ankawa
منتدى الهجرة واللجوء => الهجرة و واللاجئين => الموضوع حرر بواسطة: محمد ابن زيونه في 08:57 13/06/2009
-
السلام عليكم جميعا
اخواني واخواتي في بغداد وخاصه اللي عدهم تهديد مباشر , هل جربتم الذهاب الى منظمه الاي او ام بدون موعد والطلب منهم ان يساعدوكم في تسهيل عملية السفر ؟ هل هذا يساعد في عملية تسريع المعامله . ارجو الرد من جميع الذين لديهم خبره ؟
-
تستطيع ان تذهب مباشرة وتجرب وأن مقرهم حاليا هو قرب قصر المؤتمرات ولا تحتاج الى باجات للدخول احضر معك فقط جواز جي وهوية الاحوال
من الافضل ارسال الايميل في كل الاحوال وشرح نوع التهديد بالتفصيل والدلائل ان وجدت وتستطيع الذههاب بعد ان تستلم الكيس نمبر مرة اخرى لكن الخطوة الاولى هي ارسال الايميل
-
والله اخي مااتصور انه راح تستفاد شي لانهم حسب علمي راح ايكلولك روح واحنهة اندز عليك للموعد وانتظر حالك حال المنتظرين!!!!!!!!!!!!!!!
-
صديقي
هو اكو واحد مو مهدد؟؟؟؟
يعني تتوقع اللي يروحلهم برجليه ويكلهم انه هو مهدد راح يداروه اكثر؟؟؟
هذا شلون حجي هذا
-
لا صديقي العزيز اني كلش افتهمتك بس راح اوضحلك واسف لان صارلي فترة ملتهي
اولا الدخول للمنطقة الخضراء للاي او ام (اوشن كلفس سابقا وهسه يم ساحة النسور) مستحيل على العراقي اذا مو عنده شغل رسمي (يعني وحدة من المقابلتين) واكو حالة نادرة شوية وهي انه اذا صارتلك مشكلة امنية اثناء عملك نتيجة معلومات مخطوؤة اجتي عليك وعندك ظابط جبير او موضف جبير وكفلك فهو يكدر يصير اسكورت الك لهناك حتى تشرحلهم مشكلتك بس طبعا بعد ان ينشلع كلبه مراسلات وياهم ويوافقون على مقابلتك وينطونكم موعد وبهالحالة تطلع البطانة اغلى من الوجه... يعني اقصد هم موعد وانتضار
ثم شيجيبة لهذا الشخص الطاك وضيفيا (سواء مدني او عسكري) واللي واحدنا يمون عليه لهالدرجة بحيث هيجي يذبح روحه
عيني همه عدهم نضرية مخطوءة هي انه اللي بعده بالعراق لو صدك يشعر بتهديد جان فلت لغير دولة وميكولون انه اللي عنده فلوس هو اللي فلت خارج العراق وقدم مناك وسرعولة شغلته (طبعا ما اريد واحد يزعل من حجايتي الاخيرة لان كل اللي دا احجي عليهم همه اللي اشتغلوا وية الاجانب يعني اي او ام مباشر ومعلية من جماعة اليو ان اج سي ار)
ثانيا انته تكدر بالمقابلة الاولى مثلا او بايميل التقديم تقنعهم وانته وشطارتك انه وضعك كلش حرج ومثلا ما عندك امكانية مادية عالسفر او محد من دول الجوار يقبل ينطيك فيزا
بالمناسبة انته بيا مرحلة ؟؟؟