ankawa
منتدى الهجرة واللجوء => الهجرة و واللاجئين => الموضوع حرر بواسطة: traveler في 17:30 11/06/2009
-
اعزائي الاعضاء سؤالي هو عندي طفل عمره خمسة اشهر اريد اعرف اذا سافرنا شلون راح اكمل اللقاحات وشلون راح يعرفون يا لقاحات باقيله لان اهنا ما دا يعرفون يترجمون اللقاحات الي ماخذها بالانكليزي ؟
تحياتي
TRAVELER
-
عمي الله يساعدهم
عمي صارت ويانا هنا بماليزيا
ابن المرحوم جان دفتر اللقاح مالته بالعربي
والله شفت دكتور مصري هنا جيرانه ترجم اللقاحات بالانكليزي والحمد لله كملنا هنا بالمستوصف وكلش عادي
وعلى ما فهمني الدكتور انه اللقاحات معظم الدول نفس الشي
ابو الحسن
-
اخي العزيز 00 انشااللة من توصل بالسلامة الى الولايات المتحدة راح يسئلون عن اللقاحات واذا دفتر اللقحات معك حتى لو مترجم قليل ما يعترفون به وهم راح ينطون لقاحات للطفل من بداية ولادته لغاية دخوله للمدرسة
-
السلام عليكم
لا يابه شنو هي حامض حلوايه دينطوا علمود من جده وجديد
اخي هسه بس تروح اذا ماكو دكتور يمكم من اصل عربي فراح ينطوك لسته باسمي شركات الترجمه الي يعترفون بيه وتترجم و ما بيه اي مشكله مع العلم انوا الكثيرين ياخذون الرموز اذا مكتوبه بالانكليزي لانوا رموز اللقاحات عالميه
المهم اخي اخذ كتاب الي بيه قائمة الدكاتره الي بمنطقتك و ان شاء الله تلكي واحد عربي
و انطي الدفتره هو يترجمه ويعتمده و هذا بالضبط الي صار ويايه
لانوا ميصير طفل ياخذ لقاح اكثر من مره و العلم عند الله ثم ذوي الاختصاص
-
معلوم مهمه اخرى و هاي الادق علمود لا ادوخ نفسك
اكو اخترا ع :) يسموا تحليل دم عن طريقه يعرفون شنوا ماخذ لقاحات و هذا الي صار ويايه شخصيا
وفعلا طلع اكو لقاح الولده الله يسلمه مغلسه عليه جانت انطونيا
وشكرا
-
اخي العزيز traveler
الطفل عمرة 5 اشهر يعني شماخذ لقاح غير BCG
ثانيا اذا ملقحه بالعراق وعندك دفتر فمكتوب بالدفتر اللقاحات بالانكليزي بس الاشهر بالعربي يعني مو صعب ترجمتها
ثالث شي راح يسوون فحص او تست تحت الجلد للقاح الاول وبعدها يقررون يحتاج لقاح او يحتاج علاج
ممكن يعيدون اللقاحات وهيه اصلا مابيها مضرة للطفل والمنفعه الثانيه ان راح تحصل على ورقه لقاحات تفيدك باستخراج الكرين كارت
بالمناسبه انت او والدة الطفل هم راح تتلقحون او ورقه اللقاح مفيدة بالمعاملات ومابيها اي ضرر
تحياتي الك
-
اعزائي اعضاء المنتدى الرائع شكرا لكم جميعا على روح المساعدة والاخوة .
تحياتي ........traveler
-
اخي العزيز ..انشالله من توصل ال امريكا ..راح ينطوك استمارة كاملة ..من قبل طبيب العائلة ...
ويسالك انتة وعائلتك وحتى اطفالك شماخذين لقاحات بالعراق؟؟؟
لان همة بكل الاحوال راح يلقحوكم تلقيح كامل بغض النظر عن اللقاحات بالعراق ..لان بصراحة ما يعترفون بيهة ...
بالنسبة الي اني كتلهم كل انواع اللقاحات اللي جنت ماخذهة بالعراق ..ومع هذا كالوا لازم تاخذهة كلهة ...
وبالنسبة للترجمة ..يوجد فريق ترجمة طبي كامل بكل مستشفى فلا تحير اخي العزيز
تحياتي الك ابن بغداد
-
شكرا الك اخي العزيز ابن بغداد
-
اذا انت في بغداد تستطيع ان تترجم بطاقة اللقاحات لدى مكتب نادر اني سويت هيجي وتم فقط استكمال اللقاحات في امريكا
علما ان هناك لقاحات اضافية حتى للبالغين
-
اخي العزيز
لاتحتار
لديك سجل اللقاحات
مسجل به كافة اللقاحات
تاخذه معك
وهذا الشيء راح يوضح لهم لقاحات ابنك
اخوك NOOR 2
-
الاخ العزيز اذا انت في بغداد فروح للهلال الاحمر باللقاحات يترجموهة الك ...تحياتي