ankawa
منتدى الهجرة واللجوء => الهجرة و واللاجئين => الموضوع حرر بواسطة: عكعك التطوى في 01:15 06/06/2009
-
ارجوا من الاخوه الي مقدمين على SIV من الاجابه على الاخ osiraq
وهذا نص موضوعه
osiraq
السلام عليكم و اشكرك صاحب هاي المبادره الرائعه
عندي كم سؤال أتمنى الاجابة عليهن و شكرأ
1-اذا شخص انحط بل black list كيف يكدر يطلع او يتخلص من هاي الشغله ؟
2- هل يكدر يشتغل مع شركة امريكيه اخرى ؟
3- ما هي اسباب ادخال الشخص في القائمه السوداء ؟ و ان حصل هذا هل هناك حل ؟؟
4- هل يدخلون الشخص الى القائمه السوداء بعد ان يعمل و يرتكب اخطاء ؟ ام يجوز لهم وضعه في القائمه السوداء حتى قبل ان يعمل اذا ارتكب خطأ اقصد قبل ان يباشر علمه كمترجم اوا وا وا
تحياتي لكم
-
أخ عكعك شكرا على هذه المبادره الطيبه من حضرتك
بالنسبة لاستفسارات الاخ صاحب الموضوع اعتقد ان لا احد يستطيع البت بهذه القضيه طالما ان موضوع البلاك لست يعتمد على السبب وهذا الجواب للموضوع كله.
مع التقدير
-
siv2007
اشكر تعاونك اخي العزيز الله يبارك بيك وانشاء الله الاخ يوضح الاسباب
تحياتي وتمنياتي لك بالموفقيه
-
الاخ عكعك خلي يوضحلنا الاخ اكثر
هل دخل القائمة السوداء قبل او بعد العمل؟؟؟؟؟؟؟؟؟؟؟
والاسباب
-
أخ عكعك ..
أكيد الاسماء بالبلاك لست أكيد لأسباب قوية و مؤثره ....
أكيد صاحب العلاقة يعرف ليش خلو اسمه بهاي اللست ....
شوف شمسوي .....و يكدر أحد يشيل اسمه .....!!! ما أعرف ...
-
لعده اسباب ..واليطب بالبلاك لست ميكدر يطلع منهة لان ميدخلون احد ممسوي شي بالبلاك لست
ميكدر يشتغل ويه اي شركه امريكيه..هذا الاكدر اكلك عليه,,
-
لكاوبوي العراقي
البصير
MONSTER
شكرا لاهتمامك الله يبارك بيكم انشاءالله وان شاء الله صاحب الموضوع يوضح اكثر حتى الصوره توضح
تحياتي وتمنياتي لكم بالتوفيق
-
صديقي عكعك وصاحب السؤال
اللي يدخل المترجم الى بلاك لست هو شخص مدني او عسكري عنده هيجي صلاحية وممكن شخص اخر (او نفسه) عنده نفس الصلاحيات يشيله من هاي القائمة بس شلون ما اعرف غير انه المسالة يرادلهه محامي عالاكثر (ممتاكد) بس اكو اسالة لازم يجاوبهه بالاول:
1- هو شلون عرف انه هو اسمه ببلاك لست؟؟؟؟ هل همه اللي كالوله لان اني باعتقادي انه اللي اسمه ببلاك لست يكون لو ارهابي لو مختلس لو مسويله فد مكسورة كلش جبيرة الى درجة انه احتمال ينذب جوة
وبعد فد شي ثاني مو كل واحد ينطرد من شغله او يسووله fired او terminated يعني معناهه هو بالبلاك لست فاكو قسم من اخوانه يطلعوه من الشغل بسبب غياباته الهواية او تقاعسة عن اداء عمله او ضعف كفائته (اللغة بهالحالة) او بسبب مشاجرة بسيطة او جدل عنيف او كلمات بذيئة وية موضف جبير او ظابط برتبة عالية فهذا مو معناهه كبل بلاك لست.
