ankawa

منتدى الهجرة واللجوء => الهجرة و واللاجئين => الموضوع حرر بواسطة: fadi82 في 23:19 02/06/2009

العنوان: اكيد مرفوض مو شباب ؟؟؟؟؟؟؟
أرسل بواسطة: fadi82 في 23:19 02/06/2009
شلون الشباب ان شاء الله بخير ؟
والله اخوكم اليوم معتمد على الله وعليكم انه تنطوني جواب على سوالي الي محييرني.. وهو انه اني قابلت الوفد يوم 14 بالشهر الفات بس الى هسه ماكو جواب لا تلفون ولا فحص ولا ابد و اعتقد اني مرفوض على الاكثر مو ؟؟ مع انه اني ماخربطت ابد بالمقابلة وجنت كلش بارد و من طلعنا كلش جنا متفائليين لانه اني وزوجتي كل الي متفقين عليية حجينا بدون اي غلط ولا ارتباك بس المشكلة انه الوفد الجديد (يعني الي اجا بعد شهر نيسان) دا يخابر ورا 9 ايام من المقابلة على الفحص الطبي او ما يخابر ابدا بعد ما اعرف انتو شنو رايئكم ؟؟؟؟؟؟؟؟؟؟؟؟؟؟

اخوكم فادي
العنوان: رد: اكيد مرفوض مو شباب ؟؟؟؟؟؟؟
أرسل بواسطة: Wingo في 23:30 02/06/2009
السلام عليكم
أنا و عائلتي الصغيرة وضعنا تقريباً مثل وضعكم
إحنا قابلنا يوم 27-4 في عمان ، و لحد اليوم لم يتم تحديد موعد الفحص الطبي و ماكو أي أخبار.
و صراحة أنا أيضاً بدأت أفكر أنه موضوعنا نتيجته يا رفض يا قيد الدراسة .
أملنا بالله كبير أن تخيب ظنوننا و أن يتصلون بنا قريباً.
حسبي الله و نعم الوكيل
أخي الكريم ، خلي نتعاون على المحافظة على روح التفاؤل و الإستبشار بالخير.
"تفاءلوا بالخير تجدوه"
العنوان: رد: اكيد مرفوض مو شباب ؟؟؟؟؟؟؟
أرسل بواسطة: abu shahed في 23:36 02/06/2009
اخي العزيز انا ايضا قابلت مع عائلتي يوم 3/5 ولحد الان كلشي ماكو لا فحص ولا جفيه ولا حامض حلو ولا شربت القلق والتفكير تعبني جدا اسال الله ان يفرج همنا جميعا اللهم امين0



              اخوكم 79 النرجس
العنوان: رد: اكيد مرفوض مو شباب ؟؟؟؟؟؟؟
أرسل بواسطة: angie-dawood في 23:38 02/06/2009
اخي فادي كول يااللة وبعون اللة تعالى مقبولين وتفائل بالخير انشااللة يخابروك عن قريب ياربي انشااللة تبشرنا باخبار جديدة وانشااللة يوم نبارك على سفرك توكل على اللة وهو وحده يعينك بالتوفيق اخي فادي
العنوان: رد: اكيد مرفوض مو شباب ؟؟؟؟؟؟؟
أرسل بواسطة: نـور في 23:44 02/06/2009
اخي العزيز فادي  مثل ماكالولك الاخوان كول يالله وهي مو شغلة ليلة ويوم يرادلها يرادلها صبر وانشاء الله

يتصلون بيك عن قريب واتفرحنا باخبار حلوة وتكمل جميع المقابلات وانشاء الله تفرح واتفرحنا ابيوم

سفركم

تحياتي.. الك بالموفقية   
العنوان: رد: اكيد مرفوض مو شباب ؟؟؟؟؟؟؟
أرسل بواسطة: ابو خالد في 23:48 02/06/2009
انشالله رب العالمين يسهل اموركم لان هم مرات يغيرون بترتيب شغلهم وزخم الناس فمو شرط وانشالله يفرجها عليكم وتسمعون خبر مفرح
العنوان: رد: اكيد مرفوض مو شباب ؟؟؟؟؟؟؟
أرسل بواسطة: محبكم في 23:53 02/06/2009
السلام عليكم
-------------------
اخي الحبيب خلي توكلك على الله ولتخاف وتفائلو بالخير تجدوه وانشالله متشوف الا الخير
اخي العزيز شغلة التاخير جدا عادية ومثل ما افتهمت من كلامك فانك باذن الله مقبول ويم اللي نفرح بسفرك
العنوان: رد: اكيد مرفوض مو شباب ؟؟؟؟؟؟؟
أرسل بواسطة: كمال الشاطيء في 23:59 02/06/2009
الاخ العزيز فادي

