ankawa
منتدى الهجرة واللجوء => الهجرة و واللاجئين => الموضوع حرر بواسطة: MAGGIC في 22:09 01/06/2009
-
الاخوان الاعضاء المحترمون
السلام عليكم ورحمه الله وبركاته
لاحظت بعض الاصدقاء لي عند سفرهم لامريكا لايتصلون الا بعد الحصول على السوشيل سكيورتي
ليتمكنو من الحصول على هاتف او انترنت للاتصال
سؤالي هو
هل توجد مقاهي انترنت هناك واذا وجدت لماذا لاتستخدم من قبل الواصلين الجدد لحد حصولهم على النت والتلفون؟؟؟؟؟؟؟؟؟؟
وهل توجد هواتف عموميه يمكن استخدامها للاتصالات الخارجيه بواسطه بطاقه او وضع نقود ؟؟؟؟
جائز تكون اسئله ليست ذا قيمه ولكن من لديه معلومات حتى لو بسيطه ممكن ايساعد اخوانه الي راح يسافرون والي دينتضرون
وتحياتي
-
اخي اكو مكاتب بيها انترنيت ابلاش طول اليوم من الساعة التاسعة صباحا لغاية التاسعة ليلا
واكو تلفونات عمومي واكو كارتات للمخابرة تشتريها ب دولارين وتحجي بيها على كد المكان الي تحجي حسب الدقائق والدولة كلشي موجود 0000000000000
-
والله اخي العزيز شكرا على الموضوع بس اعتقد الانشغالات هيا الي تمنعهم
وبالنسبة على الاتصالات انشاء الله اتكون الاخت انجي جاوبتك جواب وافي
تحياتي..
اخوك العراقي
-
اني نوبات اروح لمك دونالد و اشتغل هناك انترنت بس طبعا لازم اشتري شي.
-
شكرا اختي انجي وتسلمين على المعلومات القيمه
وان شاء الله يستفادون الاخوان الي راح يسافرون ماقصرتي
شكرا على المرور
شكرا اخي العراقي الغيور على المرور وصحيح الي تفضلت بي الانشغالات الكثيرة عند الوصول
تسلم ياورد
شكرا اخي احمد على مرورك وميخالف اذا اكو نت نشتري شنسوي بس المهم نتصل
تسلم عزيزي على المعلومه
تحياتي للجميع
-
طبعا يااخوان اكو كلشي اني بالبداية من جيت راسا كتلهم اشتري موبايل علة حسابي يكلف بالشهر 45 دولار وطبعا سعرة بالبداية الجهاز مع الخدمة 75 دولار وبعدين اشتريت كارت ابو ال2 دولار مو غالي اعتقد الواحد يحجي بي 17 دقيقة بس الاول ندك 011 وبعدين كود الدولة يعني اذا العراق 964 وبعدين الرقم يعني 011964 ثم الرقم اوكي
وطبعا اكو بالكنيسة اللي يم بيتنة انترنيت كافي مجانا جنت اروح ادز صور واسوي جات حتة همة حاسباتهم بالكنيسة كيبورد انكليزي كتلهم اكدر اجيب اللابتوب مالتي كالو اوكي وانطوني كيبل وجنت اكعد اسوي جات والحمد الله مشت الامور وكذلك اكو تلفونات عمومي بس لازم تشتري الكارت الاول
ام عبد الله
-
ممنونين منج انجي وام عبدالله على المعلومات القيمة
وياريت ام عبدالله عيوني توضحيلنه شنو نوع الكارت وأسمه علمود يكون واضح للجميع
تحياتىىىى
-
والله هية اكو هواي نوعيات وتبدي من 2 دولار وتصعد بس ابو ال 2 دولار كلش كافي واحد يطمئن علة اهلة الكارت مال اتلانتا اللي اني اشتري هو A+ اوكي وماادري بغير ولايات نفس الكارت لو لا
وحبيت اضيف انه المكتبات العامة ايضا فيهة انترنيت بالمجان بس تاخذ وياك عقد الايجار تثبت انت ساكن بالمنطقة والامور تمشي عدل انشاالله
-
هاي اعضاء ممكن اشارك بجوابي ويمكن تستفادون منه
اخي السؤال مثل ما كلت اكيد ماتكدر تسوي شي اذا ما يكون عندك سوشل سكيورتي
ومثل مكالت الاخت انجي كلمها صح
بس اكيد الواحد يحتاج كلشي يكون بيته لان تلفون ضروري يكون عندك بلبيت
تحياتي
اختك مارتينا
-
نعم مثل ما كالت الاخت ام عبداللة انه يطلبون عقد ايجار هاي بالبداية اذا ماعندك ايجازة سياقة او هوية شخصية بس لو عندك هوية ما يطلبون عقد ايجار او يجوز ولاية الى ولاية تختلف بس هنا بمشكن بس يطلبون ايجازة سياقة لو هوية شخصية هاي الهواية اذا انت ما تسوق او اكو عندك اشخاص كبار بالعمر لازم يطلعون هوية شخصية بدل ايجازة سياقة يعني مو يكدرون يسوقون بيها لا هاي بس على مود بيها عنوان بيتك وكل شي عنك والكارتات مال تلفونات تختلف من ولاية الى ولاية وكل شركة شكل اسمها اكو نوع اسمة باب الحارة احسن نوعية من دون كل الكارتات هنا بمشكن وكلها حسب المكان الي تريد تخابر له
-
حبيبتي أنجي سامحيني علئ المداخلة وصح لسانك أنو كارت باب الحارة هو أحسن كارت للأتصال بالدول وخصوصا العربية بس تعرفين مقطوع من شهرين وهسة أني أشتريت وورد وأكو أفريكانا كلش موزين وأني كنت اشتري باب الحارة من أطلس بس قلولي بعد هاي النوعية من الكروت ماكو
تحياتي ألج أنجي
-
الاخوان والاخوات المحترمون
AnGie
ام عبد الله
hannan.s family
ahmmed2
hannan.s family
روزماري
شكرا جزيلا على مروركم ومشاركاتكم ونقاشكم وابداء كل المعلومات القيمه في هذا الموضوع
للاستفادة منه من قبل كل الاخوان الي راح يسافرون
تسلمون
تحياتي