ankawa
منتدى الهجرة واللجوء => الهجرة و واللاجئين => الموضوع حرر بواسطة: ام ميومي في 09:13 07/06/2009
-
البطاقة الخضراء ( الكرين كارت) ودعابة العودة الى العراق !!!!!!!!!!!!!
لو سمحتم يا اخواتي واخواني اللاجئين العراقيين لو سمحتم اود ان اسمع من احدكم ردا على تساؤلي عن عن الفكرة غير المنطقية تماما بالتفكير والعودة الى البلد المنكوب العراق والذي حصلتم على حق اللجؤ بسبب كونه ( منكوب وفي حالة حرب وعدم استقرار دائم ) بعد حصولكم على البطاقة الخضراء (الكرين كارت) هل حقا هناك من لاجئ يفكر مجرد التفكير بالعودة الى العراق؟؟؟؟!!!!!!!!!!!!
واذا كان العراق بخير ويمكن للمواطن العراقي ان يحيا ويعيش فيه كونه بلد كباقي دول العالم الاخرى !!!!!!! فلم كل هذا العناء والضيم والصبر سنون وسنون وسنون على الذهاب كلاجئي حرب ؟ اما كان من الاجدر بالاخوان الذين يمكنهم البقاء في العراق والعيش فيه مع كل ظروفه الغير طبيعية دوما اما كان يجدر بهم اعطاء الفرصة للاناس المهددة اعراضهم واموالهم وحياتهم للحصول على سبق الوصول الى اميركا وغيرها للنجاة بمى تبقى منهم ؟؟؟؟؟؟؟؟؟؟
يرجى التذكير بحقيقة انه يوجد ملايين الملفات في الامم المتحدة وكل حسب دوره كما تدعي مفوضية الامم المتحدة اي ان الانسان قد يخسر حياته هدرا بالانتظار المضني سنوات عديدة من دون ان يحصل على حق اللجؤ في الوقت الذي يحصل عليه اناس يفكرون بالعودة السريعة الى العراق حالما يحصلون على الكرين كارت !!! ؟؟؟؟
يا الآهي مالذي يحصل !!!
يا اخوان ارجوكم رجاء انساني اللي ما مضطر يطلع من العراق وحياتة ماشية بشكل مريح نوعا ما ماكو داعي اصلا يقدم ملفه للامم المتحدة ترة اكو ناس مديوصلهة الدور وهمة في اشد الحاجة لللجؤ الى اميركا او غيرها للنجاة بأغلى ما عندهم ( حق الحياة والتنفس بحرية)
وعسى ان يحب الانسان الخير لاخيه الانسان .............. وما كان احد ضيم بهذه الدنيا الزائلة
ودمتم
-
اني اضم صوتي الى صوتك بموضوع عدم اخذ فرصة الغير وخاصة المهددين والمهجرين في برنامج اللجوء
من قبل ملفقين القصص وجماعة خل نلروح نتونس ثمان اشهر
ولكن اضع استثناء بسيط لجماعة الهجرة الخاصة فهم احرار بالعودة او البقاء او حتى لو يذبون الكرين كارد بالشط فبرنامجهم خاص لأنهم عملوا مع القوات الامريكية ومصيرهم مجهول بعد رحيل القوات........
-
يا عمي مو نسولف ونكول اللجوء صار مودة
يلة خلي نروح لامريكا نشوف شكو ماكو ومايدري اكو ناس بس تريد تحصل امان واستقرار حتى لو بجزر القمر ( مع ملاحظة انه جزر القمر ماتنطي فيزة للجواز العراقي )
ابو الحسن
-
طبعا اني اضم صوتي الى اصواتكم ... العراقيين ببغداد روحهم تطلع الف مرة حتهة يطلعون بس من العراق ومن يوصلون الى امريكا تشتغل رحمة الله... ها انريد نرجع زيارة... عدنهة متعلقات... وكثير من الاشياء... والله اني ماشفت بطر بالعالم مثل بطر العراقيين(الغالبية وليس الكل) وشسويلهم ومهما فعلت.. تبقهة انتة مقصر ... اخواني انتة اذا حياتك كلش زينة وامورك ماشية بالعراق يابة انتة ليش اتريد تطلع لعد؟؟؟ بس اريدكم اتجاوبوني؟؟!!!
