ankawa
منتدى الهجرة واللجوء => الهجرة و واللاجئين => الموضوع حرر بواسطة: عراقي دايخ في 08:05 07/06/2009
-
السلام عليكم ورحمة الله وبركاته
اخواني خواتي .. طبعاً من فتره واني ابحث بالنت عن اي شي يتعلق بالخروج من العراق وقريت اشياء هوايه بعنكاوا قبل ما اسجل بس ما افتهمت القصه بالضبط لهذا قررت اسجل وافتح موضوع اطلب بيه من حضراتكم تساعدوني وتشرحولي الخطوات المطلوبة مني حتى اطلع خارج العراق من الألف إلى الياء .
لأن اني ما اعرف شأسوي وببغداد كل شويه واحد يحجيلي حجايه شكل .. علماً اني ما مشتغل ويه القوات الامريكية يعني ما عندي ريكومنديشن ولا هاي الشغلات . بس العراق بعد ميفيد .
تحياتي الكم واشكركم على المساعده مقدماً يا ورود
-
الاخ العزيز عراقي دايخ لو مضيم كله نفس الشي مو :( حسب تجربتي الشخصية وترجبة مئات الالوف من ابناء الشعب العراقي اللي همينة ادوخ من حظرتك م الاحترام الشديد لشخص حظرتك الخطوة الفعلية الحقيقية والاولى هية طبعا الخروج من الحدود العراقية لاحد الدول العربية المجاورة للعراق ( مع كونها ليست شقيقة اطلاقا وخصوصا العربية منها!!) خليني اكون معك صريحة شوية ميخالف ;D .
خطوة الخروج من سجن العراق الكبير هية الخطوة الحقيقية والامل الوحيد بحياة مختلفة تماما عن حياتنة اللي عشناها في العراق. يبقى بعدين اخي مظيم لازم تتحمل وتظيم ثانية بس نوع الظيم هذه المرة ممن اخوانك العرب في الدول المجاورة الموووو شقيقة ابدا :-X. والله العظيم انا شخص لست بالمتشائم او يميل الى الغم كام قد يتصور البعض عند قراءت تعليقي هذا ولكن حتى يكون الاخوة العراقيين جادين جدا جدا في التفكير بمغادرة العلراق واتخاذ مثل هذه الخطوة الجبارة ( الخروج من الحدود العراقية بدون اللالتفات الى الوراء ومحاولة غظ النظر عن كل ذكريات العمر الحلوة والمرة ( طبعا معظمهة مرة بوطننا التعيس مع كل الاسف والالم الشديد)
خطوة الخروج ممن العراق بلا رجعة تعني تضحيات كبيرة واستعداد تااااااااام من ناحيتين الاولى الامكانية المادية الجيدة جدا ( حتى ماتضطر تنام على الرصيف من تخلص فلوسك وترجعك السلطات ال ........... ايا كانت الدولة العربية التي تختارها ترجعك او ترميك على الحدود الغربية العراقية وانت اكيد تعرف ما اعنيه من آكلي لحوم البشر في تلك الجهة من العراق :
الناحية المهمة الاخرى هية الناحية الاخرى هية طبعا قوة العزيمة وعدم اليأس من يصحلك فد موظف عراقي او عربي يطمر ملفك في الامم المتحدة سنة بعد الاخرى لاسباب الله وحده يعلمهة يعني لازم تفكر بذكاء ويكون سكنك اقرب شي على مفوضية الامم المتحدة حتى بين يوم و الثاني تسويلهم زيارة ( نق على روسهم ) حتى يتحرك ملفك شوية اسرع ;
عفوا ما اردت ان اطيل عليك ولا على القراء الكرام ولكن والله محد وصل لاميركا او اية ولة ل جؤ اخرى اذا ما كان ذاق عذاب ما بعده عذاب للوصول لهذه المرلة اللى لحد الآن مندري شنو مصيرنة وشغلنة ومستقبل اطفالنة بس همينة نكول الحمد لله احنة هوااااااااااااااااااااااية احسن من ملايين العراقيين الذيين يذوقون االعذاب لحد هذه اللححظة في بلد لن ارى له اي مستقبل لا لابنائي ولا حتى احفادي
وعذرا على الاطالة اخي الكريم ودمتDo
-
طبعاً جدا اشكر اهتمامك وتجاوبك ويايه اختي العزيزة
يعني برأيك اول خطوة هي اطلع لسوريا مثلاً ومن بعدها اتحرك
طيب طلعت لسوريا وبعدين ؟ وين اروح ؟ على اليو ان ؟ شنو الشروط المطلوبة ؟
شنو اللي لازم اخذه ويايه من مستمسكات ؟ علما انني متزوج منذ 8 اشهر وانتظر مولود ان شاء الله .
