ankawa
منتدى الهجرة واللجوء => الهجرة و واللاجئين => الموضوع حرر بواسطة: عبسي في 12:51 12/06/2009
-
اخواني الاعزاء من المتحولين على السفارة الكندية وانطوهم فايل نمبر اكو موضوع نزل سابقا بخصوص متابعة ملفكم وتطورات قضيتكم عن طريق النت بس ما اخذ الاهتمام الكافي بوقتها وهسة اني جربته ونجح فحبيت اشرحلكمياه بالتفصيل ملخص الموضوع هو انه راح انطيكم موقع تابع لدائرة الهجرة والجنسية الكندية وتدخلون معلومات بسيطة ورقم فايلكم ويبين قضيتكم وين واصلة اول شي ادخلو على هذا الرابط
https://services3.cic.gc.ca/ecas/?app=ecas&lang=en
ثانيا:انزلو اسفل الصفحة دوسوcontinue
ثالثا:انزلو اسفل الصفحة الجديدة واكو مربع خلو بيه اشارة صح وهم دوسو continue
رابعا:هسة وصلنا الصفحة المهمة في اول اختيار تختارونimmigration file number وبثاني فراغ تكتبون رقم فايلكم اللي يكون مسبوق بحرف b ومتكون من 9 ارقام وبثالث فراغ تكتبون اسم العائلة اي اللقب وتكونون دقيقين الاسم بالانكليزي مثل ما كتبتوه بالفورمات وبرابع فراغ تكتبون تاريخ ميلادكم وبالخامس تختارون الدولة وهي العراق واخر شي تدوسون contine
اخواني راح يطلعلكم اسمكم ورقم ملفكم باليو ان ومعلومات عن قضيتكم يعني شوكت بدت السفارة تدرس ملفكم و شوكت قابلتكم وليوين وصل الملف واي استفسار اني حاضر ............اخوكم عبسي
-
مشكور اخي العزيز على المعلومات
أنا جربت هذا الرابط سابقا ولم احصل على نتيجة
والان جربته مرة اخرى كذلك لم احصل على نتيجة
تحيات اخوك
-
شكرا جزيلا اخي ماجلان
اخي lenatelecom ترة اني جربته واصدقائي هم جربوه وماكو اي مشكلة بس لازم تتاكد انه تكتب حرف ال b قبل الرقم وتتاكد من اللقب تماما وتختار immigration file number مو غير اختيار ومية بالمية يطلع
-
ورد عبسي ...... تعيش يا بطل ....
-
عبسي انت ليش متتعين بالسفارة مو احسن من تسافر لكندا وتظل تساعد اخوانك العراقيين شدكول؟
الله يبارك بيك اخوية عبسي على الموضوع المهم ويسهل امورك دنيا واخرة
تحياتي يا بطل الابطال
ابو محمد
-
عاشت الايادي اخي عبسي بس ممكن سوال هاي بس الي متحولين للكندية 0 يعني قصدي الي مقدمين معاملة مال كنائس هذة تختلف لو نفسها ممكن جواب اخي عبسي واكون ممنونه منك والف شكر للموقع
-
مشكور اخي العزيز على المعلومات
أنا جربت هذا الرابط سابقا ولم احصل على نتيجة
النهائيه هو صحيح ينطيك النتيجه لحد المقابله بس ورا المقابله مينطيك اي نتيجه نهائيه مشكور مره ثانيه
تحيات اخوك ابو الحظ
-
اخويه السفير عبسي انته ورده ويارب نسافر اني وياك بنفس الطياره حتى اذا صار شي تكدر تصيح عدنان يساعدنا ;D اني اشكرك والله احبك على هذه المعلومه بكد حب عدنان ولينا :-*
اخوك : الفريدو
-
اخوان والله خجلتوني وما اعرف شلون اشكركم
اختي انجي ماطول عندة رقم يبدي بحرف ال b يرهم سواء كان هجرة او لجوء او كنائسية