-
[hهذا الموضوع له ابعاد كبيره فكما تعرف عزيزي في لبنان كل روؤس الاموال والتأثير على السلطه هو بيد من كانو سابقاً في بلدان اجنبيه ولهم اكثر من جنسيه وهذا شي صحي للبلد يعني بعد عشرات السنيين اذا رجع قسم كبير من العراقيين مع دعم مالي وعلمي واجتماعي وانساني يفيدون البلد بي شنو الي نخسره وهذا التخطيط البعيد وديطبق حالياً بس صدكني يكونون احسن من السيايسات الطائفيه والمتخلفه التي على الساحه الحاليه .r]
-
طبعا اني ائيدكم بهذا الكلام بس هوايه ناس راحت بدون سبب ورجعت بس اخذت حق مو الها هي هاي الانانيه
يعني واحد ويايه بمقابله المحلفين كلي اني متمكن وابني يشتغل فنان مطرب راتبه٨٠٠٠$ واخر موديل السيارات عدنه بس شسوي ولدي جابريني على الطلعه (ملاحظه هو مقيم بالبنان وزوجته لبنانيه وعنده ولد ثنين وبنيه) وقيسوا
هوايه ناس متفكر بغيرها بس تاخذ فرصت غيرها وضيعها لان يرجعون يرجعون
تحياتي
ساسي
-
السلام عليكماكو ناس دتروح لمجرد موده مثل ما كال ابو الحسن وهمه ممحتاجيه ودينافسون غيرهم اللي همه احق بأن يلكون بلد يلمهم بعد الاهوال اللي شافوها بالعراق او دول الجوار.
المؤسف بالموضوع هو قبولهم كلاجئين ومتعرف من وين يجيبون القصة مالتهم ويصدكوهم واللي يكول الحقيقة يرفضون توطينه لان ماعنده سبب مقنع بالاضافة الى موضوع اني سامع بيه هو "أدفع علمود نسرع الملف مالتك".
يمكن اللي يقرأ الردود يكول هذوله متحاملين على اللي ديرحون او حاسديهم وهذا الشي مو صحيح بس اللي الناس تطمحله تحقيق العدالة في موضوع التوطين.
الله يحقق أمنيات الجميع وتوصلون كلكم بالسلامة الى ملاذكم الآمن.
تقبلوا مروري
عيني بغداد
-
طبعا كلام منطقي لكن السؤال المهم هو ليش يرجع هنا تسكب العبرات هنا هو الموضوع اللي يجب نقاشه بما معناه انه غير محتاج لهذا اللجوء لكن من يجري عملية القياس هم اللي اعادو توطينهم فمثلا مثل ما تفضلتو انه كثر منهم غير محتاج وانه حالة المادية والامنية جيدة لكن المفوضية وما ادراك ما المفوضية هي منظمة غبية لا تفرق بين الابيض والاسود وانه اكثر من 70 % من اللذين تم اعادة توطينهم هم ليسو بحاجة اليه والا فعليهم فرض قيود شديدة على من يرغب بالعودة مثلا تحيله كافة المصاريف التي تم صرفها عليه من راتب الموظفين الى اجرة الطيارة والى الاقامة وفترتها وحتى الفود ستامب لو كانت هناك هكذا اجراءات لفكرو الف مرة قبل ان يأخذو حق غيرهم في الانتظار
-
لا اعتقد ان عدد المتقدمين على اللجوء له علاقه بتسريع عمليه قبول اللاجئين وذالك اذا اخذنا بنظر الاعتبار عدد الدول المستقبله للاجئين.ومما يؤكد هذا الكلام هو الاطلاع على حالات طلب اللجؤء لمواطنين دول اخرى هم في اوضاع اشد حاجه كالصومال مثلا .فقضاياهم تاخذ اوقات طويله جدا مما يضطر الكثير منهم لاتباع وسائل التهريب (القجغ) .يعني الشغله ما واكفه على امريكا فقط اكو كثير من الدول تستقبل حاليا ولكن المساله هي روتين.ثم ان هنالك بعض الناس وخاصه العوائل منهم قد يصدموا بمشكله اختلاف الثقافات اخذين بنظر الاعتبار المساله الاخلاقيه وتربيه الاطفال مما قد يؤثر في تغيير رايهم بشان البقاء في دول المهجر. الكثير منكم يذكر العراقيين الذين تقدموا بطلبات لجوء في ايام الحكم السابق (ولم يكن بالامكان لاعداد كبيره من العراقيين ان ذاك السفر) اي ان الاعداد كانت قليله ولكن كان عليهم الانتظار لاوقات طويله بعض الاحيان
-
اختي والله صحيح هوايه عراقيين متعذبين بدول الجوار ومعاملاتهم دتطول وجاي يروح عمرهم بالخالي بلاش
بس صدكي هاي مو بسبب احد...هذا الحجي تكولي لليو ان..