-
اخي العزيز عراقي طبعا سبق ونوهت لحظرتك انه كل انسان وظروفه الخاصة اللي هوة ادرة بيهة.ولكن اكو امور تخليهة في بالك لحظة التفكير الجدي بالخروج من العراق لان هذه الخطوة جبارة وجريئة جد ا جدا يعني بعدهة ضيم و تعب وصبررررررر حقيقي :)
لو اردت رايي الخاص آنا ما اعتبر التوجه الى سوريا خطوة صحيحة لان اعداد العراقيين فيها كبير جدا جدا يعني فرصتك جدا قليلة من هذه الناحية وهواية عراقيين اضطرو الى العودة لانهم يأسو من مرحلة اعادة التوطين حتى , فكيف السفر الدولة اللجؤ !!!!
على العموم يفضل دولة تسير فيها معاملة اللجؤ اسرع من غيرها , على سبيل المثال عندك لبنان او حتى تركيا . هاتان الدولتان افضل بكثير من سوريا او عمان صدقني . حضرتك اكيد اعلم بظروفك المادية الخاصة بيك ( الموضوع كلة حضرة فلوس يعني مو الف والفين ترة تحط ببالك فد 25 الى 35 الف دولار وانت عايش قيط بالقرميط وهذا الكلام واقعي جدا صدقني)ل , والاجتماعية طبعا ان شااله يرزقك بالطفل المنتظر وبعدين هذه الخطوة, بس نبه المدام ان تدير بالهة من نا حية دفتر اللقاحات وين متروح خلي تاخذه وياهة ومن توصل اميركا خلي اترجمة ترجمة جيدة حتى يعترفون بيه ترة اعادة اللقاح للاطفال جدا مو صحي عليه ومن الله التوفيق.
-
بالمناسبة تأخذ وياك كل اوراقك الرسمية مصدقة من شهادة الروضة الى الكلية او بعد الكلية + عقد الزواج + شهادة الولادة يعني كل شي اصلي جدا مو تزوير , ولا تنسى حتى اجازة السوق مهمة في الدول العربية فقط.
-
عمي الله يساعدهم
طبعا تاج راسي ام ميومي ماخلت شي ما شرحته الك والف رحمة على والديها
اني اؤيد الكلام اعلاه
يجوز تكول سوريا رخيصة بس تعال عمي احسبها حساب عرب
4 سنوات بدولة رخيصة احسن ؟لو سنة وشوية بدولة غالية ؟
4 سنوات بدولة يومية جاك الذيب جاك الواوي ؟لو سنة وشوية بدولة كتاب الامم وهوية اللاجي معترف بي ؟
عمي اني رايي توكل على الله واطلع لتركيا صح غالية شوية بس ارحم عمي
ولاتكولي لغة انته رايح تخطب بيهم انته تقدم على الامم وهناك الف مترجم ويا الامم
بس اهم شي تسويلك قصة مرتبة ومعقولة
الله يسهل عليكم عمي
ابو الحسن
-
عيني اخ دايخ انت ليش ما تقدم من بغداد بدل البهذلة وصرف الفلوس بسوريا لو بغير مكان ؟.. تكدر تحضر ارواقك كلها وتقدمها من بغداد والشغلة كلها ايميلات يعني حتى روحة وجية ماكو... بس جيب اوارق تثبت عملك ويه الاميركان علمود قضيتك تكون مضبطة ...حاول تلكي عناوين الى اشتغل وياهم او ايميلاتهم خلي يدزولك ركيومنديشن احسن .. او تجيب شهادة تاييد خدمة من شركة الى عينتك ويه القوات الاميريكية .. وبعد اكو هوايةتفاصيل يكدر الاخوة (فجنسزو وشبح بغداد ونور 2وبعد هواية اخوان) هذولة احسن مصدر معلومات موثوق بيهم وعدهم وكفات حلوة ويه اعضاء المنتدى اكو غيره اخوان هم يكدرون يساعدون حاول تراسلهم على الخاص وصدكني مراح تندم اني اتمنى اكون ساعدتك بشي بسيط
-
والله ما اعرف شأحجي .. وشأكول
اخاف جنت دايخ هسه دخت تلث قوط واربع جينزات وبلوزين
اني اختاريت سوريا لأن اولاً رخيصة ثانياً عندي عرف هوايه بيها
ام ميومي اختي الغالية ما قصرتي بس مسألة 35000$ دولار صعبة مو بس صعبه لا كلش صعبه
اخويه ابو الحسن اكو مثل عدنه يكول الشين التعرفه احسن من زين الما تعرفه وهذا للأسف مثل خاطيء بس 99% من العراقيين يمشون عليه .
