ankawa
منتدى الهجرة واللجوء => الهجرة و واللاجئين => الموضوع حرر بواسطة: كاظم الساهر في 22:37 05/06/2009
-
السلام عليكم
هل هناك تعليمات جديدة فعلا للا جئين لقيادة السيارات في امريكا
ارجو الافادة في هدا الموضوع خاصة في فيلادلفيا
-
اخي العزيز ... كاظم الساهر ...
انشاء الله الاخوان الي موجودين باميركا ميقصرون وياك
تحياتي.. الك بالموفقية
-
والله اني مسمعت عن اي شي جديد هنا بجورجيا
وهذا الموقع الرسمي الحكومي الخاص باجازات القيادة وغيرهة هنا بجورجيا اتمنة يفيدكم
www.dds.ga.gov
-
اهلا بيك اخكاضم الساهر
بلنسبة للسياقة الها قوانيين
اولا لازم تاخذ برمت تسوي امتحان برمت تروح تمتحن يا اما ينطوك امتحان نضري او على الورق اذا نجحت تعبر وتروح تتعلم سياقة ويا السايق الي راح يعلمك ولا سمحة الله اذا رسبت في البرمت لازم تعيد الامتحان
فا لازم انت تنجح بل برمت علمود تروح تتعلم سياقة واحد لازم سايق يعلمك قوانيين وهل اشياء
ومن تاخذ برمت وتعلمت سياقة
تروح تمتحن على لايسن يعني ايجازة سوق
وهذاك الوكت تكون مخلص كلشي وتكدر تروح وتجي بكيفك
واي استفسار اخر عن هذه المعلومات اني حاضرة
ولكن هذيه القوانيين في سان دييكو ونشالله تتطبق علة ولاية الي تريد
ونشالله الاخوان هنا يساعدوك
تحياتي
-
السلام عليكم
مدام عندك سوشيال سكيوريتي نمبر تروح تقدم حالك حال اي امريكي ومثل مكالت الاخت حنان الاجراءات نفسها بس اكو ولاية عن ولاية تختلف ببعض القوانين
مثلا اريزونا السرعة القصوى عدهم 70 بس بكاليفورنيا 65 وهكذا
بكاليفورنيا من تاريخ 1 7 2008 انمنع استخدام الجوال بداخل السيارة لا رسائل ولا كلام ما عدا اذا عندك بلوتوث بس هذا القانون مامطبق بكل امريكا بس بعض الولايات
تحياتي
-
هذا الايميل مال الاشخاص الي يعلمون سياقة وعندهم القوانين لكل الولايات
visit us at : www.ozoor.com
www.allstarscdl.com
راسلهم واسالهم شما تريد 00
-
اهلا اخر علي جبار
كلامك صح الجوالات منعهم من زمان بس هم يرجعون يحجون ونشالله هم ما يخلون احد يحجي بسيارة لان دا اتصير حوادث من ورا هل شي لان تلفون يشغل بالك بسيارة احسن شي يمنعهم ويطلعون البلوتوث احسن
تحياتي
-
اخوان اكو قوانين لازم تتعلموها قبل كل شي والاشاراة الي مكتوبة بالشوارع وقطع هم موجود مكتوب عليها سرعة الشارع خلي اكتب بعض القوانين الي على بالي
1- حزام الامام الك والي جالس بصفك
2- السياقة حسب سرعة الشارع وحتى لو عبر خمس نقاط ما يهم بس اكو شوارع ما يسامحون بيها اي نقطة زايدة مثل شواع تكون قريبة يم المدرسة وتكون مكتوب سرعتها 25 لازم نهائيا ما تعبر الرقم
3- الاطفال لحد العمر خمس سنوات لازم يكونون بالكرسي المخصص لهم كرسي خاص يسموه هنا ( كارسيد )
4- ممنوع منعا باتا الشرب قبل ولا اثناء السياقة غرامتها 5000 خمس الاف دولار وسجن خمس سنين
5- التكلم بالهاتف اثناء السياقة ممنوع وغرامة 500 دولار مع نقاط في الكردت مال سياقة وزيادة التامين طبعا
يوجد مواقف لللسيارة قسم منها مخصص للمعوقين وقسم منها لاصحاب الدوائرة او اصحاب الاستورات الكبيرة يعني مال موظفين واكو هم موافق خاصة للسياراة الكبيرة
6- يوجد قطع خاصة موجودة بجانب كل المحلات والدوائرة مكتوب عليها موقف خاص للاطفائية ممنوع منعا باتا الوقوف بجانبها
7- يوجد شواع قسم منها مكتوب هذا الشارع للدخول فقط واخر مكتوب العكس لازم الانتباه قبل الدخول الى الشارع حتى تتجنب الحوادث لا سامح اللة
المهم في السياقة هو ان تعرف ان تقراء اسم القطع المكتوبة 000واذا اتذكر شي اخر سوف اكتبة لكم مع خالص تحياتي
-
اكيد انجي هاي من يطلع ويا السايق يتعملها اكيد هل شغلات
بس المهم شلون راح ياخذها
وتعليمات انجي كلش حلوة عاشت ايدج على المجهود واكيد هلى نقاط جدا مهما
تحياتي
-
والله يا عيني الوضع جدا مختلف هنا في ولاية آيداهو : من الرضيع الى المعمر( يعني عمره 90 وفوك) ينطوه اجازة سوق هنا لسبب بسيط اعتقد لان الولاية مابيهة ولا وسيلة مواصلات وحدة يعني لا اكو تكسي ولا باص فقط السيارات الخصوصي , شغلة مضحكة مو ؟ الاخوان العراقيين هنا همة وزوجاتهم وابنائهم راحو بيوم واحد امتحنو والنظري والعملي وكللللللللللللهم نجحو , المهم تعرف تكعد ورة استيرن وتدوس بانزين واحنة خربانين عليهم من الضحك لانه بحياتنة مشايفين هيجي امتحان سهل حتى بالعراق ماكو هيجي شي ;D ???
-
اخواني اهنا عدنا في اوماها نبراسكا
اولا ينطوك كتاب تقراه وترجع لهم وتمتحن على الكومبيوتر وينطوك صور واتجاوب عليها
اذا نجحت راح ينطوك اجازة مؤقتة للسياقة وميصير اتسوق وحدك لازم واحد عندة اجازة دائمية يصعد وياك بكل مكان
ثانيا من تتعلم اتسوق زين اتروح وتملي استمارة ثانية ويمتحنك الشخص الموظف ولازم تصعد وحدك وياه
واذا نجحت راح اتطلع اجازة دائمية واذا رسبت راح ايكلك الخطا وينطيك موعد ثاني الى ان تنجح
وبالموفقية للللللجميع
-
اخي بالنسبه لكالفورينا ماسامعه اكو اي تغير بقياده السياره,,,بعدها نفس القوانين,,, بالنسبه بغير ولايات ماعرف
-
يسلمو حبايبي على الاجابات انشاء الله بس اوصل اقدم على اجازة سوق لو مالت قطار لو مالت باخرة
مع اني لا اعرف اسوق سيارة ولا حتى بايسكل ههههههه
بالتوفيق للجميع