-
مساء الخيرات اتمنى انو الجميع يكونو بخير و سلامة
اليوم اريد بس اكتبلكم سؤال و انتظر مساعدتكم بالاجابة على سؤالي:
يا جماعة اني كتبتلكم قبل فترة عن قضيتنا انو اني تهددت عبر الموبايل و تركت دراستي من ثم الوالد نخطف و نهزم و حاليا عدنا تهديد جديد هنا و كلها اكو ادلة صحيحه و مظبوطة عليها الي هنا الشغلة تمام و اوكي
بس المشكلة انو حالة الصحية للوالد تعبانة شوية يعني كلش صعبة علي انو يروح و ينتظر بتركيا
لان بهل حالة راح نخسر صحة الوالد و طبعا اي شخص ما يقبل هل شي فسؤااااالي هو
هل من الممكن انو نروح و نقدم لليو ان كليتنا عدا الوالد...؟؟؟و نودي الادلة مالت تهديدي و خطفه للوالد و تهديد الجديد للعائلة كلها اني و امي و اخواني و نذكررلهم حالتنا و نودي التقارير الطبية التي تثبت تدهور حالته المرضية و نذكرلهم انو ما قدر يجي هنا لانو مريض و حالته ما تسمح و حاليا هو ببيت صديقة مثلا و احنا اجينا سجلنا علمود ان شاء الله ننقبل و بعدين الوالدة من حقها تطالب بي و يجي دايركت دون انتظر بتركيا لانه لا يستطيع بسبب صحتة؟؟؟؟؟؟؟
يا جماعة محتاجة جدا ال ارائكم و الي يكدر خلي يسألي همين علمود حالتنا متعرفون شكد تعبانين احنا بس بهل وظعية الي شرحتها الكم نكدر نروح و بدون الوالد يعني يقبلونا لو يصير اشكال بالموضوع لو شلون؟؟؟؟
انتظر اجاباتكم يا جماعة و اكون جدااا ممنونة منكم
[/size]
-
اختي العزيزة سؤالج كلش وحلو ومفهوم وماشاء الله عليج
اني راح اكلج رائيه والي اعرفة لان اني هم لاجئ في تركيا ومقدم على يؤان تركيا
اول شي انتي ذكرتي من يقبلونا ويوافقون علينة راح يجي والدي احب اكلج انو طلع قرار من اليوان التركي انو العراقين والكل اسلام ومسيحين هم مقبلوين في المقابلة الاولى يعني احنا وافقنا انو انتو تبقون في تركيا يعني احب اكلج اذا ما اجة الوالد مو فد مشكلة كبيرة وانتو اذا شرحتولهم حالة والدج الخاصة بس في حالة اذا كان الواد وياكم يكون احسن وافضل واذا يكون هو صاحب القضية والقصة بعد هواية احسن وممكن عند تقديمكم باليوان وعلى حالة والدج وعلى التقارير والادلة الي تجيبوها وياكم احتمال يدخلوكم رئسا مقابلة لو ينطوكم موعد مقابلة اولى كلش قريب مو اكثر من شهر .... وتحياتي الج
-
شكرا اخ سنان عالمعلومات
يا رب تتوفق و الله يبشرك بالخير ربي
بس ما يكدر يجي بعد اليوم طلع عندة التهاب بالمعدة و الاثني عشر ما عدا عندة امراض اخرى
لذلك صعب جدا انو يجي
يا ربي اندعيلك بكل الخيررررر و اشكرك جزيل الشكر
[/size]
-
اريد اوضح ايضا على الموضوع و على جواب سنان
اول مرحلة اوكي يعني يقبلونا باليو ان
زين سؤالي الاهم هل راح تؤثر هذه الحالة على احتمالية قبولنا و تكميل القصة عند الامريكان بالمقابلات الثانية و الثالثة يعني قبولنا في امريكا لان كان قصدي بعد وصول الوالدة الى امريكا من حقها تسحب الوالد
يعني سؤالي الاصح هل تؤثر على قبولنا مو بس باليو ان بتركيا و انما بالمقابلات التي تليها و يكون الوالد ما موجود؟؟؟
[/size]
-
اختي العزيزة اني ايضا لاجئة في تركيا واحب اوضح شغلة اذا الوالد موجود يكون افضل لان من يشوفون الحالة الصحية مالته يسرعون بالمعاملة وخاصة اذا كان هو صاحب القصة واذا ما يكدر يجي عن طريق البر ليش ما تجيبوه بالطائرة؟ وشغلة ثانية الوالدة من تروح لامريكا ما تكدر ادز عليه الا بعد ما تاخذ كرين كارت يكون اقل شي فد سنة واعتقد هاي مدة طويلة عليه وشكرا
-
السلام عليكم
الاخت روز..اتمنى الشفاء العاجل للوالد وانشاءالله ماكو غير الصحة والعافية. انا راح اتكلم عن تجربة مشابهة جدا لتجربتج عسى ان تستفادين منهة. طبعا احنا بدمشق وجيراني عراقيين ووضع والدتهم الصحي ميسمح الهة ان تروح وتجي وتمشي وتعاني من عدة مشاكل وهمة كلهم ضمن فايل واحد وقدموا عاليو ان وانا كنت وياهم وسالتهم موظفة اليو ان ليش ما اجت الوالدة فقدملوهة التقارير الطبية اللي تثبت ان والدتهم صعب جدا تطلع من البيت وحركتهة قليلة بسبب الوضع الصحي فاقتنعت وسالتهم يعني هية بالشام فردوا بالايجاب فكالتلهم الموظفة من الممكن ان نرسل شخص من اليو ان يسوي وياهة المقابلة وهية بالبيت وبعد فترة وجيزة جدا اتصلوا بيهم وكالولهم رشحناكم الى امريكا فاذا موافقين تعالوا سووا مقابلة توطين اولية في اليو ان وهنا الموظفة اشترطت قدوم الوالدة ولكن مع بعض التسهيلا يعني ممكن شخص من عدهم يجي ياخذهة بسيارة اذا كان وضعهة الصحي ميسمح وطبعا سووا المقابلة وانهوا جميع التفاصيل اللاحقة والسفر قريب.
