ankawa
منتدى الهجرة واللجوء => الهجرة و واللاجئين => الموضوع حرر بواسطة: lionofiraq في 13:39 12/06/2009
-
السلام عليكم شلونكم اخواني الأعزاء احب احيي من صميم قلبي جميع الأخوة الأعضاء في المنتدى و احب اكتب عن موضوع يمكن محد يعرف عنه او بالأحرى لمن يتطرق اله اي شخص قبل الا و هو العيش في دول جنوب شرق اسيا طبعا مثل متعرفون انه احنه العراقيين ماخذين نظرة عن اهل جنوب شرق اسيا انهم لطيفين و حبابين و خوش ناس بس ترة صدكوني بعد التجارب الي شفتها في اندنوسيا شفت العكس و الله يكرهون العرب و يكرهون الأجنبي بشكل مو طبيعي و حقودين بشكل موطبيعي و هذا الشيء لمسته من خلال احتكاكي بيهم اني الي اريده من الموضوع هو اني اوعي المجتمع العراقي و العربي الا مدا خطورة تلك الشعوب و مدى صعوبة التعامل معهم لأن انهم يبتسمون بوجهك و لكنهم حقودين و انتقاميين جدا و اني عندي هواية مواقف حصلت الي هنا و مع والدتي بصراحة اتعجبنا من تصرفاتهم العدوانية و الحقودة و بالفعل هذولي الجنس الأصفر موخوش جنس ابدا و الله يكون بعون العراقيين الي عايشين بهاي الدول بس اتمنى من الله اني يعجل بالهجرة و اطفر من اندنوسيا و بعد ما ارجع الى هاي الدول ابدا بأذن الله اني اسف لأن طولت عليكم بس حبيت اكتبلكم موضوع جديد حتى اتكون عدكم صورة عن هاي الشعوب و بصراحة اذا اريد اكتب شنو الي سووا ويانا و الله يمكن يرادلي عشر صفحات يلة تكمل اتقبلوا تحيات سبكتر المقدوني
-
شكرا جزيلا اخي طيف عالمعلومة و بارك الله بيك ...... اني من رايي بان وين متروح اكو الزين و اكو الموزين ,,,,,, تبقة يم الواحد شون يتجنب الموزين و يحاول يحدد علاقاته حته ويه الزين لان بهاي الدنيا محد يفيدك بس نفسك .......
شكرا مرة ثانيه
-
عمي السلام عليكم
عمي بس حبيت اوضح نقطة ليش الاندوسيين يكرهون العرب ؟؟؟
معظمهم يشتغلون او جانو يشتغلون بالخليج وبالاخص سعودية ودبي ؟وتعرفون شلون الخليجي يعامل الوافد بدون الدخول في تفاصيل كلنا نعرفها
فالاندوسي يكره شي اسمه عربي والعربي بالنسبة الهم سعودي وخليجي
اذا تجي لماليزيا
الجيل القديم قبل الثورة الاقتصادية مالتهم هم نفس الشي جانو يشتغلون بالخليج وتشوفهم يكرهون العربي
لكن جيل ثورة مهاتير محمد لا بالعكس يحب العربي ويحب اي شي بي اسم عربي لان معناها عندهم عربي يعني اسلام وايام الرسول محمد ص
الله يسهل علينا ونطلع ولانظل لا بجنوب ولا شمال ولا غرب ولا شرق اسيا
ايو الحسن
-
السلام عليكم اخوان شكر خاص الى شبح بغداد و ابو الحسن بس احب افهمكم انه اني ترة صدكوني ما عندي عداوة شخصية وياهم بس من كثر القصص الي سمعتها من العراقيين و العرب الي هنا و الشغلات الي صارت وياية و قسم منها اتخليني افقد اعصابي عرفت مدا كرهم للعرب و لا اتكولولي جماعت مهاتير و لا هم يحزنون بس هم المشكلة انه يشوفك عربي يشعر بيك انه انت مليونير و احسن منه بكل شيء و هاي شفناها بالكليات و تعالوا هنا بالجامعات و شوفوا و الله اكو طالب عراقي يدرس هندسة فد استاذ كاللهم اني اكره العرب و راح ارسبكم كلكم اني لازم انبه كل العراقيين حتى يعرفون شنو السالفة لأن اضاهر الجماعة ما خذين فد فكرة خاظئة عن جماعة جنوب شرق اسيا و لكم الشكر و التقدير اسبكتر المقدوني
-