سوزي الوردة اني ما عندي عمل ويه الامريكان مباشر بس اشتغلت بشركة مال مقاولات وتشتغل ويه الامريكان وشغلي جان اداري يعني شغلة الريكومنديشنات صعبة اذا ما جانت مستحيلة
طبعاً حيل فرحت لأن لكيت هذا التعاون ويايه والتجاوب السريع وفعلاً متندم لأن ما سجلت بمنتديات عنكاوا من زمان واكيد انتوا دتساعدون لأن ضكتوا اللوعه قبلنه .
الله يفرجها على كل عراقي ان شاء الله .. ولحد هسه ما اعرف شراح اسوي
-
اخى العزيز ممكن ان تختار لبنان للتقديم الى الامم المتحدة لان الاجرائات افضل واسرع من سوريا وفرصة العمل فيها لا باس ممكن تطلع ايجارك ومصروفك بالحد الادنى وانى حاضر لمساعدتك باى شى اخوك باسل
-
حبيبي باسل .. والله ما تقصر
بس لو تنطيني تخمين مثلا برايك شكد تطول عملية الخروج من لبنان
والعيشة بلبنان شلونها ؟ ايجار مصرف ؟ هاي الشغلات
وشتنصحني اطلع اني وعائلتي لو اخليهم بالعراق واطلع ؟
-
اخى العزيز عملية الخروج من لبنان ليست اقل من سنه وانصحك ان تطلع مع عائلتك والعيشة ممكن ان تتحكم بيها انت بنفسك حسب امكانياتك اكو ايجار ب1000دولار واكو ايجار ب300دولار واغلب العراقيين يعيشون فى مناطق البوشرية والزعترية والضاحية وفيها الايجارات معقولة واكيد المصرف اقل من غير مكان وعندى كثير من الاصدقاء هناك ويشتغلون ومدبرين حالهم شكرا تقبل تحياتى
-
زين حبي بلال الطلعه للبنان شلون ؟ ماكو فيزا من العراق ؟
واذا على حسابك اكثر من سنه يعني خل نكول 600$ شهرياً ينراد مصرف وايجار يعني 7200$ بالسنة
والله ما اعرف
-
اخى العزيز ممكن تحصل على الفيزا من بغداد من السفارة اللبنانية فى الوزيرية حسب معلوماتى وممكن تاخذ الفيزا بالمطار مع حجز فندق و2000دولار لكل شخص وتكون الفيزا سياحية لمدة شهر مقابل 34 دولار وبامكانك تمديدها لشهرين اضافيين ووراها تستطيع ان تتجاوز على الاقامة بشرط ان تكون حذر بالتنقل لان ورقة الامم المتحدة لا تحميك وبالنسبة للحكومة اللبنانية ليست هناك ملاحقة قانونية للعراقيين المتجاوزين واذا كان عندك اولاد ممكن ان تسجلهم بالمدارس وتاخذ اقامة الهم ولوالدتهم وانى حاضر لاى سوال واذا تريد ادز الك ايميلى حتى نحجى براحتنا
-
مرحبا اخي عراقي دايخ انشاء الله تلكيلك حل وتسهل امورك شغلتي مثل شغلتك بس الاخوان مايقصرون لان عدهم نسبة عالية من الشهامة
-
اخي العزيز عراقي دايخ بعد التحية والسلام
كل ماتفضل اخي باسل بلالو هو صحيح .واهنا بلبنان العراقين متعاونين والامم المتحده اول ماتوصل
لبنان اتروح اتسجل بيه وتنطيك موعد اول مقابلة بعد 45 يوم . واكو شغل اهنا بس انت اسعة والله
يسهلة عليك .وللتنويه فقط .احجز فندق مع حجز الطائره هو يضمن دخولك الى لبنان لمده 2او3 ايام
-
اخي العزيز اني هم جنت دايخ لاي دوله اسافر لكن بعد اراء الاخوه جزاهم الله كل الخير في المنتدى قررت ان اذهب الى تركيا ومثل ما كالولك سنه غلاء احسن من اربع سنين رخص لكن مراره والامل ضعيف اخوك عنده تجارب بالسفر اهواىوانصحك ان تروح اما الى تركيا واما الى لبنان واسال الله ان يوفقك وجميع اسره المنتدى مع تحياتي
-
الاخ العزيز الاخوان طرحو الموضوع بصورة كافيه
والصراحه مخلولي شي اكوله
تحياتي
-
اخي العزيز عراقي دايخ
اذا تريد تجي لتركيا خلي في بالك مو اقل من سنة
وبالنسبة للمصاريف اذا تمسك ايدك زين وتعيش بالمدن مو بانقرة او اسطنبول تصرف شهريا تقريبا 500 $ بس اذا اتجيب وياك مواد غذائية ومستلزمات منزلية راح تقلل من مصرفك
واذا عندك طفل انصحك نصيحة مجرب جيب وياك حليب اطفال وحفاضات وادوية لان كلش غالية
وبالتوفيق ان شاء الله