ankawa
منتدى الهجرة واللجوء => الهجرة و واللاجئين => الموضوع حرر بواسطة: ammar4_u في 16:53 11/06/2009
-
السلام عليكم
شباب شلونكم ان شاء الله تكونون بالف خير ؟
مثل متعرفون الشغل الشاغل للكل هوه تامين لقمة العيش الكريمة بعد الوصول الى امريكا فحبيت اطرح هذا الموضوع على الاخوان الي اكيد مرح يقصورن وشكرا مقدما للكل .
بالنسبه لموضوع الشغل قبل 6 اشهر تقريبا اتصلت بيه احد المعارف الي موجوده بامريكا وعنده الكرين كارد سالتني عن الوضع بالعراق واذا تكدر تجي تشتغل هنا لو لا.
الي افتهمته منه انه هيه مقدمه على شركه والضاهر عدهم فرع هنا (اما شركة مقاولات اودعم لوجستي او منظمه يعني شي من هذا القبيل) المهم موافقين عليه بالمقابله وعارضين على حسب قوله راتب زين بس الي منعه من الجيه هوه اول شي انه الشركه مقبلو يكولوله وين رح داوم الا اذا وقعت على العقد وثاني شي اهله وخوفهم عليه وتعرفون لان هيه بنيه.
رباط السالفه الشباب الي بامريكا هل لحامل الكرين كارد يكدر يشتغل ويه الجيش مره اخرى يعني دي او دي شلون هذوله العرب الي جاين وياهم كمترجمين او يشتغلون ويه منظمات او اي شي خارج امريكا هم الراتب زين وهم فتره محسوبلته على مود الجنسيه.
هل هذا الشي صحيح لو لا؟؟؟؟؟؟؟؟؟
-
الاخ عمار...
نعم، يحق لحامل الكرين كارد العودة للعمل في العراق كمتعاقد مع الجيش او مع اي شركة اخرى تابعة للحكومة الامريكية، ويحق له الالتحاق بالجيش ايضا، ولكن...
بالاونة الاخيرة تم فرض شروط شبه تعجيزية من قبل شركة GLS وهي شركة الترجمة الموجودة في العراق، هذه الشروط على حاملي الكرين كارد فواحد يشيل من باله هاي الشركة احسن.
for me, I'm talking to a recruiter and I'm going to enlist as 09L
Regards
-
اخي العزيز عمار ...هذا موضوع اني كاتبة ..فيما يخص واجبات وشروط التتطوع في الجيش الامريكي ..وبقية المنظمات والشركات الامنية ...
تحياتي الك
ابن بغداد
VA
-
شكرا شباب على المرور
ابن بغداد اذا امكن دزلي النك لان بحوشت على هيج موضوع وملكيت فلو اني دايخ لو اني مشفته وشكرا
-
والله موضوع جدا مهم
اخي يمكن لك العوده والعمل مع اي جه امريكيه
ومع اي شركه
اخوك NOOR 2
-
اسف اخي العزيز ..شكد عيب نسيت اخلي الرابط....خخخخخخ
وهذا الرابط وتدلل ياوردة
http://www.ankawa.com/forum/index.php/topic,269002.0.html
-
ممنون حبيبي ياورده
لا عادي حبيبي ..بس اني كلت اشو شدلي المغذي ...والله ياابن بغداد اني اسال على هذا الموضوع اكول في حالة انلاصت لاسامح الله وتعرف اذا الواحد متزوج كلت اجيت لو بجهنم وعلى كال حال ممنون على التعب وعلى هذا الجهد الرائع وبالتوفيق
-
آخر تحديث: الأحد 15 فبراير 2009 04:23 GMT
قبول تطوع المهاجرين في الجيش الامريكي
قرر الجيش الامريكي قبول تطوع المهاجرين من ذوي المهارات النادرة والذين يحملون سمات دخول مؤقتة في صفوفه، واعدا اياهم بمنحهم الجنسية الكاملة في مدة قد لا تتعدى الستة اشهر.
وقالت صحيفة النيويورك تايمز التي اوردت النبأ ان هذه هي المرة الاولى منذ انتهاء حرب فيتنام يفتح الجيش فيها ابوابه لتطوع المهاجرين الى الولايات المتحدة بشكل مؤقت شريطة ان يكونوا قد اقاموا في البلاد لمدة سنتين على الاقل.
يذكر ان المقيمين الدائمين في الولايات المتحدة - اي حملة ما تسمى بالـ"بطاقة الخضراء" - يسمح لهم بالتطوع في الجيش الامريكي بشكل اعتيادي.
وقال ناطق باسم وزارة الدفاع إنه على علم بالتعليمات الجديدة، ولكنه لم يدل بأية تفاصيل اخرى.
وقالت الصحيفة إن التعليمات الجديدة من شأنها رفد القوات المسلحة بالمهارات والخبرات التي تفتقر اليها حاليا في مجالات الخدمات الطبية والترجمة والتحليل الاستخباري.
واضافت ان البرنامج سيحدد بالف متطوع في السنة الاولى سيساق اغلبهم للخدمة في القوات البرية.
وسيكون على المتقدمين للتطوع اثبات كونهم قد اقاموا في البلاد لمدة سنتين لم يغادروها اثنائها لمدة تتجاوز 90 يوما، كما يتوجب عليهم اجتياز اختبار للغة الانجليزية.