اكو ناس ذبت روحهة بالموت يله كدرو يحصلون هيجي فرصه بينما البقيه كاعدين بامان بدول الجوار,,
واذا هيجي مهددين (للحصول على سبق الوصول الى اميركا وغيرها للنجاة بمى تبقى منهم ؟؟؟؟؟؟؟؟؟؟),, زين ليش امريكا اكو الهند 3 ورقات تعيشج انتي والعائله الكريمه مليون سنه,,
او رجعو للعراق ليش عمركم ديروح بالخالي بلاش الوضع امان وكلشي ماكو,,
بالنسبه لجماعه الكرين كارد همه هجره مو لجوء اتمنه عرفتي الفرق اختي العزيزه,,
تحياتي,,
-
والله يا اخت ام ميومي مثل مكال عمنة ابو الحسن مبين انه اللجوء صاير مودة واعتب علة اليوان لانه دتدخل هيجي نماذج لامريكا يعني قبل كم يوم وحدة بالمنتدة ما اريد اذكر اسمها هي تعرف نفسها دتستفسر مني عن طريق الايميل شلون دتروح لتركيا حتى تقدم علة اليو ان لانه اني كنت بتركيا واجيت علة امريكا عن طريق يو ان تركيا ومن خلال اسالتي الها تبين انه هي في منطقة امينة في شمال العراق وابوها وامها دكاترة يعني طاكين بالشمال واول استفسار كان الها شنو هو تعتقدين( اريدك تسالي بامريكا نكدر نشري بيت اول منوصل لو لا لانه احنا نريد نشتري بيت) وبعدين تكلي انريد نفتح سوبر ماركت بامريكا نكدر لو لا وبعدين تستفسر من اعضاء المنتدة تكوللهم اهلي يكدرون ياخذون تقاعد لو لا يعني مخلص الحجي انه الجماعة يريدون يقفصون علة كلشي وميخلون شي للفقرة المحتاجين والناس الصدك تعبانة زين اللي عندة اقل شي فد 20 دفتر كاش هم يحتاج فلوس تقاعد من الدولة وهي 500 او 600 دولار هاي نموذج من النماذج واكو هواية ناس هنانة بولايتي يكولج من اخذ كرين كارد ارجع للعراق انعل ابو امريكا شنسوي بامريكا اي طبعا اذا انتو كنتو كاعدين يمكن بالشمال ماكو خطر عليكم لو علة اعراضكم لو علة مالكم وبعدين تجون لامريكا بلد الشغل والتعب وتنصدمون بالواقع طبعا راح تكولون من ناخذ كرين كارد ارجع
-
اخوان موضوعكم حلو واني معاكم 100%
احيانا تطاردني كوابيس اني رجعت للعراق وواجهت الموت هناك بسبب الاحداث الي مريت بيها بالماضي والتهجير والخوف ولما اصحى من الكابوس اشوف نفسي بأمريكا لهذا اني مقرر ابدا ما ارجع للعراق حتى لو لمناطق امنة ، هنا الحياة الجديدة ولازم نفكر اشون نبني مستقبلنا وما نباوع للخلف لان اللي يباوع للخلف يعثر ويوكع ...