اتمنى ان اتفيدك هالتجربة وتقبلي تحياتي وسلامي
بغدادي
-
اختي روز .....
ماعندي معلومه تفيدج الصراحه ... لكن ان شاء الله ماعنده غير العافية الوالد و تنحل قضيتكم ....
-
اختي العزيزه نتمنى الشفاء العاجل للوالد
طبعا الاخوة والاخوات ما قصروا بالاجابة
وطبعا وجود الوالد وياكم راح يفيدكم كلش وتره حاليا الوفد الامريكا صاير كلش دقيق بالاسئله يعني وجود الوالد راح يسهل هواي امور ويختصر هواي اسئل وثانيا يكدر يتعالج على حساب اليو ان هنا بتركيا
-
السلام عليكم
اختي الفاضله . اتمنى الشفاء العجل للوالد والله يطول من عمره ..اختي اذا كان الوالد موجود اعتقد ان الامور تتسهل اكثر . حاولوا ان تأخذوه معكم احسن واخير لكم واسرع من ناحية القبول . اتمنى لكم الموفقيه .
ابو انس
-
اختي العزيزه انا بعد السؤال عن ما كتبتيه توصلت الى معلومات اكيده من اخوتي الاثنين الذين كانو في تركيا وسافروا الى امريكا قبل شهر ... انا اطابق كلام اخواني في المنتدى ولكن يوجد بعض الامور المفصله محتمل تنفعك اكثر ... تستطيعون الذهاب الى تركيا وتقدمون على اللجوء وانشالله الموافقه اكيده وتبلغو عن حالة الوالد في المقابله الاولى والثانيه عادي بدون حضور الوالد ولكن بعد المقابله الثانيه بأسبوعين يجب ان يكون في تركيا لان يجب يحضر ويأيدو حضوره في الامم في تركيا وبعدها من الضروري ان يكون موجود في المقابله الاخيره والفحص الطبي وبعدها بشهر انشالله تكونو مسافرين وانشالله التوفيق وسلامه الوالد الله يسهل اموركم وامور جميع العراقيين .... امين يارب العالمين
-
طبعااااا اشكركم جزيل الشكر
و ربي ينور طريقكم بكل مكان
الرب يحفظ جميع العراقيين
امين
-
هاي وردة ممكن اساعدج او يمكن جوابي يفيدج
علمو\د الوالد نشالله الله يشفيه
بس وردة على ما اعتقد هواية ناس صار وياهم هيجي بس لازم يحضر مقابلات ترى الشغلة مو سهلة ايجوز اول مقابلة ما يحتاج بس هم الواحد لضرورة احسن الكم علمود تضمنون نفسكم
تحياتي
-
اختي العزيزة
هنا تعتمد على المهدد شخصيا هذة اولا
ثانيا اذا ذهبتو الى تركيا وين راح يبقى الوالد وهو مريض ؟؟
ثالثا
ممكن تقدمون واذا تمت المقابلات بالسرعه الممكنه وسافرتو باستطاعتكم سحب الوالد
لكن النقطه هنا يجب ان تفكري اين سيبقى الوالد ؟؟؟؟؟؟؟؟؟؟
وان شاء الله التوفيق
تحياتي
-
انشالله السلامة والشفاء العجل للوالد
احب اضيف شي نسيت اذكرة
بهيجي حالة راح يصير شك بالقضية مالتكم هسة راح يكولون اذا الوالد هيجي مريض وحالتة متكدر يسافر الى تركيا زين شلون عفتو بوحدة حتى لو تكولون بقى يم صديقة او كرايبة يعني مو مثل مراح اديرون بالكم عليه وثاني شي راح يشكون بموضوع ثاني اذا الوالد هيجي مريض شلون اجالة التهديد؟؟ يعني هاي كلها احتمالت سامعيها هواية وانشالله الموفقية الكم