه الحبيب محمد وال بيته واصحابه وأنشاء الله ربي يدفع عنكم وعن كل الطيبين واني وياكم انشاء الله البلاء والشر بعيد عنكم .. وانشاء الله الكل تسافر وتستقر .. تعبنه والله تعبنه .ز يعني أخواني (35) سنه كضيناها ويه صدام ابكوم واللي أحنه بيه هسه ابكوم .ز الله ايسهل على الجميع انشاء الله ...
بس أخويه شيبو ذكرتني بسالفة حزبي أخو خيته .. اني من جنت بالحزب جان المسؤؤل صديقي واني وياه ميانه وجنت امطيح حظه ( مات الله يرحمه بالاحداث الطائفيه) وجان سكير .. اشتريله بطل عرك وماشوفه ولا اشوف الحزب شهر شهرين .. حته فد يوم الله يرحمه كالي عمي هسه لا تجي بس أنطيني اشتراكاتك ليكدام مال سنه ولا تجي المسكين جان حته الاشتراكات يدفعهه مكاني الله يرحمه .. ههههههههه يعني اخوك جان مناضل حيييييل..
أعيوني ساسي ما راح ايصير دمي خفيف بس راح أسويلهم لطميه حسينيه من هاي التعجب ههههههه ... الله كريم ربي يوفقني ويوفقكم أخوان ..