-
اخواني اعضاء عنكاوا المحترمين
انا شخص عشت في لبنان خمس سنين عملت في مجال تصميم الازياء..وانا الان اعيش في الولايات المتحدى الاميركية..في ولاية مشكن..كما تعرفون ان ولاية مشكن ليس فيها اي نوع من عملي (تصميم الازياء) بحثت وتعبت بلا جدوى...صدقوني حتى مللت...قد نصحني صديق لي بان اكتب في هذا المنتدى رسالة ..وها انا ذا اكتب وكلي امل اذا احد الاشخاص يقدر ان يوفر لي عملا في (نيو يورك)..واكيد مع سكن لانني لا اعرف احد هناك ..وكما تعرفون ان نيو يورك هي ولاية الفاشن وتصميم الازياء...واشكر كل شخص يساهم في مساعدتي..
الملاك الحزين
[/i][/color][/size]
-
عيني
هسه اخوانه بالمنتدى بلكي يساعدوك
بس والله من قريت رسالتك توهوهت من روحة امريكا لان عبالي الشغل بكل مجالاته تكدر تحصل عليه بدون تفضيل بين ولايه واخرى
اني همينه عندي خبره بمجال الصالون وعندي شهادات اكاديميه دراسه وخبره وجنت اتمنى اروح لامريكا حتى اكسد على الكوافيرات اللي هناك :P بس من قريت موضوعك كلش ارتبكت لان هنا بماليزيا شغلي تمام التمام
اخي اتمنى تنطيني معلومات عن عمل الكوافيرات مثلي باميركا مع العلم انكليزيتي تمام وخبرتي من سنة 2000 واني عضوه بالاكاديميه الايطاليه للتجميل وخريجة الاكاديميه الفرنسيه ومشاركه بعروض الفاشن والمايكاب شو بماليزيا من اكاديمية مايكل اند كايز وحاصله على شهادة امتياز بتصميم قصات الشعر بمهرجان اكاديمية بيتر اند كايز
مع جزيل الشكر
اختك مظلومه سوادي
-
اختي مظلومة اكثر المهن الموجود حاليا والي شغلها مايتوقف نهائيا هي مهنة الحلاقة وهي مثل ما نكول شغلها ذهب اذا تريدين تشتغلين بالصالون او بالبيت او انتي تفتحين محل حلاقة لوحدك احسن شغلة هي الحلاقة لانه كل قصة للاطفال سعرها 10 دولارات فما فوق والكبار 15 دولار والنساء اكثر بكثير لانه من صبغ الشعر الى ستايلات مال حفلات كولي 50 دولار فما فوق لكل سيدة يعني احيانا الحلاقة الي تشتغل بالبيت ويكون اكو مناسبة تكون هي مشتغله على الاقل 300 او 400 دولار نفس اليوم لانه كل ستايل مال حفلة ياخذون هنا 35 او 45 دولار واذا بس تسريح شعر ياخذون 25 دولار شفتي شكد شغلها ذهب ???
-
اخي الملاك الحزين
اهلا وسهلا بك في منتدى الهجرة واللاجئين
حسب علمي لابد من الحصول على تصريح بالعمل لتلك المهنة او اجازة او دورة تدريبية لكي تستطيع القيام بدورك كمصمم ... بس مشوارك بصراحة صعب شوية ويرادلك ناس تدليك الطريق الصحيح للووقوف بجنبك خطوة خطوة وان شاء الله تلكي ولد الحلال
بصراحة شغلتك يرادله علاقات قوية وتخشش وتتعرف على ناس ينصحوك من كل قلبهم
بالتوفيق
اخوك ابو محمد
دمشق
-
الاخت العزيزة انجي.....
اعتقد عندج خطأ بالرد هل تقصدين (ما يتوقف) ام (ما يتوفق)؟؟؟؟.....
لانه اول سطر ما يشبه باقي الرد.... ههههه
مع المودة..
اخوك
ستافروس
-
يمكن اني مزارع بس افتهم بالتمر والبرتقال والصيفي والشتوي و ماعرف هواية بالازياء بس دخلت على google و كتبت بالسيرج fashion .michigan او mi fashion طلعلي كم هائل من دور الازياء الفرنسية و الامريكية وكليات تعليم الازياء والمحلات الازياء الضخمة
اذا مثل مدكول ماكو اي مجال لعملك (ولو هذة فد شي ممعقول )في ولاية مشكن فهذة احسن الك انت اصير اول واحد
اخوية سويلك سيرج ودزلهم رسائل وروح اشتغل بولايتك اهنانة محد يفيدك كلهة محدقة وتريد تهج
-
شكرا اخي ستافروس على التنبيه صلحتها :-[
-
هاي اختبي مظلومة...
اكيد مجالج هو مهم جدا ..وحلو جاي تشتغلين في ماليزيا...ليش لاء راح اسالج من ضمن مجالج في الكوافير بس ما كلتيلي انتي من وين...لان جاي اشوف عندج نكهة لبنانية في كلامج...اذا تحبين مراسلتي على عنواني الخاص في الهوت ميل او الياهو ...اني ما عندي مانع حتى اعطيج المعلومات...الملاك الحزين
[/i][/color][/size]
-
حياتي انجي الورده
اشكرج هوايه على الرد اللي يفرح القلب والله كل الناس ديكلولي هيج شغلتج ذهب واني همينه الحمد لله والشكر كل سنتين ادخل دوره حتى اعرف شنو احدث شي بهذا المجال واني صارلي تقريبا 4 سنوات بماليزيا بنيت سمعه وعدد زبائن كلش زين واعرف اذا رحت لامريكا اكيد اول سنه راح تكون صعبه لان محد يعرفني واني اتمنى ابقى بماليزيا لان الشغل بالنسبه لمجال عملي روعه
بسسسسسسسسسس مااكدر ابقى هنا لان الحصول على اقامة العمل بالنسبه للكوافيره العربيه شبه مستحيل واني هسه دااشتغل بصالون بابراج كوالالمبور بس من جوه العبايه يعني كل يوم يجون جماعة التفتيش على الوورك بيرمت واني مره اسوي نفسي زبونه مره اسوي نفسي دااسال واطلع من الصالون والمره اللي اشتغل بصالونهه هي زوجة احد السلاطين بماليزيا ومع ذلك مدتكدر تطلعلي work permit لان الجواز العراقي عليه مشاكل كومه والحمد لله
اخي الملاك الحزين
اشكرك على اهتمامك واني خزنت ايميلك عندي وان شاء الله نتواصل واتمنى تلاكي شغل يليق بالخبره اللي تمتلكهه لان موقليله وصدكني احنه العراقيين شاطرين بكل شي وعدنه ذوق وفن وابداع
بسسسسسسسسسس ماعدنه حظ
مثل ماكال ابو المثل
seven jobs but the luck is lost :'( :'(
خويتك العراقيه مظلومه سوادي فلك حثل ;D
-
اشكر كل من ساهم في اعطائي ولو جزء القليل من المعلومات....لكن ارجو ان اجد حل لقضيتي وليس مجرد نصائح...عموما اشكركم جميعا...
الملاك الحزين
[/i][/color][/size]