ankawa
منتدى الهجرة واللجوء => الهجرة و واللاجئين => الموضوع حرر بواسطة: lionofiraq في 23:00 03/06/2009
-
السلام عليكم اخواني الأعزاء انا مترجم عراقي عملت مع قوات التحالف لأكثر من ثلاثة سنوات و نصف و بعدها سافرت الى اندنوسيا ممكن تخبروني عن طريق اي منظمة اكدر اقدم لجوء او هجرة الى امريكا و الى اي شجهة اذهب او اراسل حتى يرشدوني الى الطريق الصحيح و اني اعرف انه اني ميحقلي ان اقدم على اس اي في لأن هاي لازم اقدم عليها في بغداد حسب مخبرني موظف السفارة الأمريكية في اندنوسيا فرجاءا الكولي حل غير اس اي في لأن الي عرفته انه اني و امي متفيدنا اس اي في و شاكر تعاطفكم وياية اخواني و شكرا جزيلا
-
حبيب قلبي
منو كلك ميصير تقدم SIV الا من بغداد
التقديم يكون بالايميل وميحتاج دخولك الى العراق
50 بالمية من المقدمين على هذا البرنامج قدموا من خارج العراق وانقبلوا وسافروا لامريكا وهمة خارج العراق
موظف السفارة هذا كلشي ميفتهم بس لازم تحضر اوراقك المهمة للتقديم وهي توصية من ظابط امريكي وميهم رتبتة بس المهم انه كاتب ايميلة العسكري حتى يتصلون بي ورسالة الموارد البشرية الي يبين بيهة مدة خدمتك من تايتن او هسة يسووهة من GLS ونسخة من اخر باج ووثائقك الشخصية وتدزهة بالايميل على عنوان السفارةالامريكية ببغداد وتاتيك الموافقة بالايميل و..............
عيني اكو موضوع شامل مثبت للاخ شبح بغداد او فالكون وراح يدليك على الطريق من الالف الى الياء
وشكرا
-
taif_alsaad1982
بما انك متكدر تقدم على الsiv لان لاتستطيع ضم اهلك وياك فبقه عندك طريقه وحده هل يوجد عندك ايميل رسمي من الجهه التي كنت تعمل بها ؟؟؟؟ وساجيبك بعد الرد انشاءالله
-
اخي العزيز طيف .....
ارحب بيك بهذا البيت العراقي و ان شاء الله تلكه مبتغاك ..
انته يحقلك التقديم على ال SIV و على ال IOM ..... بما انك تريد تشمل والدتك بالموضوع ... لذلك ال SIV مراح يخدمك بهذا الموضوع (ومثل مكال اخي الكابوي العراقي مو سالفه سفارة) .....
يبقة الخيار هو التقديم على ال IOM ..... اني الصراحه معلوماتي قليلة بهذا المجال و بنفس الوقت ما اعرف اذا اكو IOM من اندنوسيا لو لا .......
ننتظر رد الاخوة الاعضاء و ان شاء الله ميقصرون ...... هسه يجيك عمي ابو الحسن و يسولفلك و عكعك هم راح يفيدك بهذا الموضوع لان تقريبا نفس سالفتك ......
