ankawa
منتدى الهجرة واللجوء => الهجرة و واللاجئين => الموضوع حرر بواسطة: ابن دجلة و الفرات في 16:50 05/06/2009
-
السلام عليكم
حبيت اليوم ان اسال الاعضاء الذين سبقونا بالوصول والعيش في ارض الاحلام امريكا هل هناك فائدة لاخذ الاوراق الرسمية العراقية مثل 1-شهادة الجنسية العراقية 2-هوية الاحوال المدنية (لجميع افراد العائلة)
اي هل هناك احد سوف يطالبني بها سواء في المنظمة اوالمدارس او الكليات او الحكومة او في مجال العمل او اي جهه رسمية في امريكا بصورة عامة و في ولاية كاليفورنيا بصورة خاصة؟؟؟؟؟؟؟؟؟؟؟
مع الشكر
اخوكم ابن دجلة و الفرات
-
واللة اخي ابن دجلة اني صارلي 17 ودخلت ب 18 سنة بامريكا وبمشكن محد سالني عن جنسية عراقية ولا هوية عراقية قبل شهر اخواني دزوها الي بس خليتها ذكرى بالبيت بالنسبة لمشكن مايعترفون بيهم لكن بغير ولايات ما اعرف وهم كلفونيا اعتقد ما يسالون عنهم بس هم انتظر رائي الاخوة الي بكلفونيا او غير ولايات شكرا لطرح الموضوع
-
عاشت ايدك اخت انجي على سرعة الاجابة بس اسال حتى عند التقديم للغرين كارد والجنسية الامريكية لم يطلبوها منك او سالوك عنها؟؟؟؟؟؟؟؟؟
مع شكري وتقديري
اخوكم ابن دجلة و الفرات
-
لا اخي بكل الاوراق الي قدمتها من كرين كارت الى الجنسية الامريكية وحتى كل المساعدات الحكومية الي قدمة الها سابقا ابدا ما طلبوا من اي هوية عراقية ولا جنسية مو كتلك هسى قبل شهر دزوها اخواني الي بس طلبتها على مود احنطها للذكرى ;D
-
اخي العزيز مثل مكالت الاخت انجي الاوراق المهمه الك هي
1- الجواز العراقي
2- الوايت كارد
3- عقد الزواج بالنسبه للمتزوجين مترجم ومصدق
4- وفي بعض الحالات يطلبون شهاده الجنسيه العراقيه مترجمه ومصدقه
وهاي هيه
واتمنالك الموفقيه ,,,, وتقبل مروري
-
اخي العزيز ابن دجله والفرات اذا متعاجز منها اني اوصله الك اذا وصلت بخير وسلامه
اخويه اخذها وياك لان احتمال تحتاجه يوم تسوي كفاله لاحد بالسفاره او فد يوم ترجع للعراق
وهم تذكر ايام زمان واذا قصدك تستعمله بامريكا فيردوهه بالحصه مال فود ستامب ميطلعولك فود ستامب اذا ما عندك جنسيه وهويه ام الفسفوره ;D
تحياتي
-
احد الاخوه المقدمين على برنامج ال اس اي في داخل امريكا احتاج الى هويه الاحوال المدنيه وترجمها وارسلها مع نسخه استنساخ من الهويه الاصليه عند تقديمه للكرين كارت ,حال حصولك على الكرين كارت لا تصبح اي من الوثائق العراقيه مهمه عدا اعتقد اجازه السوق
احب ا لعراق
-
شكرا اخت سمارة
بس حبيت اعرف كيف اترجم وثيقة الزواج وشهادة الجنسية واصدقهن وانا في عمان اذا عندك معلومة
حبيبي عكعك
بصراحة اني ما متعاجز منها بس تعرف الاهل في العراق يمكن يحتاجوها في اخطبوط الدوائر الرسمية هناك ولا احب ان ازيد من معاناتهم
اخي العزيزQasra
هل تعني ان ااخذ معي الاستنساخ فقط يكفي علما اني على IOM
,وشكرا
اخوكم ابن دجلة و الفرات
-
اخويه العزيز بالنسبه للاردن ما اعرف لان اني اوراقي صدقتها وترجمتها من بغداد فأذا عندك احد بغداد دزله الاوراق وهو يصدقلك ياها بس تاخذ وقت واذا تدفع فلوس الاوراق توصلك باربع ايام وممكن تروح تسال بالسفاره العراقيه الي بعمان وممكن همه ينطوك غير حل
واني هم طلبو شهاده الجنسيه من قدمت على الكرين كارد فدزيت نسخه ملونه من الشهاده المصدقه والمترجمه ( يعني مو الي احنا نستخدمها بالعراق) هاي ميحتاجوها
ويارب اكون فدتك ,,, ويارب الاخوان يفيدوك اكثر
-
اخواني اني سالت الاخ انطون الصنا ابو عمار وهو طبعا معروف كل المعرفه هنا بما قدمه وما زال يقدم لاخوانه من المعلومات المفيدة والمتاكد منها وهذا كان جوابه : طبعا اخواني اني بس اريد التاكد فقط وليس لا سامح اللة غير شي او غير قصد ردت اتاكد حتى الاخوة لا يحيرون باي شي اختي انجي
كافة الدوائر الرسمية في امريكا تعتمد على جواز السفر والوايت كارتوسوشل سكيروتي وهوية العمل التي تمنح من قبل اليو ان لغرضاستخراج اجازة السوق وهوية الايدي الامريكية وكذلك عند التقديم الىالكرين كارت ..
