منتدى الهجرة واللجوء => الهجرة و واللاجئين => الموضوع حرر بواسطة: الكاوبوي العراقي في 12:48 31/05/2009
العنوان: تحويل المعاملة من NVC الى U.S. EMBASSY
أرسل بواسطة: الكاوبوي العراقي في 12:48 31/05/2009
شلونكم اخواني الاعزاء
الاخوة الي مقابلين سابقا على الاس اي في كم كانت المدة بين اشعار NVC بان معاملتك ارسلت للسفارة لغرض المقابلة وبين موعد المقابلة لان اني صار اسبوع ابلغني NVC بان معاملتي ارسلت للسفارة وراسلت السفارة قالوا احنة نتصل بيك ونبلغك بعدين
الرجاء المساعدة من ربع الاس اي في
العنوان: رد: تحويل المعاملة من NVC الى U.S. EMBASSY
أرسل بواسطة: سبع صنايع في 13:05 31/05/2009
اخوي الكابوي مبروك
اني بنفس اليوم ليش لأن كان ماكو عليهم لود وبسرعة ينطون موعد والدليل هسة اللي يقابل يكلولة اوكي احنة اندزلك ايميل علمود تجي تستلم الجوازات وتدري قسم صارلهم اكثر من اسبوعين ينتظرون ايميل السفارة مع العلم هذولة شغلتهم اوكي والفيزة ريدي تو اشيو يعني ما عدهم اي تاجيل بينما كبل تستلم الجواز باول خميس فالشغلة عادية ولتخاف
العنوان: رد: تحويل المعاملة من NVC الى U.S. EMBASSY
أرسل بواسطة: BaghdadGhost في 14:37 31/05/2009
اؤيد كلام اخي سبع و ان شاء الله يتصلون بيك عن قريب
ليضل اببالك خلصت ان شاء الله ..... مادام ال ان في سي كالولك دزيناها .... بقت الشغله بس وقت
العنوان: رد: تحويل المعاملة من NVC الى U.S. EMBASSY
أرسل بواسطة: ارقى شاب بالمنطقة في 15:13 31/05/2009
نعم اخي العزيز كما تفضلو الاخوان، تعتمد على كمية المعاملات الي عند المعاملة وحاليا اكو لود بس بنفس الوقت اكو حركة يعني ازدحام بس ماشي بالنسبة الي جانت مقابلتي 8- 4 وحددولي موعد مقابلة وره 22 يوم من ارسال اوراقي الى السفارة
بالتوفيق ولتشيل هم تحياتي
العنوان: رد: تحويل المعاملة من NVC الى U.S. EMBASSY
أرسل بواسطة: NOOR 2 في 22:58 31/05/2009
اوويد ما كتبه اخوتي الاحبه
ولاكنني استلمت الرساله من NVC
بعد 7 ايام استلمت موعد من السفاره
يالله اتكون مقابلتك سهله جدا يا اخي
اكابوي العراقي اخوك NOOR 2
العنوان: رد: تحويل المعاملة من NVC الى U.S. EMBASSY
أرسل بواسطة: iraqgsm في 23:04 31/05/2009
حبيبي بنفس اليوم و انشاءالله تسهل عليك
العنوان: رد: تحويل المعاملة من NVC الى U.S. EMBASSY
أرسل بواسطة: الكاوبوي العراقي في 00:24 03/06/2009
اخوتي الاعزاء لحد الان لم استلم اي موعد من السفارة
العنوان: رد: تحويل المعاملة من NVC الى U.S. EMBASSY
أرسل بواسطة: angie-dawood في 08:25 03/06/2009
اخي العزيز الكابوي انشااللة يارب يتصلون بك عن قريب وانشااللة يوم نفرح بسفرك ربي يوفقك
العنوان: رد: تحويل المعاملة من NVC الى U.S. EMBASSY
أرسل بواسطة: untitled.man في 14:29 03/06/2009
اخوية الكاوبوي العراقي... اني وصلي بنفس اليوم طشعطعش ايميل... من السفارة ومن مركز الفيزا ومن بول بريمر ومن علي المعاون الطبي بالشفاء... وحتى من جارتنه ام تحسين... وحددولي موعد المقابلة... بس اللي مدوخني ام تحسين منين دزت الايميل ما ادري!!!؟؟؟
اخوية اتشاقه وياك وحبيت امر على موضوعك وانشالله تستلمه عن قريب... بس لانه صار زخم عليهم ما كام يلحكون...