-
بوية الله يساعدهم
عمي هسة اسولفك على الطريق خطوة بخطوة
عمي اول شي تدز ايميل لاي او ام مصر وترفق وياه كل الباجات مالتك واوراقك
اي او ام مصر راح يدزون اوراق للمركز الرئيسي اي او ام اسيا في بانكوك
وبانكوك راح تنطيك رقم كيس وتدز ايميل لاي اي او ام اللي يمك ويقابلوك
حتى لو ماكو اي او ام باندونسيا مثلا واكول مثلا لان ما ادري اكو لو ماكو
فاكو منظمات مساعدة تكون داخل بناية الامم المتحدة هي تمثل الاي او ام ويسوون وياك المقابلة
انته مادام امك وياك عمي فاحسن شي ربونة الاي او ام
توكل على الله ودز قصتك وباجاتك لمصر وربك يفرجها
اني حاضر لاي سؤال
ابو الحسن
-
السلام عليكم اخواني و اخواتي الأعزاء طبعا اني ممنون منكم جميعا فردا فردا على ردود افعالكم تجاه موضوعي المهم و اني احب اتفضل بالشكر الجزيل لأبو حسن الوردة بس ممكن اتفهمني يا ابو حسن يا حبيبي شلون ادز اوراقي الى الأمم المتحدة في مصر بدون ان املك الأيميل هاي وحدة و الشغلة الثانية ممكن اتفهموني شلون تبدأ المعاملة و شلون تنتهي اذا عدكم اي علم و اني ممنون مرة ثاني و شكرا جزيلا على تعاطفكم وياية و ان شاء الله اكون صديقكم المخلص الوفي اخوكم ابو الوليد
-
السلام عليكم اخوية العزيز و الله فرحتني لمن كلت انه اني اكدر اقدم على SIV بس شلون و اني في اندنوسا و هل اكدر اروح وية امي لو لا؟ لأن اني سمعت انه ماكدر اروح وية امي عن طريق هذا البرنامج و اني ما عندي الأوراق الرسمية الي يطلبوها عن طريق SIV و شلون الحل :)
-
اخي طيف .....
انته عوفك من ال SIV لان متكدر تشمل والدتك بي ..... فقط الزوجه و الاطفال مشمولين ..... حاله وحده بس تكدر ,,,, وهي ان تقدم وحدك و عود من توصل لامريكا تقدم لوالدتك على ال IOM ,,,, يعني شون مسلسل النسر و عيون المدينه ...... سالفه طويلة ...
بس انته خلي تركيزك على ال IOM لان تكدر تشمل والدتك بالكيس ...... بس اني راح ارجع ساالك نفس السوال الي سالكيا عكعك .... انته عندك ايميلات او اتصال بالضباط الي اشتغلت وياهم او اي شخص كاتبلك الركمنديشنات ......؟؟؟
اخوك علي ....
-
عمي الله يساعدهم
انته اول شي صفي دماغك علمود تعرف شلون ترتب الامور الله يفرجها عليك
اول شي عمي لازم تحضر باجاتك ورسائل الاج ار او وجوازك وجواز الوالدة وتدز ايميل الى اي او ام مصر
CairoInfoCenter@iom.int
وتظل تنتظر رحمة الله والايميل منهم بالكيس نمبر
الله يسهل عليك واني حاضر لاي سؤال
ابو الحسن
-
السلام عليكم
شوف اخويه طيف طبعا عمنه ابو الحسن الله يبارك بي وضحلك الخطوط الاساسيه للطريق
واني انشاءالله راح اشرحلك التفاصيل وهي كالتالي :
اول شي يجب ان ان توفر الاتي :
1- يجب ان يكون لديك ما يثبت عملك مع القوات الامريكيه من (باجات – تزكيات – هويات – شهادات تقديريه)
يعني اي ورقه تثبت عملك
2- ايميل رسمي لمسؤالك بالعمل او مديرك يعني ليس (ياهو او جيميل او هوت ميل) اوووو