فارجو ان يوضحلنه شلون عرف انه هو ببلاك لست وشنو نوع ال derogatory information اللي بالفايل مالته واذا ميعرف ممكن يلح على الشركة مالته واكيد اذا هو هواي مشتغل بيهه فراح يكون فد علاقات وية ناس ممكن يحصللوله هيجي معلومات
2- اذا كان مجرد مبطليه من الشغل بس هو مو ببلاك لست فيكدر ورى فترة يرجع للشركة اذا سمع انه عدهم نقص قوي وهم يتغاضون عن هيجي شغلات وهاية الطريقة جانت تفيد بال 2006 و 2007 لان جان الجيش بوضعية زيادة مو نقصان مو مثل هسه فاعتقد انه هاية الطريقة هسه متنجح
وارجع واعيد اذا هو مو ببلاك لست وانما فقط استغنوا عن خدماته فميكدر يشتغل بالجيش حصرا (ولو اذا عنده فد POC يعرفه شخصيا ويكدر يزكيه من جديد وراح يقابلوه مقابلة امنية عنيفة مثل مالة المحلفين وهو وشطارته او ممكن يراجع وحدة الجيش اللي مسؤولة عن منطقته اذا كلش مستقتل ويشوف شيكولوله)
على العموم بهالحالة يكدر يشتغل باي شركة امريكية قطاع خاص او منظمة امريكية غير حكومية بس هو ومؤهلاته اللي تجبرهم على قبولة ولغته وعلاقاته ولو راح تبقه هاية المعلومات المو حلوة بفايلة بقاعدة البيانات مالتهم واني افضل ان يرجع يشتغل مترجم بالجيش ويحاول كل الطرق حتى اهم شي يحصل مقابلة امنية حتى يشرح وجهة نظرة
وننتضر توضيحة ولو الموضوع شوية حساس
واعذروني من التقصير
-
عمي السلام عليكم
اذا مو غلطان ولو ذاكرتي تعبانة بس اتصور العينتين صاحب الموضوع السؤال كتب موضوع قبل مدة وما ادري وين راح الموضوع لو انحذف لو صار بالصفحات الخلفية
اتذكر انه كال انه من اول يوم لزمو عنده دفتر مذكرات وهو كاتب عن اسرائيل او امبرالية ومن هالسوالف ودخلوا تحقيق 3 ساعات وبعدين كالوه اله انه انته ما تشتغل ويانا والموظفة المصرية كالت اله هي متعاطفة وياه
ارجو ان اكون مو متذكر بالخطا لو بالمقلوب
ابو الحسن
-
اشكر اهتمامك اخ فينوس وشكرا على الجواب الوافي وانشاءالله ننتظر الاخ صاحب الموضوع يجاوب لان راح والروحه روحه
عمي ابو الحسن
عليكم السلام ورحمه الله وبركاته الله ينطيك الصحه وطولت العمر والله ما ادري يا عمي لان صاحب الموضوع اختفى وانشاء الله بظهوره توضح بارك الله بيك
تحياتي للجميع
-
هذا رابط موضوعه السابق الي نوه عليه عمنا ابو الحسن وارسله لنا مشكورا ونطرحه امامكم
http://www.ankawa.com/forum/index.php?topic=304194.0
-
اخواني .....
الي ماعنده خلفيه على الموضوع و الي يحب يساعدك اكثر الرجاء الدخول على اللنكات ادناه:
http://www.ankawa.com/forum/index.php/topic,305737.msg3909261.html#msg3909261
http://www.ankawa.com/forum/index.php/topic,304561.0.html
http://www.ankawa.com/forum/index.php/topic,304194.msg3898053.html#msg3898053
-
BaghdadGhost
مشكر اخي شبح على المجهود الله يبارك بيك
-
عكعك اخوية اني على ذاك موضوعة هم هواي سولفتلة وشرحتله بس شو هسه هو ماكو؟؟؟