ان شاء الله مقبول ولتهتم كثرة الزخم الي على الاي او ام هوه المشكله ويارب مقبول وتبشرنا عن قريب
العنوان: رد: اكيد مرفوض مو شباب ؟؟؟؟؟؟؟
أرسل بواسطة: body100 في 00:04 03/06/2009
الي يسمع مصيبه غيره اتهون عليه مصيبته كن صبورا ومتفال ولا تدع للياس درب لك اكو قاعده بالحياه الشيء الي اتريده ميجيك بس تنطي ضهرك او تقلل من التفكير به ايصير كدامك والله كريم اخي ولا تياس من هذا الامر
العنوان: رد: اكيد مرفوض مو شباب ؟؟؟؟؟؟؟
أرسل بواسطة: هنوة في 00:26 03/06/2009
اخي ان شاء الله يتصلون بيك عن قريب وتبشرنا   
العنوان: رد: اكيد مرفوض مو شباب ؟؟؟؟؟؟؟
أرسل بواسطة: عكعك التطوى في 00:30 03/06/2009
اكيد ممرفوض مو شباب ؟؟؟؟؟؟؟   الله كريم انشاءالله
العنوان: رد: اكيد مرفوض مو شباب ؟؟؟؟؟؟؟
أرسل بواسطة: fadi82 في 11:00 03/06/2009
والله ما ادري شلون اشكركم شباب بس اكدر اكول الف شكر الكم على ردودكم الطيبة مثلكم وان شاء الله الموفقية للجميع ويخابرون باسرع وقت الي والكم

اخوكم فادي
العنوان: رد: اكيد مرفوض مو شباب ؟؟؟؟؟؟؟
أرسل بواسطة: shawi في 11:53 03/06/2009
و الله اني هم نفس الحجي الي حجا اخوية فادي
بس انكول انشاء الله خير يا رب لان الرفض بهاي الوجبات الاخيرة هواية الله اليستر
العنوان: رد: اكيد مرفوض مو شباب ؟؟؟؟؟؟؟
أرسل بواسطة: Baghdady73 في 12:01 03/06/2009
الاخ فادي

ما اعتقد اكو اي دلائل على رفضك لان الرد المحلف الرسمي يجي خلال 8 اسابيع وبعدها بامكانك الاتصال والسؤال حول وضع ملفك وانا استلمت الرد بعد 9 اسابيع بالضبط وكان بالموافقة ومسالة الفحوص الطبية تاتي في بعض الاحيان بعد الموافقة او فبلها يعني لا يوجد اي قاعدة لهذا وانشاءالله تسمع الاخبار الطيبة خلال الايام المفبلة

تحياتي بغدادي
العنوان: رد: اكيد مرفوض مو شباب ؟؟؟؟؟؟؟
أرسل بواسطة: مشلوع قلبه في 12:54 03/06/2009
اخي في حاله اتصالهم بك بعد مرور شهرين وابلغوك استلام النتيجه بدون فحص توقع يكون ملفك اما قيد ادراسه او مرفوض واذا كنت قيد الدرس كذلك يوجد امل كبير بعدها سوف يتم الفحص الطبي لان معضم حالات قيد الدراسه تم قبولها فتافل بالخير اني ورة شهر يالله اجروا الي الفحص الطبي
العنوان: رد: اكيد مرفوض مو شباب ؟؟؟؟؟؟؟
أرسل بواسطة: يوجد امل في 13:59 03/06/2009
اخي fadi82  ان شاء الله يتصلون بيكم قريبا
وبنعمة الله تفرح قريبا يا اخي واعتقد الامر عادي اذا يتاخرون بالاتصال واذا تحب تخابر مصر تتاكد من كيسك

