ankawa
منتدى الهجرة واللجوء => الهجرة و واللاجئين => الموضوع حرر بواسطة: الهداف في 15:21 05/06/2009
-
السلام عليكم اني اخوكم الهداف من بغداد سوف اسافر الى لبنان للتقديم على الهجرة سؤالي عن طلب الفيزة من السفارة اللبنانية في بغداد هل الامر سهل اذا كانت للسياحة يعني اكللهم اريد فيزة للسياحة تمشي بسهولة وهل اكو رفض واذا انرفضت يحقلي السفر عن طريق المطار يعني بدون فيزة من السفارة واذا ياخذون الجواز في المطار ايصير انقدم على اليو ان بدون جواز والله ايجازيكم على كل كلمة اتجاوبونه بيهة واي شي عن لبنان واليوان اكتبولنا وان شاء الله يكتبلكم مستقبل مضمون
-
اخي العزيز الهداف
بعد التحية احسن الك لدخول لبنان ان تجي بالطائرة تحجز من اي مكتب حجز ببغداد وحجز فندق 2 او 3 ليلة وبالمطار مياخذون الجواز مالتك ومن تدخل المطار اكو فيزا 25 يوم واكو شهر والشهر سعرها 34$
وبالنسبه لليو ان اني مااكدر اكللك مضمونه بس انت وحضك وحسب القصة
وتره هل ايام اكو هوايه ناس ديسافرون وتحياتي لك واي سؤال اني حاضر
-
السلام عليكم
----------------
وبالاظافة للمعلومات الي ذكرهة اخوية الفهد هم لازم كلش شخص عندة اقل شي 2000$ كاش و حجز الطيارة يجب ان يكون ذهاب واياب محددة المدة وحاول تخليهة اكثر من شهر بشوية حتى تاخذ فيزا شهر ممكن تجديدها شهرين بعد ووراها الله كريم
-
شكرا اخي المحب على الاضافة تسلم الايادي
-
اهلا وسهلا بيك فى لبنان والاخوان ما قصروا بالاجابة وانى حاضر لاى مساعدة ومن تقرر المجى الى لبنان اعتبرنى اخ الك ومستعد ان اطلع الى المطار واقوم بابسط واجب اتجاهك تحياتى اخوك باسل
-
السلام عليكم الى الفهد السباح ايجازيك كل ماهو خير و الى الاخ محبكم ايصونك الله والى الاخ باسل بلالو اشكرك كل الشكر وانشاء الله نلتقي احيكم على شهامتكم اخوان لاتنسوني دائما الى عندة اي معلومة خلي ايدزنياها و انشاء الله ايدزلكم خبر مفرح
-
اخي العزيز اهلا وسهلا بيك واحنه بالخدمه واي مساعده انشاءالله منقصر وانت متحتاج فيزه من السفاره هي من المطار ب٣شروط الكالوها الاخوان
١- حجز فندقي
٢- تكت تو وي يعني ذهاب واياب
٣- الفين دولار كاش وياك
وتكللهم جاي سياحه هي فيزه اكو ام الشهر واكو ام الاسبوعين يعني ١٥ يوم لو ٣٠ يوم يعتمد على حجزك خلي اكلك شرح يصير بالمطار بالضبط
تنزل من الطياره تروح انت والوياك العالم توكفون سرة يم مكتب ضابظ ام عام المطار ويبدي يحقق ويا واحد واحد يجيك التكت والحجز يخابر على الفندق وبعدين يسألك شكد فلوس شايل مرات يكلك راوينياها مرات ميحجي حسب ومن يكمل يكلك روح اخذ طابع مال ١٥ يوم لو شهر انت من توصل الابو الطوابع كله نطيني طابع مال شهر وخلص وابوك الله يرحمه
ومن تخلص الفيزه مالتك الشهر تروح الامن العام وتاخذ صورتين وتستنسك الجواز مالتك صفحه الفيزه وصفحه جوازك نسختين الكل وحده وتاخذها وعنوان سكنك هم تاخذه وياك ولازم شايل فلوس وياك ويكلك شكد شايل كله الف دولار وبعدين ينطيك ورقه بيها صورتك ويكلك مرلنه بعد أسبوع الجواز يبقى يمهم ورى اسبوع تروحلهم توصل للبنايه تسأل الحرس تكله جاي استلم جوازي يدليك مين تروح تستلمه وينطوك انشاءالله شهرين.