عمي طيف حبيبي انته ما فهمتني
اني مو قصدي عندك عداوة وياهم
وانما شرحت سبب كرهم للعرب
يعني الاندوسي مو طلع من بطن امه يكره العرب؟
غير فعل ورد فعل يا عمي
ابو الحسن
-
اخي العزيز طيف اخواني الاعضاء السلام عليكم : احب انبه على شغله وهي شلون تريدهم مايحقدون على العرب ؟ يعني ابسط مثال هنا في الاردن ... انا كان عندي مكتب لتشغيل الخادمات وكانت عائلات راقيه تتعاقد معي حتى ياخذون الخادمه ويكربون عليها 24 ساعه وبعد فتره يسوولها مشكله حتى تطلب ان تترك الشغل ولما تترك يكولولها انتي طلبتي تتركي الشغل وما يعطوها باقي اجرها وكثير حالات تشتغل وبعد شهور يبلغو عليها ويسفروها .... هذا الحقد شنو يولد ؟؟؟ ولا تتوقع انهم يكرهون العراقيين ! بل يكرهون العرب بصوره عامه على ما شافوه من ظلم وذل ... واكو مثل يكول (مو كل اصابعك سويه ) وخليها على الله ولا تصدك اكو واحد مرتاح بالغربه والله يوفقك اخي
اخوك : الفريدو
-
والله اخوية الله يساعدك ويساعدنة من العنصرية والحقد والحسد هذة الحقد موجود في كل مكان حتة في كل الدول ولتصدك اذا تروح لامريكة راح تخلص من هذة الحقد والتمييز خاصة في الولايات الجنوبية
اني اخوية صارلة اكثر من ثلاث سنوات صدكني العرب هناكة والامريكان ومكسيكان لعبوا بي طوبة ما اريد اكللكم التفاصيل لان اكو اخوان يتهجمون على الي يتكلم بالسوء على امريكة بس صدكني العنصيرة و الحقد العرقي و المذهبي او الخ موجود في كل مكان ممكن يكون نسبتة متفاوتة بس موجود
الله يساعدك اخي والله ينعصر كَلبي من اسمع هيجي اخبار
بالتوفيق وان شاء الله تسافر وترتاح وتستقر
فحامي
-
السلام عليكم شلونكم اخواني شكرا على الردود الجميلة و احب اشكر اخوية الفحامي على رده الجميل و احب انوه الى انه اضافة الى العنصرية الي في دول جنوب شرق اسيا الى هناك مجاميع عربية غير جيدة صايريين اتعس من الأسويين بس احنه شنكول اكل مر و لا اتعاشر مر بس الحمد لله على كل شيء و ان شاء الله غمة و اتزول و ادعوا بالموفقية للجميع و ان شاء الله ابقى على تواصل وياكم اين ما كنت و تقبلوا تحياتي المعطر بعطر الورد و الياسمين لكم جميعا اخوكم سبكتر المقدوني
-
والله يااخ طيف كلامك عالجرح
همه موبس يكرهون العرب وانما يحسدوهم ايضا ويتمنولهم اسواء مصير صارلي 3 سنوات اريد اشوف ادمي مااذه العرب مدااشوف يعني ممكن الماليزيين زينين بس الصينيين واندنوسيا وتايلند حدث ولاحرج وعندي مواقف وقصص وياهم صدك تسم البدن
بس الواحد وين ينطي وجهه بهالهيمه يعني اذا هيه الدوله الوحيده اللي تستقبل العراقيين بدون فيزا
هذاك اليوم اشتريت من محل دونات بسعر 11 رنجت ولانه اني لابسه عبايه اسلاميه الاخ عباله اني سعوديه نطيته 100 رنجت والمفروض يرجعلي 89 بس الاخ رجعلي 35 رنجت طبعا حتى فاتوره اللي كل البشر ياخذوهه مانطانياهه بس اني ماحطيت ايدي عالفلوس وكلتله الحساب غلط والمشكله ضل يصيح عليه ويكولي انت متعرفين تحسبين وبعين صلفه جان اكوله بالماليزي اني عايشه هنا صارلي 3 سنوات طبعا راسا ملامحه تغيرت ورجعلي الباقي ورحت اشتكيت عليه وحطيت اسمه بصندوق الشكاوي
وغيرها وغيرها
بس ارجع واكول عجبي على العرب اللي يجون سياحه لماليزيا ومايعرفون طكه انكليزي طبعا هذوله اول قائمة المسروقين
مظلومه سوادي