ankawa
منتدى الهجرة واللجوء => الهجرة و واللاجئين => الموضوع حرر بواسطة: maheer في 17:59 15/06/2009
-
الى الان محد جاب سيره انه مراجع على جامعه ..مقدم طلب للدراسه ...الاغلبيه مهتمين بالمساعدات وشلون يحصل فلوس من المنظمه اللي تابع الهه ...وشلون بعد 3 اشهر وره ما ينتهي كلشي قابل نظل ندور شغلات طايفه ...اللي عنده عائله شلون ...قابل يعيشهم يوم بيومه...والكل يعرف انه امريكا بلد يريد شهاده بلد يريد الواحد جاهز مو عمره اكثر من 35 سنه او اكثر ويروح بكالوريوس ما عنده شنو راح يشتغل شنو راح يسوي .........اي معلومات عدكم عن الدراسه بولايه فرجينيا يساعدني ارجوكم ..لان الكل طلبات العمل اللي دورت عليهه بفرجينيا تطلب شهاده وتنظيم نقابي ........ارجوكم جاوبوني وشكرا
-
اخوية العزيز احنه حاولنا نبحث عن فرصة الدخول لاحد الجامعات هنا في Massachusettes . مثلا زوجي قدم عن طريق النت على جامعة UMass وبنفس اليوم اتصلوا بيه وطلبوا منه معلومات بس من عرفوا بانه ما عنده كرين كارد كالتلها الموظفة اتصل بيه بعد حصولك على الكرين كارد . وبالنسبة community colloge راحوا مجموعة من العراقيين هنا اصدقائنا وبمساعدة احد الاصدقاء الامريكان وسألوا على التقديم وعلى القرض الفدرالي وجابوا بانه لازم يمر على وجودكم بالمدينة ست اشهر على الاقل يالله تكدرون اتقدمون على الكلية والقرض قدموا عليه يجوز ينقبل ويجوز لا بس اكو كورسات قصيرة بالكلية مثل كورس شهرين للغة 200 دولار . بس الكل نصحونا بانه اولا الواحد لازم يبحث عن عمل ولو هسه صعب وبعدين يتجه للدراسة والافضل بعد حصولك على الكرين كارد اما اذا الواحد يريد يدرس على حسابه فممكن لكن اجور الدراسة كلش عالية هنا. والله يسهلها عليك وعلينا وعلى كل العراقيين بكل مكان.
ام سارة من لويل
-
عمي الله يساعدهم
عمي ان شاء الله حبيابنا اللي وصلو يجاوبوك وما يقصرون
بس سؤالي عمي اشو موضوعك الاول مال ( اهاجر لو ما اهاجر ) مادريت على اللي جابوك ؟
ابو الحسن
-
حبيبي المساعدات لابد منها بالبداية حتى توكف على رجليك وتندل دربك ومن ثم الانطلاق لاكمال وتعديل الشهادة وحتى تكدر تشتغل بمكان يليق بيك ارجوك لاتعمم كلام بالمنتدى وانت ممكن من الارشيف ومن مشاركات اخوان كثيرين اغنوا المنتدى بمواضيعهم حول استفساراتك واتمنى ان تنال مرادك و يجاوبوك قسم من الاخوة بتفاصيل اكثر ومنهم الاخ زاك zackوان شاء الله ماقصرت وياك
http://colleges.usnews.rankingsandreviews.com/college/national-search/state+VA
-
رحمة لوالديك عمي ابو الحسن على السؤال هسة جان ببالي
يعني هسة هو قرر يسافر لو بعدها يفكر ؟؟
الله يهديك ابوية
-
الف شكر على ردودكم وبارك الله بيكم شعدكم جديد كتببولياه رجاءا وشكرا
-
الاخ ماهر
هذا رابط موضوع الاخ زاك وبه المعلومات انشاء الله تفيدك
http://www.ankawa.com/forum/index.php/topic,266984.0.html
وهذا الرابط الاخ طارق المكافح
http://www.ankawa.com/forum/index.php/topic,302365.0.html
تحياتي
-
والله اخواني اني استفسرت على الماستر
ينراد نمتحن الجي ار اي يالله تكدر تقدم على الماستر والي عنده كرين كارد معفي من التوفل
-
اشكركم كلكم على الردود وقريت كل مواضيع الارشيف على الدراسات بس ارجوكم مسامعين شي عن معادله الشهاده العليا يعني مو دراسه من جده وجديد تحتاج الا تدرس بعد حصولك على الكرين كارت لو مو الا ...؟؟؟؟؟؟؟؟؟؟؟؟؟؟؟؟ والف شكر
-
شكرا على هذا لموضوع الرائع وخاصة الروابط لان رابط الاخ المكافح ما جنت قاريتة
بس صدك اللي عندة كرين كارت ما يمتكن توفل
هاي ما سامعة بيها
سارة
-
صديقي هذا رابط لموضوع لاختنا الطموحة طموحة حول الدكتوراه تحديدا
http://www.ankawa.com/forum/index.php/topic,281251.msg3723175.html#msg3723175
وهاية معلومة جديدة سمعتهه من دكتورة بجامعة بغداد ومن رئيس التعليم المستمر بجامعة بغداد وثنينهم دكاترة بالهندسة وثنينهم راحوا لامريكا بالفترة الاخيرة بعثات لعدة اشهر الاولى راحت لجامعة لويزيانا والثاني راح لمعهد ماساشوستس للتكنلوجيا MIT
والمعلومة تكول انه الدكتوراه بامريكا همه ينطوك راتب مو انته تدفع بس لازم تلكالك بروفيسور مهتم بشغلك وابحاثك اللي ناشرهه (اذا ما عندك فحاول تنشر لان اهم شي) وهذا البروفيسور اللي صعب تقنعه بمستواك وعلميتك بس مو مستحيل راح يكرب عليك شغل هو مستلمة بفلوس وينطيك راتب كلش بسيط بس بهالاثناء انته تفوت كورسات وبعدين هو يسهلك انه تحصل دعم مادي لانجاز الاطروحة على حساب احدى الشركات او الهيئات الحكومية اللي ممكن ان تكون مهتمة بشغلك
بس اهم شي هسه حاول ان تنشر PAPERS بنشرات عالمية وتحصل تزكيات من اساتذة معروفين وتاخذ شهايدك بعد تصديقها من الخارجية بالعلاوي
-
هاي وينك يمعود مهيير شنو بطلت من المنتدى؟؟؟