ankawa
منتدى الهجرة واللجوء => الهجرة و واللاجئين => الموضوع حرر بواسطة: roziraq في 20:02 15/06/2009
-
شلونكم جميعا
اخوان من اريد اقدم لجوء في بلد اوربي و اني فيزتي شنغن رسمية انطني الجواز لو لا اصلا ما اذكر شي عن الفيزا الشنغن واني ما انطيت بصمة بالفيزا ارجوا افادتي بهل المعلومه
-
اختي العزيزة روزا ....
انشالله من توصلين بخير وسلامة ...ما انصحج تذكرين اي شي عن الفيزا شنكن ومنين جبتيهة ..وحتى اسمج لازم تغيريه عل الاقل بالسبيل ...حتى لا يقارنون اسمج وية الاسم المكتوب بالفيزا شنكن ...لان اذا كدروا يعرفون انتي منين جاية وعلى ياخطوط احتمال يسولج مشكلة
وراح يسالوج حتى على لون الكراسي مال طيارة ..كليلهم ما اعرف كلشي ما اعرف ...
نزلت عليكم من القمر !!!!!!
وانصحج تروحين للنروج ...واي سؤال اني حاضر برسم الخدمة وتدللين ...
تحياتي الك
ابن بغداد
VA
-
ابن بغداد حبيبنا شلونك ان شاء الله بخير
ليش نروج ممكن توضحنا شوية بدون زحمة
-
ابو محمد الغالي ..السبب بسيط جدا اغلب الناس اللي اعرفهم هسة بالنروج كلش مرتاحين ..وكلهم يمدحون بيهة
من ناحية الشغل متوفر وبكثرة
ومن ناحية الراتب الشهري اقل شي 1000 دولار لكل شخص
بالاضافة الى الاقامة بشكل سريع جدا من شهرين الى اربع في وقت كثير من الدول الاوربية ترفض اعطاء الاقامة اصلا للعراقي
تحياتي للجميع
ابن بغداد
-
الله يسهلك امرك و المهم حبي وين متحصل على اقامة حصل سواءا في بلد اوربي او في امريكا كلها ذهب الذهب
-
شكرا على ردودكم وعلى تعاونكم معي
اخي لو غيرت اسمعي طيب كيف بعدين ممكن اقدمي شهادتي الجامعيه لان تعرف هنا كتابته الاسماء تكتب بشكل واحد في العراق لو غيرتها بعد ما اقدر اقدم شهادتي
-
الاخت العزيزة روز
ولو اني ما مقتنع بفكرة اللجوء في اوروبا لان بهذلة وتعب وخصوصا ان مسالة اللجوء حاليا في اوروبا غير مضمونة بسبب تحجج الحكومات هناك بتحسن الوضع الامني ولا يوجد اي ضمان ان تاخذي الاقامة في شهر او سنة وهناك الاف الامثلة الحية وانا كنت واحد منهم والحمدلله ;D ..في حال قررتي قرار نهائي بهالموضوع فنصيحتي مع احترامي لاراء بقية الاعضاء وهم طبعا يودون المساعدة لا غير ولكن اتكلم من باب المجرب فلا انصحك بتغيير اسمك لانك سوف تواجهين صعوبة كبيرة في اصدار وثائق تعتمد على تقديمك لشهادة الجنسية العراقية والاحوال المدنية وغيرها من الوثائق التي بالامكان ان يتم طلبها في حال التقديم على شهادة السياقة او الزواج او اثبات جنسيتك العراقية..نصيحتي ان تقدمي نفسك الى مراكز اللجوء بعد فترة اسبوع اقل بيومين او اكثر ولا تذكري حيازتك لفيزا الشنغن لان ذلك يعرضك للمسائلة المستمرة وتعدد المقابلات وانا حاضر لاي استفسار اخر وتقبلي امنياتي بالموفقية
اخوج بغدادي
-
اختي العزيزة اني قصدت مو تغيرين اسمك بالكامل ..قصدت تغيرين السبيل فقط...
لان لي صديق في مطار ايطاليا ..وهم دخل شنكن .وختل بالباث روم..ومن راحت الطيارة ..كللهم اني رايد اطلب اللجؤ ..
ومن عرفوا اسمة راسا طلعو الخطوط اللي اجة عليه
ورجعوا بنفس الخطوط التركيا
وتحياتي للجميع
ابن بغداد
va
-
شكرا على ردودكم
في الحقيقه انا ايضا اتخوف من تغير الاسم لكن اتصور مثل ما ذكرت اخي انو اغير كم حرف اسهل تكون لان كما نعرف في العراق لايجود كتابة ثابتة للاسم الانكليزي ولهل السبب اعتقد اسهل .
اني ما اتصور انو قضيتي تنرفض لان قضيني قويه لكن عندي دخولي هل انتظر لغاية سقوط الفيزا ام انتظر اسبوع فقط واقدم اللجوء واني بصراحه ما اريد اقدم بالمطار اخرج من المطار وبعدين اقدم
-
الاخت روز
فترة اسبوع جيدة وماكو علاقة وية مسالة سقوط الفيزا بس خلال فترة الاسبوع اتشوفين الوضع والشباب هناك ايفهموج شلون اتقدمين وشنو تفاصيل المقابلة ونوع الكلام اللي ينذكر, ما اريد ادخل بخصوصياتج بس اي دولة انتي ناوية اتقدمين بيهة من اجل مساعدتج بالتفاصيل.
تحياتي
بغدادي
-
نعم بالفعل اتا أيد كلام الشباب انه تغيير الأسم سوف يصعب الأمور بالنسبة لكي مع تحيات طيف السعد و ليس الأسد كما يقول بعض الناس ههههههههههههههه
-
شكرا على ردودكم شكرا جزيلا على ردودكم اني صراحه حروح فرنسا اتمنى تفيديني بمعلومه لو تكدر عن فرنسا
-
اختي العزيزة
انا لا اود ان اهبط من معنوياتك ولا ان اكون سلبي والغاية فقط هي ان افيدك وغيرك من العراقيين اللذين ليس لديهم فكرة واضحة عن قوانين اللجوء في اوروبا ومعتمدين فقط على سماع بعض القصص الغير مفصلة..بالنسبة الى فرنسا فتعتبر من اسؤ الدول الاوروبية من ناحية اللجوء وللعلم لن اقول كل ولكن معظم العراقيين والعرب يعتبرونها محطة مرور فقط الى دول اوروبية اخرى كونها لا تخدم اللاجيء باي ميزة لا اجتماعية ولا صحية ولا حتى من ناحية المسكن بالاضافة الى هذا التاخير في الوقت هو من اهم مزايا اللجوء في فرنسا والعملية محسوبة بدقة من اجل ان يتخلصوا من اكبر عدد من طالبي اللجوء..وضع فرنسا الاقتصادي سيء ومديونيتها هي الاعلى من بين دول الاتحاد الاوروبي وهي تتقبل اللجئين من نوعيات خاصة فقط والذين لديهم وضع سياسي او ثقافي معين وضمن اوراق ووثائق دامغة وقوية..في حال قمتي بتقديم طلب لجوئك في فرنسا فعليك الانتظار في سكن اشبه بالقسم الداخلي للطلبة "مخيم اللاجئين" مهما طالت الفترة حتى استلامك لنتيجة الرد..رايي ان تعتبريها دولة عبور وليست اقامة وتقبلي تحياتي وانا بالخدمة
بغدادي
-
اختي انصحج بالنرويج
وتقبلي مروري
-
شكرا على ردودكم وتعاونكم وجزيل الشكر الكم ما قصرتوا في ردودكم