ankawa
منتدى الهجرة واللجوء => الهجرة و واللاجئين => الموضوع حرر بواسطة: عاشق الوزة في 16:54 07/06/2009
-
الاخوة الاعزاء اهل المروة مانحب نزعج احد بس رايد عنوان لاخ سكن تكساس حتى اقدمه كصديق وليس ككفيل لل IOM وساكون ممنون له
وكان الاخ اوركي مشكور اعطاني عنوانه في تكساس بس اخوكم طماع رايد اكثر من صديق
وفريند انديد فريند ان نييد
بلكت اتكون من نصيبنا خصوصا وان جوها لا مثل ماوصفه البعض صيفها مثل البصرة بس نسه ايكول صيفها مثل البصرة بالشتاء لان لو مثل البصرة بالصيف ؟؟؟؟؟؟؟؟؟ ولكن من خلال الاحصاءات تبين ان اعلى درجة بالصيف هي 35 مئوي طبعا وحسب الجدول الخاص باوستن وقريب منها باقي المناطق واي واحد يريد درجات الحرارة لاي مدينة في تكساس ارسل له جدول لاعلى واوطا درجات حرارة على مدار السنة يطلب او يدلل
Austin weather in كانون الثاني
15°C / 4°C /
Austin weather in February شباط
17°C / 6°C /
Austin weather in March اذار
22°C / 11°C /
Austin weather in April نيسان
26°C / 15°C /
Austin weather in May مايس
29°C / 19°C /
Austin weather in June حزيران
33°C / 22°C /
Austin weather in July تموز
35°C / 23°C /
Austin weather in August اب
35°C / 23°C /
Austin weather in September ايلول
33°C / 21°C /
Austin weather in October تشرين اول
28°C / 16°C /
Austin weather in November تشرين ثاني
22°C / 10°C /
Austin weather in December كانون اول
17°C / 5°C /
-
جان بودي اساعدك
بس ما اعرف احد هناك
تعذرني
تقبل مروري
عيني بغداد
-
اخي العزيز
الاخوان ابو قمر وفالكون هم بتكساس تستطيع مراسلتهم على الخاص
وانشاء الله وقت تواجدهم يردون عليك لان تواجدهم قليل بسبب تواجدهم منذ فترة قصيرة هناك وانشغالهم بترتيب امورهم
-
اخويه عاشق البطه همه يردون منك كفيل واحد مو عشره والطمع مو زين
-
وين بتكساس انته حبي تكساس اكبر من العراق
-
الاخ العزيز سيف المشهداني مشكور على ردك ولكن اطلب صديق في احدى المدن (اوستن . هيوستن او دالاس) كحلها حلوة وفيها عمل
-
اخويه الغالي اني بدالاس
بس مصارلي اسبوع لهذا ماكدر انطيك اي شئ
بس الي اعرفه بتكساس اكو شغل وبدالاس العراقيين اقل من هيوستن وبهل الشئ احسن لانة تفيدك انة فرص عمل الك تكون اكثر
والرزق من الله
-
ياعمودين اهل المروه ساعدوني طلعتلي ولاية تكساس واريد معلوماتكم عليه من ناحية المساعدات والايجارات واخره واشكركم.
-
السلام عليكم
يمعودين اهل الكاوبوي هاي وينكم ؟؟؟؟ اخونا في مأزق ويريد مساعده هاي وينكم صدك جذب . نريد همتكم وينكم .
ابو انس
-
في البدأ لااريد ان اثبط من عزيمة الاخوة في منتدانا العزيز واقول لهم اني نادم لأن وقع اختيار ولايتي هيوستن تكساس .. لكني أؤكد واجزم باني غير نادم لوجودي في امريكا.. اما سبب ندمي هو ان هيوستن مدينة كبيرة جدا ..من الصعب التنقل فيها وكل مشوار يطول اكثر من ساعة ويتطلب ركوب باصيين اولا .. ثانيا ان المنظمة قامت باختيار سكن بعيد جدا عن المركز في الاول عجبتنا فكرة الذهاب الى هيوستن بعدما راينا ناطحات السحب .. لكن في الواقع يختارون لك مكان بعيد جدا .. ثالثا ان المنظمة غير متعاونة يدفعون لك اجرة البيت والماء اما الكهرباء انت تدفعها وهي تكسر الظهر لكن 400 دولار اخر الشهر التي يعطوها لك تكفي لسدها .. رابعا المساعدات لمدة اربعة اشهر فقط يبقى فقط الفود ستامب والمدكيت لمدة ثمانية اشهر ... خامسا المنظمة تعبانة جدا ويعمل بها مسلمون متعبون جدا وحسب ما نقله الاخوان الموجودين معي وما كتبوه في المنتدى .. سادسا ان اغلب السكان هم مكسيكيون وسود وكانك تشعر بأن تعيش في المكسيك وليس امريكا .. واخيرا ان الجو رطب جدا اكثر من البصرة وفيه اعاصير وزوابع ..
لكن في المقابل انها مدينة جميلة تسودها الخضرة الدائمة والنظام ولم ارى او اشاهد اي مشكلة ويقول الاخوة هنا ان فيها عمل .. ولذلك انصح جميع الاخوة باختيار الولايات الوسطية والتي جوها معتدل وغالبيتهم بيض امريكان لأنهم متعاونون وودودين عكس هيوستن تكساس التي تقطنها اغلبية فقيرة
هذا على اقل تقدير انطباع شخصي للاجى صار يقطن هيوستن لفترة قصيرة جائز يتغير انطباعي في القادم من الايام ..