انما يجب ان ينتهي مثلا army.mil @
3- وثائق ثبوتيه التي تخصك وتخص عائلتك وهي
جواز سفر
هويه احوال او شهاده جنسه او الاثنين معا في حاله توفرهما
بطاقه اليو ان اذا كنت حاصل عليها
عقد زواج اذا كنت متزوج
شهادات تخرج دراسيه ان وجدت
نجي على الخطوه الاولى
ترسل اوراقك الثبوتيه لك ولعائلتك مع اثباتات عملك الي شرحناها سابقا وتكتب
نص تعرف بي عن اسمك بي وتشرح انك مشتغل مع القوات الامريكيه وانك
تعرضت الى تهديد ولا تستطيع الرجوع للعراق وطلعت من العراق الى المكان الي
انته بي حاليا وتذكر عائلتك وياك وتبلغهم انك ارسلت اتاجمنت بالوثائق الي تثبت حالتك
وهذا ايميلهم وارقام تلفوناتهم
cairoinfocenter@iom.int
0020227357053
0020227360848
0020227381220
0020227350879
الخطوهالثانيه
من يستلمون البانات منك منقبل iom مصر راح يحولون اوراقك على المركز الاقليمي في
شرق اسيا في تايلند (بانكوك)وبدورها راح ترسلك ايميل يحتوي على رقم (كيس) خاص بقضيتك
وتبلغك بانتظار موعد من منظمه الهجره iom الموجوده في جاكارتا لتحديد موعد مقابله معك
وهذا عنوان وتلفونمنظمه الهجره في جاكارتا
International Organization for Migration (IOM)
Surya Building Floor 12A
Jl. M.H. Thamrin Kav.9
Jakarta 10350
Indonesia
Tel: +62.21 39 83 85 29
Fax: +62.21 39 83 85 28
الخطوه الي تليها هي المقابله ويوجد موضوع في الصفحه الاولى من الارشيف باسم
المقابلات في منظمه الهجره iom من الف الى الياء راح يساعدك باخذ نظره على المقابلات
وهذا الرابط ايضا
http://www.ankawa.com/forum/index.php/topic,294296.0.html
-
الله يساعدك ابو الحسن يا انسان يا عظيم ممنون منك و من كل الأحبة الحلوين والحبابين و الله انتوا ناس عظماء اتصلت بيهم و كالولي راح انحول اوراقك على بانكوك و بعدين ربكم يفرجها يا الله و شكرا جزيلا للمساعدة متقصرون و حشاكم من التقصير و تحية خاصة الى ابو الحسن
-
صديقي العزيز راح انطيك حل قوي كلش وهو اخر ما توصلت له ابحاث خبراء عينكاوا
عيني انته تقدم عالبرنامجين لان ال SIV يمكن تطول ثلث او ربع وقت ال IOM
وبالنسبة للوالدة اذا طلعلك سفر على ال SIV تدز لل IOM ايميل تكلهم انه انته راح تسافر عالهجرة الخاصة وهمه راح كلش يسرعون معاملتهه بشكل
وانته هم دور اكو موضوعين بهالشهر كانت حول شلون ابو ال SIV يقدم لاهله اللي ما مشمولين وياه بال IOM
اما بالنسبة للتفاصيل مال التقديم فابقى وية اخوية شبح بغداد وعمنا ابو الحسن وهمه يشرحولك كل التفاصيل مع العلم ان المركز الاقليمي لل IOM تحول من القاهرة الى عمان فانت لازم تراسل عمان
اما بالنسبة لل SIV فراجع هاية موسوعة فالكون المثبتة
http://www.ankawa.com/forum/index.php?topic=270934.0
واخونا شبح بغداد او BaghdadGhost
-
مو خوش نصيحه فنسنزو ..
فرضا ,, فرضا ,, أذا الولد طلعتله SIV وانطوا موعد سفر و هو بعده ممكمل اجراءات والدته و يه IOM ...