تقبلو تحياتي
المبرمج العراقي
كاليفورنيا
-
الشكر جزيل الشكر لآرائكم البناءة اخواتي واخواني العراقيين الاصلاء, ولكن آني نوهت بعبارتي الاخيرة عسى ان تعدل انانية وجشع النفوس الضعيفة في الحصول على كل شئ في الحياة وترك اخوهم الانسان الآخر ( اخوهم العراقي المضيم) من دون اي شئ قد يصل الى سلب الحياة والروح !! حب لاخيك ما تحب لنفسك فما بالك الظروف المروعة التي مرت علينا نحن الشعب العراقي المظلوم دوما
لو تمنيت الخير لغيري مثل ما اتمناه لنفسي لكنا اصبحنا افضل و ارقى شعب عرفته البشرية ولكن وآ اسفاه :(
ودمتم سالمين
-
اخوان اكو هواي اعضاء ويانة 24 ساعة يبجون من الاضطهاد اللي عانوا منه بالعراق واول ما يوصلون لامريكا يكتبون بالمنتدى موضوع يسالون بيه على اسعار القصور ببفرلي هيلز بلوس انجلس لو اسعار السيارات موديل 2017 وهمه ذبحو روحهم بمناقشة مواضيع المساعدات الحكومية
فاعتقد هيجي ناس مليانين تناقضات كانوا يكذبون على نفسهم حسب قاعدة "اكذب حتى تصدق كذبتك" وهمه ما عدهم مشكلة بالبقاء بالعراق او السفر لاي مكان بالعالم بفلوسهم وانما سمعوا بالفزعة اللي صايرة بدول الجوار عالامم المتحدة وركضوا....مال بلاش .... واكوا فد عضو قديم جانت كل مواضيعة مسوية عندي قرحة من الكابة مال امريكا ومسويهه ظلمة بامريكا الى ان واحد من الاعضاء راح لنفس ولايته ومدينته وكشف انه الاخ عندة بيت ضخم وسيارة احدث موديل اله وكل فرد من عائلته وكلهه بالدين ولا شغل ولا عمل ومتفنن بالملاعيب لتحصيل كل انواع المساعدات
والله كريم
-
والله اختي كلامك ذهب بس شنو بأيدنه هذاك اليوم كان عندي موعد بالهجرة وبصراحة قبل لاادخل للمنظمة عجبني السيارات الاحدث موديل واقفة امام لمنظمة ورقمه عراق بغداد ففعلا اكو ناس رايح للونسة فقط وبعدين من دخلت شفت ايضا موقف اخر وهو احدى البنات الشابات كان عده موعد دورة طبعا لابسه لبس حفلات و الذهب ماشاء الله الله يرزقه بس اتصور لازم الشخص يراعي الاخريت يعني بهكذا مكان مو مال كشخة و بعدين اثناء الانتظار وقفت بالخارج و طلعت الجكاير و عمري ماشايف وحده او واحد مثلها يتفنن بخروج الدخان ( تتفيك ) فانا لله بس هو كله ترجع بيد الله يعني لو الله قاسملك تروح تروح خصبن على كل هيك نماذج
أخوك رافد
-
اخواني الاعزاء راح اشاركم الراي وانطيكم فكرتي وانتو بكيفكم وانا احجي عن نفسي
انا كنت اشتغل مع الامريكان والله خلصنا من الموت والحمدلله كدرت افلت وتصوروا من رحت لبنان انا والعائله شفت ناس بالقريه جانوا ماعدهم شي على كولة ابو الحسن موده طالعين وكاعدين والمشكله بالامم ماتفرق بالعكس الامم سبب المشكله ماعدها اولويات صدكوني بقيت سنه و8 اشهر
على ماطلعت واهل القريه ماطولوا 9 اشهر شوف الظلم وتبقى مسالة الرجعه للعراق الحنين للاهل والاصدقاء بس لان الواحد بشنو يفكر بالكهرباء الغير متوفره لو اقاربي المسكين توفى والمستشفى ماعدهم ثلاجه يحتفظون بجثته ودوه اهله امنوه يم الحارس بالمقبره شوفوا الظلم على العراقي المسكين اوف اوف بعد مااكدر اكمل عذروني
-
السلام عليكم
مايفيد الحجي .. هوايه حجينا وماكوا فايده .
ابو انس
-
و الله العراقي اكثر انسان مظلوم على وجه الارض يعني من يطلعون الناس على الفضائيات تحس كل واحد بيهم شايل جبل هم على ظهرة ااااااه و الله احنة مساكين الله يكون بعونة
-
سهله
لتباوع فضائيات
خخخخخخخخخخخخخ