-
السلام عليكم
بس اريد استفسر
من قابلت على التوطين كالولي 4 اسابيع ويخابروج وليهسه لا حس ولا خبر
يعني منو الي يخابرني تقصد من الun
واذا ما خابروني يعني اني اسال لو شلون اذا احد عنده معلومه يفيدني
يعني اني من قابلت يوم 29 \4
-
اختي الحلاويه
اول شي انتي بيابلد
ثاني شي حبل الامم المتحدة طويل بعد صبري كدامج وقت
وان شاء الله يتصلون بيج وانتي حاولي تتصلين بيهم
تحياتي
-
شكرا اخي تسلم
اني بالاردن
-
هاذا الشيء عادي ولا تشيلين هم انشاءلله يخابروج لئن التحويل من شهر الى 3 اشهر بس الاكثر اقل من 3 اشهر انشاءلله خير
-
عادي ولا تستغرب اخي
هذا الشي كثيرين مرو به
NOOR 2
-
عادي هواية قبل حضرتج مروا بهذا الانتظار القاتل اهم شي انه يبقى الامل عندج باعلى مستوى
-
أختي العزيزة
أني صحيح في مقابلة التوطين كالولي من شهر الى 3 أشهر نخابرج بس ورى شهر و نص خابروني ال IOM و انطوني موعد مقابلة أولى بس يا أختي العزيزة قبل ما يخابروني أني بيوم الاحد خابرتهم و سألت الموظفة و كتلها أريد أعرف شصار من ملفي فسولفتلي نفس الحجي ألي أعرفه بس وراها بكم يوم خابروني ال IOM يعني أعتقد من تخابرين و تسألين عن ملفج و تنطين الموظفة رقم فايلج هذا الاتصال ممكن يحرك الملف شوية و الله أعلم خابريهم أنت شخسرانة
أن شاء الله أيخابروج و ترتاحين عن قريب
أختك رويـــة
-
أختي
صدق تذكرت بعدين أنت مقابلتج التوطين جانت يوم 29\4
أصبري شوية صدكيني عن قريب رح يخابروج
أني مقابلتي التوطين جانت يوم 20\4
و المقابلة الاولى في ال IOM جانت البارحة 31\5
يعني تقريبا بعد شهر و نص خابروني من مقابلة التوطين يلا قابلت أول مقابلة يعني
أنت مقابلتج التوطين جانت وراية ب 9 أيام أن شاء الله مقابلتج بال IOM رح تكون قريبة
و رح يخابروج بعد فد 8 الى 10 أيام صدكيني و عود بشرينا
أختك روية
-
عزيزتي .... مسألة طبيعية جدا انا انتظرت اكثر من شهرين صحيح الانتظار صعب بس لا مفر ثم انه لاتخافين لان وصولك لمرحلة المحلفين مسألة حتمية ان شاء الله بس يرادلها وقت وصبر ثم اني اتفق مع الاخت رؤية بخصوص الاتصال لان احنا لما اتصلنا بيهم وراها بيومين اتصلوا وحددوا مقابلة اولى وما اعرف هل هية صدفة او لا . الله يوفق الجميع ويريح بالهم
-
شكرا اخواتي تسلمون الله يبشركم بلخير
وعيوني رويه عندج رقمهم يعني رقم عمان اذا عندج ياريت تنطينياه واكون ممنونه
-
اختي عادي ترى المعاملات تتاخر اني صارلي من 2/3/2009 مقابل ولحد الان محد اتصل بي خلي اعصابج بثلاجة واصبري ان الله مع الصابرين
-
أختي العزيزة
أنت تقصدين رقم تلفون ال UN ?
لو رقم تلفون ال IOM ?
أختج رويـــة
-
اني عندي رقم الun بس انتي وين خابرتي
على الun لو على iom
-
اختي العزيزة انشاء الله تنفرج عليج وهاي مسألة اعتقد عادية والكل يمر بيها
تحياتي.. الج
العراقي الغيور
-
عزيزتي أني خابرت على ال UN
يوم الاثنين طلعتلي بنية و طبعا البنية حبابة تجاوب مو
مثل هذا الولد ألي دائما يحجي من ورى خشمه
و سألتها أنو أريد أعرف شنو صار بفايلي صبعا رح تسألج
أنو صار شكيد من سألتي آخر مرة عن الفايل أنت حتى لو سآله البارحة
كوليلها صار هواية تقريبا شهر فهي رح تكولج أنطيني رقم الفايل
و هي رح تكولج بالضبط شصار وياج الى أخر لحظة و أنت سوي روحج كلشي ما تدرين
رقم التلفون 065502141
و بعدين تدخلين رقم 2 هي تطلعلج الموظفة أن شاء الله
أختج روية