لكن اؤكد اني غير نادم على وجودي في امريكا لكني اعترض فقط على الولاية وان شاء الله بالمستقبل احاول ان اغيرها
اخوكم اوركي
والله انه مو حالتي يرثى لها بس اصطدمت بنمط العيش لأن كل اللاجئين بحسب وصف الموظفة الصومالية قالت بأنهم يتصورون بأن امريكا جنة في اول شهر لكن حينما ينغمسون بالواقع يجدون عكس ذلك انا كنت اتمنى غير ولاية لأني بالكاد اشعر باني اعيش في المكسيك وليس بامريكا رغم انهم أناس بسطاء وفقراء .. انا لا اعلم جائز متعلم في العراق على الرفاهية والاكل الجيد وجئت الى هيوستن اكل فقط الخضروات وكذلك اصطدمت بجدار اللغة وصعوبة المواصلات وان شاء الله اتكيف مع الوضع .. اما بخصوص المساعدات في هيوستن شرحولي الموظفات طبيعتها بحيث اول اربع اشهر المنظمة تدفع ايجار الشقة والماء اما الكهرباء عليك وتدفعلك اسبوعيا 70 دولار بدل طعام لنفرين لحين مجيئ الفود ستامب وكذلك نهاية الشهر تدفع 400 دولار لنفرين .. ويساعدوك على الحصول على السوشيل سيكرتري والمدكيت لمدة ستة اشهر الى ثمانية وكذلك بطاقة تصريح العمل .. اما الاشهر الاربعة الثانية اذا ما حصلت على عمل يدفعون ايجار البيت ايضا لشهرين والباقي انت تدبر امرك مع اعطائك 250 دولار فقط .. فضلا عن محاولتهم ايجاد عمل وتحسين لغتك .. هذه هي خريطة المساعدات وكما قلت انا لا اريد اثبط عزيمة احد لأن كل شخص له انطباعه الشخصي
اخوكم اوركي
-------------------------------------------------------------------------------------------
ابو قمر
في البداية كما وعدتكم بتقديم اية تفاصيل احصل عليها من اخي الواصل حديثا جدا الى ولاية نورث كارولينا ,عسى ان يستفاد منها الاخوة والاخوات ان شاء الله ...
الرحلة من عمان الى ولاية شيكاغو كانت طويلة جدا ولكن دون مشاكل تذكر (13 ساعة ونصف ),وعند الوصول كانت تنتظرهم موظفة من ال اي او ام وكانت بالضبط عند مخرج باب الطائرة !!
استقبلتهم وقامت بالتدقيق على اسمائهم ,ثم اخذ بصمات الاصابع ومن ثم توزيع كل شخص الى ولايته المقبلة وبالنسبة لاخي كان يجب عليه ان ينتظر قليل من الوقت حتى يحصل على تذاكر الرحلة القادمة من شيكاغو الى نورث كارولينا ...وبينما هو ينتظر تفاجأ بالغاء الرحلة تماما وتأجيلها !!! والسبب هو ...حصول اعصار مفاجئ (اعصار صغيروووووووووووووووني) او عواصف رعدية بالاصح في ولاية نورث كارولينا !!!
هنا تم تغيير كل شئ وبدلا من حزم الحقائب ,فانه اضطر الى البقاء في المطار والنوم على الكراسي الى ان يحين الفرج القريب ,!!! علما ان التعب والارهاق بدا يثقل الوجوه والطفلة الصغيرة اصبحت تصرخ مرة ولاتسكت لعدة مرات !!!
المهم وبحمدالله بعد اكثر من ثلاث ساعات انتظار تم انطلاق الرحلة من جديد على امل الوصول بسلام الى الولاية المستقبلية والعيشة الجديدة مع افكار وهواجس مختلفة تدور في الرأس مالذي ينتظرنا في نورث كارولينا بعد ؟؟؟؟؟؟ماهي المفاجأة التي يجب ان اتقبلها بصدر رحب ؟؟؟
المهم وبسبب تأخير الرحلات بسبب العواصف والامطار كان لابد للرحلة ان تصل متأخرة الى ولاية نورث كارولينا وبالتالي كان الوقت يشير الى الواحدة صباحا (الواحدة بعد منتصف الليل )اي ان الرحلة من عمان الى نورث كارولينا استغرقت تقريبا 21 الى 22 ساعة بين طيران وانتظار ونوم على الكراسي !!!
استقبلهم ايضا موظف من الاي او ام وكذلك مواطن عراقي !!!!!
بالمناسبة اخي لم يذكر اي اسم او كفيل له في اية مقابلة وكان يملك فقط ايمانه بالله وان الله لايترك احدا حتى وان لم يكن له كفيل في امريكا يستقبله !!!
المواطن العراقي كانت المنظمة قد اتصلت به واخبرته عن قرب وصول عائلة عراقية الى المطار في وقت متأخر ويحتاجون مساعدته لان صاحب الشقة او البيت الذي من المفروض ان يذهب اخي مباشرة اليه لم يوافق صاحبه على ان يتم اجراءات العقد وان يعطي مفتاح الشقة في الليل على الاقل !!!
هذا العراقي الشهم قام بالواجب المطلوب مشكورا جدا واستقبل اخي ضيفا عنده بعد رحلة شاقة ومتعبة جدا !!!!!
المنظمة قد تكون تعبانة لا اعرف ذلك !! سوء حظ !! ممكن ولكن مع ذلك الحمدلله والشكر على كل حال .
في نفس الليلة احد الموظفين في المنظمة قام بجلب (حفاظات للاطفال ) احتياطية على ان يأتوا لزيارته في اليوم التالي !!
اليوم الثاني كان اول صباح في نورث كارولينا .....حمل معه بعض الاخبار السارة منها ان توقيع العقد والحصول على مفتاح الشقة سيكون اليوم !!
المهم تم توقيع العقد لمدة سنة بمبلغ قدره 575 دولار ,,,
في نفس المجمع توجد 3 عوائل عراقية والحمدلله (اي لن يشعر بعض الشئ بالغربة والوحدانية والعزلة في البداية)
تم تأثيث الشقة من قبل المركز الاسلامي في نورث كارولينا ,
حصل اخي على مبلغ 95 دولار كمساعدة اولية في بداية الامر !!
التلفزيون لاتوجد به سوى اربع قنوات تلفزيونية !!(يحق له نصب ستالايت ايضا)
الانترنيت حصل عليه عن طريق شبكة مفتوحة بالقرب منه (يعني هاكر من بدايتههههه!!!)