اما الشهادة الجنسية العراقية وهوية الاحوال المدنية واي وثائق
عراقية اخرى غير الجواز لا يعول عليها في امريكا ولا بأس المتوفرة لديه يجلبها معه الى امريكا مع تقديري
اخوك
انطوان الصنا
ابوعمار
مشيكان
[/b] [/size] [/color]
-
نعم كل ماجاء بكلام الاخت انجي في اعلاه صائب وسليم حيث ان وثائق مثل الشهادة الجنسية وهوية الاحوال المدنية العراقيتان غير مطلوبة في امريكا واذا كانت متوفرة لديك اجلبها معك بدون ترجمة حيث لا يعترفون الا بالترجمة الامريكية للوثائق حيث لهم ختم خاص للترجمة المهم ان يكون جوازك نافذ ومعمول به ولا يوجد اخطاء في الاسماء واللقب داخل الجواز ومع اوراق اليو ان يجب ان تكون الاسماء متطابقة واللقب والتولد مع تقديري
اخوكم
انطوان الصنا
ابو عمار
-
السلام عليكم
الاخت انجي وضحت الصورة بتفاصيلها
بس عندي سؤال اذا متاخذ الاوراق وياك لعد شراح تسوي بيها تذبها ؟؟؟ مثقل عليك اذا اخذتها
لاتنسى انت تحتاج فترة 5 سنوات لاستحصال الجواز الامريكي بهذة الفترة لازم اتمدد الجواز العراقي كلشي يصير وتمديد الجواز يحتاج هذة الاوراق
اذا تكول اكدر اخذ جواز امريكي مؤقت اقبل بيها هاي الحجايه
بس مو معناة راح تتنازل عن جنسيتك الاصليه او الجواز
هذا رائي
تقبل تحياتي
-
اخي العزيز ابن دجلة و الفرات ....
الاسبوع الفات تكلمت مع كفيلي في امريكا ,,,,, و لاني على باب سفر ,,,, شالته على عده امور منها الجنسية و شهادة الجنسية لان عندي تخوف من ان الاهل قد يحتاجوها في المعاملات في العراق .... و قال لي بالحرف الواحد بانك لن تحتاج هذا الهويات في امريكا في اي مجال ,,, فقط في حاله اي ارتباط مع السفارة العراقية في امريكا ..... و الارتباط الوحيد مع السفارة هو الجواز عند تجديده ...... بعد عمر طويل ..... خصم الحجي خليهن يم الاهل و بالمستقبل ان شاء الله اذا تحتاجهن يكدرون يدزولكياهن ........
-
والله يااخوان اني مثل ماكلت من الاول ان شهاده الجنسيه المترجمه يحتاجوها في بعض الاحيان وبالاوراق مال الكرين كارد اني دزيتها لان همه طلبوها مع العلم اني مصدقتها ومترجمته من بغداد فهاي تجربتي والله اعلم بالنسبه للباقين ( وللعم اني مطلعت كلاجئه)
واخويه شبح بغداد انت طالع siv وراح تستلم كرين كارد فأكيد متحتاجها لان الكرين كارد يغني عن اي اوراق اخرى
مع تحياتي ,,,,,
-
والله يااخوان مثل مكتلكم اني رح يصيرلي تقريب 6 اشهر بولاية جورجيا محد فد يوم كلي جنسية ولا شهادة جنسية ولا حتة عقد الزواج كلهن مضمومات بس بالبداية استخدمو الجواز علمود حروف الاسم لا اكثر لا اقل
بس المهم هنا او لمتجي هو ال I-94 وبعدين السوشيال وهذني بالبداية قبل متطلعلك ال ID مال الولاية تشيل وياك نسخة من I-94 ومن تصير عندك هوية الولاية تعوف كلشي وتشيل الهوية واذا صار عدك اجازة سوق تعوف حتة الهوية وتصبح اجازة السوق هويتك الرئيسية