ankawa
منتدى الهجرة واللجوء => الهجرة و واللاجئين => الموضوع حرر بواسطة: simpe في 04:50 10/06/2009
-
سلام عليكم اتمنى اعرف اني اذا وصلت الى ولاية وردت اغيرها مباشرة يعني ما اوقع الى الاورق بس المشكلة هاي اول 3 ايام اني وين اسكن ومنو يحجز طيارة للولاية الجديدة وبعدين المنظمة الجديدة منو ايكول مباشرة راح تقدملي مساعدات ايجوز هم تتاخر انتو شدكولون احد مر بهاي التجربة
شكرا
-
والله ماادري إن شاء الله الاخوان الموجودين يساعدوك اذا عدهم معلومات
-
والله يا اخويه اني اللي اعرفه مو 3 ايام بنفس اليوم اذا اتريد تكدر تحجز
طيارة بنفس المطار الي ختنزل بيه وتبلغ ممثل المنظمة تريد اتغير ولايتك ولاتوقع على اي ورقه
اني صاحبي بولاية ايوا حجيت ويا المنظمة الي هي بتكساس كالولي يجي مباشرة ونتكفل بيه
ويكعد وياك اذا اتريد والايجار على اثنينكم يندفع
-
اخي ما دام المنظمة هي الي كانت الكفيل من البداية هي المسؤولة عنك بكل شي حتى حجز الطائرة لغير ولاية وهما راح ينطوك كل اوراق النقل حتى من تروح لغير ولاية تاخذ كل حقوقك كلاجئ وهما راح يرتبون الك مسكن اخر للولاية الي راح تنقل الها لانه راح يكون الهم اتفاقية مع المنظمة الاخرى لهذة الولاية الي سوف تذهب اليها وهم سيستقبلوك بالمطار كما فعلت المنظمة الاولى معك لا تهتم كل شي هم يعرفون ولا عليك سوى حمل حقائبك وبس
-
اني سالت هذا السؤال للمنظمة وكلولي اذا تغير الولاية حيكون التغيير على حسابك الخاص وممكن تنحرم من المميزات و المساعدت الي تقدمهة الك المنظمة
اني غير متاكد اذا كان كلام الموظفة صحيح لان سمعت من العراقيين المسافرين كلام يناقض كلامهة
اذا انت ممسافر بعدك الى امريكة تكَدر تغير ولايتك وتروح للمنظمة وتكللهم يدزون رسالة الى المنظمة الي مهتمة بالعراقيين و غيرهم الي يعيدون توطينهم في الولاية الي انت تريد تروحلهة وتلغي ولايتك المحددة سلفاً
جواب الايميل من المنظمة في امريكة وتحديد الولاية ميطول هواية بس لازم تروح انت بنفسك وتكللهم يدزون ايميل الى المنظمة في الولاية الي انت تريد تروحلهة (ممكن اطول اقل من اسبوع)
مع العلم اني بمصر وهاي الاجرات اني سويتهة بنفسي و مسمعتهة من احد
بالتوفيق للجميع
فحامي
-
اخي فحامي اني ذكرت حجز الطائرة مو دفع المبلغ مال طائرة طبعا هذا راح يكون على حسابه الخاص عند التغير وهو في الولاية التي ذهب بها اول وصوله للولايات المتحدة
-
اخي بالنسبة الى ولاية نبراسكا طبعا طلبت تغيير الولاية من بداية وصولي وكان عندي كفيل وكانت المنظمة باستقبالي مع الكفيل بالمطار وكان ماجرين بيت وكان مؤثث تاثيث كامل وفي اليوم الثالث من وصولي ذهبنا للمنظمة وطلبت ان اغير الولاية لكن فوجئت عندما قالت لي ان دفع الايجار سيكون لمدة 3اشهر ويمكن 4 فكل ولاية تختلف عن الولاية الثانية فوقعنا العقد وحسب اللي سمعنا من بعض الناس انو بعض المنظمات تدفع الايجار لمدة شهر واحد فقط وبعدها يكون الايجار عليه وانشاءالله بعد اكمال 6شهور سنغير الولاية
-
الاخوان و الاخوات ...الموضوع مهم و يستحق ان يكتب كموصوع اساسي و به كل التفاصيل..لان هذا مستقبل و توجيه الدفه بالاتجاه الصحيح..ذكرت تفاصيل كثيرة بهذا الموضوع و لكن بها قصور يعني مو بالتفصيل الممل..لان حسب معلوماتي انه الشخص الي يريد ان يغير و جهته الى ولاية اخرى بدون ان يخبر الIOM في الدولة الي مقدم منها ..يعني يخبرهم من يوصل ..يكون به صعوبات او اجراءات كثيرة و احتمال تكون عسيرة !! ومنها و حسب ما ذكر الاخوان راح يخسر مميزات ؟يعني بالظبط او بالتحديد شراح يخسر؟ الفود ستامب؟ التامين الصحي؟ المعونة المالية اذا اكو معونة مالية تعطى بالاضافة للفود ستامب(كل حسب ولايته) ام فقط راح يخسر معونة ايجار السكن؟ و اذا يريد تحويل ولايته الى ولاية اخرى بعد يوم او يومين(اهم شي ما موقع اي شي) لان بامطار الشي الوحيد الي راح توقعه هو على انك ملزم بدفع بطايق السفر لا اكثر و لا اقل..فيبقى يعني بعد يومين من وصولة و اخبرهم انه يريد تغير الولاية شراح يحصل و شراح يخسر؟و حسب معلوماتي انه شغلة التغير يحتاجلها نقاش حاد مع المنظمة لان هم اهم شي عندهم انه توقع بدون نقاش..اترك الباقي لاصحاب الخبرة
اخوكم قرش بغداد