الجو جميل والرطوبة عالية بعض الشئ !! المطر متوفر والحمدلله واخي لم يعلم بعد بأنه بامكانه ان يشاهد 4 فصول في اليوم !!(نصحته يوم امس بأختراع قديم وضروري الا وهو الشمسية مع العلم انها للمطر اوالثلج ولكن نسميها شمسية !!!!!!!)
يوم امس السبت طرقت الموظفة الباب عليهم وسألتهم ان كانوا بحاجة الى مواد غذائية اضافية خلال عطلة نهاية الاسبوع...!!! جوابه كان لا شكرا والحمدلله !!
اعطته الموظفة مبلغ قدره 60 دولارا (يمكن مصرف جيب ) وطلبت منه التوقيع على وصل
كان مكتوب عليه 40 دولارا!!!! لم يلاحظ اخي ذلك الا بعد خروج الموظفة من البيت وقبل ان تركب سيارتها وتشلع !!! اخبرها بأنه حصل على مبلغ اكثر مما هو في الوصل !!! تفاجات الموظفة مع العلم ان المبلغ ليس بالمبلغ الكبير وشكرته كثيرا على صدقه !!! وانا ايضا شكرته ونصحته بأن يترك بعض العادات السيئة القديمة ههههههههههههههه!!
موعده هو يوم غد الاثنين ان شاء الله للبدء في اصدار الوثائق والاوراق المطلوبة ,علما بأنه يجب على كل شخص 8 لقاحات (8 ابررررررررررررر) يلقح بهن من الامراض (شلع يعني ابقار وطيور وخنازير وقرود .....الخ!!!)
ملاحظة لفتت انتباه اخي من خلال سؤاله للاخوة العراقيين القريبين منه هناك بانه المساعدات في ولاية نورث كارولينا هي فقط لمدة 3 اشهر!!!!
اي ان الايجار يدفع لمدة 3 اشهر والراتب الذي يحصل عليه في البداية وايضا لمدة ثلاثة اشهر هو 440 دولار ل 3 اشخاص (400 للاب والام و40 للطفلة) !!!!
اتمنى ان يحصل على شئ مهم جدا وهوالالتحاق بأية مدرسة او معهد لتعليم اللغة الانكليزية لان اساس للحصول على امور كثيرة واهمها العمل !!
لاني بصراحة لا اريد ان يبقى اخي على المساعدات علما بأن فرص العمل جيدة خصوصا للاشخاص اللذين لديهم حرفة او مهنة مثل ميكانيك وكهرباء سيارات وهو يملكها !!
ولكن يحتاج الى دورة تقوية في اللغة ومن ثم اعتقد يجب عليه ان يدخل دورة سريعة للحصول على شهادة ميكانيكي يستطيع العمل بها هناك ...!!!!
طبعا اني اسف اتاخرت عليكم يوم اضافي لين البارحة عطلة بالايبري .. طبعا مثل محجيتلكم بالموضوع السابق راح احجيلكم اليوم عن المساعدات الي راح ناخذها شكد وشنو السكجول مالتها ... وطبعا المساعدات بولاية تكساس متشابهة بالكمية لكن تحتلف بالالية او السكجول ..
اني المنظمة مالتي اسمها REFUGEE SERVICES OF TEXAS طبعا هيا الها ثلاث افرع في دالاس وفي العاصمة اوستن وفي فورت وورث .. طبعا هاي المنظمة تنطوي تحت منظمات اكبر الي هيا (CHURCH WHORLD SERVICE CWS و EPISCOPAL MIGRATION MINISTRIES EMM و LUTERAN IMMIGRATION AND REFUGEE SERVICES LIRS ) طبعا هذولا المؤسسات الثلاثة موجودة بأوستن ومنظتنا تقوم برفع التقارير وتنطيهم احداثياتنا يعني بمعنى اخر هم المسئولين عنه بس منظمتنا تقوم بعمل الوسيط .
طبعا المنظمة تكون مسئولة عن عدة اشياء منها :
1- أستقبالك من المطار وتوصيلك الى السكن وتوفير السكن والاثاث المناسب والاكل في المنزل طبعا هذا في حالة عدم وجود كفيل الك .
2- التسجيل في السوشيل سكيورتي نمبر لكل افراد العائلة بعد بيوم من وصولك الى الولايات المتحدة من خلال اخذك للدائرة المسئولة عن الموضوع ومساعدتك في التقديم ( دائما اذكر كلمة مساعدة ليش ؟؟؟ لأن المنظمة مراح تبقة وياك للأبد ولهذا انت حاول من تروح وياهم تفهم كلشي الاسلوب اسم المكتب مكان المكتب .. لان بعد اشهر انت راح تسوي كلشي بيدك يعني موت كعد مثل الاطرش بالزفة ظل أسئل واستفسر واتعلم )
3- تسجيل كافة افراد العائلة في دائرة الفود ستامب واستخراج الفود ستامب لك ( طبعا أكو مفهوم خاطىء عن الفود ستامب الاكثرية يتخيلون ان المنظمة هي الي تنطيك الفوت ستامب طبعا هذا شي غير صحيح دائرة الفوت ستامب منفصلة كليا عن منظمات التوطين وما الها علاقة بالكاش مني او الايجار او المساعدات الي تاخذها من المنظمة .. وممكن انت بنفسك تروح تقدم عالفوت ستامب .. وكل 3 اشهر انت تروح تسوي مقابلة بدائرة الفوت ستامب حتى يعرفون دتكفيك لو لا او انت اشتغلت لو لا طبعا الفوت ستامب يظل مستمر الى ان تجد عمل براتب معين اتصور هنا بتكساس يتجاوز 2400 دولار )
4- اخذك الى المركز الصحي او المستشفى لتسجيلك وعمل القاحات الضرورية جدا في وجودك في الولايات المتحدة وفي استخراج الكرين كارت فيما بعد ( طبعا اليم عنده دفتر لقاحات ومعامل اللقاحات مو من حقه يقدم عالكرين كارت .. لمنظمة تاخذك للمستشفى زيارتين وبعدها انت لازم تعلم نفسك شلون توصل وشلون تتعامل هناك بالمستشفى ولهذا لازم تتعلم من الزيارتين الاولتين )