-
الف شكر اخي العزيز عبسي بصراحة مااعرف ان كان عنده رقم يبدي بحرفb اولا لازم اخابره واسال المهم ربي يوفقك اخي العزيز الف شكر
-
شكرا اخي على المعلومات المفيدة
الله يباركك
اخوك يوجد امل
-
عاشت ايدك عبوسي وبارك الله بيك
-
اخي العزيز عبسي اخواني الاعضاء السلام عليكم : بصراحه دخلت الموقع واستعانيت بخبرة اخي في كندا ولما دخلنا الموقع ما عرفنا غير تاريخ البدء بالملف وحسب معلومات اخي حيث قال ان المعلومه بعد ما يبلغوك بيها تنزل لان اخي عندما سحب ابي وامي الى كندا كان متابع هذا الموقع وكال كنت اراسل ويردو ان المعامله قيد الدرس ولما وصلو الى كندا بعدها لما نزلو الموافقه .... اذا احد فهم غير الي فهمته ارجوكم ان يفهمنه وشكرا للاخ عبسي على هذا الموقع وشكرا للجميع وانشالله مانحتاج هذا الموقع ويتصلون بينا ونخلص من هذا الهم وجزاكم الله خير
اخوكم : الفريدو
-
هذا الموضوع اندفر 6 صفحات ليورة فكلت شوية اصعدة وخصوصا ام شهد بلكي تستفاد منة ...........تحياتي
-
هذا الموضوع اندفر 6 صفحات ليورة فكلت شوية اصعدة وخصوصا ام شهد بلكي تستفاد منة ...........تحياتي
عاشت ايدك على هاي الدفره عبسي وحسينه بيها بمصر
-
تسلم عكعوك شنسوي اذا كل مواضيعنا تندفر ليورة من ورة جمعياتكم بس جمعيات المحلفين مالتكم صارن فوك السطعش جمعية جماعة 4 و7 و8 و11 و15 وقيد الدراسة و16 حزيران ............الخ لو تسوون ائتلاف وتلموهن كلهن مو احسنلكم
-
عاشت ايدك عبسي على هذا الموضوع والموقع الله يبارك بيك والله يجعله بميزان حسناتك صدك موضوع مفيد ورائع
اي والله حقك كل واحد عنده سالفه سوه جمعيه عليها اني فكرت اسوي جمعيه الرفق بالحيوان لان مثل متعرف الطليان صارا هوايه ولازم ارفق بيهن ;D
-
اخواني الاعزاء من المتحولين على السفارة الكندية وانطوهم فايل نمبر اكو موضوع نزل سابقا بخصوص متابعة ملفكم وتطورات قضيتكم عن طريق النت بس ما اخذ الاهتمام الكافي بوقتها وهسة اني جربته ونجح فحبيت اشرحلكمياه بالتفصيل ملخص الموضوع هو انه راح انطيكم موقع تابع لدائرة الهجرة والجنسية الكندية وتدخلون معلومات بسيطة ورقم فايلكم ويبين قضيتكم وين واصلة اول شي ادخلو على هذا الرابط
https://services3.cic.gc.ca/ecas/?app=ecas&lang=en
ثانيا:انزلو اسفل الصفحة دوسوcontinue
ثالثا:انزلو اسفل الصفحة الجديدة واكو مربع خلو بيه اشارة صح وهم دوسو continue
رابعا:هسة وصلنا الصفحة المهمة في اول اختيار تختارونimmigration file number وبثاني فراغ تكتبون رقم فايلكم اللي يكون مسبوق بحرف b ومتكون من 9 ارقام وبثالث فراغ تكتبون اسم العائلة اي اللقب وتكونون دقيقين الاسم بالانكليزي مثل ما كتبتوه بالفورمات وبرابع فراغ تكتبون تاريخ ميلادكم وبالخامس تختارون الدولة وهي العراق واخر شي تدوسون contine