الله يكون معك
وان شاء الله مقبول
اخوك يوجد امل
العنوان: رد: اكيد مرفوض مو شباب ؟؟؟؟؟؟؟
أرسل بواسطة: fadi82 في 17:04 03/06/2009
صدكوني شباب كل ما دايجيني رد جديد عبالك امل جديد الي من صدك ما اعرف شلون اشكركم وادعيلكم من كل كلبي ... بس بالنسبة للاخ   يوجد امل كال اكدر اخابر مصر واتاكد ؟؟؟ بس شلون اخابرهم على اي ارقام و شنو الاوقات الي اكدر اخابرهم بيها علما انه اني بسوريا الان......يعني يكدرون ينطوني جواب؟؟

اخوكم فادي
العنوان: رد: اكيد مرفوض مو شباب ؟؟؟؟؟؟؟
أرسل بواسطة: اوركي في 01:38 04/06/2009
الاخ فادي العزيز
لو تطالع اسهامات زملائك في السابق لتجد أن اغلبهم مروا مثل ما تمر به من تاخير حيث أنك قابلت لأقل من شهر .. وان شاء الله سوف يبعثون لك بالموافقة المبدئية بعد خمسة الى ستة أسابيع ولا تستعجل وأن شاء الله تسافر وتصير سوالف .
اوركي
العنوان: رد: اكيد مرفوض مو شباب ؟؟؟؟؟؟؟
أرسل بواسطة: القرش في 01:44 04/06/2009
                                          السلام عليكم

 اخويه العزيز لاتيأس من رحمة الله . اكيد من شدة الزخم عندهم لم يتصلوا بكم .. انتظر اخويه وان شاء الله الاخبار الحلوه في الطريق . واكيد مقبولين بس شوية انتظار .

 ابو انس
العنوان: رد: اكيد مرفوض مو شباب ؟؟؟؟؟؟؟
أرسل بواسطة: fadi82 في 16:17 07/06/2009
مشكور هواية شباب بس ياريت تنطوني ارقام مصر لانه احد الاخوة كال انه ممكن اخابر مصر واجييك على سالفتي من عدهم..
مع كل الشكر للاخوة الي جاوبو على سوالي واستفساري وبس عندي سوال اخير هل موضوع الفدية نقطة سلبية بالنسبة للقصة يعني ممكن الرفض يجي من ورا الفدية؟؟؟؟؟؟


اخوكم فادي
العنوان: رد: اكيد مرفوض مو شباب ؟؟؟؟؟؟؟
أرسل بواسطة: يوجد امل في 16:28 07/06/2009
اخي fadi82
هذه هي ارقام اي او ام مصر

0020227357053
0020227360848
0020227381220
0020227350879

وان شاء الله تسمع اخبار طيبة ومفرحة قريبا
سلام الله معاك
اخوك يوجد امل
العنوان: رد: اكيد مرفوض مو شباب ؟؟؟؟؟؟؟
أرسل بواسطة: iraqia_1986 في 19:18 07/06/2009
مرحبا اخي شلونك
طبعا اهم شي بموضوع السفر كله الصبر وغير الصبر حاول لتفكر بالموضوع
وصدكني هو يجي وحده
اني قابلت يوم 28-4 محلفين وره كم يوم سويت فحص طبي
ووره كم يوم دورة تثقيفيه ووراها باسبوع حددولي موعد سفر
واهلي لحد الفحص الطبي سوة بس لاخابروهم دورة تثقيفيه ولاحددو موعد سفر
والله كريم ان شاء الله الكل يطلعله موعد سفر والكل يسافر
بس واحد يخلي امله برب العالمين ويتوكل وصدكوني متلاكون اله كل خير
تقبلو مروري
[/size][/color]
العنوان: رد: اكيد مرفوض مو شباب ؟؟؟؟؟؟؟
أرسل بواسطة: الفهد السباح في 19:37 07/06/2009
اخي العزيز فادي بعد التحية لك

انشاء الله تفرج واكوو امل ولتستعجل والصبر مفتاح الفرج
العنوان: رد: اكيد مرفوض مو شباب ؟؟؟؟؟؟؟
أرسل بواسطة: عاشق تراب العراق في 22:53 07/06/2009
اخوية فادي اني هم قابلت وراك ب 3 ايام و ليهسة منعرف شوكت نستلم الظرف و لا احد بلغنة معالعلم كالو من شهر و نص الى شهرين و الله يستر و اكو جاري قابل يوم 25 -5 و على وصفة نفس المحلفة اللي قابلتني و هم اللي قابلتك و هي الاسيوية و هم شالعة قلبة و خلي نشوف شراح تلزكنة