5- المنظمة تقوم بتوفير دروس تعليم اللغة الانكليزية لك .. طبعا الدروس مهما جدا للي انكليزيتهم ضعيفة . اهم اهم اهم شي في امريكا هو اللغة .. يعني اذا تغلبت على اللغة ففرصك تكون مساوية لفرص الامريكي .. وللعلم اني كنت ماخذ نظرة كبيرة عن الولايات المتحدة .. بس من وصلت ومن خلال هاي الاسبوعين اكتشفت من خلال الناس الي التقيت فيهم ان امريكا معتمدة اعتماد كلي على الكفاءات وان الفئة الاغلب من الشعب فارغة من الناحية العلمية او حتى الثقافية محتارين بالراب والركص والفوت بول الامريكي وقسم منهم اذا تسأله عن اوباما فمراح يعرفه او اذا تسئله منو انشتاين يكلك لاعب كرة سله بفريق ميامي .. طبعا هذا مو معناه انه امريكا مبيعا ناس مثقفة ومتعلمة لا فيها ناس جدا مثقفة ومتعلمة وبيها علماء ايضا وبيها اطفال معلوماتهم اكبر من عدنا احنا الدارسين بس انا دا احجي عن الاغلبية من الي شفتهم خلال هاي الاسبوعين .. وللعلم هوايا منهم موظفين بمكانات جيدة جدا لكن ما يتسمون بالذكاء او ميكونون لماحين فقط مهنيين وهذا شفته بموظفين التوطين نفسهم .. يعني اني لو لغتي قوية مثلهم كان اني بايام اكون البص مالتهم وهوايا اخطاء صارت وياي من قبلهم بالابلكيشن والتقديم كنت اصلحها الهم .
6- المنظمة تكون مسئولة عن تعليمك كيفيه استخدام الباصات الخاصة بالنقل ومعرفة الطرق وكلشي يسهل عليك التنقل .
7- المنظمة تكون مسئولة في وضعك باحد برامج التوطين ... وهيا الي راح توصلك الشيكات .. كما تساعدك المنظمة بتسجيل اسمك بدائرة لكهرباء وفي توقيع وفهم عقد الاجار والحقوق الي عليك والي الك وطبعا كلها تكون مكتوبة في العقد وضروري جدا ان تقرا العقد بنفسك وتفهمه ... كما تساعدك المنظمة في الاجابة عن كل الاسئلة الي ادور ابالك حول البلد الجديد
8- المنظمة تساعدك في تقديم اسمك لدوائر خاصة لايجاد عمل لك ( مو معناتها انك تكعد تنتظرهم لازم انت ادور
على عمل لين فعاليتهم جدا قليلة ولحد الان ملكو شغل لاحد كل الي اشتغلوا هما الي قدموا بنفسهم )
طبعا هاي تقريبا الاشياء الرئيسية الي تتقدملك من المنظمة ... يعني باختصار المنظمة تساعدك حتى تعتمد على نفسك .. يعني بمثال ابسط هيا متسوق السيارة عنك لا هيا تكعد يمك وادليك وانت لازم تسوق وتتعب .. يعني هما مراح يسوون شي عنك هما راح يساعدوك فقط ..
نجي للمساعدات ... بالنسبة لمنظمتنا فالمساعدات المادية الي ناخذها من خلالها 8 أشهر .. وبالنسبة للمساعدات المعنوية هي 6 اشهر ... شلون .. يعني علاقتي بالمنظمة تستمر لمدة 6 اشهر بعدها تنقطع علاقتي بيهم .. فقط استلم الشيكات من عدهم .. بس يبقى ملفي يمهم لغاية ما اخذ الجنسية واي تغيير بعنواني او رقم تلفوني لازم اخبرهم عنه ..
اني بالنسبة الي حطوني في برنامج RCA والي هو اتصور ريفيوج كاش اسيستنس ... طبعا هنا بتكساس اكو برنامجين اساسيين الي هما ال RCA و الماجك كراند .. والماجك كراند يكون اغلبه للعوائل بس اني الماجك كراند متوقف عدهم هسه فحولوني لل RCA والي هو خاص بالسينكل .... شنو هي الية البرنامج .. بالنسبة النا احنا 3 افراد تكون كالتالي :
البرنامج ينقسم الى مرحلتين 4 أشهر و 4 أشهر ثانية ...
1 – اول اربع اشهر راح نستلم بالشهر الواحد ثلاث شيكات الاول 300$ الثاني 300$ والثالث 156 $ يعني بالشهر 756 دولار طبعا لازم ادفع منهم الايجار وفاتورة الكهرباء والمي والتراش .
2 – ثاني اربعة اشهر في حالة عدم حصولي على عمل يتجاز راتبه 2400 $ راح استلم بكل شهر 319.25 $ يعني ثلاثمية وتسعة عشر دولار وخمسة وعشرين سنت لمدة اربعة اشهر ..
طبعا بعد متخلص الثماني اشهر واذا ملكيت شغل او راتبك كان ضعيف فانت تكدر تقدم على الولفر او التنف طبعا انت تقدم المنظمة تعلمكم المكان وكيفية التقديم وانت تروح ...
يعني بمثل حالتي اول اربعة اشهر راح يزيد عندي حوالي 256 دولار بالشهر وثاني اربعة اشهر لازم اكمل حوالي
150 $ يعني تطلع يك حساب ... بس بكل الاحوال انت راح تضمن انه ايجارك واكلك ومصرف جيبك 8 اشهر مؤمن مية بالمية .. راح تكولون شلون مصرف جيبك ؟؟؟؟؟ راح اكللكم اكو فقرة مهمة نسيناها الي هيا هدية الترحيب من الحكومة الفدرالية اول متوصل والي هيا كالتالي ..