اخواني راح يطلعلكم اسمكم ورقم ملفكم باليو ان ومعلومات عن قضيتكم يعني شوكت بدت السفارة تدرس ملفكم و شوكت قابلتكم وليوين وصل الملف واي استفسار اني حاضر ............اخوكم عبسي
تسلم ياورده على المساعده والجهد , عيني عبسي فتحت الموقع وكتبت كل المعلومات بس انطاني النتيجه انه اكو عدة اسباب لعدم قبول المعلومات منها انه المعلومات غير صحيحه بالرغم اني اتاكدت كم مره انه صحيحه واسباب ثانيه اعتقد مرح احصل نتيجه من الموقع لان اني سبق وقريت موضوعك هذا وهم حاولت بس المهم اخي العزيز روح المساعده الحلوه اللي عندك واتمنى رب العالمين يوفقك يارب بالتوفيق انشاء الله
-
ايه الطعامة دي ,,,ايه الحلاوة دي احييك على روح المساعدة عبوسي
و الحجي بيناتنة مولانا عكعك كام يذب بسامير كونكريت علمود الطليان هاي شلون شغلة ;D
-
ايه الطعامة دي ,,,ايه الحلاوة دي احييك على روح المساعدة عبوسي
و الحجي بيناتنة مولانا عكعك كام يذب بسامير كونكريت علمود الطليان هاي شلون شغلة ;D
-
عاشت إيدك عبسي
عيني عكعك أني أريد أسوي جمعية لحم الطليان الحلال
بلكي واحد من هالناس اللي دتسافر يحن علي و يطعمني لحم طلي هههه
عيني عبسي لا يغرك الجمعيات ، كثرة على قلة خير، كلنا تالينا يا مرفوضين يا عالشحن
و تالي ما تالي ، إذا الله وفقنا و إذا كنا محظوظين راح ننظم للسرا مال كندا
يعني أنتم الأصل , إحنا التابع
تحياتي
-
حبيبي wingo والله لو تدري شلون ممرود من اسمع اخبار الرفض واللعب باعصاب العالم حتى ما اكدر اكتب شي بهاي المواضيع بس والله اندعيلك واندعي للاخوة الباقين بلكي يرجعون يومك من 15 الى 11 مثل بعض الاخوة اللي حولوهم من اليوم الى يوم 11 وفي اسوء الاحوال لا سامح الله فكندا ان شاء الله افضل من اميركا بس انتو خلو عينكم بعين الله وطولو خلكم والله يسهللكم ان شاء الله
اخوك عبسي
-
لسلام عليكم. هلا شباب
اريد أسأل عن كندا كثير.
يعني كم تاخذ الاقامه لحد تطلع بالنسبه لفلسطينيه غزه اذا عندك معلومات. او اذا تعرف حد هناك تسأله
هل يحق للاجئ العمل؟ هل هناك لاجئين يحرمون من العمل ولماذا؟
هل استطيع ان أدخل الجامعه (بفلوسي طبعا) وانا في مرحله اللجوء؟
ماذا يقدمون لي كلاجئ هناك عن وصولي من مال وسكن؟
انا اريد انا اسلم نفسي في المطار وتمزيق جوازي ولكني امللك بطاقه الهويه الفلسطينينه الممنوحه لنا من اسرائيل وهي بطاقه لفلسطيني الضفه وغزه فقط. ما هي القصص الدارجه هناك لاهل غزه (ممكن تسأل احد فلسطيني من غزه) انقطع نفسي وانا ادور عن احد. علما اني متواجد في السويد حاليا واخذت ثلاث رفوضات وماينفع اظل احاول في البلد المعفن هاظ الا مالا نهايه.
انا اجيد الانجليزيه ومعاي شهاده هندسه مدنيه من امريكا ولايه مونتانا. هل تعقد اني راح الاقي شغل؟مين احسن مدينه انزل بيها عند تقديم اللجوء للعمل؟
أرجو المساعدو وشكرا جزيلا لك على مجهودك الرائع.