ankawa
منتدى الهجرة واللجوء => الهجرة و واللاجئين => الموضوع حرر بواسطة: khldoon2000 في 16:09 10/06/2009
-
السلام عليكم كيف الحال اخواني واخواتي المحترمين
ارجوكم اريد احد في هذه الولاية لانه عندي صديق سوف يذهب الى هذه الولاية وهو يريد ان يعرف
اي المدن احسن ؟؟؟
المناطق الافضل ؟؟
المنظمات والمساعدات ؟؟؟
الشغل هو متوفر ام لا ؟؟؟
الجو مالتها شلونة ؟؟؟
وكل شيء عن هاي الولاية ارجوكم ساعدوني في هذا الموضوع ولكم جزيل الشكر والتقدير
-
وعليكم السلام ورحمة الله وبركاته
اخي العزيز اني عندي اقاربي بشيكاغو وهي مثل ما تعرف مدينة تابعة لولاية الينوي
ويكولون شيكاغو كلش حلوة وامينة بش هما كاعدين بعيد عن مركز المدينة تقريبا ساعة او اقل شوية لان حسب ما يكولون نبعد عن الشر لان على طول مركز المدينة يكون زحمة ومليان حوادث
وبصراحة ما اعرف المنظمات هناك لكن بالنسبة للعمل يكولون زين والمنظمة هي اللي لكتلهم الشغل ومرتاحين ويشتغلون 8 ساعات باليوم كل ساعة 8 $
والجو مالتهه بارد جدا بالشتاء يكولون عدنا 3 أشهر ثلوج متواصلة وبعدين يصير الجو طيب وهسا من احجي وياهم يكولون حارة بس اكو امطار خفيفة
وبالنسبة للايجارات غرفتين وهول ومطبخ ب950$ واذا غرفة وهول ومطبخ ب750$ واكو بيوت طابقين ب1400$ وبصراحة هذا كل اللي اعرفه بس اذا تريد اي سؤال اني اسألهم وارجع اجاوبك
-
شكرا اختي العزيزة الشمرية وبارك الله فيج والله يسهل امركم
اختي العزيزة اذا بس سؤال هي شيكاغو احسن مدينة بهاي الولاية لولا
وشكرا جزيلا
-
اخي العزيز حسب ما اسمع شيكاغو احسن مدينة وحتى لمن انسوي بحث بالكوكل يكولون نصف سكان الينوي يعيشون في شيكاغو يعني لو مو زينة ما يعيشون بيها ! واقاربي يكولون كلش حلوة وزينة واسعارها رخيصة وصارلهم بيها سنة و3 شهور واخذوا هسا كرين كارت وشكرا
-
عاصمة إلينوي هي سبرينج فيلد.
أكبر مدنها شيكاغو حيث يوجد بها مشرق الاذكار البهائي الذي فاز بالمركز الاول لافضل المعالم السياحية بولاية الينوي. تسمى IL اختصاراً.
من المدن الكبيرة أيضاً - روكفورد وتقع في شمال الولاية. - بيوريا وتقع في وسط الولاية.
شيكاغو (بالإنجليزية: Chicago) هي ثالث أكبر مدينة في الولايات المتحدة الأمريكية سكاناً بعد مدينة نيويورك ولوس أنجلوس. تقع مدينة شيكاغو في ولاية إلينوي.عدد سكانها مايقارب 8,5 مليون نسمة، تشتهر شيكاغو بأنها أحد أكبر مدن العالم وإن لم يكن أكبرها أحتضان للجميع جنسيات العالم. يشكل السود أغلبية فيها حيث يمثلون 34% ثم يأتي البيض 32%
في شيكاغو تتواجد اثنين من المطارات الدولية الرئيسية ، المطار الدولي ميدواي ومطار أوهير الدولي (الثانية الأكثر ازدحاما في العالم من حيث عدد الركاب). شبكة مترو الانفاق (Chicago 'L' ) تستعمل بشكل كبير.
-
شكرا جزيلا اختي العزيزة الشمرية على هاي المعلومات
وشكرا للاخ تايكر على هاي المعلومات الرائعة
-
السلام عليكم
اخي العزيز انا سأسافر الى شيكاغو ولدي اختي هناك وصارلها ستة سنوات وهم يسكنون ديفون (mozart street ) وهي منطقه جدآ جميله وهادئه وتبعد عن (down town.). وبيها عراقيين هوايه . واسعارها مناسبه لبقية الولايات والايجارات تبدي من 700$ وانت صاعد .. والعمل متوفر للي يبحث عنه . والشتاء عدهم كله ثلوج لمدة اكثر من ثلاث شهور وفي الصيف اكوا مطر متقطع بس الجو حلو . والملابس والاكل رخيص .. واختي تنصحنا تكول لاتجيبون كلشي وياكم لان كلشي موجود ....وحتى افران الصمون العراقي والخبز موجوده واكثر المحلات يمهم اصحابها عراقيين من القدماء في امريكا .
وانا سأسكن نفس المنطقه ان شاء الله .
ابو انس
-
أخي أبو عبد الرحمن
من المدن الجيدة بالولاية هي مدينة روكفورد ولو ممكن نحصل معلومات عنها فهي ممتازة
مع الشكر
-
ارجو المساعدة عن ولاية ايلنوي مدينة روكفورد