كل شخص ياخذ 450 دولار لمرة واحدة هدية من الحكومة الفدرالية هاي فور وصولك بس مينطوك اياها ينطوها للمنظمة وهي الي تقسمها وتنطيك الباقي .. بالنسبة الي كانت كالتالي :
طبعا اني كعدت وياهم وحاسبتهم حسبة مصلاوي عالسنت شصؤفتوا وشكد بقى والحلو البيهم هما ميضوجون او ينزعجون من اسئلتك المهم :
اني 3 افراد يعني 450 * 3 = 1350 ... هما انطوني منهم 25 $ لكل شخص بوكت مني المجموع 75 دولار وانطوني ايضا شيك ب 950 دولار وكلولي تسوي منه شيكين للايجار للشهر الثالث والرابع افضل واضمن الك وانت استلم شيكات البرنامج مالتك وضمهم .. المهم الي استلمته منهم 1025 $ يبقى 325 $ طبعا خوما يثولوها عليه !! المهم الموظفة كالت احنا اشترينالك اثاث واكل وشامبو ومكيف مال شعر .. كتلها قنفة مستعملة وكراسي وميز وسرير طفل وسرير كبير ب 325 $ وهاي مستعملة ( طبعا غراض البيت مستعملة بس السرير الكبير يجيبوه جديد بنايلونه ) كتلها هذولا مستعملين الناس تشمرهم وحتى الي يشتريهم يشتريهم من البزار بكم دولار بس .. كلتلي بابا انت فاهم غلط .. احنا مشترينالك هاي الاشياء هاي الاشياء تجينا تبرعات وهيا فري الي اشتريناه السرير والفراش مالته وهذا حدود ال 100 $ والاكل وادوات المطبخ والشامبو والصابون وذولا همين تقريبا يطلعون بال100$ وكله مسجل يمنى واي شي يبقى من فلوسك بنهاية الشهر الثالث نتحاسب وتاخذه .. يعني ماكو شي اسمه بوووك او تغليس كلشي مسجل .. بس انت كون مفتح وطلب بحقوقك .. يعني صير امريكي مو عراقي ...
طولتها عليكم بس هاي تقريبا كل تفاصيل المساعدات ... بالنسبة لرتات الباص فحسب مفتهمت منهم هاي مجانيا كل فترة اخذ منهم وجدا عادي ..
اكو ملا حظة مهمة صارت وياي ( صار موقف من المنظمة خلاني عصبت عليهم ولمن اجه الموظف الصبح للبيت هجيته وكتله اني اريد اغير المنظمة لين انتم هامليني ومن هالسوالف المهم هو راح ووراه بساعه اجتي مديرة المنظمة نفسها للبيت ... طبعا طبت وسلمت عليها ونزلت طلعت كل الي بكلبي ... بس طبعا بموضوعية .. كتلها انتوا تعاملون العراقيين بشكل اخر .. كلتلي انت شفت لعراقيين الي وياك كلهم عدهم سيارة او سيارتين وكلهم عدهم موبايلات واكثر من موبايل والي عنده خط ارضي وانترنت وبلي ستيشن ... يعني شكل غريب للاجئين .. ومع هذا احنا نحاول انساعدهم بقدر المستطاع واذا صار تقصير من عدنه فلان العدد كبير ودنحاول انسق الاوقات .. وبعدين انت افضللا هواية من غيرك من الاجئين انت لغتك الانكليزية جيدة واحسن بهواية من الي يجون ميعرفون ولا كلمة بالانكليزي ولا حتى يعرفون يستخدمون التواليت ..( طبعا دتحجي عالاجئين الي يجون من شرق اسيا ومن افريقيا ) .. المهم حبيتا وصلكم فكرة انه المنظمة مراح تساعدك بكلشي لازم انت تبلش من اول يوم تعتمد على نفسك وهو افضل الك ولمستقبلك .. وخليك دائما اطالب بحقك ولتستحي لين هاي حقوقك واستفسر عن اي شي يخطر ابالك منهم فهذا هو شغلهم ويستلمون رواتب على اساسه ..
تحياتي ومستعد لاي سؤال او استفسار من قبلكم ...
اخوكم ابو قمر
طبعا أول متوصل للولايات المتحدة .. تبلش بكثير من الاجراءات وكان هانت مولود جديد .. طبعا انت بمجرد وصولك الى اول مطار أمريكي راح تبدي أول معاملة وهي أستخراج أهم وثيقة الك وهي الوثيقة الي تثبت وجودك بالولايات المتحدة والي من حلالها تكدر تتنقل براحتك يعني نكدر نحجي عليها انها اقامتك وهويتك والي هيا وثيقة I-94 أو مثل ميسميها بعض الاخوة الوايت كارت .. هاي الاجراءات تتم بأول مطار امريكي وراح تستغرق حدود النصف ساعة الى ساعة طبعا انتم مراح تسوون شي الموظفين هما الي راح يشتغلون بالاجراءات راح يطلبون بصمة اصبعك انت وافراد عائلتك .. وبعدها تستلم ال I-94 .. ومباشرة بعد استلامها تروح تسوي دخول وبصمات جميع الاصابع بكاونترات الشرطة الي بالمطار .. هذا الاجراء يعتبر أول اجراء الك بالولايات المتحدة ..