شيسوي ؟
-
صحيح كلام اخي البيصير ..... فسنجون
انته تعرف كلش زين بان اجراءات ال SIV اسرع من ال IOM ,,,, زين اذا اضطر يسافر ,,, ةالدته شون يعني يعوفهه وحدهه ,,, هم مترهم
-
السلام عليكم ورحمة الله وبركاته
تحية الى كل الاخوة المترجمين
الاخ العزيز كل ما اخبروك به الاخوان هو صحيح البرنامج الوحيد الذي يخدمك هو IOM لان عندي صديق مازال يعمل لحد الان ولانه يريد اصطحاب عائلته فاخبروه بان يعمل على هذا البرنامج , اما التقديم عن طريق الانترنت فناجح 100% لدي صديق اخر مازال يعمل مع قوات التحالف وقد قدم اوراقه تقريبا شهر فبراير الماضي والان طلعتلة الفيزا قبل اسبوع
الاوراق اللي يردوهة هية جنسيتك مترجمة حتة لو من مترجم قانوني 2- باج الجي ال اس والتايم لاين من الجي ال اس والتوصية من الضابط مالتك ويريدون بصمات الاصابع هاي لازم اتطلعهة من ساحة التحريات اببغداد شغلة يوم واحد حتة لو بعدين يعني من تطلعلك الفيزا اتقدمهة واذا حصلت اي معلومات او انتة اتريد اي معلومات بس رمشلي واني بالخدمة
اتمنالك الموفقية
بالمناسبة ممكن تشرح لي ظروف اندنوسيا المعيشية ودخولها كيف يكون وهل العمل فيها سهل ام صعب وهل هنالك فرص عمل
مع جزيل الشكر
-
السلام عليكم شباب شكرا على النصائح الحلوة بس اني اعتقد كلتلكم انه دزيت اوراقي الهم في مصر و حولوها الى بانكوك تايلند و ان شاء الله خير بالنسبة الى اندنوسيا الشغل بيها صعب لأن هم نفسهم الأندنوسيين هاجين من البلد و يشتغلون برة بس اني احب اكلك انه اني ادرس هنا على الماستر بس بالنسبة للأخ الي كلت انه قدم في فبراير على IOM يعني ما شاء الله بهالسرعة طلعت الفيزة مالته يعني هذا الشيء ممتاز و اتمناله الموفقية بس حبيت اعرف من الأخوان الأعزاء انه اني اذا اقدم من خارج العراق اشكد اطول السالفة و العملية كلها حتى احسب احسابي لأشياء هواية و شكرا للحضور على اي مساعدة تبدوها للجميع
-
taif_alsaad1982
اخويه العزيز بالنسبه للفتره فهي ارزاق بيد الله ولكن بالغالب هي من 6 اشهر الى سنه وهناك حالات استثنائيه ايضا
اما سؤالك ل lamigraا فهو بقصد صديقه الي مقدم على برنامج ال siv بكلامه
-
اخي العزيز...
يجوز لك التقديم على ال SIV من البلد امتواجد به.وسوف ياخذون بنظر الاعتبار بعدك عن البلد في مسائل عده مثل تصديق بعض الوثائق .كما انهم سيعينون لك محامي لتسهيل الاجرائات وسيكون الاتصال بك من قبل مركز الهجره القومي مباشرتا عن طريق الهاتف والمتصل بك سيكون موضف ارتباط. ولكن المساله تاخذ وقت .اما في ما يخص الباقي فلا معلومه لدي
وشكرا
-
اخي الكريم chillin like a villan
الاخ طيف يريد يقدم مع اهله وهذا مخالف لشروط التقديم على برنامج ال siv
-
هاي شبيكم اخوان
همه قابل كاعدين بالصحراء
مو دولة متطورة جدا وعايشين بيهه خوش عيشة الى درجة الولد حتى ديكمل دراسة يعني شيصير لو والدته تنتضرلهه كم شهر وبعدين تلحكه علما انه اذا هو انقبل عال SIV اصلا معاملتهه مال اللجوء راح تتسرع حسب موضوعين نزلوا للمنتدى بالفترة الاخيرة
اما اذا والدته جدا كبيرة بالعمر او عندها مشاكل صحية (اسم الله عليها وعلى كل اهلنا) فممكن اذا عنده اقارب او اصدقاء يبقيهه يمهم
واذا حتى هاي ما رهمت فهو ممكن يقرر
واذا حجيي غلط
عمي اعتذر منكم وبعد ما اسويهه