ankawa
منتدى الهجرة واللجوء => الهجرة و واللاجئين => الموضوع حرر بواسطة: yousif82 في 17:38 02/06/2009
-
السلام عليكم اخوتي و خواتي الطيبين بهذا المنتدى الرائع
سؤالي بسيط ان شاء الله
بعد الفحص الطبي و الموافقة الامنية .. هل من الممكن تاجيل السفر لسبب عائلي او دراسي او اي ظروف اخرى ؟؟؟؟
يعني بعد ما يتصلون الاي او ام من اجل الدورة , هل يمكن تاجيل السفر اسبوعين او ما شابه ؟؟
و هل يسقط حق اللجوء و السفر ؟ او هل تلغى الموافقه الامنية ؟
شكرا و الف تحية و اسف على الازعاج
-
الاخي العزيز ... انشاء الله جماعة iom يساعدوك واعتقد انو تكدر تأجل سفرك ..
تحياتي.. الك بالموفقية
-
اخوية انت خابروك على موعد سفر لو لا ؟
وانت بيا بلد ؟
-
تتصل بال اي او ام و يتم تأجيل السفر مرتين هدا لو كانو محدديلك موعد سفر
-
السلام عليكم
اخويه العزيز من المهم ان تراجع المنظمه وتقدم لهم عذر مقبول وعليه يتم التأجيل . بس ماانصح لان يمكن تتأخر .
ابو انس
-
مع احترامي الى رأي الاعضاء ولكن نصيحه لاتأجلي اي موعد لان ينام ملفك مثل الذين نامو وبعد ما كعدو لان صاحب الي سواها هنا في عمان وصارله 8 شهور يتوسل وماكو جواب
تحياتي
الفريدو
-
اخي يوسف تكدر متروح للمطار بيوم السفر وراح يحددولك موعد ثاني للسفر قد يطول شهر وقد يطول 2 او 3 الله واعلم ولازم قبله تخبرهم بانك مرحت للمطار بس اذا تكررت بالحاله الثانيه راح ينغلق ملفك وتكدر تاجل اذا اكو لا سمح الله مرض يعيقك من السفر
-
اخي مثل ماكالوا الاخوة لازم سبب مقنع وقبل ما يحددون السفر الك وانشااللة خير
-
اخي اني اللي سمعته بالاي او ام بعمان انو يحق للشخص ان يؤجل السفر مرة واحدة فقط وان يكون سبب تاجيل السفر سبب مقنع
-
سؤال يااخوان هذي العائلة اصدقائنا من بغداد حددولهم موعد سفر يوم 10 -6 ومقبلو بي كالولهم احنة نريد انجهز نفسة زين والوقت قصير فكلولهم اوكي انتظرو تلفون ننحدد لكم موعد جديد ب 21-6-2009 وكلولهم عود نتصل بيكم الاحد اللي فات 24-5-2009 ودينتظرون ومحد خابر شنو يعني قضيتهم اتاجلت لان السبب مو مقنع لو شنو فهموني الله يخليكم
اختكم ام عبد الله بانتظار الجواب
-
صديقي هاي شدتحجي انته صدك جذب
انته صارلك مدري شكم الف سنه دتريد تسافر دفضهه وسافر
اذا الموضوع يخصك شخصيا فاني كلش فرحتلك
واذا يخص شخص ثاني وانته دتسال اله فالاخوان والاخوات ما قصروا بالجواب
-
اخوان اني اختكم ام عبد الله اتمنة تجاوبوني علة سؤالي
بلكي اللي يعرف يجاوب وشكرا
-
الاخ يوسف
اني اتكلملك عن تجربتي الشخصية فقد حالولت التاجيل قبل تحديد الدورة التثقيفية وموعد السر ورفض اي اوم دمشق التاجيل رفض قاطع وعند عدم الذهاب الى موعد السفر سيتم الاتصال بك للاستفسار عن السبب ويجب ات تزودهم بتقارير طبية موثقة ودامغة او اي سبب اخر موثق باسباب قوية وفي حال الاقتناع يتم تحديد موعد سفر ثاني والا يغلق الملف في حالة عدم الاقتناع او عدم الحضور في الموعد الثاني ومثل مذكر احد الاخوان في حال اي تاجيل من الممكن ان اينام ملفك ومتدري شوكت ايحددولك موعد جديد وتقبل تحياتي
بغدادي
-
مع أحترامي لآراء الأعضاء لأن قسم يتصور لتأجيل سهل ويكدر يأجل أكثر من مره ماعرف يجوز هذا الكلام قبل هسه غير شكل وخصوصا اي او ام عمان وراح أحجيلك تجربه معارفي مع أي أو ام عمان
عائلة تريد التأجيل بسبب لحالة الصحية لوالدتهم حيث ان الأم قد خرجت من عملية قبل 10أيام من موعد السفر ورفضو تاجيلهم وابنتها تبكي ولا فائده والطبيب الخاص بالاي او ام اجرى عدة فحوصات لها ولقلبها ويخبرهم بانه لا ينفع سفرهم ولا يقتنع احد وبعد اصرار الطبيب وفحوصات 3 مرات يلا اقتنعو بكلام طبيبهم الخاص بلمنظمه وتم تأجيلهم والان صار شهرين ونص على التاجيل وربما سوف يصل التاجيل الى ستة اشهر وحتى سنة
هاي بلنسبه اي او ام عمان ولتشدد الجديد في تاجيل السفر فأنت اذا بعمان لازم عذر قوي ومانصحك تأجل لأن صدك حتنام على ملفك بلوكه مو بس طابوكه
تحياتي
أخوك شيبووو
-
طبعا راي الاخوان كلش كافي والي تجي الموافقه يا عيني بعد شمنتضر فا النصيحه الاولى خويه اخذ الموعد مال السفر وافلت بس التاجيل احب اضيف ولد ويانه كانت والدته ترفض الذهاب نهائيا بعد الموافقه وموعد السفر وقد رجعت والدته الى العراق فا دزوا عليها وغلقوا الملف نهائيا واجلوا الولد شهران يالله دزوا عليه من جديد هذا يجوز الحظ وياه كاعد عدل فا انته خويه لا تغامر بهيج موضوع
اخوك مشلوع قلبه
-
ام عبد الله
اختي لاتقلقين انشاء الله يحددولهم موعد ثاني للسفر وهمه يحددون الوقت حسب جدولهم
-
اخي العزيز
اراء الاخوان جميعا صحيحه ولكن
اكو شي اسمه حظ يانصيب شلون انت متدري من تروح وتقدم تاجيل نفسيه الموضف شنو الي راح يقابلك هاي اولا ثانيا متدري الضروف بعد شكم يوم شراح تصير يعني دتلعب بالنار
انصحك لاتاجل سفرك لسبب يمكن تركه او تاجيله او القيام به من قبل شخص اخر
هذة نصيحتي
تحياتي