بعد وصولك الى منزلك الجديد بولايتك المحددة الك .. اكيد راح ترتاح يوم او يومين بعدها لازم تسوي معاملة جديدة ومهمة وهي معاملة السوشيل سكيورتي نمبر .. طبعا هواية حجوا عنه اخوتي واني اكتفي بان اقو لان بدون هذا الرقم متكدر تشتغل او تعمل اي معاملة او اي شي بامريكا .. يعني فترة استخراج هذا الرقم انت بس كاعد تنتظر متكدر تسوي اي شي .. هذا الرقم جدا جدا مهم وبصورة اوضح الاشخاص بامريكا عبارة عن ارقام سوشيل .. يعني هذا الرقم اهم من اسمك لان انت ممكن تغير اسمك باي وقت تريد بس السوشيل يبقى وياك للابد .. طبعا اجراءات التقديم جدا سهلة لأن راح يكون وياك موظف من وكالة التوطين الخاصة بك .. راح يسئلك الموظف عن اسمك ومواليدك وراح يطلب منك بطاقة I-94 وبدها بدقائق راح يطلب منك التوقيع انت واهل بيتك وينطيق ورقة ان انت مقدم على السوشيل .. وراح يجيك السوشيل من خلال دائرة التوطين الخاصة بك .. وهاي الاجراءات تختلف بالوقت من شخص الى اخر يعني اكو ناس استلموا السوشيل ب 20 يوم واكو 40 يوم وهاي الفروقات بالوقت تشمل افراد العائلة نفسها يعني ممكن ابنك يستلم الرقم قبلك وزوجتك بعدك وهكذااا .
المعاملة الثالثة او الجراء الثالث المهم ايضا وهو استخراج الفوت ستامب والمديكير الخاص بك وبافراد العائلة .. طبعا هذا الجراء ايضا يتم بثاني يوم من وصولك .. طبعا انت مراح تروح لمكتب استخراج الفوت ستامب انت مجرد توقع على اوراق التقديم للمدي كير والفود ستامب والمنظمة هيا الي راخ تقدمها وبعد وصولها راح تسلمك اياها .. ممكن بعض الولايات البطاقة والمدي كير وحتى السوشيل يجيك بالبريد على عنوانك البريدي ..طبعا وقت استخراج الفوت ستامب أيضا يختلف من عائلة لعائلة يعني هنا اكو ناس استلمت الفود ستامب ب 20 يوم واكو بشهر واكو بشهرين .. هذا الحجي خاص بولاية تكساس وبمدينة فورت وورث ودالاس .. ممكن الولايات الاخرة تختلف بالزمن .. بس بجميع الاحوال من راح توصل البطاقة راح تنشحن بمبلغ مالي يقيم بال يوم وصولك للولايات المتحدة يعني الي يتاخر شهرين يجيه بالفوت ستامب مبلغ لشهرين .. يعني ميضيع شي عليك .. بس المصرف بالبداية انت لازم تقتصد بالاكل لين الفلوس الي تنصرف مترجع لحد متشتغل .. فالاقتصاد اول الايام وبالذات بالاكل لين انت كلها كم يوم راح تستلم الفود ستامب وتشتري كل الي بنفسك فمو صعب انه تقتصد كم يوم وتحافظ على فلوسك وانت ببلد غريب عليك ..
المعاملة او الاجراء الرابع وهو مهم ايضا جدا الك ولأولادك ولأستخراج الكرين كارت بالمستقبل .. وهيا الفحوصات الطبية واللقاحات .. واتذكر استاذنا الرائع سلاما للعراق قد شرح هذا الموضوع منذ زمن ليس بالعيد ومع هذا نرجع نذكر بيه .. طبعا بعد ايام من وصولك راح ياخذك موظف التوطين الى المستشفى الخاصة بعمل الفحوصات والقاحات الخاصة بك .. طبعا اكو ناس اخذوها ورا شهر من وصولها .. واكو ورا شهرين او ثلاثة .. واكو ورا اسبوع مثل مصار ويانه طبعا راح تروح للمستشفى ويطلبون منك استمارة موجودة بحقيبة الاي او ام الخاصة بك ( طبعا اني اول يوم بدلت الحقيبة بحقيبة اخرة يعني ماكو داعي ياهو الي يشوفني يعرف اني مهاجر او لاجىء جديد ) بعد مياخذ الاستمارة وياخذ طبعا I-94 راح يسويلك ملف يمهم وراح يسويلك كارت طبعا راح ارفقلكم صورته بالموضوع .. هذا الكارت بيه جدول اللقاحات .. طبعا اول لقاح او اول اجراء صحي تسوي هو فحص ال TP يعني فحص السل .. طبعا راح يحقنوك بجرثومة سل مضعفة حتى يشوفون استجابة جسم ومقدرته على التصدي للفايروس .. طبعا الكل ياخذ هذا المصل تحت الجلد باليد وغالبا متكون اليد اليسرى .. ويطلبون حضورك بعد ثلاثة الى اربعة ايام .. طبعا ياخذون منك ثلاث عينات دم طبعا لكل افراد الاسرة صغير او كبير .. وايضا بالنسبة للزوجة او المرأة المتزوجة ياخذون عينة ادرار للتاكد من انها غير حامل .. وراح يطلبون منك بالمرة القادمة ان تجيب وياك عينة من الخروج طبعا راح ينطوك الاشياء الخاصة بهذا الموضوع .. كل هاي الاجراءات تصير باول زيارة الك للمستشفى اضافة الى كشف سريري نبضات قلب ، ضغط دم وفحوصات اخرى .. وراح ينطوك موعد للقدوم وغالبا ميكون اربع ايام او ثلاثة ايام .. طبعا بزيارتك الثانية أول شي يسووه هو فحص ايدك والتاكد من خلوك من Tp .. طبعا هذا يبين من خلال وجود ورم بمنطقة زرع العينة اذا كان اكو ورم معناتها عندك هذا الفيروس واذا كانت ايدك سليمة معناتها ماكو شي .. طبعا اريد اوضح شغلة مهمة افتهمتها من الدكتور الامريكي نفسه طبعا دردشت وياه بالانكليزي طبعا اخوكم مكان متصور عنده هاي الامكانيات بس شو صرت احجي مثلهم مع خربطة احيانا .. المهم كثير من الناس يطلع عدهم هذا الفيروس ا والي يسموه TP الغير فعال .. يمنا بالعراق يسموه السل الناعم .. او السل النائم .. وهذا مو فد شي خطر بالعكس جدا طبيعي .. وبالذات بالاطفال اغلب اطفالنا العراقيين يطلع عدهم هذا الشي لأم ملقحين القاح الثلاثي PCG والي غالبا ميسبب وجود فيروس السل النائم او الغير فعال يعني الحالة الموجودة بيه هيا حالة طبيعية مرتقت لأن تصبح مرض .. ولهذا بمجرد اكتشاف هذا الشي راح يحولوك لمستشفى حتى ياخذون اشاعة لصدرك ويوقعوك على عدة اوراق الي تتضمن معالجتك بالمجان .. وطبعا ورا متاخذ الاشعة بأسبوعين راح هما يجوك للبيت وياخذوك للمستشفى ويشوفك الدكتور فإذا كانت الحالة غير مرضية وهيا نسبة كبيرة توصل 99 % وحتى لو كانت الحالة مرضية لا سامح الله وهي حالة نادرة جدا راح يتم معالجتك .. واتصور العلاج هيا حبوب تاخذها لمدة 9 اشهر او اقل ما اعرف بالضبط .. عموما انا بنتي قمر طلع عدها الTp الغير فعال ولهذا اني هوايا لحيت عالطبيب وطمني الرجل بانه غالبية الاطفال تصير عدهم هاي الحالة بسبب اللقاح الثلاثي الي ماخذيه بسوريا او بالعراق .. وعموما اني يوم 19 راح يكون الي موعد يم الدكتور وانشاء الله الموضوع جدا طبيعي وراح ابلغكم بالتفاصيل ..
