ankawa
منتدى الهجرة واللجوء => الهجرة و واللاجئين => الموضوع حرر بواسطة: asmar22 في 11:54 31/05/2009
-
السلام عليكم واشاء اللة اتكونو بالف حير
اخوانى الاعزاء
راح ابدء مباشرة بالسؤال
انى قدمت للجوء وقابلت الممقابلة الاولة وهسة عندى موعد للمقابلة الثانية بس عندى مشكلة كبيرةابنى الان فى مرحلة الخامس كلية الطب وتدون مينوصل الى هيج كلية بسهولةوهسة راح يكمل الخامس بعد كم يوم
وتبقى السنة الاخيرة (السادس )هل من المعقول انيترك الكلية ويروح لو اكو فد طريقة اكدر ااجل الروحة الى بعد سنة الى الشهر السابع من السنة الجاية 2010
لو اشلون شنو الى تكدرون اتساعدونى بالنصيحة انى مقدم على اللجوء واصل لى المقابلة مال المحلفين
وكذلك مقدم على اهجرة بس بعدنى ممحصل الجيف او مشت لان معاملتى ما اعرف ليش اتاخرت من السنة الماصضية ولحد الان
رجاءا ساعدونى بالمعلومات لان انى كلش دايخ ومتشوش انى اول شى دزيت ايميل اطلب تاجيل المقابلة الى بعد شهر حزيران لانة بية امتحانت ختى اكسب اشوية وكت
اتمنى ان احصل من عندكم على اى شي لانانى قلق جدا لان ما اكدر اخليها تترك الكلية ولا اكدراروح وحدى بدونها علما انى عندى ولد ثانى بالاعدادية
ارجو منكم النصيحة ولك كل التوفيق والنجاح اخوكى الاسمر
-
بوية الله لا يحير عبده
بوية على اللي اقراه من تجارب ولدنا بالمنتدى الشغلة تطول يعني تصور ورة المقابلة الثانية راسن راح ينطوك تذاكر السفر وتسافر لا بوية مو هيجي ما اتصور هيجي اشو على اللي اقراه هنا حصبة وجدري
بوية خليها على الله ونحن نريد والله يفعل ما يريد
ابو الحسن
-
اخي العزيز المشوار كدام طويل ممكن هاي الاجراات الباقية طول اكثر من سنة واحتمال اقل واذا مشيت الامور وصارت الاجرات سهلة وسريعة بامكانك تاجيل السفر الى مدة اخرى وتشرح الوضع مالتك وان شاء الله الاخوان مراح يقصرون وياك
اخوية خلي الامور طبيعية لغاية موعد سفر عدنا هنا اخوان صارلهم اكثر من سنة ولحد الان الموافقة الامنية مجاية فلا تستعجل اخوية وخلي تمشي الامور طبيعية هذا بالنسبة للحوء اما بالنسبة للهجرة فاعذرني ماعندي بيها اي معلومات وان شاء الله الاخوان يجاوبوك
-
استاذي العزيز
انت واصل مرحلة المحلف يعني تحسب 45 يوم وتجيك النتيجة والسفر بعدههة من 45 يوم الى 6 اشهر
كحد اقصى عدا الحالات النادرة الي تعبر الست اشهر
يعني شلون متحسبهه انت متلحك الا اذا غامرت وتندعي بلكت اتطول الامنية سنة وهاي حالات قليلة
زين انت متكدر تاجل ليش لان انت مرح يوافقون عليك الا اذا اثبتت انك مهدد زين شلون مهدد وشلون تريد اتاجل علمود ابنك ليش منو الاهم الدراسة لو حياة العائلة بكاملهه هاي اني ابينلك شلون همة يفكرون زين شنو الحل
1-اما تعوف شغلت اللجوء وتبلش بالهجرة ومن توصل لامريكا تسوي لم شمل بعد متحصل الكرين كارد وتكول ابني فوك ال21 وممشمول ابرنامج الهجرة
2-ان ابنك يقدم على اللجوء بشكل منفصل بالاعتماد على قضيتك واوتوماتيكيا الشغلة اتطول اكثر من سنة
3-او هاي الشغلة مرة سمعتهه من الاخ عكعك واني ممتاكد منهه انه اتدز ايميل تسوي لقضيتك هولد وتتوقف الاجرائات لحد مواصل انت ومن اتدز ايميل ثاني تكلهم بلشوا يبلشون وين موصلت
وبالحالتي الاولى والثانية لازم اتسافر وتعوف ابنك واعتقد سنة اتطب منا وتطلع منا واذا كلش تخاف علية تكدر ترجع للعراق بعد متحصل الكرين كارد على برنامج الهجرة بس متبقى اكثر من 6 اشهر
والله يسهل امرك
-
اخي العزيز
مثل ماقالوا لك البقية هية الشغلة شغلة حظ لاأكثر لكن اكو شغلة ممكن تستفاد منهة اذا انتة طلع موعد سفرك تكدر اتاجلهة لاسباب طبية فقط وهاي انتة وشطارتك بعد اتمنى لك التوفيق
-
أخي العزيز
أذا انت عندك واحد فأني عندي 2 وبنات ومرحلة رابعة وما ادري شسوي المهم خليتهة على الله هو اللي يقدم النة اللي بي خير . اني قررت اروح واخليهم ايئجلون سنة اذا هناك مشت الامور مثل ما انريد فالحمد لله واذا ما رهمت الامور بعد الكرين كارد ايرجعون ايكملون وبالعطلة يرجعون النة اذا رب العالمين كتب النة الروحة الى امريكا .
أخوك ألطيار
-
اخي العزيز المشوار كدام طويل ممكن هاي الاجراات الباقية طول اكثر من سنة واحتمال اقل واذا مشيت الامور وصارت الاجرات سهلة وسريعة بامكانك تاجيل السفر الى مدة اخرى وتشرح الوضع مالتك وان شاء الله الاخوان مراح يقصرون وياك
اخوية خلي الامور طبيعية لغاية موعد سفر عدنا هنا اخوان صارلهم اكثر من سنة ولحد الان الموافقة الامنية مجاية فلا تستعجل اخوية وخلي تمشي الامور طبيعية هذا بالنسبة للحوء اما بالنسبة للهجرة فاعذرني ماعندي بيها اي معلومات وان شاء الله الاخوان يجاوبوك