ankawa
منتدى الهجرة واللجوء => الهجرة و واللاجئين => الموضوع حرر بواسطة: hibaadham في 10:58 14/06/2009
-
الى جميع مشتركي المنتدى
المساعدة رجاءا
قدمت على المنظمة IOM في بغداد وأكملت كافة المقابلات وانا الان بانتظار موعد السفر، عندي مشكلة عويصة جدا :'( أنا مطلقة وعندي طفلة تبلغ العمر سنة ونصف، مشكلتي هل هناك أي عوراض أمنية تنمع سفر الطفلة معي ؟ مثلا من قبل المطار في بغداد ؟ الطفلة حسب القانون العراقي ضمن رعاية الأم إلى سن 15 سنة وبعدها تختار السكن مع الاب أو الام،الاب لا يسأل عنها نهائيا ولا يعرف عنها شيئا،
المشكلة عندي في المطار هل يتم السؤال عن أبوها؟ هل هناك مانع يمنع إخراجها وسفرها؟ علما أن جنسيتي لا زالت متزوجة (أي لم أقم بنقل نفوسي إلى أهلي) لا زالت مستمسكاتي تقرأ متزوجة ولكن بالطبع عندي أمر الطلاق، يعني أرجع أسأل: أكو مشكلة بسفر الطفلة؟ وما الأفضل في حالة سؤالهم في المطار أن أقول أنني متزوجة وذاهبة للحاق بزوجي أم مطلقة وانا لم أرفع قضية وصاية، بعد الطلاق أصبحت الطفلة عندي حسب القانون الذي اشرت إليه سابقا؟؟؟؟؟؟؟؟؟
المساعدة رجاااااااااااااااااااااااااااااااااااااااءءءءءءءءءءءءءءاااااااااااااا
-
السلام عليكم
ان شاء الله توصلين بالسلامة
الطفله عمرها لا يسمح ان تكون خارج وصاية الام.
اكيد انتي ضايفتها على جوازج او عندها جواز جي (لديها وثائق سفر نظامية)
ما اتوقع احد رح يسأل انتي وين رايحه او حتى يطلب منج محرم للمرافقة في السفر.
مع ذلك ممكن نستفسر من محامي على حالتج اذا شفتي هذا ضروري.
تقبلي مروري
عيني بغداد
-
اخت هبه انا متوافق مع الاخ عيني بغداد وما اظن احد راح يسال لان انتي مو اول وحده تطلع وفي حال اي سؤال وما اظن راح يسألوك قوليلهم ذاهبه الى زوجك
-
الله يسمع منكم والله حيل خايفة!!!!!! أكول ورة ما وصلت السالفة للزردوم أخاف تطلعلي شغلة الطفلة صفح!!!
الله يسهل على الجميع، فدوة إذا عدكم أي معلومات أخرى على الموضوع لا تبخلون بيها عليه
وشكرا جزيلا تعبتكم وياية :-[
بالمناسبة الطفلة عدها كل وثائق السفر النظامية وجوازها جي
-
فدوة أجوبتكم ، يا معودين محتاجة المساعدة
اريد ارتاح واطمن واعرف شلون اتصرف!! ???
ردكم على الموضوع !!!! ومشكوررييييييين
-
لا يجوز السفر بالطفله خارج البلد
يجب الحصول على موافقه من والد الطفله.والله ما ادري شلون الاخوه يوافقوج الرائ هنا.ادري يعني حرام اولا لان للوالد حقوق سواء انتي تكرهيه لو لا .يعني اذا انزيل اللاكسسوارات عن هذي العمليه راح يكون اسمه احتيال على القانون و سرقه واتحدى الي يكول غير هيج من اداريين و اعضاء.حتى امريكا ودول المهجر راح ادمروها بتحايلكم على القانون.مو حتى الله يكول وتعاونوا على البر و التقوى ولا تعاونوا على الاثم و العدوان.انته اخ عيني بغداد كبل جيتت تستفسر من محامي انته شفتهمت منو يكول الاب موخوش ادمي؟والاخ الفريدو هذا الي كدرك عليه رب العالمين؟ محد يحس بيج.خوش والله خوش.اني مو قصدي اي شئ بس اطلب من كل الي كتبوا اجابات التفكير لخمس دقائق بلكتبوه ما اعتقد هذا كثير
-
السلام عليكم
الاخ احمد77
الموضوع ما أله علاقة بالبر والتقوى واذا كان طليقها خوش او مو خوش او شنو طبيعة العلاقة بينهم وليش حصل اللي بينهم.
حسب عمر الطفلة من الطبيعي الحضانه تكون للام وهذا مو من عندي الكلام وتكدر تتأكد منه.
وين الاحتيال والسرقة؟
أنسانه حسب ما كالت مطلقة وتريد تسافر مع طفلتها وطالعتلها موافقة منو راح يسألها بالمطار شنو القصة.
أرجو ان ماتتسرع وتدخل في متاهات ما الها داعي لان كل انسان اعرف بوضعه.