نجي للاجراءات الاخرى الي انت تقوم بيها وهيا ضرورية جدا بحياتك بامريكا .. ومنها واهمها شهادة السوق او مثل ميسموها هنا Driver license وطبعا هذا الاجراء راح احجيلكم عنه بالتفصيل الممل وحتى راح اجيبلكم صور من مركز التقديم ومركز الاختبار النظري وحتى من ساحة اختبار العملي .. لين اخوكم ديدرس بالكتاب الخاص باستخراج شهادة السوق وللعلم اني من سوريا نزلت الكتب بمساعدت اخوية الرائع زاك .. وقريت بيه قبل لا اوصل لامريكا شوفوا شلون خلك .. المهم هذا الموضوع راح احجيلكم عنه بالتفصيل .. بس ازيدكم بكم معلومة والي هيا كالعادة راح يكون امتحان نظري وعملي وبالانكليزي يعني مو مثل كالفورنيا او مشيكان ماكو لغة عربية .. بس الشي الحلو لجماعة تكساس هنا رسوم الاجازة فقط 24 دولار حسب ما افتهمته من اخوانه هنا الي استخرجوا الاجازة ... يعني مثل اورغين اسعارنا رخيصة ...
تحياتي للجميع .. ومستعد لاي سؤال يدور بافكاركم ....
اخوكم ابو قمر
---------------------------------------------------
أخوتي الاعزاء انا اسكن انا و زوجتي في شقه تتكون من غرفه واحده بالاضافه الى غرفه المعيشه والمطبخ والاستقبال وتوجد فيها شرفه ارضيه ومخزنان وخزانه ملابس كبيره وان سعر الايجار حاليا هو 460$ مع الماء والكهرباء لا اعرف حاليا ولكن يمكن ان تكون 90$ وبالحقيقه سعر الايجار ليس حقيقي حيث ان هذا ما تدفعه المنظمه في الاشهر الاربعه الاولى وحسب ما عرفت ان الايجار سوف يتم تخفيظه الى الى 400$ و ايضا استلم الفود ستام لشخصين 300$ شهريا والكاش اسستنس هو 400$ هذا بالنسبه لي .
نرجع للموضوع الله السيده التي تزعم انها تستلم 450$ كاذبه وذالك للسباب التاليه :
1- ان السيده لها حق الحصول على مساعده كبار السن والتي هيه 600$.
2- لعدم وجود معيل يحق لها بستلام الفود ستام 300$ لها ولبنتها.
3- السيده حاصله على المديكير لكبار السن و بنتها ايضا لكونها اصغر من 18 سنه.
4- مدرسه بنتها مجانيه لانها تحت 18.
5- اسعار الشقق بهيوستن رخيصه نسبيا وهي كما اوضحت بالنسبه لشقتي.
6- ان المنطقه المذكوره هي ارقى منطقه في هيوستن والمعروف عنها هي لسكن الاغنياء فقط ولا يوجد فيها شقق فقط بيوت والاكثر من هذا يمنع منعا باتا دخول النقل العام اليها .
المقصد من الموضوع لا تنخدعو بالاكاذيب التي يطلقها الحاسدين للعراقيين على هذه الفرصه.
بالمناسبه هنا توجد مؤسسه اسلاميه تتكفل كل الارامل واليتاما المسلمين حيث يدفعون الايجار وكل شئ وحتى لا يطلبون منها العمل.
أخوكم فالكون1982
أخوتي الاعزاء اليوم راح اشرح الكم بوضوح ومن خلال تجربتي واجبات المنظمه وهل فعلا المساعدات تقطع.
اول شئ احب اذكر شئ مهم يخص المنظمه الي هيه مسؤله عنا منظمه معروف عنها بكفائتها وفعاليتها في مجتمع هيوسن ولاكن للاسف لحرص اداره المنظمه ان يكون الذي يدير امور الاجئ ملم بالخلفيات الثقافيه للاجئين فقد اوكلو هذه المهمه للاشخاص مسلمين وعرب انهم لايسرقون شئ منك ولاكنهم لا يطلعوك على الوضع او كيف تتجنب النصب او الاحتيال وفي بعض الحلات يكونو هم جزء من هذه العمليه.
المساعدات من قبل المنظمه هي لمده ثلاثه اشهر دفع ايجارك وهنا في هيوستن الشهر الاول مجانا فيكون المجوع اربع اشهر وهناك الفود ستامب وايضا 200 $ كاش اسستنس لكل فرد.
وهناك اكثر من منظمه واكثر من دائره حكوميه تساعدك بدفع الايجار وتصليح السياره والرعايه الطبيه .
واحب ان انبه من جديد احسن شئ الواحد يعتمد على روحه ويشتغل اي شئ ولا يظل عاله على الحكومه الامريكيه ويظل يدور مساعدات .
