ankawa
منتدى الهجرة واللجوء => الهجرة و واللاجئين => الموضوع حرر بواسطة: المسافر74 في 08:39 09/06/2009
-
الاخ غسان الاشقر ولاخوة رواد المنتدى المحترم
السلام عليكم ووفقكم الله لفعل الخير ومساعدة اخوتكم من رواد المنتدى
لقد تقرر ذهابى الى ولاية كاليفونيا - سان دييغو انا وعائلتى ونحن نتكون من خمسة اشخاص
من عمان الى سان دييغو نهاية شهر 6 - 2009 اى هذا الشهر ولااعرف احد هناك واحتاج الى مساعده
معنوية منك ومن الاخوة من رواد المنتدى المحترمين الموجودين فى سان دييغو علما باننى احمل معى القليل
من النقود تمشى امورى واتكلم اللغة الانكليزية 50% .
فارجو منك او من الاخوة والاخوات التواجدين فى سان دييغو المساعدتى عند وصولى الى المدينة فى الامور التى ممكن ان تفيد الاجى اللذى يصل اول مرة الى ولاية سان دييغو
واكون ممنون منك ومن كل من يقدم يد المساعده وانا متاكد بانكم ماتقصرون ولول بالكلمة والنصيحة هذا ولكم الشكر والموفقية
اخوكم المسافر
-
اخي العزيز بالبدايه فلوسك خليه بجيبك وضمه لوكت العوزه و لا تكول للمنظمه انوا عندك فلوس وهمه مسؤليتهم يوفرولك كل شي و هذا عملهم و مسؤوليتهم
و بالنسبه للغه اذا تعرف 50 % فهذا اكثر اكثر من ممتاز و حاول اول ما توصل لا تخجل من التكلم بالنكليزي حتى لو تعرف انك دا تخربط بالكلام او كلامك ممكن ما مفهوم كلش و حاول تختلط بالامريكان لانو بهاي الطريقة اني اضمنلك خلا ستة اشهر الانكليزي مالتك راح يتحسن بشكل مو ممكن تخيله
واهم شي بعد فتره من ما تجي تركز على مسالة العمل لانوا هنا رواتبهم ما اكللك طكوك بس زين يعني ل تشتغل اول اسبوعين 80 ساعه راح يجيك صك زين و تبده شويه شويه ترتب امورك
اني ما عندي علم بوضعية ولايتك واكيد الاخوه راح يكدروني يساعدوك بس تقريبا وضعيه العمل و الرواتب و الايجارات بين الولايات بيه تقارب كبير زايد ناقص اامور بسيطه
-
يمعود انته تأمر أمر
بس كول شتريد وتدلل اللي نكدر علية نسويه واللي الله ما ممكنه عليه أكو رب مينسى.
وبالنسبة للنقود بالاضافة الى الرد المجميل والمفيد والواقعي الاخ hussein5582 تعتمد على انه عندك كفيل لو لا ... وكفيلك اقارب لو بعيد .... ( يعني تكدر تسكن يمه اول كم يوم لو لا )لان اذا متكدر تسكن يمه حتى من هسه نشوفلك حل ..... وعنده سيارة لو لا حتى تحجي ويه المنظمة مالتك من توصل .... أو ندبرلك واحد عنده سيارة يوديك لمعاملاتك ويجيبك ... ومنو راح يستقبلك بالمطار حتى اذا ماكو احد اني اطلعلك للمطار لان صراحه وحدك صعبة .... وهسه راح ادزلك ايميلي على الخاص حتى اعرف شنو اللي تريدة بالنسبة للسكن .. ..... هاي المسائل هيه اللي تحدد انته راح تستعمل النقود اللي عندك لو لا.... أو تعتمد كليا او جزئيا على راتب المنظمة ... وبالمناسبة أول شهور الفلس اللي يروح ميرجع ... يعني اقتصد وقلص مشاريعك الزائدة حتى تكون مرتاح .وإسأل اكثر من شخص حتى تعرف الشئ اللي تريد تصرف بيه أي مبلغ حتى لو قليل ... لان اني هم جديد هنانه .
بالنسبة للغتك الانكليزية فالللغة بالاختلاط تقوة وبالمناسبة هنانه عدهم لهجه خاصة تختلف عن كل سكان اميريكا .. ولو مردت اطرح هذا الموضوع لسببين الاول ما اريد احبط معنوياتك( بس تتعلم بسرعه بالاختلاط ). والثاني ما اريد افتح باب نقاش . بس بصورة عامة كل مفرده انكليزية تفيدك هنانه.
أما عن المعاملات فأني انشالله انزل موضوع خاص على المعاملات وشنو الشغلات اللي لازم تسويهه لحد الحصول على ال(ID).
وانته تأمر أمر
أخوكم
غسان الاشقر
سان دييغو - كاليفورنيا