ankawa
منتدى الهجرة واللجوء => الهجرة و واللاجئين => الموضوع حرر بواسطة: maitham70 في 11:24 15/06/2009
-
تحياتي اخواني اعضاء منتديات عينكاوا
سبحان الله بعد ان قطعت الظن والامل من IOM بغداد نهائيا وبعد تقديمي على البرنامج الثاني SIV وأموري جاي تمشي والحمد لله جائني رد بغداد وهسه اني حاير ارد على مكالمتهم حين يتصلون بي لو لا على العموم المحامية الامريكية قالت لي من حقك تقدم على البرنامجين سويا واي برنامج يطلعلك امشي بيه
بس الصراحه اني اريد برنامج SIV واخاف انتظره ومايطلع شي وهنوب لا ابو علي ولا مسحاته
على العمو جبيت انطيكم اخباري وهذا الرسالة الي تكرمت IOM بغداد بيه علية
We have checked your case, and it’s in progress.
Please be informed that your employment documents are being verified.
Please expect to be contacted in the future once you are scheduled for an interview.
We appreciate your patience.
-
حبيبي ميثم
اني حصلت على الكيس نمبر في بدايه شهر العاشر 2008
نفس الايميل الي حضرتك ذاكره استلمته قبل اكثر من شهر و نصف وكنت مثلك متفائل و اكول بكره يتصلون ولليوم ماكو شي "" يعني المساله بس غيرو البطل مال المغذي لا اكثر و لا اقل ""
بالتوفيق للجميع
-
شنو خسران اشتغل ع جهتين وياهو يطلع كول يالله
قطة
-
اخي maitham70
فعلا فان الامل من عند الله وهو يفتح الابواب
ان شاء الله موفق
الله يكمل معاك
اخوك يوجد امل
-
اخوية العزيز
انت بعدك كلشي مواصل لان بعد وراك رقم BGH وبعدين IZ وبعدين مقابلة اولى وثانية وفحص طبي وموافقة محلف واخيرا البلوة الكبرى الموافقة الامنية الي متعرف شوكت تخلص وقد تعبر السنة يعني كسر بجمع احسب من هسة من سنة الى سنتين
اني كنت نوعا ما محظوظ قدمت بشهر السادس2008 ووصلت للسفر ولغيتهه علمود الاس اي في والحمد لله حصلت الفيزة ذاك الخميس
يعني خصم الحجي اذا الله سهله عليك من اول خطوة الى الحصول على الفيزة متطول غير اربعة اشهر وما اريد احجيلك على مميزات الاس اي في لأن اكيد تعرفهه وتحياتي للاخ SHOW
-
والله اني من رأي الاخ سبع صنايع خليك عالاس اي في احسن واسرع وانشالله اللي بيه الخير الله يقدمه الك .
اخوية سبع صنايع الف مبروك عالفيزة وانشالله تسافر عن قريب
-
أخوان شكرا جزيلا على ردودكم الجميلة
والله على قول اخوي سبع صنايع سالفة IOM عاويه اني راح ابقى انتظر SIV ومن الله التوفيق
ومثل ماكالي فد يوم اخويه شبح بغداد خلي يولون IOM
اسال الله ان يقظي حوائجكم وان يسهل عليكم انشاء الله وكل اعضاء منتديات عنكاوا نشوفهم بامريكا
ونغلق المنتدى لان راح نستخدم التلفون والجات بمكانه شتكولون هاي بامريكا من نطلع كلنه لهناك
-
حبيبي ميثم الكفائي // خلي عينك بعين الله وهو التسهيل منة.. وداعتك الكل يطلع بس يرادله
صبر وأني أعرفك صبووووور أنت خليها ورا الله .... وتقبل تحيات اخوك
-
حبي فصولي تسلم ياورد هسه غير اني منتظر حتى اروح وياك للمطار انشاء الله اودعك فظهة وسافر مو شلعت قلبي تحياتي لك ابو اشرف الورد
-
اخوية الجبير ميثم حييييييييييل مبروك وعالخير وهذا ايميل ال اي او ام من بغداد هاي شغلته جبيرة عد الله لان كلش يفيد بالاخرة مو بالدنية
واللي يدور دنيا يتعب
اني بعدني بس اربع اشهر من مقدم وانشاء الله عالالفية الجديدة هم يدزولي مثله
It's just a matter of time
يعني وره ما يخلص الجزء الاخير من حرب النجوم بالواقع والناس تكوم تسافر لغير مجرات
واذا اجاني هذا الايميل راح اورثة لاحفاد احفادي (ان وجد)
لان اعرف هواي ناس راسلوهم ال اي او ام ورى ما وصلوا لامريكا عال اس اي في
لو اصلا هاي محامية ال TLP راسلتهم ورى ما وصلوا لامريكا عال اس اي في وحصلوا كرين كارد دتسالهم شتكولون لو نقدملكم عال اي او ام
ههههههههههه
وفسر الماء بعد جهد....بالماء
-
حبي واخوية العزيز vincenzo
شكرا جزيلا على هذه الرسالة الحلوا اني ادري مقابلتي راح تكون اذا الله سهل على قولك بعد حرب النجوم
شنسوي ويه الاي او ام يكلك اتبع الكذاب لباب الدار ونشوف
عمري الله يسهل عليك وعلى كل صاحب حاجه انشاء الله العلي القدير
تحياتي لك اخويه الغالي