وبصراحه حاله بعض العراقيين هنا كلش تعبانه اكو ما يردون يشتغلون وبس يدرون مساعدات ويحجون على المنظمه واكو الي مايعرف راسه من رجله عايشين بالقدره وهم يذبوها براس المنظمه واكو الي باعو هويتهم وصارو يتصرفون مثل الهمج الي ينبذوهم حتى الامريكان .
المهم انا ما اريد اكسر واهسكم بس اريد اكلك الحياه صعبه والمشاغل هواي وكل واحد لازم يتعب على ما يحصل الشئ الي هو جاي عليه ولازم تنتبه للمجتمع شلون ماشي وتعرف الي الك من قوانين والي عليك.
وانا حاضر اجاوبكم على اي شئ بالكم.
أخوكم فالكون1982
أخوتي الاعزاء اليوم راح اشرح الكم بوضوح ومن خلال تجربتي واجبات المنظمه وهل فعلا المساعدات تقطع.
اول شئ احب اذكر شئ مهم يخص المنظمه الي هيه مسؤله عنا منظمه معروف عنها بكفائتها وفعاليتها في مجتمع هيوسن ولاكن للاسف لحرص اداره المنظمه ان يكون الذي يدير امور الاجئ ملم بالخلفيات الثقافيه للاجئين فقد اوكلو هذه المهمه للاشخاص مسلمين وعرب انهم لايسرقون شئ منك ولاكنهم لا يطلعوك على الوضع او كيف تتجنب النصب او الاحتيال وفي بعض الحلات يكونو هم جزء من هذه العمليه.
المساعدات من قبل المنظمه هي لمده ثلاثه اشهر دفع ايجارك وهنا في هيوستن الشهر الاول مجانا فيكون المجوع اربع اشهر وهناك الفود ستامب وايضا 200 $ كاش اسستنس لكل فرد.
وهناك اكثر من منظمه واكثر من دائره حكوميه تساعدك بدفع الايجار وتصليح السياره والرعايه الطبيه .
واحب ان انبه من جديد احسن شئ الواحد يعتمد على روحه ويشتغل اي شئ ولا يظل عاله على الحكومه الامريكيه ويظل يدور مساعدات .
وبصراحه حاله بعض العراقيين هنا كلش تعبانه اكو ما يردون يشتغلون وبس يدرون مساعدات ويحجون على المنظمه واكو الي مايعرف راسه من رجله عايشين بالقدره وهم يذبوها براس المنظمه واكو الي باعو هويتهم وصارو يتصرفون مثل الهمج الي ينبذوهم حتى الامريكان .
المهم انا ما اريد اكسر واهسكم بس اريد اكلك الحياه صعبه والمشاغل هواي وكل واحد لازم يتعب على ما يحصل الشئ الي هو جاي عليه ولازم تنتبه للمجتمع شلون ماشي وتعرف الي الك من قوانين والي عليك.
وانا حاضر اجاوبكم على اي شئ بالكم.
أخوكم فالكون1982
اخوتي الاعزاء مدينه هيوستن من المدن القليله التي لم تتاثر بالازمه الاقتصاديه بشكل مباشر ولهذا فان سوق العمل مزدهر في اغلب انواع الاعمال.
الاعمال المتوفره للاجئ في الاشهر الاولى وهذا الشئ يشمل اصحاب الشهادات العليا والذين لايملكون شهاده :
1- المطاعم : غسل الاطباق ومسح الارضيات واعمال المطبخ .8.00$ للساعه
2- الاسواق العامه : وتشمل الكاشير واعمال مسح الارضيات وتصنيف المنتجات ووضع التاكات بالاضافه الى الحفاظ على ترتيب الرفوف. معدلا الساعه 7.50$.
3- الاعمال الفنيه الكهربائي الميكانيكي السباك الحلاق ) وهذه المهن تشترط على المتقدم الحصول على شهاده ممارسه مهنه في الاختصاص الذي تريد التقدم له( حتى لوكنت حاصل على شهاده هندسه كهرباء ولاكنك تريد ان تعمل كا مساعد كهربائي يجب ان تحصل على شهاده ممارسه مهنه) بالاضافه الى اغلبهن يكون شرط اساي الحصول على اجازه سوق. الساعه من 13$ الى 40 $ الساعه.
4- الاعمال الهندسيه : تشترط حصولك على شهاده تعادل الشهاده الامريكيه او ما يعادلها.الساعه من 25$ الة 80$.
5- اصحاب المهن الطبيه وهي ايضا يشترط حصولك على شهاده من جامعه امريكيه في اختصاصك او ما يعادلها اما المرتب فهو جدا مرتفع.
ملاحظه: اغلب الوظائف تعتمد على مدى معرفتك باللغه الانكليزيه كل ما كانت اكثر كانت فرصتك بالحصول على عمل اكبر.
أخوكم فالكون1982
-
ابو قمر الشهم والاخ اوركي تحياتي لكم اشكركم شكرا جزيلا ودعائي من الله ان يوفقكم ويسدد خطاكم بالنجاح والتوفيق لتوضيحاتكم بس بصراحة اني الان متردد حيران مهموم اخاف ارفض اتندم اقبل واتوكل على الله اخاف اصير سالفه بحلوك الناس واني عندي عائلة اوما اريد اقصر عليهم والنوب لما سمعوا ان الولاية مالينها المكسيكيين كالوا لا بابا خلينه اهنا بمصر احسن النه ..المعنويات هابطه والكأبه صاعده وظلمه ودليلها الله.
-
اخويه ابو انس اني ما انسى موقفك من حشمتلي اهل تكساس وما قصروا بس اني كلبي يلعب والتفكير موتني حتى الاكل هم كطعته من وراء هالسالفه .الله يحفظك ويرعاك
-
عاشت ايدك اخي العزيز عكعك على هاي التفاصيل
والاخ رامي سلام توكل على الله واذا عزمت فتوكل هي هاي امريكا اذا مو هنا هنا
توكل على الله فهو خير معين