ankawa
منتدى الهجرة واللجوء => الهجرة و واللاجئين => الموضوع حرر بواسطة: النمر الابيض في 06:05 31/05/2009
-
السلام عليكم ورحمة الله
ارجو ان تقبلوني عضو جديد بهذا المنتدى الرائع الذي اعطاني موقعه احد المشتركين الموجودين حاليا في امريكا
سؤال عن كندا
اني حاليا ساكن بامريكا مع عائلتي كلاجئ اجيت قبل 5 اشهر .اريد اسال ايصير احول لكندا ايضا كلاجئ ؟وشلون ؟ لو مابيها مجال ارجو من لديه اي معلومه ان يرودني بيها
ولكم مني جزيل الشكر والتقدير
اخوكم النمر الابيض
-
اخي العزيز اهلا وسهلا بيك في المنتدى وان شاء الله الاخوان مراح يقصرون وياك
ولكن حسب معلوماتي البسيطة انه لايجوز تحويل الى كندا
تقبل تحياتي
-
اخي الكريم النمر الابيض انته حصلت على حق اللجوء بدوله اخرى ( امريكا ) فلا يحق لك الحصول على اللجوء في كندا ولكن بعد حصولك على الكرين كارد يمكنك الحصول على فيزه ل(كندا ) ويمكنك الاقامه هناك بعد حصولك على فيزه عمل او دراسه
-
اخي العزيز كما قالو اخواني في المنتدى مشكورين بهذه المعلومات لايحق لك ان تاخذ اللجوء في كندا لانك حصلت على اللجوء في امريكا والدليل اني لي اخي الكبير حاصل على الجنسيه الكنديه منذ 1999 وليه اخواني الاثنين الاصغر دخلو الى امريكا كلاجئيين منذ شهر الى امريكا ولا يستطيعون تبديل لجؤهم ولكن بعد ان تاخذ الكرين كارد تستطيع الذهاب الى كندا وتقيم فيها وكل 6 شهور تذهب الى امريكا حتى لاتسقط حقوقك كلاجيء.. والله يوفقك اخويه
-
أنا أتفق مع الأخوة في أنه لا يجوز
بس تسمحلي أسألك سؤال ؟؟
ليش تريد تحول ؟؟؟ أنت صارلك بأمريكا 5 أشهر ، شنو اللي دفعك تفكر تترك أمريكا بكل ولاياتها و مدنها و تروح لكندا ؟؟
كندا دولة رائعة و الحياة بيها رائعة (عدا سالفة البرد) ، بس أنت توطنت على أمريكا و اللي هي المفروض الفرص بيها أكثر و خيارات أكثر ، و قسم من الكنديين يروحون يشتغلون بأمريكا بينما العكس قليل .
الله ييسر أمرك و يوفقك لكل خير
-
شكرا أخواني على طرح الموضوع والمعلومات القيمة
-
أنا أتفق مع الأخوة في أنه لا يجوز
بس تسمحلي أسألك سؤال ؟؟
ليش تريد تحول ؟؟؟ أنت صارلك بأمريكا 5 أشهر ، شنو اللي دفعك تفكر تترك أمريكا بكل ولاياتها و مدنها و تروح لكندا ؟؟
كندا دولة رائعة و الحياة بيها رائعة (عدا سالفة البرد) ، بس أنت توطنت على أمريكا و اللي هي المفروض الفرص بيها أكثر و خيارات أكثر ، و قسم من الكنديين يروحون يشتغلون بأمريكا بينما العكس قليل .
الله ييسر أمرك و يوفقك لكل خير
اخويه العزيز
امريكا فرص العمل بيها قليله واذا وجدت فرصة العمل فراح تكون مو من ضمن اختصاصك واجور العمل يادوب تكفي اجور المعيشه هنا واذا ردت تعادل الشهاده شويه اطول والمساعدات 4 اشهر وتخلص بعد المنظمه معليها بيك اذا لكيت شغل او ملكيت هاي مشكلتك يعني تدفع من جيبك والضمان الصحي 8 اشهر (بالنسبه للي فوق ال 21 )ويخلص وهنا الادويه والطبيب اغلى شي (والله يبعد عنكم السوء) والجنسيه 5 سنين يله تحصلها بعد اجتيازك امتحان اللغه والتاريخ الي همه اصلا ميعرفوا
اما كندا فالمساعدات تكون دائميه في حال محصلت شغل يعني بالنتيجه معادلة الشهادة تكون اسهل وحتى اذا واحد يشتغل يبقى ايجار البيت على المنظمه همه يدفعوا والجنسيه اسرع تطلع والتامين الصحي دائم وعندي اصدقاء طلعلهم لجوء لكندا ديشجعوني عليها بس منعرف الطريقه شلون
اخواني تره اني مو من النوع المتقاعس وادور على الحياة السهله وما اريد اشتغل بالكعس .بس بالمقابل مابيها شي الانسان يدور على الفرص الاحسن لراحة عائلته و مابيها شي اذا سعى الشي يحسه احسن اله ولعائلته والتوفيق من رب العالمين.والحمدلله على كل حال
-
أخي الكريم الله يكتب لك الخير وين ما يكون
أني سألتك بس حتى أفهم وجهة نظرك و أكون صورة عن الوضع ، مو قصدي أنتقد أبداً.
مشكور على إجابتك
صحيح النقاط اللي ذكرتها بالنسبة لكندا مضبوطة من ناحية المساعدات و التأمين الصحي، بس من ناحية أنه الواحد يشتغل بإختصاصه فما أتوقع ، لأن القوانين متشابهة بالبلدين ، و أحياناً تكون معقدة في كندا أكثر.
بس مع هذا فمستحيل ممكن تروح لكندا كلاجئ أصلاً، لأن أنت أصلاً متوطن في أمريكا ، و هذه الدول بيناتها إتفاقات دولية بهذا الخصوص.
يعني حتى لو اللاجئ جاي بطريق القجغ (غير رسمي) و دخل أمريكا و ما قدم لجوء فيها و بعدين راح لكندا و قدم لجوء هناك ، فالقوانين مالتهم تقضي بأن يرجعون الشخص لأمريكا و ما يوافقون على لجوئه لكندا، و العكس صحيح ، لأن هو لازم يطلب لجوء بأول دولة يدخلها.
فأعتقد أنه اللاجئ الذاهب عن طريق إعادة التوطين شبه مستحيل يحول.
أنا برأيي أنه إتحاول تشوف الفرص في الولايات و المدن الأخرى ، وهي كثيرة و أكيد فيها فرص أحسن.
و إن شاء الله يتحسن الوضع الإقتصادي قريباً و الله يسهل أمركم.
نسأل الله عز و جل أن يوفقك لكل خير.
-
السلام عليكم
عندي استفسار بخصوص هذا الموضوع وهو انه اللاجىء اذا وصل لامريكا عن طريق اليو ان او الاي او ام يكدر يطلع لكندا بطرق غير شرعية ويطلب اللجوء بكندا قبل ما يعمل اي اجراءات تسجيل بامريكا وشكرا