ankawa
منتدى الهجرة واللجوء => الهجرة و واللاجئين => الموضوع حرر بواسطة: Sasy في 23:17 03/06/2009
-
اخواني اليوم قابلت المحلفين في لبنان وكانت كل تالي :
١١ صباحا انا في مقر UN الى الساعة ١:٣٠ ظهرا نصاذح وارشادات قبل الذهاب الي هي :
جاوبوا على كد السؤال لان ممكن يودوك الي اسأله متكدر تطلع منها جوابك واضح ودون اي زياده او نقصان او تفاصيل
الفكاها والجدل ميفيد وياهم لان ممكن ميقبلوكم او يطولون وياك وماكو نتيجه.
ينطوك اكل مثل القصعه مال الجيس لفتين وحده حبش والثانيه جبنه وبسكت وعصير وعلج بجيس والعائله علاكه بنفس الشي بس اكثر.
الزياده بالقصه مو بصالحك عيد نفس الحجي الاول ممكن متنطي اي تاريخ بالضبط يعني بشهر الثالث لتحدد يايوم لان اذا غلط مو بصالحك واذا ممتأكد مابيها شي تكول ممتأكد بس لا غلط.
ويمضوك على اوراق الي مضيتها قبل هاي المقابله واكو امضاء ثالث قبل السفر اذا صار انشاءالله.
المهم وخذونه للسفاره الامريكيه ٢ الظهر ودخلوا العوائل اول (يدخلون كلهم وراها يبقي صاحب القضية والعائله تنتظر بره) بعدين العزابي وطبعا ياخذون بصمت الاصابع وصوره هاي بالسفارة وبالنسبه الي كان التالي
بالستة وثلث صار موعدي ودخلت مع المترجم وبالصدفه جان رئيس البعثه هو الي يسألني من شافني اجاوبه وافهم عليه كال اذا منحتاج مترجم وظلت المترجمه مرتاحه واني تفاهمت وياه وطبعا انت تحلف بالبدايه يالله يبدي وياك ويمضيك هم على الورق وخلصت مقابلتي بأقل من نص ساعه لان سؤال وجواب سريع والاسأله عباره عن هل شارك بالحزب هل عندك انتماء سياسي هل تعرضت للسجن ومن هذي الاسأله العادية وراها يدخل بقضيتك ويسأل ويجيك انت شحاجي يعني مثلا منو اول شركه شتغلتي وياها منو فلان.... طبعا الي مكمل عسكريه الاسأله اكثر.
وبالتالي يكلك روح اكعد وانشاءالله خلال ٤-٥ اسابيع يجيك الجواب
الجواب مقسم الى ٣ اقسام الاول موافقة مبدئية الثاني لم يتم القرار والثالثه الرفض
الاولى معروفه الثانيه معناها اكو اوراق نقص وميكتمل الفايل اله بيها وظل النتيجه معلقه
الثالثه هي رفض وخلال ٩٠ يوم من حقك تستأنف
هذا الحجي مال UN كالوا من ضمن النصائح الي حجوها بالبدايه هو بس يكلك انتظر جواب
هاي اللجنه رح يسافرون نهايه الشهر وراها يجي الرد
ومطلعنه اله ٨ونص واكو وجبه ورانه بعدها.
اني سويت هاي المقابله وداتمنه تكون مال SIV لان ذيج الاهم بس شسوي عثره بدفره مثل ميكولون.
وشكرا واسفه للاطالة
اختكم
ساسي
-
السلام عليكم
--------------------
شكرا اختي العزيزة على نقل مجريات هذا اليوم الذي لا ينسى وايضا الف الف الف مبروك لاجتيازكم هذه المرحلة مع اطيب تمنياتي لكم بالموفقية والسفر السريع واهم شي عدم شلعان القلب
-
شكرا اختي العزيزة ساسي على المعلومات وانشاء الله تفرحيين واتفرحينا ابيوم سفركم امين
تحياتي.. لكم بالموفقية
-
مبروك المقابله وانشاء الله بيه الصلاح والفرج لك والحمد لله تعديتي المرحله المهمه وانشاء الله مقبوله
وشكرا على التوضيح تمنياتي لك بالتوفيق
-
الف الف مبروك ساسي وان شاء الله يوم السفر
-
مبروك
إن شاء الله تكون النتيجة موافقة
و بالتوفيق
-
الف الف مبروك إن شاء الله تكون النتيجة موافقة و بالتوفيق والنجاح
اخوكم ابو ديانا
-
الف مبروك وان شاء الله مقبولة
بالتوفيق
-
مبروك أخت ساسي ....
يوم مقابلة الس اي في........ماكو تطورات من بحر الظلمات ؟
-
الف الف الف مبروك اختنا
اتمنالج الموفقية من قلبي
-
الف الف مبروك انشااللة السفر القريب والتوفيق
-
مبروك اخت ساسي اتمنى الج التوفيق والقبول انشاالله
ابو فهمي
-
شكرا لكم جميعا على هاي الروح الطيبه ويارب تحقيق امانيكم
الاخ البصير بعدني اجذف بحر الظلمات لاجديد تعبت ايدي وضعفت وحالتي حاله مدى اعرف شوكت نرسى ونرتاح الله كريم
شكرا للجميع
تحياتي
ساسي
-
الف مبروك ويوم نسمع اخبار السفر وتوصلين بالسلامة
-
الله كريم بس مبروك مقدما عل مقابلة وياربي يجيكم قبول
-
مبروك اختي المناظلة الوردة وانشاء الله متضطرين تطلعين لجوء لان ذاك اليوم فتت من يم بحر الظلمات لاحظت ديشدولة بروجكترات عملاقة والعقد لواحد من حرامية هالوكت...والله شنو....ديسوي اعمار لمحافظة بحر الظلمات هع هع هع هع
-
الاخت ساسي
اتمنالك التوفيق
اني صارلي 9 اشهر بأمريكا وجيت من بيروت ونفس الاسئلة مال المقابلة الي ذكرتيها ونفس تعليمات موظفي اليو ان بالضبط
واحب ان اقلك ان لا تخافين لانه النتيجة مقبولة 100% وتوصلين بالسلامة
المبرمج العراقي
كاليفورنيا
-
مبروك اختي على انهاء المقابلة وان شاء الله الموافقة والسفر القريب
سلام الله معك
اخوك يوجد امل
-
شكرا جزيلا اخي يوجد امل
وشكرا اخي saadtom الله يخليك بس تعرف اني اجاني ايميل من SIVوحددولي مقابله والحمد لله لان اني رايده مال SIV والحمد الله صارت
اشكركم جميعااا
اختكم\ساسي
-
الف مبروك اختى العزيزة ساسى اتمنى لك الموافقة وموعد سفر قريب والنجاح والتوفيق وبكل خطوة سلامة
-
شكرا ياورده
تحياتي
ساسي