ankawa
منتدى الهجرة واللجوء => الهجرة و واللاجئين => الموضوع حرر بواسطة: زاهر العراقي في 22:54 03/06/2009
-
السلام عليكم
اريد اعرف اخبار اللي استلموا الظرف يوم 11/4/2009 أكو احد سافر او راح دورة تثقيفية
-
اخوية زاهر العراقي ماعتقد المسافرين حيكلولك او الي انطوهم موعد سفر ترة مراح يدخلون للموقع بعد
هذة الشئ حسيتة ولمستة هنانة
ماعرف بس يخابروهم على موعد السفر يشلعوا الواير مال انترنيت من الحايط
ماعدا الاعضاء المعروفين الي بعدهم يتواصلون ويساعدونة اني اعرفهم واكيد انتوا تعرفوهم
الله يوفقك اخوية واتمنة الاخوان يجاوبوك
فحامي
-
اخوية العزيز انت من اي دولة؟؟
اني من مصر ومن جماعه المحلفين بشهر الثالث وحددولي موعد سفر ودخلت دورة والحمد لله
ربي يسهل امرك .. وانشالله سفرك القريب
-
اخي زاهر
الاخ فحامي على كيفك ويانة ....احنة هم اخوتك
اخي زاهر انا كان موعد نتيجة المحلفين 11-4
واليوم ثاني يوم بالدورة التثقيفية وغدا الخميس هوة اخر يوم
وموعد السفر 30 -6 انشاللة الى بوسطن وانشاللة يوم الي اللك والى كل الاخوان بالمنتدى
اخوكم
السمسم
-
الف شكر اخواني على ردودكم والله يبارك بيكم اني بالاردن استلمت الظرف 11/4/2009 ودا انتظر الموافقة الامنية وما خابروني على دورة تثقيفية لحد الان , هي الدورة التثقيفية بعد الموافقة لو قبل الموافقة الامنية.
-
الله يوفق الجميع ويسهل امركم
-
الاخ المحترم زاهر العراقي
اني من مجموعه الاردن ونفس التاريخ وياكم
اجتنا الموافقه وانختم الملف وبعدها دوره وبعدها موعد طيران يوم 22/6
والله يوفق الجميع ومن ضمنهم الاخ فحامي يا حبيبي على كيفك ويانه
وداعتك والواير مال انترنت يفتر وياي لان هذا ثالث سكن انتقل بيه
ومراح افصل النت الى قبل ما اسافر بيومين واني بعت الاب توب وبعدني
مامسلمه للمشتري وجاي اماطل وياه حتى اضل وياكم وانت تعرف ضروف
ما قبل السفر واحدنا ما ادري شي يصير بيه واليوم اللي مادخل بيه على المنتدى
عبالك مضيع اهلي
اخوكم صادق الحلاق (اريزونا)
-
مشكور اخويا صادق والله يوفقك
-
الله يوفقكم جميعا اليوم سمعت خبر من احد اللذين استلمو الضرف يوم 8\4\2009 انهو اكو ثلاث عوائل اتصلو بيهم علمود الدورة الي تبدي يوم الاثنين القادم هذه العوائل كانت ضمن القروب الي اني والشخص الي انطاني المعلومه قابلنا المحلفين بنفس الاسبوع (يعني فرق يوم او اكثر بين الواحد والثاني ) واستلمنا النتيجة (الضرف )باوقات متقاربة بين 4\4\2009 ووووو 12\4\2009
والله اعلم
وبالتوفيق للجميع سوريا -دمشق
-
مشكور اخويا العزيز free2ea وياريت نعرف بعد اكثر من الاخوة الموجودين واللي مستلمين الظرف بنفس التاريخ والله يوفق الجميع.
-
والله اخي فري 2 مبروك على هاي العوائل واني وكم عائلة اعرفها هم استلمنا الظروف ب4/6 والى حد الان ماكو شي ياريت تعرفنة هاي العوائل شوكت مقابلة وتسوي فضل علينا
اخوك ابو ملك
-
شكرا على النقل المعلومات وجزاك الله كل خير اخي free2ea
اخي انا من مستلمين الضرف يوم 8/4/2009 والى الان لا يوجد اي تغير ولا اتصال ..... نسال الله ان يلطف بحالنه هوه اعلم بالحال والضروف الي دا نمر بيهه .... وكل الموفقيه للاخوة الي اتصلوا بهم انشاء الله هم لسابقون ونحن الاحقون ..... يا رب آمين
انشاء الله الاسبوع القادم يكون خير على كل الاخوة واني من ضمنهم اكيد واني حاس اكو تطورات هنا في سوريا وانشاء الله لكل الاخوة بمصر و الاردن يسمعونه اخبارهم الحلوة .... اسالكم الدعاء اخوتي ...
-
اخويا العزيز ( المتمني ) زين ماحددولك ولاية اني هم مثلك بشهر الرابع مستلم الظرف ولحد الان ماكو شي صنطة
-
أخي (المستعجل ) الله يوفقك ويوفق كل الاخوة
-
اخي زاهر اني حددولي الولاية من زمان ولكن كان اكو شي غريب صار وياي لان كنت على جداول السفر وفجاة فد يوم اتصلت يكولون غير حجي انه انت بانتظار الامنية اني انتظر رحمة الله لان جماعتنا بسوريا كلهم توكلو على الله وسافروا والله وياهم
اخوك ابو ملك
-
مشكور اخويا على ردك اني هم نفس الحجاية محددين الولاية ودا انتظر الموافقة الامنية واكثر اللي كانوا وياي طلعوا واللي ما طلع اعطوه موعد سفر شنو القصة مدا افتهم الله كريم والله يوفق الجميع.
-
اخواني توصلون بالسلامة والله العظيم فرحتلكم والــــف مبــــــــــروك للاخوان كلهم
اخوية صادق الحلاق انت متقصر وان شاء الله تشتري لاب توب احسن منة بميت قاط بامريكة وتحياتي الك وتوصل بالسلامة
اخوتي اني حجيت هيجي حتة احفز الناس تحجي لان ضل ساعة الموضوع و محد رد علي اخونة زاهر العراقي واني غلطان طلعتوا مشالعين الواير مال انترنيت من الحايط ;D
بعون الله توصلون وتتوفقون ويوم تحقيق الاماني والحياة السعيد
اخوكم فحامي
-
مشكور اخويا فحامي واحنا كلنا اخوة
-
اخي زاهر
وردني اتصال مساء الخميس
تم تحديد دورة بكرا احد ثنين ثلاثاء
انا من مستلمي ظرف 11/4/2009
امنياتي لك بالسفر
قطة
-
مشكورة اختي (قطة) والله يوفقك وإن شاء الله السفر قريب ولكل الاخوة
-
اخي زاهر احنا بخدامة همة ديمشون سرة مجموعة مجموعة انشاء اللة يوم الك
سلامي وتحياتي لك
قطة
-
إن شاء الله الكل والله يحفظك