حاول يا اخي تمشي جم الحيط وتاخذ حذرك لان اذا رح تبقى بعد هاي المده غير قانوني اذا لكفوك يطلعوك ويحطون منع على الجواز. انشادالله ميصير شي هوايه ناس كاعدين ومستقرين.
وبخصوص اليو ان
وجيب وياك كل المستمسكات العراقيه وكلشي ممكن يخدمك بقضيتك تهديد اظرار الجنسيه وشهاده الجنسيه لتنسه شي وهي هاي الشغله مسألت حظ ومدى اقتناعهم بالقصه انت وشطارتك ومتنسه ولا حرف بأي مقابله لان كل مقابله يرجع ويكلك عيد الحجي الى ان توصل للمحلفين اكو ناس طولوا سنتين واكو ناس سنه واكو ناس ٦ اشهر والله يوفقك ويسهلها عليك واني بالخدمه شتحتاج تكدر تعتبر عندك اخت بالبنان.
مع تحياتي
اختكم
ساسي
-
السلام عليكم
اخي الهداف
الاخوان وفوا وكفوا بس عندي الك سؤال مهم قبل كل شي.
انت تريد تقدم على اليو ان لو على اي او ام؟
هذا الجواب رح يحدد وجهتك في اي بلد لازم تروح علمود تمشي معاملتك وتطلع بالسلامة.
تقبل مروري
عيني بغداد
-
شكرا للاخت ساسى على المعلومات والله يكثر مكن امثالك والى الاخ الهداف احنا كلنا اخوان وحاضرين لاى مساعدة انت بس اتوكل واخطو الخطوة الاولى والباقى على الله تحياتى
-
السلام عليكم الى الاخت ساسي انت اخت عضيمة والعضمة ل لله والى عيني بغداد احييك على شهامنك بصراحة اني مامشتغل مع الامريكان بس قصتي اعتقد تاهلني للهجرة فراح اقدم لليو ان و السفارة الكندية و الاسترالية اذا مسموحلي بذالك طبعا اعتقد اهو اهم شي هو التقديم على اليو ان والموفقية من الله والى الاخ باسل بلالو بصراحة وبدون مجاملة بديت اتعلم منك ارقى انواع الرجولة وبصراحة اتمنة التقي بيكم في لبنان بس اشلون باي طريقة بصراحة مااعرف وانشاء الله ايسهله عليكم لان انتوا تستاهلون ويسهله علية
-
الأخ باسل
الأخت ساسي
و الله كفيتو و وفيتو و النعم منكم ..
و هاي هي الشهامه و الأخوه بالعراقي الأصيل و العراقية الأصيله..
الله يبارك بيكم و يسهل أمركم ....
-
السلام عليكم
اخي الهداف الله يوفقك في مسعاك
بالنسبة للسفارة الكندية عندك خيارين للتقديم الاول انه تقدم على هجرة يسوها skilled worker وهذي اما تقدما مباشر عن طريق السفارة او تخلي مكتب هجرة يسويها ألك بعد ميسويلك تقييم يعرف منك انك تكدر تقدم لو لا. واذا تحتاج مكتب موثوق اكدر ادزلك الايميل مالته او الموقع. أما النوع الثاني هو الكفالة الخماسية وهذي لازم يكون عندك ناس هناك يقبلون يكفلوك وعددهم 5.
اما السفارة الاسترالية اتوقع الفرصة الوحيدة ألك بيها ان تقدم على skilled worker وهذا سالفه طويله مع ذلك تلكه بالمنتدى مواضع عن استراليا ان شاء الله تنفعك.
يبقى التقديم على اليو ان هذا متاح مادام عندك قصه ممكن على اساسها تطلع توطين.
تقبل مروري
عيني بغداد