تحياتي
عيني بغداد
-
عزيزي لايجوز السفر بلطفل من غير موافقه الزوجين . هذا قانون صريح لا لبس فيه حتى هنا في دول اوربا .والا كان الاخت سوتهه بشكل قانوني ومحتاجت للسؤال .
ارجو ان الفكره وصلت
-
السلام عليكم
اختي انطيني مجال يوم اني اتاكد الج لانوا اكو حاله مثل حالتج وحده عراقيه هم مطلقه وبس بنته عمره 13 سنه و همه هسه بامريكا ويانا بس اتاكد منه شنوا الاجراءات الي سوته
مدام هاي المره واصله يعني حلته بسيطه لانوا مل مكلتلج بس م ادري اكو فرق بين سنتين و ال13 سنه
-
اخواني الاعزاء
راح احكي موضوع متعلق بأختي فمثل متعرفون اني قدمت الها ولوالدتي لانه اني اس اي في وقدمت اوراقهم الى اي او ام بغداد شهر الثامن 2008
المشكلة انه اختي عدها 3 اطفال الكبير 8 سنوات فكان جواب الا اي او ام انه لازم اتجيب تنازل وصاية من الاب وايكون عدهم جميع المستمسكات الاصولية
لكن زوج اختي رفض اعطاءها التنازل وهسة راح تجي هي وامي فقط
اختي العزيزة اتاكدي اولا واخيرا من الا اي او ام افضل بكثير لانهم الجهة المسؤولة
والرب ايوفقج وان شاء الله تجين ويا بنتج وتعيشين حياة افضل
اختك اوماها
-
اخ احمد 77 حاول ان تفهم الموضوع قبل الرد رجاءا وبما انك دخلت بموضوع ما الك علم بتفاصيله فرجاءا اترك الرد على المواضيع الماتعرفها .... لان هذا المنتدى مبني على الصدق والمحبه ومساعدة الاخرين ومايحتاج تعطينا مواعظ بالدين وشكرا الك
اخوك : الفريدو
-
مثل ما اتفضلت اخ الفريدو الضاهر ماعندي تفاصيل عن الموضوع!
-
الأخت شمعة
آني ممنونة منج جدا جدا جدا والله ما اعرف شلون أشكرج طمنتيني الله يطمنج ويسهل أمورج شكرا جزيلا
على التفاصيل اللي ذكرتيها بصورة واضحة جدا
الأخ hussein5582
آني أشكرج على ردك على الموضوع والصراحة ولو الأخت شمعة جان جوابها بالتفصيل مشكورة ومن محل ثقة بس يضل "اسأل مجرب ولا تسأل حكيم" وآني متلوعة وأضل اسأل يمكن إلى يوم السفر!! فاستفسارك وجوابك راح يكون جدا ضروري بالنسبة إلي وشكرا مقدما
omaha
شكرا جزيلا على الرد وان شاء الله آخذ رأيج بالحسبان
أحب أعتذر من جميع أخوتي وأخواتي اللي قاموا بالرد على استفساري أخاف أكون أثرت مشكلة بينكم بالموقع وصار بيناتكم شوية عصبية
مشكوورررررررين على جهودكم والصراحة فشلتوني بطيبتكم وهمتكم بالاستفسار عن سؤالي :-[
-
بس الأخ شمعة مو "الاخت" آسفة
-
اختي العزيزة الموضوع ما يحتاج الى كل هذا التعقيد ...
المسالة طبيعية جدا ...بس انتي لا تخافين ...
الطفلة اذا عدهة جواز..او مسجلة من ضمن جوازج ....
لا احد راح يكلج شلون او لون ..تتطلعين كانما انتي وبنتج بس ومحد يسالج زوجج وين ..لسبب بسيط جدا لان كثير من النساء العراقيات وللاسف الشديد ترملن ايضا ...
وبالمطار مالهم علاقة يسالون مو شغلهم ...وهذا كلامي لانني انا كنت اعمل في مطار بغداد ولمدة اربع سنوات...
فا اطمئني اختي العزيزة ولا تخافين هم فقط يجيكون علفيز وبس
تحياتي الك
ابن بغداد
VA
-
شكال بهلول؟
الله يسهل عليج ويوفقج
تحياتي
عيني بغداد
-
شكرا جزيلا أخي ابن بغداد
هسة يالله أكدر اتنفس من صدك
الحمد لله والشكر
يعني هسه قلقي الوحيد راح يكون موعد السفر وهاي مكدور عليها انشاءالله ههههههههه
-
اختي العزيزة هبة
اني عايشة بالاردن ومطلقة وعمر ابني 3ونص تقريبا ولاني انا جنت متزوجة من شاب لايحمل الجنسية العراقية طلبه مستمسكات الطلاق وورقة (حجة اعالة )علمود يكون ابني ضمن وصايتي يعني علمود السفر مع العلم انه ابني ضمن وصايتي حسب قانون العراقي وقانون بلد طليقي هاي سالفتي ما ادري انتي زوجج عراقي ما ادري شلون بعد بس ضروري اوراق الطلاق
والله يكون معك ومع طفلك